英國移民雜談 (不定時更新)

[其三。一] 簡介

NHS （National Health Service ）呢個名大家可能都聽過。佢係英國嘅公營醫療機構，你係英國任何一個角落都會見到呢個藍底白字嘅Logo。除左診所同醫院之外，好多唔同嘅服務都係直屬NHS 或者同NHS 有關，包括老人院、心理治療、善終中心、物理治療同職業治療等。

眾所鳩知，英國作為一個nation 係有四個country，分別係England、Scotland、Wales 同Northern Ireland。基於種種嘅歷史原因，每個country 都有佢地自己嘅NHS 分支。雖然好多嘢對市民黎講都係大同小異，但係我以下講嘅所以嘢都係以NHS England 作準，大家敬請留意。

NHS England etc. 其實都只係一個大框框，底下重有份唔同嘅聯網（Trust）。有啲大城市會自己有一個trust，唔少鄰近嘅細城市就會幾個組成一個trust。所以好多時候急症同睇專科醫生都會refer 你去另一個城市嘅醫院就係咁解（even 係通波仔都可以用救護車車你去隔離城市）

英國除左公營醫療外亦都有私營醫療。但係因為公營醫療質素拍得住私營同埋大家份稅包埋你睇NHS ，所以多數市民都係揀返NHS 睇。會睇私營嘅多數係公司有買醫保或者有啲服務NHS 唔包（因為NHS 無錢，所以有啲唔係必要嘅服務係會唔包）。

只要你係揸BC， 直屬NHS 嘅所有服務係唔駛收錢。無錯，上至住院下至抽血，大至做手術細至換膠布，全部唔駛錢。呢個對我黎到英國係一個cultural shock，所以先咁強調呢點。但係由於英國係醫藥分家，所以係診所開藥係NHS England 係要自己俾錢。有趣嘅係NHS Scotland 同NHS Wales 係連診所藥費都唔駛俾，所以大家揀住邊嘅時候都可以考慮埋呢樣嘢（順帶一題，住院時用嘅所有藥都唔收錢）。藥費同攞藥嘅嘢我會係其他章節再詳細講解。

每個人都會有一個自己嘅NHS number，係以10 個數字組成。呢個number 你可以問自己註冊嘅診所攞，係NHS 寄俾你嘅信都好多時有呢組數字。建議大家mark 返低，因為如果你未來搬屋要轉診所嘅話，有呢個number 會易辦事啲。但係唔記得嘅話其實啲醫護都可以問你嘅個人資料黎拎返，所以唔駛panic。

好啦，簡介目前就係咁多，大家有咩唔明同想知都可以問。我估計黎緊會一日一篇到，大家stay tuned

方便呀，攞藥會有張藥單俾你重覆用，直到咁上下醫生要同你review
我會係攞藥個part 到詳細講一次，到時記住返黎睇

英國人全部直接飲，香港人要習慣下，我就已經習慣左

唔長，政府嘅勞工法例保障好過香港

衣著氣質分到

通常衣著打扮好精緻
衣服妥貼

例如有時去開d有錢住宅區見到個阿婆行出黎等uber

佢係化晒妝set晒頭
衣著好decent

d阿伯就著晒overcoat戴晒紳士帽，著皮鞋咁

勞工階層就一定唔會著到咁

一。衣裝
二。講嘢：有時even 同一個城市入面，有啲低下階層講嘢會無咁清楚，或者口音會再重啲
三。行為同禮貌

Junior 銀行it狗
30日假
（勁羡慕

巴打，我仲等緊你講呢part

我打緊㗎啦，睇下今日出唔出到

hi

hi

想問下樓豬nhs同ihs有咩分別
bno visa是咪淨是得ihs
要nhs是咪要等到有bc之後先會有

以我嘅理解,IHS 只係NHS 一筆過收你一舊錢嘅scheme，收左之後你就係睇返NHS,唔駛逐次俾。直到你正式BC 就唔駛再俾錢，有free health care
https://www.gov.uk/healthcare-immigration-application

明白了
多謝樓豬解釋

硬水係咪會甩頭髮
要點搞

地毯個d點清潔？吸塵機？

[其四] 垃圾分類



每個市政府（Council）都會有自己嘅rules，但係大致上垃圾分類係分三種：一般垃圾（Household waste）、回收垃圾（recycling）同園藝垃圾（garden waste）

House 嘅垃圾筒示意圖：


Apartment 嘅垃圾收集站示意圖：


住House 同住apartment 會有唔同。住House 嘅係自己有自己嘅三種垃圾筒，我自己個Council 就要自己同政府買，價錢都唔平，所以自己嘅垃圾筒要做返記認，例如用噴漆噴返House number 或者買防水label 痴，如果唔係會俾人偷或者俾隔離屋唔小心攞左。住apartment 嘅就多數有公家嘅垃圾筒。

住House 嘅唔好諗住偷懶唔做分類，因為自己嘅垃圾筒未必夠你放咁多垃圾放到下次有人黎收。住House 比住apartment 多樣嘢煩嘅就係每次垃圾車朝早黎收垃圾都要前一晚推個垃圾筒出去馬路邊。啲垃圾佬收完自後就會放返原位，等你自己收返個垃圾筒。收垃圾多數唔係一次過收曬三類，可以係每個禮拜只收一至兩樣。所以有時啲垃圾要放係個垃圾筒兩個星期，個袋一穿左就會臭到仆街。所以建議垃圾袋一係就買靚啲，一係就double bag。你個地址收垃圾嘅timetable 政府會寄俾你，亦都可以上返官網download，timetable 會出曬成年嘅日子，包括大時大節會點改。

回收筒係點回收，同埋有啲咩係唔收，唔同Council 又會有唔同嘅方法。大致上回收嘅就有紙、塑膠、鋁罐同玻璃。有啲Council 係一個筒俾你放曬入去（mixed recycling），有啲要分開玻璃，有啲直頭全部都要分開。所以有啲城市係用幾個回收籃，唔係一個回收筒。有啲Council 會唔收某啲塑膠，詳情要自己上返Council 官網睇。有啲food container 例如pizza 盒因為污糟，所以都係唔回收要放入一般垃圾。有時放錯左，垃圾佬係會唔收你個筒，要你自己執返掂佢等佢下次收。例如發泡膠係我個城市係唔回收，要放入一般垃圾到。

食物殘渣同非廁紙嘅紙巾（包括盒裝、Tempo 嗰種嘅細包facial tissue、廚房紙）千祈唔好沖去屎坑。英國室內嘅渠係頂唔順，所以係一定會塞。我初初唔知道呢樣嘢，結果個屎坑幾個星期就塞左，啲屎水一沖廁就會係個浴缸倒灌湧出嚟，結果要請專人搞（唔係一般通渠佬，水電煤嘅嘢遲下會講）。

Garden waste 就無咩特別，就係放剪完草嘅草呀，樹枝之類，有咩想知大家再問。

大型嘅家居垃圾（例如換傢俬）就比較麻煩，一係就自己車或者抬去附近嘅垃圾站，一係就請人黎收。有啲會包人入屋清，有啲就係放個斗係你屋外，等你自己搬曬啲垃圾入去再車走。聽聞搵人請垃圾係幾貴，但係實際價錢就唔清楚，大家要自己上網搵下附近嘅公司報價。

斗示意圖：

[其四] 垃圾分類



每個市政府（Council）都會有自己嘅rules，但係大致上垃圾分類係分三種：一般垃圾（Household waste）、回收垃圾（recycling）同園藝垃圾（garden waste）

House 嘅垃圾筒示意圖：

追問一下關於house嘅垃圾分類

係咪都係廢紙，鋁罐同埋膠樽三類？咁唔屬於呢3類（例如廚餘，木材...）又再分開一個袋丟？

平時就用吸塵機
咁上下就一係請人清，一係就租機同買清潔劑搞。有啲地方例如B&Q 會有得租Rug Doctor