大清亡國關慈禧蛋牛治 3

2月3號，上海銀錢米業開市，同時成立糧食平價維持會，防止米價飆升，確保上海市糧食供應；同日，茅盾（1896-1981）、魯迅（1881-1936）等43人聯名發表《上海文化界告世界書》，呼籲國際社會扺制日本侵華！2月4號，國民政府外交部照會英國、美國、法國、德國、意大利五國，表示願意接受五國對中日淞滬戰爭嘅調停。五大西方列強，分別照會中日兩國，提議雙方立刻停止軍事行動，響滬軍軍隊退離彼此接觸地點，設立軍事中立區，分隔雙方作戰人員，中日爭議，無法達到共識。同日，日本政府答覆五個國家，正式拒絕調停，表示不接受其他國家干預作戰。

2月5號，國民政府發出命令，全國公務員停薪，只係發放生活費！由此可見，當時南京政府嘅財務狀況，其實接近崩潰邊緣。2月6號，國民政府軍事委員會喺河南成立，李濟深（1885-1959）為主任，又再另起爐灶；同日，故宮博物院協助會成立，熊希齡（1870-1937），司徒雷登（1876-1962）任會長，本身係傳教士嘅司徒雷登，後來仲成為國底退去臺灣前最後一任美國大使，身份相當有分量。2月12號，國民政府任宋子文（1894-1971）為中央銀行總裁，繼續努力籌款！2月13號，由日本人經營嘅撫順煤礦因為設備差劣，礦穴內硫磺燃燒起火，日本技師竟然封閉洞口，導致洞內華工慘被燒死窒息達3000人！真係寫出嚟都手震！

2月14號，上海各界捐獻比傷兵嘅食物衣物供過於求，實屬罕見。同日，旅美華僑7個團體捐款慰勞19路軍抗日，共籌得500萬元。同日，國民政府軍政部命令張治中（1890-1969）即日帶領部份中央軍第五軍，以19路軍名義，開往上海支援戰事，2月16號，部隊抵達南翔，擔任由吳淞口西端，經曹家橋、胡家宅、南至江灣一帶嘅防務，22號，同30000日軍喺廟行鎮展開激烈爭奪戰，張治中親自督師，擊退日軍，並且喺瀏河一大狙擊登陸嘅日軍，打咗10日10夜，成個2月，不斷同日本人火拚，為國軍撤退贏取時間，響3月頭「淞滬戰爭」結束時候，第五軍傷亡將士達到5000幾人，真正可歌可泣。

#常威💀 #蔣介石平反系列 #黃金十年 #民國歷史

【渠頭者聯盟第十部：光頭佬時間大暴走】最新上市

電子書下載⬇⬇
https://play.google.com/store/books/details?id=wR5GEAAAQBAJ

Amazon下載⬇⬇
https://www.amazon.com/dp/B09HRK2NG7

【常公子歷史頻道430回：替大軍閥平反系列之 點解國民黨咁多鬼】

♊ 今集嘅題目係點解國民黨咁多鬼？事實上，睇過中國近代史都明白，1927年北伐成功之後，以蔣介石為核心嘅國民黨，即係南京政權，的確有好多鬼存在，甚至係蔣介石身邊最親近嘅人，政府重要官員，或社會賢達，亦有好多都係身在曹營心在漢，本身係中共嘅地下黨員，作為內奸，通風報訊，之後國共內戰，最後由中共取得勝利，呢個因素完全唔可以被忽視。

♑ 當然呢個係意識形態嘅問題，由辛亥革命開始，大家對「革命」嘅定義，早就南轅北轍，用馬克思主義嘅説法，究竟依一場發生喺中國嘅革命，係一場資產階級革命？抑或係一場無產階級革命？推翻滿清封建政權之後，革命嘅最後目的，係建立一個好似西方嘅自由民主議會制資本主義社會？抑或係建立一個無階級嘅共產主義大同世界？手段可能係一樣，但係終極目標絕對不相同。作為有普羅認受性嘅革命icon國父孫文，佢究竟係咪一個社會主義者呢？就我個人觀點認為，孫文絕對係一個百分百嘅社會主義者，甚至可以話係一個共產主義信徒，因此嚟到今時今日，孫文亦被海峽兩岸兩個唔同意識形態嘅政權所認受。

♉ 所以由一開始，國民黨內就有左右之分，國共合作嘅前設亦在於此，國民黨內左右鬥爭，亦去到水火不相容嘅境界，原本國民黨嘅左派傾向共產黨、同情共產黨或加入共產黨，亦都係理所當然嘅事。當然除咗左右意識形態之分，仲有派系之分，兩個作為孫文政治遺產承繼者嘅人，即係汪精衛同蔣介石，早就將孫文死後嘅國民黨一分為二，嚴酷嘅鬥爭甚至延綿到二次世界大戰結束之後。

✅https://youtu.be/eUyqxgAq1bI

💚【我奮鬥不奮鬥】 常公子 楊熙合著

電子書下載⬇ https://play.google.com/store/books/details?id=CVo3EAAAQBAJ

Kindle版下⬇

https://www.amazon.com/dp/B098XHWTDK

實體書訂購⬇

https://www.382now.com/product?id=325

💙最新上線，請課金支持
【常威近代史】第十一部《人生有幾多個黃金十年》
▶https://play.google.com/store/books/details?id=NIRKEAAAQBAJ

Kindle版
▶https://www.amazon.com/dp/B09KH5NWB9

【常威近代史】第十部《蔣Sir狼死開拖》
https://play.google.com/store/books/details?id=SgE8EAAAQBAJ

Kindle版
https://www.amazon.com/dp/B09C2FJD3S

【常威近代史】第九部《孫文之死》
https://play.google.com/store/books/details?id=evMsEAAAQBAJ

【常威近代史】第八部《最九衰的大軍閥時代》Round 3
https://play.google.com/store/books/details?id=fY8mEAAAQBAJ

【常威近代史】第七部《最九衰的大軍閥時代》Round 2
https://play.google.com/store/books/details?id=lPgaEAAAQBAJ

【常威近代史】第六部《最九衰的大軍閥時代》Round 1
https://play.google.com/store/books/details?id=bCMNEAAAQBAJ

【常威近代史】第五部《霹靂大忠臣對決無敵大買辦》Round two
http://shortur|l.at/dW145

【常威近代史】第四部《霹靂大忠臣對決無敵大買辦》Round One
https://play.google.com/store/books/details?id=Np3PDwAAQBA

【常威近代史】第三部《東方維多利亞女王之死》
https://play.google.com/store/books/details?id=GaGrDwAAQBAJ

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

🔴【常威近代史】第一部《大清亡國關慈禧蛋牛治》免費下載
https://play.google.com/store/books/details?id=C3hjDwAAQBAJ

［常威近代史］第六百一拾四回 淞滬戰爭繼續打（高清錄音版）

#唔鍾意睇字可以聽


https://www.facebook.com/129055447762576/posts/844101192924661/

【常威近代史】（六百一拾五回）
偽滿洲國成立在即

1932年2月16號，國民政府行政院及軍事委員會通電全國，號召民眾預備長期抵抗日本侵略，中日戰爭其實已經發生-ing。同一日，張景惠（1871-1959）、熙洽（1883-1950）、臧式毅（1884-1956）、馬佔山（1885-1950）等東北軍頭喺奉天舉行建國會議，建國？之唔係滿洲國囉。佢哋根據日本關東軍事先制定好嘅方案，宣佈成立「 東北最高行政委員會」，由張景惠任委員長，臧式毅、馬佔山、熙洽、凌陞（1886-1936）、齊王、湯玉麒為委員，關東軍亦都派代表出席。其實上述人士，全部都係之前奉系嘅人馬，張學良易幟，唔代表奉系一齊過屎格，良禽擇木而棲，換個老闆，繼續做生意啫，其實問題唔大。邊個話事，對一啲地區性分裂勢力的軍頭嚟講，其實全無關係，只要喺我哋盤之內我仍然有話事權同收稅權就可以。2月18號，「 東北最高行政委員會」發表《 滿蒙新國家獨立宣言》，宣佈東北各省與國民政府脫離關係，為籌備滿洲國建國做好前設，不過馬佔山、齊王及凌陞三人並冇喺《宣言》上簽字，又不過，唔緊要，廢紙空文一張啫，到咗呢個時候，根本冇人可以阻止「滿洲國」嘅建立，連美國同蘇聯都冇咁嘅本事。

2月17號，達賴喇嘛派藏兵1000多人進攻青海，佔領玉樹，真係叫趁火打劫，霸咗地盤先，再睇吓情況點發展？分分鐘有jetso，冇就走囉，撤退囉，冇咩大不了。同日，河南上蔡土匪4000餘人，被第一師殲滅，除咗抗日之外，剿匪仍然繼續進行，真正天地大亂。2月18號，上海復旦大學義勇軍同日軍苦戰8日，犧牲100幾人，教育局致電嘉勉，大學生攞起枝槍抗日，壯烈犧牲，可以講可歌可泣，不過，點解要由全無軍事經驗嘅大學生上戰場呢？同一日，日本策劃所謂東三省「獨立運動」，首先製造輿論，並且宣稱將會成立「滿洲國」。

2月20號，國民政府特派閻錫山為太原綏靖公署主任，之前中原大戰之後，蔣Sir架空閻錫山，現在又要安撫佢，就係怕佢投靠日本人。2月25號，淞滬戰爭影響債市（點會唔影響呢？），國民政府特別公佈維持公債令，規定減輕利息支出，攤長還本期。我自己唔清楚，究竟當時買咗政府債券嘅人，最後可唔可以順利攞返本金？不過睇情況，應該有唔少投資者損手爛腳。當時唔同今日，揸現金非常唔穩陣，投資選擇又少，你估今日香港咩？存款入銀行雖然冇利息但有50萬保證信託，唔鍾意買債券又可以買股票買外幣買其他金屬衍生產品，或者去炒外匯炒期指炒bitcoin炒波鞋炒Anson Lo相，各式其式，100年前嘅世界，要將財富保值，其實並唔係咁多方法，放響銀行自然唔放心，所以好多人都會買實體黃金白銀埋響屋企，或響屋企後面掘個窿埋咗佢，不過唔同嘅軍人嚟到，又有可能同你一鋪清袋，殺人取貨，毀屍滅跡。

【常公子歷史頻道431回：替大軍閥平反系列之 紙房子現象】

♊ 《紙房子》（La casa de papel，英語：Money Heist）係一部西班牙搶劫犯罪影集。影集公映響Netflix以後，在全球掀起一片「紙房子現象」，鮮紅色勞動連身服加面具，打劫鑄幣廠，控訴資本主義狂印銀紙，令到民不聊生，集體反抗！好有可能近十年，歐洲經濟不景氣，影集引起好多人共鳴，結果大賣，成為文化符號，亦都向全世界推廣歐洲西班牙文化，真犀利！

♊不過，《紙房子》現象，眨下眼，都係兩三年前嘅事！最近大紅大紫嘅，反而係韓劇《魷魚遊戲》，不約而同，兩套劇集都係描述社會上面低下階層反抗體制嘅故事，當然就我個人嚟講，《魷魚遊戲》層次低幾班，好難同《紙房子》相提並論，不過大家話好睇就好睇，而且兩套劇集大受歡迎，都可以反映出，無論東方同西方世界，可能大致上都係面對緊一個問題—— 就係全球經濟衰退帶來嘅貧窮問題。

♊ 20世紀20年代，中國係一個非常貧窮嘅國家，地大物博但冇錢，響當時嘅世界，中國係埃塞俄比亞級數，我再講一次，所謂中國近代史，其實只係幾個重要城市裏面城市人嘅近代史，至於95%以上嘅貧苦大眾農村人口，其實毫無故事可言，食都冇得食，邊有時間製造故事？100年後嘅今日，無論你認同與否，中國真真正正同十幾億人解決咗基本溫飽嘅問題，雖然國內仲有好多窮人（世界上哪有國家沒有窮人？），但係已經唔係埃塞俄比亞級數。

✅https://youtu.be/v4J0vBMoC14

［常威近代史］第六百一拾五回 偽滿州國成立在即（高清錄音版）

#唔鍾意睇字可以聽

https://www.facebook.com/129055447762576/posts/845579939443453/

【常威近代史】（六百一拾六回）
偽滿洲國開張大吉

1932年3月1號，嗰啲比日本人收買咗嘅前奉系東北軍頭，首先彈出聲，張景惠（1871-1959）以東北行政委員會名義公佈偽滿洲國嘅《建國宣言》，偽滿洲國好快就會建國，講吓張先生收場，1945年日本投降後，張景惠留在長春，準備成立「治安維持會」，但隨即被佔領長春嘅蘇聯紅軍逮捕並押往蘇聯伯力戰俘營關押。1950年，被蘇聯移交中華人民共和國，關押響撫順戰犯管理所。直至1959年1月11日，張景惠因患動脈硬化、心肺病、心力衰竭而病逝，享年88，認真長壽。

3月2號，國民政府真係冇錢，財政部長宋子文同各國商定，全部賠款停還一年，由今日正式開始！真係幾大件事！錢真係好重要，無論對一個人嚟講，抑或對一個國家嚟講，有錢最重要！冇錢就頭痕！同日，中國著作者協會致書全世界著作者，公告日本侵華，嚴重破壞中國文化事業！3月5號，宋慶齡（1893-1981）、廖仲愷遺妻何香凝（1878-1972）喺交通大學之內設立國民傷兵醫院，救助淞滬戰爭中嘅傷兵。

3月頭，經過一個月嘅淞滬戰爭，19路軍終於唔能夠抵擋日軍嘅猛烈進攻，日軍援兵到達，人數超過40000，兼且有海軍空軍優勢，19路軍亦無後援支持（冇錢冇人到），只有被逼撤退，真如、南翔被佔領後，3月6號，19路軍總指揮蔣光鼐（1888-1967）電令前線各將士遵從國聯決議停戰，淞滬戰爭至直結束。

3月7號，湖北省因財政困難，省內所有學校停課，同日，中國西部發生地震，似乎蒼天提示，即將有大事發生。件大事係乜？就係3月9號，偽滿洲國正式成立，日本係東北建立傀儡政權偽滿洲國，末代皇帝溥儀擔任「政府執政」，曾經擔任過溥儀帝師嘅鄭孝胥（1860-1938）為「國務總理」，溥儀喺長春就職，參加建國典禮嘅有關東軍司令本莊繁（1876-1945）等日方將令200幾人。918事變之後，日本關東軍計劃建立一個領土包括東北四省及蒙古嘅傀儡政權，去年11月，關東軍特務機關長土肥原賢二（1883-1948）將前清廢帝溥儀從天津接到旅順。今年2月16號，係關東軍嘅指使下，遼寧、吉林、黑龍江三省嘅首腦張景惠、熙洽（1883-1950）、臧式毅（1884-1956）、長江九號馬占山（1885-1950）等人喺瀋陽舉行建國會議，組成「東北行政委員會」，2月18號，「東北行政委員會」發表宣言，宣佈東北獨立，並決定成立「滿洲國」，2月19號，「全滿建國促進運動大會」決議，由溥儀出任元首，國旗採用紅藍白黑滿地黃五色，首都定為長春，改名為「新京」，同時，溥儀嘅同日本政府簽訂密約《日滿議定書》。兩年之後，1934年3月1號，「滿洲國」改稱為「滿洲帝國」，「執政」改稱為「皇帝」，年號亦由「大同」改稱為「康德」。

政治現實被製造出來，大家都要共同面對。3月10號，軍政部通令，禁查人民組織抗日義勇軍，風向又再變了。3月14號，國民政府委派蔣光鼐為休戰會議軍事代表，亦在同一日，國聯嘅調查團到達上海，調查團係由1月21號根據國聯理事會決議而成立，預備前赴中國東北，調查任何影響國聯關係、威脅或擾亂中日兩國間和平嘅所有情況，真係表面功夫，亦有理由相信，關東軍係要響調查團進入東北之前，率先成立偽滿洲國，我之前所講，製造政治現實先，好多嘢出現咗就冇得改，未出現就可以慢慢斟酌，所以做人做事都要係咁，奮勇嚮前，做咗先算，有前無後，打死把就。調查團有五位成員（吓？咁少？），嚟自英國、美國、法國、意大利同德國，亦都係當時世界上最強嘅五個國家，英國前代理印度總督李頓伯爵（Victor Alexander George Robert Bulwer-Lytton, 2nd Earl of Lytton，1876-1947）任團長。Lytton好卵巴閉，李頓妻子Pamela Chichele-Plowden曾經是年輕邱吉爾熱烈追求過嘅對象，鍊贏Churchill，你就知道唔簡單。

今次東北調查團嘅工作，亦唔係玩玩吓冇結果嘅，之後調查團所提出嘅「李頓報告」，主張日本為侵略者，但同時承認日本在滿洲嘅特殊權利（真係模棱兩可，面面俱圓，英國紳士本色），建議響滿洲成立在中華民國名義主權下嘅自治政府（係搞一國兩制），以達成中日和平狀態，國聯亦因為「李頓報告」而正式不承認滿洲國合法地位，於是，日本響1933年退出國際聯盟，之後同另外一啲國家組成另外一個「國際聯盟」，另起爐灶，新嘅聯盟叫做「軸心國」。

3月20號，國民政府統計處發佈消息，淞滬戰爭總損失達到15.64
億元以上，80萬平民直接或間接受到傷害，其中平民死亡人數為6080人，傷2000人，失蹤10000人（應該好多被炸成灰飛煙滅）。戰爭期間，日本多次出動飛機轟炸閘北、真如等平民區，而且組織「自衛團」，濫捕中國百姓，因此被私下處決者，亦有1000人以上。但係，日本嘅侵略只係啱啱開始，之後陸續有嚟……慘不忍睹。


#常威💀 #蔣介石平反系列 #黃金十年 #民國歷史

❤【常威近代史】第一部《大清亡國關慈禧蛋牛治》，全面開放，免費下載， #freedownload！

Free下載連結🔽

https://play.google.com/store/books/details?id=C3hjDwAAQBAJ

［常威近代史］第六百一拾六回 偽滿州國開張大吉（高清錄音版）

#唔鍾意睇字可以聽

https://www.facebook.com/129055447762576/posts/846736859327761/

【常公子歷史頻道432回：替大軍閥平反系列之 大矛盾中有小矛盾 小矛盾中有更小矛盾】

♊ 《矛盾論》係毛澤東最重要哲學作品之一，與《實踐論》合稱「兩論」。《矛盾論》寫於1937年，正正就是中日全面戰爭爆發的那一年，《矛盾論》主旨係「事物矛盾的法則，即對立統一的法則，是自然和社會的根本法則，因而也是思維的根本法則。」，仲認為「矛盾」響生產關係、理論、上層建築中一定條件下可能起決定性作用。其實正是演繹馬克思主義嘅「唯物辯証法」歷史發展規律，毛澤東認為，矛盾嘅普遍性即矛盾存在於一切事物自始至終發展過程中，即是世間所有事物同所有歷史進程都存在住「矛盾」，而「矛盾」有好多重，大矛盾中有小矛盾，小矛盾中有更小矛盾，在世間上，矛盾可謂無所不在。

♐ 但係為咗解決問題，響各種嘅大大小小嘅矛盾中，一定要抓住主要矛盾！列寧亦都曾經講過「就本來的意義講，辯證法是研究對象的本質自身中的矛盾」，其實係一個百分百嘅哲學問題。馬克思主義者認為，歷史同事物嘅發展，就係基於矛盾嘅存在，即所謂「正反」嘅存在。例如在數學中，有正和負，微分和積分；在力學中，就有作用力同反作用力； 在物理學中，就有陽極同陰極；在化學中，就有原子嘅化合同分解； 按照列寧同毛澤東嘅講法，響社會科學中，就係「階級鬥爭」（因此毛澤東講，階級鬥爭，一抓便靈），而階級鬥爭中嘅正反雙方，就係資產階級同無產階級。

♈ 響鬥爭當中，無論攻守、進退、勝敗，都係矛盾嘅現象，最重要嘅係，失去咗一方，另一方就唔存在，雙方鬥爭而又聯結，即正反合，組成咗鬥爭嘅總體，亦推動咗鬥爭嘅發展，從而解決問題或令歷史步伐向前推進。但係當矛盾或問題被解決的同時，新嘅矛盾同問題亦會出現，如此生生不息，構成人類嘅歷史發展規律（或稱呼為生命嘅規律）。《矛盾論》亦都講過「黨內不同思想的對立和鬥爭是經常發生的，這是社會的階級矛盾和新舊事物的矛盾在黨內的反映。黨內如果沒有矛盾和解決矛盾的思想鬥爭，黨的生命也就停止了。」，這個「黨」亦都可以普遍認用於任何「組織」和「團體」之上。人類嘅思維，好多時候係想追求終極嘅靜態幸福，但係真相卻係所謂「靜態」（靜止不動嘅狀態）永遠不存在，一切事物都在「運動」著，不停響「正反合」 嘅唯物辯證法法則中、或無窮無盡嘅矛盾中，繼續鬥爭前行同發展。

🎦https://youtu.be/LqUuIuxLTt0

1932年3月24號，中日停戰會議首次喺上海英領事館舉行，淞滬戰爭告一段落；同日，蘇聯承認滿洲國對中東鐵路嘅主權，同日，馮玉祥稱病，前赴泰山隱居，呢個時候，馮玉祥剛滿50歲，佢嘅故事仲未完結。3月30號，東北同胞救國會宣言代表東北民眾宣佈不承認偽滿州國，我諗，滿洲國被稱呼為「偽滿洲國」，亦都係呢個時候開始。1932年3月尾，中華蘇維埃共和國國家銀行正式成立，由毛澤東弟弟毛澤民（1896-1943）擔任行長。

時間線去到1932年嘅4月，4月1號，平漢、津浦、隴海、道清四條鐵路實行聯運； 中華民國外交部抗議日本政府教唆偽滿洲國強行接收東北各海關，截留稅款，直情係打劫喇，不過既然國家都建立咗出嚟，一切嘅嘢就係屬於新政權嘅，唔需要講邏輯講道理，插得支旗仔響度做陀地，就係因為打贏你，你有本事可以覆灼。世界上好多問題，其實都係用暴力解決，或者用錢解決，如果你以為以可用「愛」去解決，其實都冇問題，如果解決到嘅話。同一日，上海忍痛開市，淞滬戰爭結束，大家就要繼續做生意，生活如常。

4月5號，國聯調查團到達東北，偽滿洲國拒絕顧維均（1888-1985）隨國聯調查團入境，親疏有別。4月6號，中華民國拒毒會反對福建省代主席方聲濤（1885-1934）實行鴉片公賣，即係要將鴉片合法化？唔係啩？事實上，去到20世紀30年代，毒品問題仍然困擾中華民國，有理由相信毒品地下經濟係一條非常龐大嘅數目，因為當時中華民國國內仍然有大量人民吸食鴉片成癮，戒？咁易戒咩？容易戒得甩，就唔叫毒品啦，傻仔！唔知方聲濤係咪做錯事呢？四個月後佢就因為敗血病暴斃。同日，國民政府核實全國軍費每個月1000萬元，即係一年1.2億左右，我諗佔GDP20-30%，好得人驚。4月7號，國難會議喺洛陽正式開幕，同日，浙江建設廳向上海金融巨頭借款，以救濟因戰亂而瀕臨崩潰嘅浙江絲綢業；4月8號，偽滿洲國宣佈日本進口產品全部免稅，梗係啦，唔使問嘅？同一日，北平天津各院校教員因為人工冇著落而集體罷教……

#常威💀 #蔣介石平反系列 #黃金十年 #民國歷史

【常公子歷史頻道433回：替大軍閥平反系列之 廣州一帶我大曬我玩曬】

♊ 我哋點樣去認知依個世界？其實係靠我哋睇見啲乜嘢？聽見啲乜嘢？或者我哋能夠接觸啲乜嘢？閱讀啲乜嘢？世界嘅真實面貌究竟係點？其實我哋完全唔清楚，一切都只係靠「六識」接收嘅資訊嚟描繪我哋腦內嘅世界觀。所以有人覺得世界一片黑暗，亦有人覺得世界一片光明，因為大家喺腦裡面嘅所謂「世界」 其實完全係兩回事，世界本身係中性，其實並沒有價值判斷存在。

♊ 仲記得大約兩年前左右，一切嘅新聞都係關於瘋狂總統Donald Trump，整個世界好似圍住佢哋轉，但係一場世紀疫情，令佢總統選舉連任失敗，拜登上臺，但係拜登嘅新聞明顯比Donald好多好多，就好似回復到奧巴馬時代一樣。無可否認，Donald Trump 係一個宣傳大師，亦可能同佢係一個商人出身有關，真相並唔重要，新聞價值先係最重要； 演技一啲唔重要，片酬先最重要。其實喺民國時代嘅孫文，同Donald Trump一樣，都好喜歡製造新聞，製造自身輿論價值，有人談論總比冇人談論好，股票有升幅，無論升定跌，總比一潭死水冇人玩好，大道理亦在於此。

♊ 呢兩年嘅國際世界，好似完全圍住兩樣嘢嚟轉（pin），第一樣嘢，就係「疫情」，成件事好似沒完沒了，最近話同病毒共存嘅西方世界，又開始要檢疫封城，又話南非有新變種病毒株出現，2021年年尾搞掂？睇嚟又告落空，廣泛接種疫苗能夠減低死亡率，但完全可以避免病毒傳播，希望口服藥能夠扭轉大局，否則玩到2022年，打仗都似。第二樣嘢就係「中國」，成個世界都好似圍住中國嚟轉，所有大事都同中國有關，中國忽然之間成為主角，主宰世界大局，試問20年前，邊個可以估到？除咗「疫情」同「中國」之外，其他嘅事，都係小事。

🎦https://youtu.be/SlbCxPhHves

【常威近代史】第九部《孫文之死》
https://play.google.com/store/books/details?id=evMsEAAAQBAJ

amazon同步上架👍請大家大力支持！
https://www.amazon.com/dp/B094D663XH

［常威近代史］第六百一拾七回 滿州國成立後的平靜日子（高清錄音版）

#唔鍾意睇字可以聽

https://www.facebook.com/129055447762576/posts/849402565727857/

【常威近代史】（六百一拾八回）
歷史個人浪漫化同小説故事化

1932年4月9號，偽滿洲國黑龍江省長馬佔山（1885-1950） 忽然響黑河致電張學良，表示又要抗日，佢咁講「 佔山一息尚存，誓以身許國之初衷，決不負期許之至意」，原來長江九號之前詐降啫。上年1931年11月19號齊齊哈爾失陷之後，馬佔山將黑龍江軍政部門遷往海倫繼續經營，1931年12月7號，關東軍板垣征四郎（1885-1948）到達海倫，寫到呢度，覺得幾得意，成日都係板垣征四郎依條肥仔嘅，度橋又係佢，跑腿又係佢，傾嘢又係佢，成日飛嚟飛去，佢應該非常忙碌，唔知當時佢幾錢人工呢？同埋關東軍來來去去都係嗰幾個人出場做嘢嘅？究竟歷史係咪真架？咁大個軍事集團，冇理由得幾兩友做嘢掛？關東軍如是，其他中國近代史嘅軍政團體亦如是，其實我哋閱讀歷史，係唔係太過將歷史個人浪漫化同小説故事化呢？好似成日話希特拉殺500萬猶太人，其實唔係佢一個人可以做得到，當然個鑊咁卵大，一個人孭曬梗係比較好啲（其他人唔關事啊）。

講返馬佔山先生，關東軍板垣征四郎當時向馬生提出合作建議，提出互不侵犯，而馬后生則任黑龍江軍總司令，當時馬生並未答應。去到1932年1月2號，重要戰略位置錦州失陷，馬生開始動搖，認為要生存落去，就要委曲求全保持實力，於是響1月6號委以虛蛇向日本人投城，1月24號出任偽滿洲國偽黑龍江省長，並且協助籌備偽滿洲國嘅建立。今個月12號，長江九號現出真身，向全世界揭露日本製造同操縱偽滿洲國嘅真相，4月18號，同蘇炳文、丁超聯合，組織黑龍江吉林嘅義軍，進攻日軍！馬生彈出彈入，真係好難估計！不過，響大混亂時代、戰亂時代、或戰爭時代，個人立場摇擺不定其實係一個常態，投降又好，委以虛蛇又好，好多時候都係條件利益同埋生死存亡嘅問題，畢竟死咗就一縷青煙Game Over了，俗語有云：留得青山在，哪怕冇柴燒？而且身處局中，勝負未知，食支事後煙嘅人知道曬全部勝負關節位，梗係識揀梗係識玩（場馬跑完，梗係知道點買啦），但身處局中，選擇其實唔係咁容易。

4月10號，廣州《新聞報》 涉嫌刊登日皇文字，被勒令停刊，做傳媒任何時候都需要政治正確，否則唔使玩。呢個時候嘅廣州，腦膜炎流行，腦膜炎係一種好可怕嘅細菌感染流行病，因為一旦患上，發幾日高燒，就算好番，正常人智力會大受損害，變低能仔，近代醫學昌明，患腦膜炎嘅人數已經大減。4月15號，《新民報》 喺臺北創刊，係臺灣人喺日本殖民地臺灣自辦嘅第一張日報，同日，中共領導嘅中華蘇維埃共和國臨時中央政府發佈宣言，正式向日本宣戰！宣言裡面講，為領導全國工農紅軍和被壓迫的群眾，以民族革命戰爭，驅逐日本帝國主義出中國，求得中華民族徹底的解放和獨立，中華蘇維埃共和國臨時中央政府特正式向日宣戰。

［常威近代史］第六百一拾八回 歷史個人浪漫化及小說故事化（高清錄音版）

#唔鍾意睇字可以聽

https://www.facebook.com/129055447762576/posts/850625315605582/

【常威近代史】（六百一拾九回）
淞滬停戰協定

1932年5月1日，中華民國行政院禁止「五一遊行」，勞動節係左派嘅節日，既然國民黨同共產黨勢不兩立，亦冇空間再容納任何相異嘅政治光譜；5月5號，中日《淞滬停戰協定》 簽紙儀式正式向英國駐滬領事館舉行，中國外長郭泰祺（1888-1952）與日本全片代表從重光葵（1887-1957）分別代表本國政府協議上簽字，重光葵早幾日先畀韓國人尹奉吉炸傷，執返條命仔，呢位日本外交官大名鼎鼎，活躍於第一次世界大戰以後至第二次世界大戰中日韓滿洲國政壇外交和第二次世界大戰，長達40年，幕後參與甚至主導好多日本侵略各國統治及外交政策制訂，最著名謀略為找出溥儀，並利用其建立滿洲國，戰後並代表日本與盟軍簽訂投降條約，寫出《『昭和の動乱』(上・下巻)》。中華民國代表郭泰祺亦係一位活躍於政壇多年嘅政客，先後喺唔同年代嘅政府擔任高職，屹立不倒。

停戰協定包括正文及三個附件，主要內容有：（一） 雙方軍隊在上海周圍停止一切敵對行動；（二） 中國軍隊留駐其現在的位置；（三） 日本軍隊撤退到公共租界及虹口區域之越界馬路；（四） 組織共同委員會，證明雙方撤退，並協助日軍與中國警察間的移交事宜。其實協議實際上承認日軍可以留駐上海，中國軍隊卻唔能夠響上海至蘇州、昆山一帶駐軍，老實講，即係將大錢罌上海嘅主權交咗比日本人，當然公共租界內嘅中外富人繼續舞照跳，錢照揾，永遠可以置身事外，不過，依種情況，亦最多只能夠維持多幾年，天下無不散之筵席嘛。中日停戰談判至3月24號起開始，其實從滬戰爭已經喺3月頭結束。之後，經過英國美國斡旋，雙方已經舉行過三次非正式會議，擬定中國軍隊暫留駐原防及日軍撤至1月28日前之原防等停戰規則。正式談判開始後，日軍堅持撤兵時間不能先行決定，要由日方自定，令到談判幾乎陷於破裂，其後英國人提出「上海秩序完全恢復，可確保日橋安全時，日軍希望於六個月內完全撤兵」以及「增加中方附帶聲明」 等折衷辦法，中國政府表示接受，談判先至成功。總之日本人就惡曬，八府巡案你話點就點啦。

5月2號，戰火過後，上海公債市場係關閉近100日後，今日重開。1932年1月25號，上海所有證券交易所停止交易，進行償付公債嘅整理工作。上海市變發生後，由於商業停擺，公眾大量提取存款應急，公債投資又全被凍結，令到公債價格大幅貶值，今日重新開時候，重要嘅公債價格都下跌約5-6成之間，做任何投資之前，真係要顧及風險，而打仗就係其中一個重要嘅風險元素，不過如果你敢趁低撈貨，就好易贏。

5月5號，淞滬戰爭停戰協議簽訂，好多人覺得有人賣國，上海著名愛國維權律師吳邁（1885-1937），帶領500幾人衝向市政府及上海市長吳鐵城（1888-1953）屋企，吳邁高呼「漢奸人人皆曰可殺，今日我與你同死報國」，用痰罐砸傷吳鐵城，之後被警察制服。

［常威近代史］第六百一拾九回 淞滬停戰協定（高清錄音版）

#唔鍾意睇字可以聽

https://www.facebook.com/129055447762576/posts/851717875496326/