【藝術賞析】集狂人、詩人、情人於一身 —— 梵谷Van Gogh

既然講到自畫像，咁我就要提兩個畫家
一個係記錄自己嘅起點，一個係記錄感情嘅起點
第一個就係人稱自畫像之父嘅 杜勒(Albrecht Dürer)

Self Portrait, 1498, Albrecht Dürer

點解佢係自畫像之父呢？
最主要係因為佢係第一個持續咁畫自畫像
一生畫左十幾幅唔同創作手法嘅自畫像
其次係佢比達文西(Leonardo da Vinci) 仲要再早二十幾年畫佢第一幅精緻細膩嘅自畫像
總之佢係西方繪畫史上最早以寫實方式紀錄自己容貌的畫家
所以後世都稱佢為自畫像之父

杜勒佢深明自畫像可以有效自我宣傳
佢用自畫像記錄低自己嘅名成利就
記錄住佢一生風光一面
叫旁人羨慕不已


Self-Portrait at 28, 1500, Albrecht Dürer
呢一幅就係最多人認識佢嘅自畫像
但咁多張點解係呢一張呢？
其實最主要嘅原因係因為佢畫到自己成個耶穌咁
仿造出耶穌the holy face嘅表現形式去畫自己。
對我地現代黎講當然無咩問題啦
但對於當時仲係神權主導嘅西方國家黎講就好大問題
真係非常之狂妄自大，係當時仲帶黎好多爭議
但點解佢要咁做呢？係咪想話比人知佢有如同基督一樣嘅地位


Self Portrait, 1493, Albrecht Dürer

不過有研究講過
其實佢係想借呢張自畫像去提高藝術家係德國嘅地位
因為當時德國嘅藝術家地位如同勞力工匠一樣，十分低賤
而去完義大利旅行嘅佢，深深感受到義大利對藝術家嘅尊重
所以佢覺得有需要提高藝術家係德國嘅地位

杜勒係用自畫像哂命嘅同時，又用自畫像為藝術家發聲
叫人又愛又恨

估唔到探長會從梵高lung埋杜勒同林布蘭，呢兩個都係我好鍾意既畫家。杜勒除咗呢幅自畫像外，我最鍾意就係佢幅犀牛同埋免仔，因為兩幅精細之餘，亦有一種好cute既感覺：





林布蘭又係另一種感覺，佢無杜勒畫得咁精細，人人都話《夜行》出名，我自己亦好鍾意佢既肖像畫，覺得好有生活感，而且幅幅既表情都有細讀既空間

少少 +重貼，希望唔好介意

尋日響會展影

咁正嘅，佳士得拍賣？
昇巴影得幾清喎

Yes! 好似去到31/5


最surprised係見到依幅

仲有冇影其他？我好想知有咩畫家嘅作品啊

冇乜認真留意同了解，相關嘅書都冇睇過，但我睇畫會停留耐啲喺「edvard」嘅作品度，仲有「塞尚先生」咁啦，都係啲大路人物。

巴打唔係讀藝術都知道咁多嘢
有冇咩書可以推薦一下？

我依家所有既知識都係建基於依個post同同埋啲留言

我其實都係咩都唔識，黎呢個post學野，想知更深入就一定係要自己搵書睇，終身學習，去旅行正係會睇museum同gallery，睇真跡好緊要。

好多人就算讀藝術相關科目都係無心問藝，去到畢業都冇聽過Clement Greenberg, Arthur C. Danto呢d大人物，只要畢業作品同埋個portfolio夠勁就得。所以係唔係讀藝術根本唔關事。

啊係，介紹書。你想了解邊方面嘅野先？

就係想了解藝術賞析方面既嘢
好似巴打依家就講梵谷啦，我想知如果我睇其他artists可以點欣賞同分析佢地背後
係唔係要每個人都睇歷史咁睇？
同埋最後想知點樣定藝術既價值

其實我覺得最好就係睇多啲藝術品
到有邊幾個你有感覺或者你想了解先去睇個個藝術家
再從個個藝術家身邊嘅所有嘢開始睇起
比如係我睇到梵谷嘅畫好鐘意，就搵梵谷嘅資料，再圍住梵谷嘅一切去了解
你會了解到當時嘅歷史背景、畫派、畫友等等所有脈絡

係當中你又會發現到一啲你有興趣嘅事同人
再順住個脈絡去了解多個藝術家或者流派
咁樣一層層跟住喜好去睇會吸受快好多，
你一步步咁睇，好快會理解到成個藝術世界嘅概要
到時再專睇你想了解嘅範疇

所以如果想以了解為主嘅可以睇大包圍類嘅書先
姐係咩咩名畫100講、一生要了解的XXXX幅畫 個類
唔一定係睇哂本書，只係睇多啲藝術品

我會建議睇書先睇輕鬆啲嘅先，令你對藝術更有興趣先再去睇藝術入門書
唔會有太多硬知識一口氣要睇哂
以前有巴打推薦過有本當蘇格拉底遇上金寶湯
我就覺得 現代藝術，怎麼一回事？ 呢本唔錯

當然可以睇有巴打講過嘅藝術的故事(呢本可以話係必睇)、世界美術名作二十講 呢類都係入門書

藝術要識欣賞同分析始終係要對藝術有一定程度嘅了解
好多事係有脈絡發展出黎，背後有好多關係好多知識上嘅嘢
所以跟住喜好黎追會輕鬆好多

lm

藝術只有鐘意唔鐘意

但應該都有返基本條件???

咁一個人靚唔靚都係好主觀
基本條件? 當刻嘅審美觀?

藝術只有鐘意唔鐘意

但應該都有返基本條件???

咁一個人靚唔靚都係好主觀
基本條件? 當刻嘅審美觀?

嘩 哩d咪智者囉
食物好唔好食都係好主觀 電影好唔好睇都係好主觀
客唔客觀都係好主觀
所有學校應該執晒佢 閣下作品主觀上同藝術大師又冇分別

高質，一口氣爬曬文，支持巴打

藝術只有鐘意唔鐘意

但應該都有返基本條件???

咁一個人靚唔靚都係好主觀
基本條件? 當刻嘅審美觀?

的確對藝術黎講，個人觀感好重要
但用人靚唔靚黎比喻就唔合適
始終藝術係有一定嘅技術成份，而本身藝術都包含左大量嘅歷史脈絡
所以有一定程度嘅對比同準則，個人觀感唔會影響到藝術本質上嘅價值
相反人靚唔靚只係根據當時嘅審美觀，背後並無任何脈絡可以做價值準則

如果藝術只係用個人觀感去決定
好多電影、音樂、文學、設計都會失去佢嘅價值

我好支持大家留言，你引出嘅一串討論都有趣
其實你提出唔係錯哂，都係大眾常誤解嘅事
的確鐘意唔鐘意對一個過客黎講係最重要
但當你走入領域內就會發覺一切並不是這麼簡單

估唔到探長會從梵高lung埋杜勒同林布蘭，呢兩個都係我好鍾意既畫家。杜勒除咗呢幅自畫像外，我最鍾意就係佢幅犀牛同埋免仔，因為兩幅精細之餘，亦有一種好cute既感覺：





林布蘭又係另一種感覺，佢無杜勒畫得咁精細，人人都話《夜行》出名，我自己亦好鍾意佢既肖像畫，覺得好有生活感，而且幅幅既表情都有細讀既空間

少少 +重貼，希望唔好介意 [/quote]
我都幾鐘意幅犀牛，好鐘意佢嘅幻想 最搞笑係全部人都拎佢呢幅就當係犀牛真身

佢幅兔仔我覺得好利害，佢畫嘅兔仔非常寫實，啲肌肉同毛髮仔細到不得了
特別係啲肌肉表現好精彩

林布蘭我個人好鐘意呢幅The Man with the Golden Helmet

你講生活感重啲嘅我幾鐘意解剖學課個幅



原來巴打有係原Post 覆過我一次 過到黎等我講杜勒又Post多次
多謝巴打咁有心支持
唔會介意，多啲留言討論

高質，一口氣爬曬文，支持巴打

多謝巴打支持
好快有多篇

正 皮已正
買左本梵高傳未得閒睇

估唔到探長會從梵高lung埋杜勒同林布蘭，呢兩個都係我好鍾意既畫家。杜勒除咗呢幅自畫像外，我最鍾意就係佢幅犀牛同埋免仔，因為兩幅精細之餘，亦有一種好cute既感覺：





林布蘭又係另一種感覺，佢無杜勒畫得咁精細，人人都話《夜行》出名，我自己亦好鍾意佢既肖像畫，覺得好有生活感，而且幅幅既表情都有細讀既空間

少少 +重貼，希望唔好介意

我都幾鐘意幅犀牛，好鐘意佢嘅幻想 最搞笑係全部人都拎佢呢幅就當係犀牛真身

佢幅兔仔我覺得好利害，佢畫嘅兔仔非常寫實，啲肌肉同毛髮仔細到不得了
特別係啲肌肉表現好精彩

林布蘭我個人好鐘意呢幅The Man with the Golden Helmet

你講生活感重啲嘅我幾鐘意解剖學課個幅



原來巴打有係原Post 覆過我一次 過到黎等我講杜勒又Post多次
多謝巴打咁有心支持
唔會介意，多啲留言討論[/quote]

探長終於覆我post啦...

留名睇Durer~ 無咩我都係繼續追返postss先

留名學野 巴打好西利
可唔可以講下Café Terrace at Night？
唔識藝術 但唔知點解細細個第一次見到呢幅畫已經好鐘意

正 皮已正
買左本梵高傳未得閒睇

多謝支持
係咪佘光中譯個本，我都未睇哂
睇哂可能仲了解過我

藝術只有鐘意唔鐘意

但應該都有返基本條件???

咁一個人靚唔靚都係好主觀
基本條件? 當刻嘅審美觀?

的確對藝術黎講，個人觀感好重要
但用人靚唔靚黎比喻就唔合適
始終藝術係有一定嘅技術成份，而本身藝術都包含左大量嘅歷史脈絡
所以有一定程度嘅對比同準則，個人觀感唔會影響到藝術本質上嘅價值
相反人靚唔靚只係根據當時嘅審美觀，背後並無任何脈絡可以做價值準則

如果藝術只係用個人觀感去決定
好多電影、音樂、文學、設計都會失去佢嘅價值

我好支持大家留言，你引出嘅一串討論都有趣
其實你提出唔係錯哂，都係大眾常誤解嘅事
的確鐘意唔鐘意對一個過客黎講係最重要
但當你走入領域內就會發覺一切並不是這麼簡單

超高質回應
施主你呢個po引起左好多本來對藝術無有認識之人嘅興趣，實在功德無量呀
有冇得問下樓主讀咩科畢業

放假去左台北玩,
因為探長先會去故官奧塞美術館展覽,
有講印象派同梵谷,
睇到真跡好感動,
可惜唔比影相,唔係可以分享吓!!!

嘩，好感動呀
估唔到影響到巴打你去睇畫展

係呀，真跡同相真係無得比
有機會一定要去睇真跡

個公仔 個個都要整到佢好似痴線佬咁

放假去左台北玩,
因為探長先會去故官奧塞美術館展覽,
有講印象派同梵谷,
睇到真跡好感動,
可惜唔比影相,唔係可以分享吓!!!

好Q

超高汁 一直係我好中意睇既範疇 CD ROM特登註冊個AC黎留名
梵歌真係好有個人魅力 幾年前有幸係歐洲睇過真跡 佢既粗筆觸顏色運用同個份氛圍 遠睇近睇都好有感染力 遺憾當日係梵歌博物館咁岩食薯者唔知係外借左定點收埋左睇唔到sosad

d討論都好高汁有趣 之前上過一個course都係討論現代概念藝術既爭議 好得意 有d真係見到心諗做乜9 但有d唔知做乜9之餘會莫名感染touch到我 好奇妙 之前同朋友去art basel係會用覺得件piece plea唔pleasant想唔想擺係屋企黎做標準 瘋狂ff有d好靚但太dark擺係睡房會訓唔著覺之類

期待巴打既post同更多討論

期待討論美學 vs 藝術