https://www.youtube.com/playlist?list=PL0RVUAILQUOvTo8JJrayjrvd_Nbjc-0Me
❤請加入常公子的近代史世界！
#常威 #廣東話 #中國近代史 #HongKong #Chinese #History
大清亡國關慈禧蛋牛治 3
常公子
1001 回覆
42 Like
34 Dislike
【常威近代史】（七百四十四回）
幫你搵份好工
時間線進入1937年嘅5月，5月1號，李先念（1909-1992）等人率領紅軍西路軍400幾人到達迪化。李先念係湖北黃安人，木匠出身，係繼劉少奇後第三位中華人民共和國主席。1927年12月加入中國共產黨，並擔任中國工農紅軍第四方面軍指揮領導工作，參與長征，之後率領西路軍西征失敗。抗日戰爭期間，擔任新四軍第五師師長等職位。第二次國共內戰期間，與劉伯承、鄧小平晉冀魯豫部隊進入中原。中華人民共和國成立後，其出任中共湖北省委書記、湖北省軍區領導職位。之後擔任國務院副總理，協助周恩來主持經濟方面工作，並於「文化大革命」後期參與懷仁堂事變。80年代後，其先後擔任中共中央副主席、中華人民共和國主席、全國政協主席等職務，還是第八至十一屆中共中央政治局委員，第十二屆中共中央政治局常委。他被認為是鄧小平主政時期的「中共八大元老」之一，1992年6月21日，李先念因病在北京逝世，享年83歲。
5月1號，周恩來主張立刻開放黨禁，釋放全國政治犯。5月2號，中共喺延安召開蘇區代表會議；日本人主使下，察北蒙軍喺南都一大增兵來犯。同一日，偽滿洲國政權亦頒佈《新學制》，建立系統化嘅奴化教育。5月4號，日軍喺承德策劃侵略綏遠。5月5號，國民黨中政委通過《修正土地法原則》；5月6號，中英倫敦會議開始，同日，日本外相伊藤聲明日本並無獨佔華北嘅野心，講係咁講，做就當然繼續做啦。5月7號，國民政府下令裁撤西安綏靖公署，暫時唔剿共，推動「國共第二次合作」框架。同日，陳雲（1905-1995），李先念等400幾名中共官兵到達烏魯木齊。
陳雲，出生於江蘇省蘇州，係中共稀有嘅財經專家，早年領導上海工人運動，隨後參加中國工農紅軍，並隨部參加長征，相繼擔任中共中央駐新疆代表、中共中央書記處候補書記、中共中央組織部部長、中共中央政治局委員等職。隨後赴東北，任東北局副書記。隨後擔任東北財政經濟委員會主任、中華全國總工會主席、中央人民政府委員，領導銀元之戰。中華人民共和國成立後，陳雲曾擔任中央人民政府政務院副總理兼政務院財政經濟委員會主任，負責全國經濟恢復工作與制定中國第一個五年計劃。1950年接替病逝的任弼時增補為中共中央書記處書記，位列五大書記之一，地位僅次於毛劉周朱四人。1956年在中共八大上當選中共中央政治局常委、中共中央副主席。文化大革命期間被排擠出領導核心，之後恢復原職，出任中共中央紀律檢查委員會第一書記，1987年，接替鄧小平當選中共中央顧問委員會主任，被認為是當時主政的中共八大元老之一，葉劍英退休後，陳雲被外界視為是中共黨內僅次於鄧小平的第二號領導人，保守派領袖。1989年六四天安門事件時召開中顧委常委會，促成元老們同意清場。1992年中共十四大後退休，以便重新啟動改革開放，卸任中共中央顧問委員會主任一職，展開其3年退休生活。1995年響北京因病辭世，終年90歲。
5月7號，日本關東軍司令植田謙吉（1875-1962）同德王德穆楚克棟魯普（1902-1966）召集偽首領會議，商討進一步侵略中國。5月8號，日本人再大規模增兵熱河，5月10號，紅軍歷史徵編委員會確定成立，紅軍開始撰寫自己嘅歷史。5月12號，天津永利鹼廠同英國卜內門洋鹼公司(Brunner Mond (UK) Limited)確立配銷協定，規定三年內喺中國實銷鹼數以永利鹼廠55%，卜內門公司45%為比例。卜內門洋行係世界近代史上著名嘅化學工業公司，曾長期壟斷中國化工市場，真係冇辦法，鬼叫你唔識咩？由上世紀末開始，洋鹼輸入中國，卜內門公司擁有89%以上嘅市場佔有率。1924年，中國化工專家，有中國化學工業之父稱號嘅范旭東（1883-1945）喺天津創辦永利鹼廠開始生產，但係人內門公司一再提出願意以資金同技術同中方合作，但范旭東由始至終謝絕英方要求，理由亦都好簡單，同你合作，遲早咪比你食埋，渣都冇得剩，范旭東堅持獨立自主，你唔肯合作，卜內門公司就開始壓價傾銷，誓要以傷人又傷己嘅七傷拳打到你抬不起頭來！但范旭東嘅永利鹼廠一直頑強支撐到1936年，而且業務不斷擴大，營業額日增，終於響今日，卜內門公司提出談判營業合作協議，永利鹼廠爭得一半以上國內市場，認真巴閉！
今個月，天津海河不斷發現壯年男性浮屍，經過警察局調查，認為呢件事係由日本人所為。由上個月開始，浮屍就不斷出現，初時以為係從鴉片煙館拋棄出嚟嘅道友屍體，但係後嚟發現屍體越來越多，因而引起各方注意，警方調查之後，發現死者都係日租界招募出國嘅勞工，日本人係租界內設立大東公司，名義上為招募勞工出國，但實質上為榨取錢財，勞工發現受騙之後企圖逃脫，但係被捉返去嘅人，就不幸罹難，行為令人髮指。呢件事，令我諗起最近有唔少人被誘騙去東南亞遭禁錮嘅事件，情況亦都大同小異，今時今日嘅香港，亦有好多騙徒藉口幫人搵工而呃錢，世界上有好多遊戲，100年前同100年後都係咁玩啫。
#常威 #蔣介石平反系列 #佛經抄寫員 #中日戰爭 #民國歷史
今個月，天津海河不斷發現壯年男性浮屍，經過警察局調查，認為呢件事係由日本人所為。由上個月開始，浮屍就不斷出現，初時以為係從鴉片煙館拋棄出嚟嘅道友屍體，但係後嚟發現屍體越來越多，因而引起各方注意，警方調查之後，發現死者都係日租界招募出國嘅勞工，日本人係租界內設立大東公司，名義上為招募勞工出國，但實質上為榨取錢財，勞工發現受騙之後企圖逃脫，但係被捉返去嘅人，就不幸罹難，行為令人髮指。呢件事，令我諗起最近有唔少人被誘騙去東南亞遭禁錮嘅事件，情況亦都大同小異，今時今日嘅香港，亦有好多騙徒藉口幫人搵工而呃錢，世界上有好多遊戲，100年前同100年後都係咁玩啫。
#常威 #蔣介石平反系列 #佛經抄寫員 #中日戰爭 #民國歷史
上個月，陳誠（1898-1965）專程前赴開封，與東北軍將領商討整編辦法。根據整編方案，東北軍嘅編制、餉械（糧餉與軍備）及教育三項，由軍事部直接統一辦理，原各特種師與獨立師斟酌改編為軍；各部隊防地（即係根據地），由中央撥配調遣，改編之後，東北軍每個軍由原轄4個師12個團，縮編為2個師8個團，實際上東北地方軍事集團，從此被大愛所包容，亦不復存在了。東北軍嘅消失，全因為張學良嘅決定，因為張學良發動西安事變，推動國共第二次合作，點樣去計，張學良都係做咗古今往來冇乜人能夠做到嘅事（放手真係好難），名垂千古絕對應該，只不過佢嘅做法最後係啱定錯，就真係因人而異。
5月15號，武昌地方法院公審劉廬隱（1894-1969）案，5月17號，中國共產黨白區工作會議召開，白區，即係未解放區。5月18號，東北大學數百名學生赴京請願，要求釋放張學良。同一日，日本輪船「富島丸」響香港爆炸，34人死亡。5月20號，全國手工藝品展覽會喺南京開幕，同日，丹麥物理學家波爾（1885-1962）應邀來華講學訪問，1922年波爾因「他對原子結構以及從原子發射出的輻射的研究」而榮獲諾貝爾物理學獎，元素表中107號元素，就係以佢命名為——𨨏。5月22號，佳木斯附近梧桐河礦警部隊起義；5月26號，日本人強行佔領天津海關分卡，5月27號，蔣介石抵達蘆山，籌劃廬山暑期訓練。
今個月，國民政府軍事委員會西安行營考察團到達延安訪問，受到民衆熱烈歡迎。隨住中日矛盾嘅加劇，日本加緊進行侵略中國嘅戰爭準備，國民政府亦都採取咗相應嘅抗戰準備措施，再次擴建空軍。國民政府將全國分為6個空軍區，共設立9個空軍大隊，包括轟炸機大隊3個，驅逐機大隊3個，偵察機大隊2個，攻擊機大隊1個，一共有戰鬥機600餘架，又組建高射炮防空部隊，分設於南京等要地佈防。
今個月，由李達所著嘅《社會學大綱》一書由上海筆耕堂書店出版，依一本係中國第一部馬克思主義哲學教科書。該書分為辯證唯物主義和歷史唯物主義兩部份，介紹咗唯物辯證法嘅歷史、一般特徵、基本規律同範疇，認識同思維嘅辯證過程，以及歷史唯物主義嘅基本原理。著名左翼劇作家夏衍（1900-1995）嘅劇話劇劇本《上海屋簷下》出版；貴州省國立圖書館喺貴陽開館；啓蒙學會喺北平成立，提出開啟新啓蒙運動；由梁啟超（1873-1929）翻譯嘅莎士比亞《暴風雨》（The Tempest）出版；戲劇電影雜誌《新演劇》響上海創刋；中共中央喺蘭州設立辦事處，以收容西路軍失散將士。
1937年5月於焉結束。
#常威 #蔣介石平反系列 #佛經抄寫員 #中日戰爭 #民國歷史
5月15號，武昌地方法院公審劉廬隱（1894-1969）案，5月17號，中國共產黨白區工作會議召開，白區，即係未解放區。5月18號，東北大學數百名學生赴京請願，要求釋放張學良。同一日，日本輪船「富島丸」響香港爆炸，34人死亡。5月20號，全國手工藝品展覽會喺南京開幕，同日，丹麥物理學家波爾（1885-1962）應邀來華講學訪問，1922年波爾因「他對原子結構以及從原子發射出的輻射的研究」而榮獲諾貝爾物理學獎，元素表中107號元素，就係以佢命名為——𨨏。5月22號，佳木斯附近梧桐河礦警部隊起義；5月26號，日本人強行佔領天津海關分卡，5月27號，蔣介石抵達蘆山，籌劃廬山暑期訓練。
今個月，國民政府軍事委員會西安行營考察團到達延安訪問，受到民衆熱烈歡迎。隨住中日矛盾嘅加劇，日本加緊進行侵略中國嘅戰爭準備，國民政府亦都採取咗相應嘅抗戰準備措施，再次擴建空軍。國民政府將全國分為6個空軍區，共設立9個空軍大隊，包括轟炸機大隊3個，驅逐機大隊3個，偵察機大隊2個，攻擊機大隊1個，一共有戰鬥機600餘架，又組建高射炮防空部隊，分設於南京等要地佈防。
今個月，由李達所著嘅《社會學大綱》一書由上海筆耕堂書店出版，依一本係中國第一部馬克思主義哲學教科書。該書分為辯證唯物主義和歷史唯物主義兩部份，介紹咗唯物辯證法嘅歷史、一般特徵、基本規律同範疇，認識同思維嘅辯證過程，以及歷史唯物主義嘅基本原理。著名左翼劇作家夏衍（1900-1995）嘅劇話劇劇本《上海屋簷下》出版；貴州省國立圖書館喺貴陽開館；啓蒙學會喺北平成立，提出開啟新啓蒙運動；由梁啟超（1873-1929）翻譯嘅莎士比亞《暴風雨》（The Tempest）出版；戲劇電影雜誌《新演劇》響上海創刋；中共中央喺蘭州設立辦事處，以收容西路軍失散將士。
1937年5月於焉結束。
#常威 #蔣介石平反系列 #佛經抄寫員 #中日戰爭 #民國歷史
【常公子歷史頻道 511回：黃金十年系列之 省籍問題籍貫問題相當重要】
▶常威近代史頻道停了一個禮拜，實在沒有辦法，因爲我同阿潮都相當忙，生活逼人，有時候唔係唔想做自己想做嘅事，不過搵錢應付日常生活先係最重要，世界大通脹已經降臨，2023年相信唔會好過，上星期呼籲過大家課金支持，到了現在也沒有一毫子課金，不過不要緊，反正早就知道每個人都有每個人的難處，日子仍要過下去，人要活下去，近代史亦會繼續寫下去，youtube片亦會繼續上架，祇不過可能速度要慢一點，人生好多時候就是如此這般，good time又好，bad time又好，也要走落去。
省籍問題籍貫問題非常重要，省籍意識催生嘅山頭主義，響中國近代史上，有時候比意識形態更為秤先，架忌冷自己友圍威喂你估講笑，呢個世界嘅嘢從來都係親疏有別。各位亦千萬唔好認為呢啲係中國人獨有嘅問題，其實天下烏鴉一樣黑，世界上每一個地方都係一樣，相信鄉里親朋戚友自己人行先，有著數益自己人先，係人性嘅黑暗面亦都係光明面，一心開二門，有好有唔好。
⏩https://youtu.be/OuGgLGqOjcc
#常威💀 #常威近代史頻道 #黃金十年系列 #民國歷史 #佛經抄寫員
▶常威近代史頻道停了一個禮拜，實在沒有辦法，因爲我同阿潮都相當忙，生活逼人，有時候唔係唔想做自己想做嘅事，不過搵錢應付日常生活先係最重要，世界大通脹已經降臨，2023年相信唔會好過，上星期呼籲過大家課金支持，到了現在也沒有一毫子課金，不過不要緊，反正早就知道每個人都有每個人的難處，日子仍要過下去，人要活下去，近代史亦會繼續寫下去，youtube片亦會繼續上架，祇不過可能速度要慢一點，人生好多時候就是如此這般，good time又好，bad time又好，也要走落去。
省籍問題籍貫問題非常重要，省籍意識催生嘅山頭主義，響中國近代史上，有時候比意識形態更為秤先，架忌冷自己友圍威喂你估講笑，呢個世界嘅嘢從來都係親疏有別。各位亦千萬唔好認為呢啲係中國人獨有嘅問題，其實天下烏鴉一樣黑，世界上每一個地方都係一樣，相信鄉里親朋戚友自己人行先，有著數益自己人先，係人性嘅黑暗面亦都係光明面，一心開二門，有好有唔好。
⏩https://youtu.be/OuGgLGqOjcc
#常威💀 #常威近代史頻道 #黃金十年系列 #民國歷史 #佛經抄寫員
❤【常威近代史】第一部《大清亡國關慈禧蛋牛治》，全面開放，免費下載， #freedownload！
Free下載連結🔽
https://play.google.com/store/books/details?id=C3hjDwAAQBAJ
6月6號，中華聾啞協會喺上海成立；同日，軍閥宋哲元（1885-1940）等29軍軍官出席冀察綏靖公署喺北平中南海懷仁堂舉行嘅聯歡宴會，同日本人鬥法鬥力，日本人響策劃華北分離嘅過程之中，一直將軍閥宋哲元視為最主要嘅拉攏對象，日本人對宋哲元軟硬兼施，但係宋哲元並未就範，彈出彈入，有時親日，有時反日，日本人因此懷恨在心。今次宴會，日本人時而跳上桌子唱歌，有時又持武士刀跳舞，甚至大叫去到宋哲元面前舉起刀嚟，29軍嘅軍官亦都不甘示弱，針鋒相對，跳上桌面唱中國京劇，董升堂（1893-1963）又跳到席間打八卦拳，李致遠（1907-1978）耍柳葉刀，表示中國軍人並不可侮。29軍嘅旅長們亦都將日軍嘅旅團長邊村舉起，發生嚴重肢體接觸，一時間大有一觸即發之勢，最後日本軍人見狀收皮，並無發生大規模撕殺，呢件事，令我諗起中國歷史上「項莊舞劍，意在沛公」一幕，相當經典。其實「請客食飯」的確係一件咁簡單嘅事來。
6月7號，湘黔鐵路開工；6月10號，上海紗布交易所發生風潮；6月11號，國民政府響蘇州開審沈鈞儒（1875-1963）等救國七君子案，全國各界展開救援運動。6月13號，中國特種教育協會成立。6月15號，行政院通過《救災根本辦法》，同一日，日本內閣通過《日滿一體經濟方案》。
6月15號，蔣介石同周恩來兩大巨頭喺廬山重開談判，但係傾嚟傾去，仍然冇任何結果。周恩來將喺延安起草嘅共同綱領交比蔣介石，但係蔣介石響廬山隻字不提此事，卻提出兩黨合作嘅問題，要由佢指定若干國民黨幹部，同中共方面同等數量嘅幹部共同組成一個國民革命同盟會，呢個國民革命同盟會要由蔣介石做主席，並且有最後決定權，合作還合作，但最後話事嗰個要係我。蔣介石仲提出畀朱德（1886-1976）、毛澤東（1893-1976）離開紅軍出國留洋？吓？蔣介石呢個提議都相當大膽同前衛，冇咗朱毛，中共即係冇左左手同右手，咁即係點呢？毫無疑問，蔣介石所有嘅提議，都係想吞拚埋紅軍，要中共收皮，中共當然唔會答應。另外，蔣介石答應國民大會同國防會議允許共產黨人出席，但需由國民黨方面指定，對方亦不能以共產黨嘅名義出席，周恩來當然拒絕蔣介石嘅所有無理要求，並於6月16號say goodbye離開廬山，飛回紅都延安。依一次國共合作會談，其實並無達成任何成果。
1937年6月，其實蔣介石嘅健康情況亦非常不理想，一個美國記者響1937年6月訪問蔣介石嘅時候，覺得對方「健康情況不太好」，不但要穿住金屬背架支撐身體，而且經常感到痛楚，1937年4月，蔣介石甚至剝咗八隻牙，解決長期牙痛嘅問題。除咗身體情況唔好，蔣介石嘅精神狀況亦都好差。真係冇辦法，作為一個軍事獨裁者，所面對嘅壓力相信唔係每一個人都能夠想像得到，況且面對日本人空前嘅開戰壓力，處於下風嘅蔣介石，相信每一日都並唔易過。
#常威 #蔣介石平反系列 #佛經抄寫員 #中日戰爭 #民國歷史
6月7號，湘黔鐵路開工；6月10號，上海紗布交易所發生風潮；6月11號，國民政府響蘇州開審沈鈞儒（1875-1963）等救國七君子案，全國各界展開救援運動。6月13號，中國特種教育協會成立。6月15號，行政院通過《救災根本辦法》，同一日，日本內閣通過《日滿一體經濟方案》。
6月15號，蔣介石同周恩來兩大巨頭喺廬山重開談判，但係傾嚟傾去，仍然冇任何結果。周恩來將喺延安起草嘅共同綱領交比蔣介石，但係蔣介石響廬山隻字不提此事，卻提出兩黨合作嘅問題，要由佢指定若干國民黨幹部，同中共方面同等數量嘅幹部共同組成一個國民革命同盟會，呢個國民革命同盟會要由蔣介石做主席，並且有最後決定權，合作還合作，但最後話事嗰個要係我。蔣介石仲提出畀朱德（1886-1976）、毛澤東（1893-1976）離開紅軍出國留洋？吓？蔣介石呢個提議都相當大膽同前衛，冇咗朱毛，中共即係冇左左手同右手，咁即係點呢？毫無疑問，蔣介石所有嘅提議，都係想吞拚埋紅軍，要中共收皮，中共當然唔會答應。另外，蔣介石答應國民大會同國防會議允許共產黨人出席，但需由國民黨方面指定，對方亦不能以共產黨嘅名義出席，周恩來當然拒絕蔣介石嘅所有無理要求，並於6月16號say goodbye離開廬山，飛回紅都延安。依一次國共合作會談，其實並無達成任何成果。
1937年6月，其實蔣介石嘅健康情況亦非常不理想，一個美國記者響1937年6月訪問蔣介石嘅時候，覺得對方「健康情況不太好」，不但要穿住金屬背架支撐身體，而且經常感到痛楚，1937年4月，蔣介石甚至剝咗八隻牙，解決長期牙痛嘅問題。除咗身體情況唔好，蔣介石嘅精神狀況亦都好差。真係冇辦法，作為一個軍事獨裁者，所面對嘅壓力相信唔係每一個人都能夠想像得到，況且面對日本人空前嘅開戰壓力，處於下風嘅蔣介石，相信每一日都並唔易過。
#常威 #蔣介石平反系列 #佛經抄寫員 #中日戰爭 #民國歷史
下一個月，就係七七蘆溝橋事變爆發，中日全面戰爭開始。擇個日開波，可能純屬偶然。因為中國同日本之間嘅全面戰爭並唔係想像中咁迫切，1936年2月日本發生嘅大型軍方政變，造成多名日本資深政治人物死亡，日本嘅上層建築尚未從震動中恢復過嚟，政治氛圍非常緊張，中間經過兩任內閣更迭，剛剛上嘅日本總理近衛文麿（1891-1945）個性優柔寡斷，佢需要嘅平穩，並非冒進向中國發動戰爭，甚至本來非常好戰嘅部份日本軍人亦都猶疑，是否應該喺個時候開戰？因為一項全面性嘅軍事改造計畫先剛剛啟動，連曾經參與過奪取東北嘅主要策劃者之一，當時喺東京指揮高層任職嘅石原莞爾（1889-1949）都力主應該放棄華北建立多個自治區嘅政策，全面改善同南京政府嘅關係。
當然日本唔係唔想侵略中國，佢哋擔心嘅係赤色蘇聯（日俄戰爭仇口甚大），原因係日本想像一旦同蘇聯開戰，要確保後方不受威脅，就唔可以同中國同步開戰，更何況，呢個時候蘇聯亦已經加強佢喺遠東嘅防線，將同蘇聯作戰納入考量範圍而重新修訂過嘅日本對中國作戰計畫，係要求當前儘量避免同中國發生磨擦，並且強調任何事件都要限制喺區域內儘快解決，當其時嘅外務大臣佐藤尚武（1882-1971）亦都主張同中華民國關係要「重新開始」，甚至揚棄之前希望中華民國蔣介石政權承認滿洲國嘅要求，進而同日本合作共同打擊共產主義。
非常尷尬嘅係，雖然日本政治高層冇諗過侵略戰爭會咁快發生，不過中日全面戰爭則向七月宣佈正式爆發，中間其實有好多偶然性同意外性存在，當然我個人認為日本人亦唔係想像咁深謀遠慮，尤其是二次世界大戰當時，佢哋好多關於戰爭嘅決定都比較難以理解，例如偷襲珍珠港同之後嘅太平洋戰爭，真係可以叫做連番犯錯，冇一張牌係出得啱，不過1937年前後嘅日本，心態上實在太紅太霸道，東方巨人屹立世界顛峰之上，任何國家都唔會放入眼內，韜光養晦對當時日本人嚟講係懦夫行為，如果佢哋識得收放自如，識得陰陽五行或者懂得利用唯物辯證法思考事情，相信亦唔會最後淪為戰敗國同滿手血腥嘅劊子手，遺臭萬年。
#常威 #蔣介石平反系列 #佛經抄寫員 #中日戰爭 #民國歷史
當然日本唔係唔想侵略中國，佢哋擔心嘅係赤色蘇聯（日俄戰爭仇口甚大），原因係日本想像一旦同蘇聯開戰，要確保後方不受威脅，就唔可以同中國同步開戰，更何況，呢個時候蘇聯亦已經加強佢喺遠東嘅防線，將同蘇聯作戰納入考量範圍而重新修訂過嘅日本對中國作戰計畫，係要求當前儘量避免同中國發生磨擦，並且強調任何事件都要限制喺區域內儘快解決，當其時嘅外務大臣佐藤尚武（1882-1971）亦都主張同中華民國關係要「重新開始」，甚至揚棄之前希望中華民國蔣介石政權承認滿洲國嘅要求，進而同日本合作共同打擊共產主義。
非常尷尬嘅係，雖然日本政治高層冇諗過侵略戰爭會咁快發生，不過中日全面戰爭則向七月宣佈正式爆發，中間其實有好多偶然性同意外性存在，當然我個人認為日本人亦唔係想像咁深謀遠慮，尤其是二次世界大戰當時，佢哋好多關於戰爭嘅決定都比較難以理解，例如偷襲珍珠港同之後嘅太平洋戰爭，真係可以叫做連番犯錯，冇一張牌係出得啱，不過1937年前後嘅日本，心態上實在太紅太霸道，東方巨人屹立世界顛峰之上，任何國家都唔會放入眼內，韜光養晦對當時日本人嚟講係懦夫行為，如果佢哋識得收放自如，識得陰陽五行或者懂得利用唯物辯證法思考事情，相信亦唔會最後淪為戰敗國同滿手血腥嘅劊子手，遺臭萬年。
#常威 #蔣介石平反系列 #佛經抄寫員 #中日戰爭 #民國歷史
【常威近代史】（七百四十八回）
七七蘆溝橋事變
時間線進入1937年7月，中日戰爭全面爆發，呢一個月係歷史嘅大轉捩點，中國同日本兩個國家，亦響依一個月開始踏上其宿命之途，毀滅了一個大時代，同時亦創造了另一個大時代。
1937年7月1號，中共定本日為中國共產黨誕生紀念日。7月2號，上海14間絲廠萬幾名女工罷工，同一日，國立東北大學全部遷至西安，7月4號，廬山暑期訓練團第一期開始，由蔣介石任團長；7月5號，國民政府禁止小麥出口。其實嚟到呢一日，冇人會預計到中日全面戰爭會suddenly全面爆發，從此整個國家陷入萬劫不復之地，不過又係嗰句，如果命運能夠預測，人類點會有咁多苦難？
1937年7月7日，駐守宛平蘆溝橋嘅嘅中國守軍同日軍發生大規模槍戰，「七七蘆溝橋事變」爆發，中國現代抗日戰爭就響今日拉開序幕，事實上，中國軍隊同日本軍隊嘅衝突，今次並唔係第一次，以往都發生過好多次，但係今次衝突之後，紙再包唔住火，日本人亦乘機擴大戰事，正式發動侵略戰爭。1937年7月7號晚上，駐守豐臺嘅日軍一個大隊喺蘆溝橋附近進行實彈演習，之前已經講過，日本軍人已經不停進行響華北每處唔同嘅地方真槍實彈演習，可能只係等待一個機會引爆炸藥。演習嘅時候，日本軍人藉口演習部隊士兵失蹤，要求進入宛平縣城搜查，但遭到中國守軍拒絕。日軍一面通過駐北平特務機關與冀察當局交涉，一面連夜調兵包圍宛平縣城。7月8號淩晨4點，日軍突然開槍放炮攻城，七七蘆溝橋事變由此展開。
攻擊宛平縣城嘅日本部隊指揮為日本中國駐屯軍步兵第一聯隊聯隊長牟田口廉也（1888-1966）大佐，話說回頭，第一團隊得以喺華北駐紮，可以追溯到1901年由清帝國咗簽訂嘅《辛丑條約》，條約講明可以畀外國有權喺使館區、北京周邊以及北京至天津間嘅鐵路沿線駐軍，口講目的就係保護僑民。但去到1937年，隨著大部份外國使館重新喺首都南京設置，外國軍隊喺華北繼續駐紮嘅理由亦都唔再存在，但係日本仍然維持駐軍，道理亦都係一字咁淺，所有明眼人應該明白，日本帝國的而且確係一直想侵略中國，或者要搞華北分離，起碼其他西方列強就冇咁樣做。日本當時響北京外圍一帶，大約有7000人嘅武力，編制裝備包括炮兵、坦克同埋飛機。
【常威近代史】（七百四十九回）
烽火七月天
「七七蘆溝橋事變」成為中日全面戰爭嘅導火線，其實可以講係相當偶然，事後睇返轉頭，對交戰嘅兩個國家來說，都係一場不可挽救嘅大悲劇，如果場戰爭冇發生，相信兩個國家嘅人民都會好過好多，講多一億次都唔怕厭，真係咪以為打仗好好玩，戰爭嘅嘢，可以避免就儘量避免，可以唔打就儘量唔好打，打仗最大嘅受害者永遠都係普通平民百姓，死得最多嘅永遠都係低下階層；當然亦咪以為有錢大X曬，一打起仗上嚟，有錢人同貴族階級通常會成為水魚比政權夾死，所謂有命出命，有錢就要出錢，因為建制同法律再冇辦法保護佢哋，戰爭係一個燒錢嘅遊戲，仲有一點必須要明白，一場戰爭遺禍嘅並唔係單單一代人，好多時候係兩三代人以上，一場戰爭其影響力同破壞力，甚至可以延綿100年以上，千萬唔可以講笑。我有陣時諗，如果真係爆發第三次世界大戰，情況會更加惡劣，因為現代武器嘅毀滅力量更加巨大，分分鐘每一鋪清袋，大家攬炒together灰飛煙滅！
之前講過，中日戰爭其實並無太大迫切性，打同唔打，以當時嘅角度嚟睇，對兩個國家嘅影響亦唔係太大，反正中國同日本磨吓磨吓都磨咗幾十年，大家都習慣咗。戰爭發生之前，東京方面甚至有人提出同中華人民改善關係，緩和緊張局勢，繼續拖落去，繼續鬥而不破！日本人其實已經開始同蔣介石宿敵汪精衛有所接觸，拖長時間，就可以連結更多親日分子，建立傀儡政權取代蔣介石南京政權，咁就唔需要打就同你「合邦」。全面戰爭爆發，日本呢個如意算盤亦都敲唔響鳥。
不過令全面戰爭發生，有兩點值得注意，第一點係軍閥宋哲元嘅態度，宋哲元一直嘅曖昧，令華北嘅局勢保持平穩狀態，佢既不親日，又不親蔣，但係響1937年，宋哲元似乎選擇傾向蔣介石南京政權，因此才導至日本要加快進攻步伐；第二點當然係「國共第二次合作」出現，蔣介石同共產黨打生打死，中華民國處於長期內戰狀態當然係日本人樂於所見，現在國共兩黨達成合作協議，共同抗日，咁仲得了？做人做事都係，唔怕對手強大，唔怕對手好波，最驚對手團結，睇過世界盃總決賽，法國對阿根廷，就會明白箇中嘅道理。而且國共合作，亦觸動咗日本人嘅神經，日本人從來唔驚你中華民國，最驚嘅反而係北方蘇聯共產黨，因此發動中日全面戰爭，日本人最大嘅借口係打共產黨打中共，而唔係打你蔣介石國民黨，不過你國民黨既然同共產黨合作，就順便打埋你咁話。
「七七蘆溝橋事變」發生之後，7月8號中共中央向全國發出通電，號召緊急動員抗日，同日，臺灣國產汽車公司成立，日本人統治下，臺灣開始生產汽車。7月9號，紅軍領導人致電蔣介石，要求立刻將紅軍改名為國民革命軍，作為抗日先鋒。同一日，中美簽訂《白銀協定》，實行貨幣合作，嚟到呢度，中華民國蔣介石政權亦正式向美國靠攏，從此再也分不開，直到今時今日。7月11號，憲政協會喺上海成立。7月15號，中共中央向國民黨送交國共合作宣言書。7月15號，中國劇作家協會喺上海成立，7月16號，蔣介石召集全國知名人士喺廬山談話，相談時局大勢。7月17號，國共代表再次喺廬山展開會談。7月18號，華北軍伐宋哲元發表「平則和，不平則不和」嘅談話。同一日，郵電部命令各地郵局，對淪陷區內郵政採取維持嘅方針，郵政人員不得撤退，等待機會恢復業務，依類命令其實都係公文式，敵人打到來喊打喊殺，唔通唔走咩？
7月20號，蘆溝橋戰事又起，中日軍隊再度激戰，局面進一步惡化。7月22號，上海市各界抗敵後援會成立。7月23號，中共中央發表《為日本帝國主義進攻華北第二次宣言》；7月24號，北平各大學全體教授發表時局宣言，反對日本侵華。7月26號，局勢正式升級，日軍向宋哲元發出最後通牒，要求宋哲元部隊即係國軍29軍撤出北平，但係宋哲元斷然拒絕。你唔肯走，就打到你走，7月28號，日軍猛烈進攻北平南苑，出動飛機空襲，29軍副軍長佟（音瞳）麟閣（1892-1937），師長趙登禹（1898-1937）先後殉國，7月30號，北平失守，日本人只用咗一日嘅時間，就用壓倒性嘅兵力佔領北平，雙方軍事實力差距，亦可想而知。7月31號，蔣介石發表宣言，表示抗戰到底。而先前受審嘅七君子沈鈞儒等人，亦響今日出獄。
今個月，魯迅生前編定嘅雜文集《且介亭雜文》、《且介亭雜文二集》、《且介亭雜文未編》由三閑書屋出版。由於戰爭關係，北平故宮博物院遷到安谷，並且建立樂山辦事處。今個月毛澤東亦都寫成其重要理論著作之一《實踐論》，副題為「論認識和實踐的關係－－知和行的關係」，以馬克思主義角度出發，提出面對現實及從現實中實踐嘅重要性，鞭苔教條主義及主觀唯心主義，演繹嘅係唯物辯証法，內容相當哲學化，文章最後一段有兩句說話可以作為總結：『通過實踐而發現真理，又通過實踐而証實真理和發展真理。』，如果套用落當時嘅抗日戰爭，就係話畀大家知，日本侵略中國係無可避免既現實，而中國人民面對日本人嘅侵略，其「實踐」行動就要積極抗日，至死不休。呢個係我個人嘅理解，不喜勿插。
烽火7月，到此完結。
#常威 #蔣介石平反系列 #佛經抄寫員 #中日戰爭 #民國歷史
7月20號，蘆溝橋戰事又起，中日軍隊再度激戰，局面進一步惡化。7月22號，上海市各界抗敵後援會成立。7月23號，中共中央發表《為日本帝國主義進攻華北第二次宣言》；7月24號，北平各大學全體教授發表時局宣言，反對日本侵華。7月26號，局勢正式升級，日軍向宋哲元發出最後通牒，要求宋哲元部隊即係國軍29軍撤出北平，但係宋哲元斷然拒絕。你唔肯走，就打到你走，7月28號，日軍猛烈進攻北平南苑，出動飛機空襲，29軍副軍長佟（音瞳）麟閣（1892-1937），師長趙登禹（1898-1937）先後殉國，7月30號，北平失守，日本人只用咗一日嘅時間，就用壓倒性嘅兵力佔領北平，雙方軍事實力差距，亦可想而知。7月31號，蔣介石發表宣言，表示抗戰到底。而先前受審嘅七君子沈鈞儒等人，亦響今日出獄。
今個月，魯迅生前編定嘅雜文集《且介亭雜文》、《且介亭雜文二集》、《且介亭雜文未編》由三閑書屋出版。由於戰爭關係，北平故宮博物院遷到安谷，並且建立樂山辦事處。今個月毛澤東亦都寫成其重要理論著作之一《實踐論》，副題為「論認識和實踐的關係－－知和行的關係」，以馬克思主義角度出發，提出面對現實及從現實中實踐嘅重要性，鞭苔教條主義及主觀唯心主義，演繹嘅係唯物辯証法，內容相當哲學化，文章最後一段有兩句說話可以作為總結：『通過實踐而發現真理，又通過實踐而証實真理和發展真理。』，如果套用落當時嘅抗日戰爭，就係話畀大家知，日本侵略中國係無可避免既現實，而中國人民面對日本人嘅侵略，其「實踐」行動就要積極抗日，至死不休。呢個係我個人嘅理解，不喜勿插。
烽火7月，到此完結。
#常威 #蔣介石平反系列 #佛經抄寫員 #中日戰爭 #民國歷史
【常威近代史】（七百五十回）
押注
時間線進入1937年8月，戰火蔓延。「七七蘆溝橋」事變發生之後，中日雙方似乎都冇辦法好似以前噉平息事件，反而打開咗潘朵拉盒子，戰火一發不可收拾。事實上，響事變發生後兩國國內都爆出強烈求戰嘅呼聲，上集講過，日本國內有人認為現在並唔係爆發全面戰爭嘅好時機，但係日本政府中亦有積極鼓吹戰爭嘅軍人，例如參謀本部課長武藤章（1892-1948）以及陸軍省軍事課長田中新一（1893-1976）等等，尤其是後者田中新一，更被後世歷史認為係擴大戰爭最重要嘅一個鼓吹者，主戰派大力主張中國內部仍處於分裂狀態，軍事改造目標尚遠，正是發動戰爭的好時機，尤其是考慮到日本以後一定會同更強大且更具威脅性嘅對手蘇聯開戰，速戰速決解決中國，正是千載難逢嘅機會。經濟情況方面考慮，當時日本正遭受經濟大蕭條餘波影響，軍事支出極高，軍隊要維持聲望同控制力，或者增加民眾嘅向心力，最好嘅方法無疑就係發動一場睇起嚟勝算極高嘅大型戰爭。
當然如果你問我，當時日本民間是否渴望打仗？同我所理解嘅角度去睇，我幾乎可以百分百肯定唔想打仗嘅平民百姓一定佔大多數，祇不過大多數人嘅意志，並不代表國家嘅意志，何況邊個想開戰？邊個要血流成河？大家都一清二楚，坐館唔出聲，雙花紅棍點會做嘢？呢位仁兄不但同中華民國開戰，之後更加同力量無比巨大嘅美國開戰，當然事後佢將所有責任推得一乾二淨，完全唔關佢事咁話，佢話自己其實冇權話事，響君主立憲制度上亦只係一個扯線公仔，呢位仁兄係邊位？大家一定心中有數。
就算響中國，全國各地都能夠感受到戰爭高漲嘅情緒，知識份子、學生、左派、民間組織、媒體、或者好多唔太聽從南京蔣介石號令嘅軍閥們，佢哋紛紛呼籲要以武力抵抗日本人嘅侵略，其實當時嘅社會輿論，亦經常批評蔣介石嘅國民黨疏於抗日，淨係識得打共產黨（先安內，後攘外），自從1935年華北同埋内蒙古嘅河北，以及察克爾自治政府成立之後，全國民間到處成立抗日組織，遊行示威活動經常發生，識字嘅人都傾向武力抗日，由上而下輻射擴散，全國人民普遍情緒高漲（全國人民並不包括90%以上嘅農民），蔣介石之前推動嘅新生活運動，以軍事方式對民眾意識形態嘅改造同灌輸，其實取得極佳嘅效果。
總括而言，就係識字嘅人、係有想法嘅人、或有權勢或聲音比較大嘅人想打仗，於是就推冇乜想法嘅平民百姓上戰場送死，無論係中國或者日本，大致上嘅情況就係差唔多。凡事都冇必然，歷史更加係冇，只不過啱啱撞著剛剛，戰爭就咁樣爆發咗。