大清亡國關慈禧蛋牛治 3

時間線去到1929年4月，4月1號，桂系軍隊改稱為「靖難軍」，決定救援武漢，個名都幾古代feel，其實啲軍閥都幾鍾意用名相嚟欺蒙大衆，最重要係氹啲年青人上戰場掘地雷。用今日嘅術語，叫「煽動」，其實煽動有罪，又係啱嘅。同日，日本海軍開始喺東海作爲期一個月嘅海上大演習，以中國為假想敵（有需要咩？），當然我個人覺得，所有舉動，都係舖排大舉侵略東北，建立偽政權「滿洲國」，當時末代皇帝四眼仔溥儀已經響日本人手上鳥，要用架喇（咁貴買返嚟）……

4月2號，桂系李明瑞（1896-1931）倒戈投蔣，實係蔣桂戰爭嘅大轉折；同日全國律師協會成立；奉天市改稱瀋陽市；全北平街道沙罩燈改換電燈照明。4月5號，毛澤東代表紅四軍前委覆信中共中央，對中央關於時勢嘅分析同埋對紅軍嘅行動策略指示提出批評。今年2月，中共中央致信紅四軍，聲稱黨嘅力量薄弱，無力促進新嘅革命高潮，要紅四軍分成小部隊，有組織地散入湘贛邊境鄉村，進行土地革命，紅四軍於本月3日收到依封信（封信足足寄咗兩個月）。毛澤東喺回信度指出：「中央此信對客觀形勢和主觀力量的估量，都太悲觀了」、「中央要我們將隊伍分得很小，散向農村中，朱毛離開隊伍，隱匿大的目標，目的在於保存紅軍和發動群眾，這是一種不切實際的想法」。信裡面仲講：「在國民黨軍閥長期戰爭期間，我們要和蔣桂兩系爭取江西，同時兼及閩西、浙西，在三省擴大紅軍的數量，造成群眾的割據，以一年為其完成此計劃」。當時嘅中央只不過係冷氣軍師，真正面對困難同挑戰、響戰場上出生入死嘅人係毛澤東、朱德同彭德懷。

4月6號，蔣Sir電令四川省政府主席劉文輝（1895-1976）出兵討伐挑起川亂戰事嘅20軍軍長楊森（1884-1977），由1928年開始，川軍二劉，即劉湘（1890-1938）、劉文輝同楊森嘅戰爭非常激烈，蔣Sir曾經講過「中央對此，頗抱悲觀」，四川同好多地方一樣，都仲係立立亂，軍閥同武裝力量之間打嚟打去，南京中央，山高皇帝遠，其實無辦法插手。

4月11號，中共紅四軍前委在於于都召開會議，命令彭德懷率領部隊返回井岡山；4月12號，國民政府設立海軍部，楊樹莊（1882-1934）任首任部長；4月13號，中華民國加入萬國商會；4月15號，國民政府廢止1929年以前頒發嘅勛位同勛章，舊五色旗嘅中華民國留低嘅蘇州屎同牛鬼蛇神，全部要鏟走！

4月，香港發生1842年開埠以來最嚴重水荒，港英政府被迫實施食水七級管制，香港市民為咗取水苦不堪言，因為今次嘅大水荒，港英政府開始籌辦興建多個水塘貯水，由香港嘅用水問題，可以反映出香港人口不斷增長。我諗，1929年時，英帝國都只係將香港當成一個貿易轉口港交收換錢嘅小型殖民地，從來冇諗過，係若干年後，呢個小小地方，會變成亞洲超級大都會，一切都係同中國歷史發展相關，同蔣Sir同毛澤東相關。

#常威💀 #蔣介石平反系列 #黃金十年 #民國歷史

最新上架

【渠頭者聯盟第九部：異能界之Beyoud海闊天空】
https://play.google.com/store/books/details?id=41cpEAAAQBAJ

Amazon同步出擊
https://www.amazon.com/dp/B092MDKHBM

❤請大家捧場

【常公子歷史頻道385回：替大軍閥平反系列之 大國小國】

♊好多人都有一個概念，認為「小國」比「大國」優越及具有競爭優勢，事實上依一個係一個絕對錯誤嘅想法，國家同做人一樣，始終都係有錢或者具有武力先能夠獲得最大生存優勢，呢個係唔會改變嘅定律，或者叫森林定律，弱肉強食係必然。如果你唔認同，你根本唔明白乜嘢叫歷史定律？連強同弱都唔識分，亦根本唔適合作任何鬥爭，難道你認為赤手空拳衝向一群持槍嘅軍隊戰鬥，會有任何勝算嗎？事實上係沒有，手無寸鐵嘅人最後可以同對方對話或協商，只不過係對手給予你嘅施捨同憐憫，請注意以下比喻——同將一個硬幣放響乞衣兜裡——完全沒有分別。

♐喺現今世界上，小國能夠生存，或更有甚者豐衣足食，好多時候都係因為大國嘅施捨同憐憫，或者成為大國嘅附庸國，好多時候根本係大國身體嘅其中一部份，佢哋嘅存在優勢，全因為對大國有利用價值，係大國同大國之間博弈嘅重要棋子，最好嘅例子，莫過於中東嘅以色列、新加坡同2019年前嘅香港。

♈由上一個世紀80年代開始嘅全球化運動，亦都進一步提昇大國嘅競爭優勢，削弱小國嘅生存價值，市場全球化，意味著任何小國都無能力獨自生存，除非係一個細得毫無利用價值嘅貧窮落後第三世界國家，非洲南亞就有一大堆。其餘嘅小國同地區無可避免地要被納入全球化的金融體系中生存，表面上有話事能力，其實通通只係大國膝下嘅一條狗，事實係殘酷嘅，接受又好，唔接受都好，反正都一定會發生。

♑大國博弈，小國首先會被成為犧牲嘅棋子，俗語有云食得鹹魚抵得渴，有咁耐風流有咁耐折墮，世界上冇免費嘅午餐，全部都係真理，一切都係等價交換。

✅https://youtu.be/T52iNdT0PTQ

💙最新上線，請課金支持

【常威近代史】第九部《孫文之死》
https://play.google.com/store/books/details?id=evMsEAAAQBAJ

樓主係咪睇好多書，點解識咁多嘢？

我看完書只能有個大概印象，吹兩句水仲得，如果寫出來自己都無信心一定記啱。

【常威近代史】（五百四十回）
蜜月期過咗就需要離婚

1929年4月，蔣桂戰爭發生中同時，南京國民政府全力建設政府架構以及積極穩定國府嘅電意識形態主導位置，無非都要話俾全國人民知道，南京國民政府係唯一一個主權政府，分裂以及軍閥割據山頭嘅年代已經過去，天下分久必合，蔣Sir大一統黃金時代降臨。

4月16號，《國民體育法》公佈，同時國民政府參照社會上嘅風俗習慣，制定咗《服制條約》，由著衫開始規管你，都係要你認同政府嘅合法性同權威性，一個民心崩分離析嘅社會，其實相當難管治，團結就係力量，從來冇錯。一個社會上人民是否團結？同心同德？最後當然係統治階層嘅管治手法問題（意識形態操控問題），個人認為並唔係100%政治問題，而係管理學問題，管理一個國家同埋管理一個私人機構，其實分別唔大，要員工搏命為公司，你必須給予員工一個搏命嘅理由，昇職？加薪？分紅股？年尾分花紅？攤開嚟講，就係利益關係。管理國家同管理公司大概有一樣嘢唔同，就係除咗「利益」，仲有「忠誠」同「對國家民族嘅愛」，「忠誠」與「愛」好抽象，好概念化，亦都好難量化，但係如果統治階層能夠令到「忠誠」與「愛」都變成民眾「利益」嘅一種，咁就天下無敵，但係要達到呢個目的，必需有高超手段同充足智慧，如果統治階層最後目的只係「自肥」或「自保」，或者缺乏智慧眼高手低亂搞一通，就會好容易出事。

國民政府《服制條例》對男女禮服制服作出嚴格規定，男性禮服有3種，第一種係藍色長袍、齊領，前襟右掩，袍長至足踝上2吋，即係大家今日所講嘅唐裝長衫；第二種係黑褂，齊領，對襟長至腹；第三種係改良式中山裝，不翻領，僅有三個暗袋（？）。女性禮服有兩種，第一種係藍色長袍，齊領，前襟右掩，長至膝與踝的中點，即係上五寸下五寸；第二種係襖與裙，襖為藍色，長僅過腰，袖長剛過肘；裙為黑色，長及足踝。而男性同女性鞋子均規定為黑色，質料不限，男性嘅禮帽，規定冬黑夏白。《服制條例》申明，以上服飾標準，為國家正式禮服標準。

【常威近代史】第九部《孫文之死》
https://play.google.com/store/books/details?id=evMsEAAAQBAJ

amazon同步上架👍請大家大力支持！
https://www.amazon.com/dp/B094D663XH

【常威近代史】（五百四十一回）
馮玉祥又二五多一鑊

1929年5月6號，中共發動商南起義；5月8號，國府外交部照會英、美等六國公使，提出收回上海公共租界臨時法院，在此之前，全國各地收回租界運動邁向高潮，最後嘅終點，當然就係上海嘅財富集中地——公共租界，上海自1840年開埠以來，經過差唔多100年嘅發展，己經成為亞洲最重要嘅金融貿易中心，依個由西方人經營差唔多完全獨立於中國嘅自由城邦畸胎，無法無天獨立生存咗九十年，都係時候回歸母體，情況同九七香港都好相似。同日，國府最高法院議決女性享有財產承繼權，亦都係一個改朝換代嘅大轉變，符合當時國際國情。

5月15號，中共中央政治局決議，接受共產國際執行委員會指示信，共產國際嘅指示信於2月8號發出，信中認為目前中國處於「預備群眾迎接革命新高潮的時期」？但係，中國黨內存在「左」、「右」兩種傾向，右傾嘅危險性最大，表現為部分人身上嘅合法主義傾向，呢種傾向最終勢必取消共產黨；而左嘅傾向，就係有部分同志有脫離群眾嘅現象。因此，中共目前必須做到——鞏固秘密嘅共產黨，加強黨嘅組織，提高黨嘅威信同埋領導作用；肅清一切對國民黨嘅幻想，揭破國民黨政策嘅資本主義假面具，消滅黨同勞動群眾脫離嘅現象，注意爭取工人群眾。

「黨八股」咁樣講正常過唔正常，不過潛臺詞就係，第三國際要求中共中央僅守「工人路線」（係所謂正統馬克思主義路線），而並非毛澤東、朱德、彭德懷正喺江西搞嗰套「農民路線」。不過莫斯科嘅學者朋友，距離當時中國實在太遠，理論還理論，現實還現實，毛澤東喺江西亦只可以爭取農民支持，窮鄉僻壤之處哪裡來這麼多「產業工人」加入革命呢？「工人」同「農民」都係無產階級，都係勞動者，其實無分別。不過正統馬克思主義者認為農民階級缺乏階級覺悟性，就算支持革命都唔會係共產主義堅實嘅擁護者，反而工人階級就會（呢個係同工人嘅文化水平較高以及馬克思主義文本脈絡所留下嚟嘅標準）。當然你有你有響莫斯科講，我有我響井岡山繼續做。不過，偏離中央路線、有自己一套創新見解嘅毛澤東，亦好快會被中央整肅同取代。

✅本土唯一香港土話近代史文本

❤【常威近代史】第一部《大清亡國關慈禧蛋牛治》，全面開放，免費下載， #freedownload！

Free下載連結🔽

https://play.google.com/store/books/details?id=C3hjDwAAQBAJ

【常公子歷史頻道386回：替大軍閥平反系列之 幫你度掂佢】

♊人要去到某個年紀，先至會明白其實所有嘢都係文宣，所有嘢都係廣告，所有嘢都係marketing。除咗科學之外，世上並無真理，所有人世間發生嘅事情，並無一定客觀標準，所謂正邪黑白善惡亦根本唔存在，用嚟量度嘅量尺，度量衡單位制度亦有所不同，所謂「正確」與「不正確」，都係因人而異，因時間而異，因此衹要有能力把發生嘅事情說得漂亮，就是漂亮；相反如果有能力將發生嘅事情抹黑，就可以有幾黑得幾黑。

♉人類係語言嘅動物，必須透過語言認知世界，而語言文字只係符號，而且係可以隨便修改編輯嘅一連串符號，文人多大話亦冇錯，橋唔怕舊，最緊要受。好似寶藥黨倫敦金騙局橫行香港幾十年，依然仲有人上釣，就足以證明，問題並非發生在騙徒身上，而係發生喺受眾身上。

♎最近同出版人茶敘，出版人講畀我知，已經冇人再有興趣睇書，2019年嘅社會事件加上2020年至今嘅驚天疫情，令到書本嘅銷情更加一落千丈，好多人強調睇書嘅重要性，其實書本都可以替人洗腦，今日印刷品唔再係熱門嘅傳播媒介媒體，亦都祇不過係形式上嘅改變。人們始終閱讀文字（語言）嚟獲取資訊同認識世界，唔睇書，只係變成碌電話睇電腦，同樣都係閱讀，祇不過文字同資訊變得更加廉價，甚至係史無前例嘅空前廉價。

♈商品競爭有一條道理，所販賣嘅東西越平越廉價，就一定變成品質低作為價格補償，食唔到爆棚，就要密食當三番，三番都冇得食，就要食雞糊。文人本身已經非常廉價，再下一城，其實同乞兒娼妓亦都冇分別，賤物鬥窮人，到頭來一定雙輸，我並非預言一些什麼，其實所有嘅事情已經發生咗好耐，所帶嚟嘅惡劣效果亦已經充分呈現。文字變成廉價，道德亦都變成廉價，生活亦會同樣廉價，你我其實同樣廉價，有買趁手。

✅https://youtu.be/XMCFNpLJrys

💙最新上線，請課金支持

【常威近代史】第九部《孫文之死》
https://play.google.com/store/books/details?id=evMsEAAAQBAJ

【常威近代史】（五百四十二回）
孫中山安葬紫金山

1929年5月，倒蔣力量內外夾擊，蔣桂戰爭發生中，馮玉祥又反檯，黨國合一嘅黨內，亦有反蔣派形成，國民黨改組派組織「護黨革命大同行盟」成立，發表宣言，排斥蔣介石，供迎汪精衛回朝。畢竟蔣Sir獨攬大權時間太短，而且中間灑咗唔少難睇手段，製造敵人嘅數量遠比製造朋友多。一個堅實嘅政治同盟，究竟係用乜嘢維繫呢？用純粹嘅暴力同威嚇其實係可以，不過只係短時間可以，況且要記得一點，用力打壓敵人自己都會攰同受傷，歪帽打古惑仔，手都會腫同扭親——依點大家需要明白——所以真正嘅堅實政冶聯盟，應該係一種信任關係，或者係一種利益平衡，而上述兩者，都需要利用長時間醞釀。政治上成熟與不成熟表現，可以在此體現。

威權大廈嘅結構，係上闊下窄倒金字塔結構，力量由上而下施展，所以只要下方基礎部分出現裂痕，上方就好容易摇擺傾倒，蔣Sir面對嘅問題，亦大概如此。

1929年5月，中國亦自行製造生產第一輛汽車問世，威係威，但相對西方世界，中國嘅重工業製造仍然相當落後。美國嘅福特汽車公司（Ford Motor Company）立於1903年，去到1929年，喺底特律年產量已經係十幾萬部，佔世界一半市場佔有率。

1929年6月1號，孫文靈襯奉安於南京紫金山，孫文生前有一個遺願，都係歸葬紫金山。今年春天，紫金山下茅山南麓嘅中山陵正式完工，陵墓依山而建，以藍色白色作為主調，氣勢宏偉磅礴，上月26日，孫中山靈柩由北平南移，28號抵達南京，喺國民黨中央黨部舉行公祭之後，於6月1號淩晨四點吉時，正式運往紫金山安葬，奉安典禮極為盛大，國民黨中央及政府委員、孫文親屬、各國使節及各界群眾十幾萬人前往送殯，隊伍長達三公里。南京舉行典禮同時，全國各地亦都以公祭形式以誌悼念。

6月3號，國府禁煙委員會喺南京舉行林則徐禁煙紀念大會，並公開焚燬烟土，所有大型群眾活動，都有意識形態內容，用作團結民心，創造凝聚力同向心力，響依方面，國府無疑技高一籌（比起北洋政府），當然如果我冇估錯，當時嘅國府係師承美國做法，論意識形態傳播同感染嘅技術，美國係無出其右，去到21世紀嘅今時今日，先有小小不繼跡象。

6月6號，又另一場大型盛事舉行，杭州西湖博覽會開幕，張靜江主持開幕儀式；同日，中共中央決定派劉少奇出任中共滿洲省委書記。6月8號，「中國佛教會」代表向國民政府請願，要求取消《寺廟管理條例》，寺廟從來都係大生意，大家千祈唔可以睇小，善信嘅香油同供奉，加埋土地產權牽涉嘅利益，好多時候好做過中小企。中國歷史上，有幾次「滅佛」事件，好似「唐武宗滅佛」，與之前「北魏太武帝滅佛」、「北周武帝滅佛」、「後周世宗毀佛」，合稱「三武一宗」滅佛事件。表面上好似係意識形態問題，其實都係經濟問題，寺廟生意越做越大，累積財富太多，聚集人數（和尚尼姑）足可以形成一支革命大軍（仲要個個識金鐘罩易筋經洗髓經等絕世武功😄），咁就係一股存在嘅反動力量鳥，所以生意千其唔可以做得太大，馬雲馬化騰應該明白。

6月8號，清東陵盜墓案終審，譚溫江等7人被判死刑；6月9號，《全國反日會》改名為《廢除不平等條約促進會》，中日關係暫時緩和，民間組織亦要因應時勢改名，實屬理所當然。6月10號，國民黨三屆二中全會喺南京開幕；6月11號，天津電車工人為爭取改善待遇全體總罷工；6月13號，内蒙古各旗向南京政府請願，要求維持「盟旗制度」，禁止漢人前往開墾殖民，我哋以「省」、「市」、「縣」為單位，蒙古人就以「旗」做單位。

6月21號，已經宣佈下野嘅馮玉祥同妻女喺陝西華陰啟程，前赴山西太原。上個月反蔣失敗之後，馮玉祥曾經派員聯絡閻錫山共同反蔣，但閻錫山依隻老狐狸另有諗法，虛情假意答應馮玉祥，馮玉祥以為得米，於是前往山西太原閻錫山老巢傾合作。

6月24號，閻石山喺介休恭迎馮玉祥大駕，25號到達太原，閻錫山對馮玉祥熱情招待，禮遇有加，發誓共同反蔣。但另一方面，閻石山則以「馮玉祥在我手」作為談判條件，同南京蔣Sir討價還價，蔣Sir為咗阻止閻石山馮玉祥合作，親自飛住北平，邀請閻錫山親身見面，並且開出優厚條件收買閻石山，與此同時，閻石山軟禁馮玉祥於五台縣建安村，派出軍隊把守，整條村外圍裝上鐵絲網，公路挖掘壕溝，二五仔馮玉祥中曬計，以為嚟傾合作反蔣，點知俾人當作籌碼囚禁，真係喊都無謂。而閻石山亦唔係完全投向蔣Sir，反而努力周旋於南京同埋各反蔣代表之間，培植勢力，為自己嘅存在尋求最大利益。

當然大家都知道，好快好快，1930年閻錫山亦會反檯，馮玉祥亦由佢嘅敵人變返做佢嘅朋友。6月22號，國民政府下令嚴厲取締共產黨刊物；同日中共紅四軍七大喺福建龍岩召開，會議改選咗紅四軍前委，毛澤東離開紅軍領導崗位。6月25號，中共六屆二中全會喺上海召開，中共中央要執正工人革命路線，依從共產國際指示，對山高皇帝遠、自把自為嘅「農民路線」毛澤東開始整肅行動。

#常威💀 #蔣介石平反系列 #黃金十年 #民國歷史

https://www.youtube.com/playlist?list=PL0RVUAILQUOvTo8JJrayjrvd_Nbjc-0Me

❤請加入常公子的近代史世界！

#常威 #廣東話 #中國近代史 #HongKong #Chinese #History

【常公子歷史頻道387回：替大軍閥平反系列之 卜卜齋唔係扑嘢嘅地方】

♊Covid 19病毒由中國實驗室人工合成之説，最近又再鹹魚返生，政治世界真係一天都嫌長，做一個普通人，其實好多時候冇辦法知道真相是什麼？就用今次嘅新型冠狀病毒為例，究竟病毒本身能否人工合成？一時有專家話得，一時有專家話冇可能，問題係你信邊個？信中國？定信美國？抑或信KOL？或者信任科學？其實冇人可以相信，所有嘅說法都係政治掛帥，背後有政治目的，但世間上萬物皆是政治，其實又冇錯嘅。

♐21世紀初期，飛機直撞世貿，發生911事件震撼世界，後嚟，因為伊拉克擁有大殺傷力武器，製造開戰藉口，於是美軍揮兵討伐侯賽因，號稱世界上最強地上堡壘伊拉克首都巴格達守唔到3日，最後侯賽因捐狗窿都唔掂橫死街頭，不過，到咗最後又搵唔到伊拉克擁有大殺傷力武器嘅證據，侯賽因同911無直接關係，hea吓hea吓就不了了之，亦冇人過問過前因後果，獨裁者侯賽因倒臺後，伊拉克從來未平靜過，之後加埋阿拉伯之春運動，仲出現咗一個「伊斯蘭國」超級恐怖組織肆虐中東，就係咁，伊拉克一亂就亂咗十幾年，死咗無數無辜嘅人……

♉以上所講，就係世界嘅運作方式，首先無須要真相存在，衹要有人相信，或者大部份人相信就係真相；其次，戰爭本身似乎唔能夠解決問題，只會帶嚟更多嘅問題……

✅https://youtu.be/U1OvMZuZJjU

💙最新上線，請課金支持

【常威近代史】第九部《孫文之死》
https://play.google.com/store/books/details?id=evMsEAAAQBAJ

【常威近代史】（五百四十三回）
鈦合金飯碗

1929年6月27號，中央黨務學校改稱國民黨中央政治學校，專為訓練國民黨政治人材而設，其實每一個地方，都有專門訓練政治人材或幹部嘅學校，你可能答我，香港好似冇喎。照我所觀察，目前香港的確係「冇」正式嘅官方機構訓練政治人才，大概香港目前根本唔需要太「政治」嘅人材，聽教聽話照order辦事（最好做得好）就OK；但97年前，無可否認香港大學HKU就係殖民地政府訓練政治人才及官僚嘅機構（國家機器），當然亦唔係每個系都係，最出名就係「英國文學系」，所謂Eng-lit，當年，又有幾多個讀完英國文學系出嚟寫英語文學寫十四行詩呢？照我觀察係一個都冇，咪全部入去政府去曬做AO或EO，因為英文講得好（未必要寫得好架），因此成為精英（當年精英嘅定義喺香港非常狹窄），可以摱車邊進入統治階層。咁你又可以問，當年有咩學生有資格讀「英國文學系」？就係讀中學嘅時候已經修緊「英國文學」嗰一批勒——正如你想入「調理農務系」本身必須要係一個滿腳牛屎嘅農夫一樣——咩人讀中學會修英國文學？當然係貴族名校出身嘅有錢仔有錢女高尚階層，唔通一般嘅勞工子弟讀嘅屋村中學有英國文學讀咩？中國文學就有得你讀，14K就有得你入。

香港要撥亂反正，要搞「民心回歸」，睇怕都係時候要設立正式官方機構訓練政治人才，過去將政治訓練交畀民間同傳媒（或教育工作者，通識科大概就係一個最大嘅大頭佛），外國勢力自然大有機會插手，經過過去20幾年嘅教訓，醞釀成2019年嘅大亂局，唔通真係冇人需要負責？但睇情況又冇人需要負責或會負責，呢個先係最很大鑊嘅問題。犯咗法要坐監，現今非法集結要踎年半，但官員犯咗嚴重政治錯誤係唔需要被譴責或接受任何懲罰，長俸繼續支付，過千呎宿舍繼續免費住，「鐵飯碗」其實唔係叫「鐵飯碗」，應該叫「鈦合金飯碗」，鬼叫你後生咁X叻讀Eng lit咩？Sorry，我係唔係講錯嘢呢？

6月27號，蔣Sir響北平宣佈對馮玉祥力持寬大處理，大家仲有得傾，但係同時表示對國民黨改組派，即反佢嗰班人，會嚴重處置。真係親疏有別，對自己人嚴格，對外人寬鬆，正正就係「內聖外王」丫嘛，乜唔卵係咩？由此可見，喺蔣Sir心中，汪精衛對佢嘅威脅比二五仔馮玉祥更大。

6月30號，中國第一個飛機設計師，蒙古族工程專家巴玉藻（1892-1929）因食物中毒不治，享年只有37歲。巴玉藻一直從事飛機工程工作，1918年4月起擔任福州海軍飛潛學校飛機製造班教官。1919年8月，佢設計咗中國第一架國產飛機「甲型一號」，喺一架水上初級教練機，係中國科技發展嘅一個重要里程碑，今日中國發射火箭喺外太空建立太空站，都係由巴玉藻行出第一步。

巴玉藻響佢嘅飛機設計生涯中，先後設計過六款不同嘅水上飛機，其中最高水平者發動機達到350匹馬力，最高時速為180公里，當時巴玉藻被視為中國最優秀嘅軍工專才，至於死於食物中毒dying young又有冇內幕？我暫時搵唔到資料。

1929年6月仲有一件事發生，山東曲阜第二師範學生公演獨幕話劇《子見南子》，激怒孔氏族人。《子見南子》係由大學者大文豪林語堂（1895-1976）所創作，內容敘述孔子前赴衛國求仕，被衛靈公夫人南子召見，南子並百般勾引，孔子雖有所動心，但終歸理性占了上風，於是悄然離去。孔氏後人認為呢套戲公然侮辱其神聖祖宗，群情洶湧，由族長領頭聯名向南京教育部控訴，要求嚴懲該校師生。

同月，中共領導鄂西長陽縣農民起義，佔據縣城，成立蘇維埃，建立紅軍第6軍。1929年7月1號，豫南光山等地群眾同紅槍會萬幾人，配合紅11軍31師攻佔白沙關，建立豫南紅軍司令部，當蔣Sir同李宗仁馮玉祥搞到立立亂嘅時候，共產主義農民運動乘機遍地開花，1929年7月3號，共產國際喺莫斯科召開第十次全會，中共代表瞿秋白（1899-1935）等出席。

7月5號，中華民國駐舊金山三藩市San Francisco副領事高瑛夫婦私帶2299磅鴉片入境，被美國海關查獲，真係樹大有枯枝，族大有乞兒。

7月10號，喺張學良指示下，中東鐵路理事長兼督辦呂榮寰下令解除蘇方鐵路局長葉穆善諾夫、副局長艾斯曼特嘅職務，由中國副局長代理，並將解職人員驅逐出境，以武力強行接管中東鐵路，中東鐵路即係西伯利亞鐵路系統路經東北境內一段。7月13號，蘇聯政府向國民政府發出最後通牒：一、從速召集會議解決中東鐵路一切問題；二、中國當局應立刻取消對中東鐵路的一切非法行為；三、從速釋放被拘捕嘅蘇聯人員，停止排蘇行動。7月17號，蘇聯政府宣佈同中國絕交，撤回蘇聯駐華外交、商務、鐵路等各方面供職人員，關閉中蘇全部鐵路交通，同時命令中國駐蘇人員離境，聲明保留1924年《中蘇協定》中嘅一切權利。

隨後蘇聯向邊境集結紅軍，中國吉林、黑龍江兩省軍隊亦向綏芬河、滿州里一帶推進，雙方陳兵邊境，戰爭大有機會一觸即發，7月30號，東北地方當局派出人員蔡運升、李紹庚同蘇方代表梅里尼可夫喺邊境火車上舉行面照會議，討論和平處理中東鐵路事件方法。但雙方除咗同意提前恢復中蘇通車外，其餘問題則毫無結果……

#常威💀 #蔣介石平反系列 #黃金十年 #民國歷史

https://www.youtube.com/playlist?list=PL0RVUAILQUOvTo8JJrayjrvd_Nbjc-0Me

❤請加入常公子的近代史世界！

#常威 #廣東話 #中國近代史 #HongKong #Chinese #History

【常威近代史】（五百四十四回）
有錢人不等於貴族，貴族不等於有錢人

中蘇交惡，理所當然，蘇聯行共產主義，國民政府行資本主義，當時世界仍未有「一國兩制」依個偉大概念，兩種意識形態存在於同一個國家之內，簡直係天方夜譚，瀨尿蝦溝埋牛丸，係食神所發明，之前並沒有。中國同蘇聯密不可分，因為雙方邊境接壤，如果中間冇咗一個外蒙古作為緩衝區，我諗戰爭一早打咗幾次，鄰國相競或經常衝突，亦係地緣政治嘅基礎常識，鬼叫你住響我隔離咩？你睇秘魯同剛果，永遠唔會有爭拗，因為根本睇你唔到。

1929年7月10號，山東聊城被土匪王金法攻陷，楊氏海源閣藏書遭劫，楊氏海源閣由18世紀楊兆煜所創，經其子楊以增（1787-1856）及其孫楊紹和（？-1852）、曾孫楊保彝、曾曾孫楊承訓四代人經歷，藏書幾十萬卷，可惜經過唔同時代唔同人嘅洗劫，收藏嘅書籍大多數已經遺失，今日海源閣仍然喺山東省嘅重點保護文物。書籍過去係文化嘅硬件載體，其文化及統戰價值相當重要，到咗今時今日，資訊大氾濫，我諗當年楊氏海源閣嘅所有藏書，今日一隻幾百蚊嘅手指可以放晒了。

7月11號，北平大學學生致電教育部，要求北大直屬中央，請求偉人蔡元培復出為校長，恢復「北京大學」原稱。北大係孕育中國近代文化嘅搖籃，地位無出其右，將「北京大學」改名為「北平大學」，雖然都係叫「北大」，但係就削咗少少，「正名」係中國文化內非常重要，所謂「名不正則言不順」，你係立法局議員，講嘢都大聲啲喇。「名氣」「聲譽」有時候比「真正財富」更值錢，有錢並唔係大曬，「貴族」係另一個階層，並非純粹有錢可以達到（當然有好多好多錢好似Bill Gate、馬雲係例外），今日香港，有唔少有錢人，但係佢哋唔係貴族，仍然會比貴族睇唔起，因為所謂貴族，係幾代人所累積而得到嘅榮譽，你發得嗰一兩代，純粹有錢，人脈同社會關係又缺乏，馬都冇隻，點做貴族呢？

7月16號，孫中山個仔孫科，同美國航空發展公司代表就100萬美元嘅航空借款正式簽字，用作發展中國航空事業，單就這件事件你就可以睇到，當時嘅南京國民政府，幕後金主就係美國，蔣Sir黃金十年嘅好時代，亦係全面模仿美國嘅經營模式，當然大家唔可以比較，美國嘅發展有其得天獨厚嘅奇異條件配合，而國民政府則先天不足，內憂外患，或者更加可以講，美國嘅經營方式，並唔符合中國國情。所謂歷史亦唔係拼圖積木，空想邊個做法啱邊個做法唔啱，如果唔係呢就會點，如果係咁就會點點點……純粹紙上談兵，好on99。但係我哋大多數人，都係用呢種方法閱讀歷史或者理解歷史，其實非常嘥氣。

【常威近代史】第九部《孫文之死》
https://play.google.com/store/books/details?id=evMsEAAAQBAJ

amazon同步上架👍請大家大力支持！
https://www.amazon.com/dp/B094D663XH

【常公子歷史頻道388回：替大軍閥平反系列之 血酬】

♊世界上有一樣嘢叫「血酬」，應該來自一本書，叫《血酬定律：中國歷史中的生存遊戲》，由中國學者吳思所著，2003年出版，至今已經有十幾年歷史，書中，作者透過對歷代暴力集團行為模式分析，抽象地訂立了「血酬定律」，試圖通過層層計算解釋中國歷史中造反、改革、貪污等等行為嘅共同根源。當年睇本書嘅時候，的確相當震撼，對好多發生係眼前嘅事物，亦都加深瞭解。

♈俗語有講，有錢使得鬼推磨，絕大部份人都係為咗謀取個人利益而生存，香港人有句說話，叫「搵食大曬」，其實冇錯，認為搵食唔係大曬嘅人，只不過係唔需要搵食或需要太搵食，背後有大把子彈撐住。但係利益並非祇有純粹金錢交換，世上仲存在血酬，有好多時候，血酬甚至唔能夠被金錢所量化同取替，血酬只可以用血酬嚟償還同交換，血酬就係鮮血同生命，兩者某程度上超越咗金錢能夠覆蓋嘅範疇。

♐金錢可以因為通貨膨脹而不斷貶值，但好多時候血酬反而隨著時間嘅推移而不斷增加其重量感和實在感，甚至成為一種宗教式嘅狂熱、傳說或時代符號——我相信最佳例子就係基督教信仰系統裡面嘅耶穌，耶穌為世人而死，在耶路撒冷被釘在十字架上，為眾生付出「血酬」，佢死後三日復活，成為神衹昇天，而衆生因為耶穌流出嘅鮮血以得到救贖，所以祇有相信祂，先可以找尋到真理，道路及生命——依一個係最基本嘅「血酬」交換故事，但係耶穌嘅故事，則放於四海皆通。明白呢個故事嘅內容及脈絡，世間事好多時候都會一清二楚……

✅https://youtu.be/fCMIZRfviMI

💙最新上線，請課金支持

【常威近代史】第九部《孫文之死》
https://play.google.com/store/books/details?id=evMsEAAAQBAJ

【常威近代史】（五百四十五回）
裁軍問題仍然好kick

1929年8月1號，蔣Sir喺南京國民黨中央黨部禮堂，主持召開國民革命軍編遣實施會議，北伐完成，就要裁軍，當然係裁別人嘅軍，唔係裁自己嘅中央軍。今年1月，編遣會議由於遭到閻石山、馮玉祥同李宗仁桂系各派軍閥嘅消極抵制而草草收場，會議上所通過嘅大綱條例均未能實施，成為一紙空文，大家空口講白話。去到現在，李宗仁同馮玉祥已經先後反檯，蔣Sir喺3月討桂戰爭同5月蔣馮衝突這兩場新軍閥混戰中都佔咗上風之後，又於今日召開會議，以貫徹上一次編遣會議嘅精神，確定全國軍隊實施編遣具體方案，開會真係冇用，硬實力先係最重要，打巢你，先同你傾條件。

呢次會議有蔣Sir、胡漢民、唐生智、宋子文等300餘人出席，會議通過咗《國軍編遣各部隊裁留標準》、《國軍編遣委員會點驗實施規則》、《陸軍編制原則》等重要條例，決定將現有嘅200萬國民革命軍軍隊編縮為65個師，每個師嘅編制縮減為1.1萬人，即係保留大約80萬軍隊，削減遣散120萬人，瘦身60%！如果大家試過減肥，都好明白一下子瘦60%幾乎係冇可能，而且忽然之間暴瘦一半，一定要付出巨大嘅健康代價。

會議上，亦都規定每月嘅軍費開資為1300萬元，1300萬即係幾多？就係全國每月總收入嘅60%。即係裁軍之後，瘦身六成之後仲要使依個數，咁你可以計算一下未裁軍前係幾撚大鑊，可以推算，當時1929年嘅國府，其實大部份洗費都係軍費開銷。而且裁減120萬軍隊，你估又唔使錢咩？軍人唔係話走就走，唔係今日放低把槍，聽日就可以攞起個鋤頭復耕掛做番農民吓哇？遣散軍人永遠都係大問題，一係好似二次世界大戰咁樣，玉石俱焚，將所有嘢打個炸國稀巴爛，咁大家就乖乖退役投入重建工作，如果唔係，點樣安置退伍軍人呢？唔安置好退伍軍人，咁下一次邊個肯同你上戰場打仗呢？（當時仲未發明無人機呀）

會議上，如此龐大艱鉅嘅遣散任務仍然得唔到各派嘅支持，始终無法付諸實施，鬼叫你之前個波吹得咁大咩？咩咩咩…陰公。裁軍方案仍然拖住。

8月4號，青島日本人關閉六間工廠，過萬人失業。鬼叫你窮？一個社會點解會亂？就係因為太多人冇嘢做，如果個個有工返，有啖飯食，冇人會製造混亂，我哋稱呼為國泰民安，所以經濟先係最重要，搞好經濟，先能夠處理政治問題，或者調轉嚟講，政治問題本來就係經濟問題，兩者密不可分。重要嘅事要講好多次，今日又再講多次，如果將政治同經濟完全分割去思考社會問題，就算讀過大學其實係讀屎片，係個腦出咗事，應該要去book磁力共振照照。

8月6號，基於北平學生嘅輿論壓力，國民政府行政院通過恢復北京大學、北京師範大學等議案，比番個「京」字你用，「平」字真係冇乜氣勢，真嘅。同日，國民政府財政部長宋子文（1894-1971）提出辭職，宋子文曾經多次提出統一財政、實施預算，但係鑒於軍隊編遣實施困難，軍費開支居高不下，國家財政預算根本無法實現，於是宋子文感覺無力挽救，於是提出辭職。7號，蔣Sir御駕親征，前赴上海慰問宋子文，希望佢留低。蔣Sir嘅誠意亦都感動咗佢嘅舅仔，宋子文打消去意，但表示巨額軍費應由各界共同監督，務求挽救國家財政。

8月10號，國民政府打算免去閻錫山本兼各職，改任商震（1888-1978）為山西省政府主席，睇到未？輪到閻錫山了，籠裡雞作反，正在發生中。

8月12號，打仗了，中蘇軍隊喺綏東縣交火，蘇軍佔據北興鎮及李家房子。8月13號，宋子文喺上海宴請銀行家，商討再發行編遣公債5000萬元，既然政府冇錢，就向民間財閥集資，非常理所當然，你畀就係自己人，你唔畀就係敵人，亦都非常理所當然，當晚宋子文離開上海，返去南京復職財政部長。

8月14號，中蘇再次交涉破裂，戰火蔓延，日軍乘機再響長春增兵，並且舉行實彈演習，耀武揚威，真係前門驅虎，後門進狼，最大鑊嘅係，住響屋裡面嘅，係一隻貧窮嘅肥豬。8月18號，日本4000名軍人喺瀋陽附近實行實彈演習，同時蘇軍佔領東寧縣城，19號，中東鐵路局長呂榮寰宣佈全線戒嚴。同日，國民政府下令限制濫用孫中山遺像作為商標，或以「中山」為物品名稱。

8月22號，廣東西江、香港颱風成災，造成巨大破壞，史稱「己巳風災」，令兩地懸掛當年唯一嘅最高級別「七號風球」。香港方面，由於在懸掛烈風信號期間天文台測得一小時颶風風力而使天文台跳過六號風球而直接懸掛七號風球，亦係天文台設立烈風增強信號來嘅第一次。

8月24號，國民黨調查黨員總數為79萬，其中軍人佔19萬人，國民黨黨員嘅數目會喺之後幾年大量增加。

8月25號，中共中央發出《秋收鬥爭的策略路線》，指示各級組織喺領導秋收鬥爭中，沒收地主土地，建立以為工農代表嘅會議政權，即係蘇維埃地方政權。同日，北平市公佈人口調查結果，北平市人口達到1,242,728人，哇，幾精準！8月26號，滬寧民航線路正式開通，中國民間航空業揭開序幕，客機唔係747，而係單螺旋槳單翼美製輕型飛機，每班機限載四個人，每人限攜行李六公斤，試業期間票價實行五折優惠，因此預售處人頭如潮。

#常威💀 #蔣介石平反系列 #黃金十年 #民國歷史

✅本土唯一香港土話近代史文本

❤【常威近代史】第一部《大清亡國關慈禧蛋牛治》，全面開放，免費下載， #freedownload！

Free下載連結🔽

https://play.google.com/store/books/details?id=C3hjDwAAQBAJ