[連登有愛] 做左10年髮型師 為你解答髮型問題

巴打救命
前兩個禮拜去咗大陸拉直頭髮
拉完已經覺得好臭
返到嚟洗咗兩星期頭，個頭都仲係好臭
尤其係一濕咗水真係臭到傻
洗個陣已經有按摩頭皮同落大量護髮素
請問有咩辨法解救
先感謝巴打

如果曾經漂過一次漂
係咪一定要剪哂先可以電攣？
利申上年8月漂

漂頭髮邊度好 想染霧面灰

如果曾經漂過一次漂
係咪一定要剪哂先可以電攣？
利申上年8月漂

係呀 漂過電唔到架啦

巴打救命
前兩個禮拜去咗大陸拉直頭髮
拉完已經覺得好臭
返到嚟洗咗兩星期頭，個頭都仲係好臭
尤其係一濕咗水真係臭到傻
洗個陣已經有按摩頭皮同落大量護髮素
請問有咩辨法解救
先感謝巴打

咁大獲 係咪電髮水既味呀？

髮尾漂電到傷哂有冇辦法補救

Olaplex or. Smartbond 幫到你

我覺得唔得

子彈頭係咪唔係個個都識剪

我地叫超人頭

電髮係咪一定夠長先可以電
好想走去電髮
而家啲頭髮又硬又多又黑
睇落好冇層次

唔係架 短都電得架

兩側向上飛
可以點

巴定絲先

巴
額高頭頂塔兩邊向外生
想電髮有咩介紹？

兩邊鏟小小先 頭頂電鬆鬆地 應該唔難

如果電左頭髮用shiseido professional the hair care個隻順滑洗頭水得唔得
因為我見佢功能完全係我想要既，
天生攣毛成日起哂絲勁毛燥，
對住個頭真心想喊
但我見佢唯一就係話尤其岩想要維持直髮既人用，我驚用完係就係令到我個頭直左
但會唔會令我電左個part啲攣直番哂？

絕對唔可以用 因為會用左冇哂曲 哩類型既洗頭水本身好重身架

我想問上水區邊間同邊個師傅比較好

我係髮型師 唔係顧客 所以自從入行後 冇出去比人剪過了 sorry

女仔頭髮分界分死左點算
格硬梳側少少啲頭髮都會跌返去另一邊

一係用時間吹返去佢 一係就搽d 電髮既part1 改變佢

點用時間吹返佢
每次洗完頭都分第二條界？

係呀

成日剪頭髮都比個髮型師話髮質好硬 平時左右兩邊唔剷青既話就會飛起哂

想問有冇咩方法可以令頭髮變順滑同軟啲

順滑可以做焗油呀 不過髮質硬係因為頭髮粗 但係粗幼是天生不可改變的

如果想剪呢隻大概要留幾長

留得長過佢

絲，頭好大，有啲倒三角
仲要頭髮硬+有啲蓬鬆
髮質開始差，有啲毛燥
係咪只可靠電直?

上直下曲都可以既 睇下點搞先唔悶啦 我諗你整直都整左好多年

係呀，10年喇
我應該到25歲之後先會電曲，驚好老

其實唔會 而家興緊自然 電髮都好易接受

絲
個頭好難好似人地咁飄逸 姐係可能fing下個頭 人地個頭會仲好整齊 我就定撚左型咁 要手整先齊返 而且每次出街 夾好曬出到去一陣就亂曬 又變返向外
請問點先可以改善以上問題？有冇啲咩方法可以令個頭好柔順易打理？
同埋包面 但額頭好大 係咪只可以永世齊陰
157 少肥 有冇話咩髮型啱？
好多問題 希望樓主解答

得閒做下焗油啦 會順滑好多架 齊唔齊陰就睇你既習慣 想變其實都有方法架

樓主skip左我

抱歉 要處理既問題太多 可唔可以問多次？

頭髮就死有冇得救

起死回生冇可能

洗完頭 覺得好快（可能一日）就有頭皮味 就咁聞聞唔到 但用手指梳下頭皮就會聞到 正唔正常？定我要點做

同埋我d頭髮超級毛燥 又好易走樣 特別係夏天 幾經辛苦夾好d頭髮出去 出門1分鐘都唔洗就維持唔到 由其係d蔭 點解人地可以做運動出哂汗都唔變形 我一行就攣哂

因為你天生曲 好多人以為毛燥係乾 其實問題係天生曲 試下電下佢拉下佢 你就明點解人得你唔得架啦

我以前拉過 但曲係靚d 同埋我長頭髮 唔係攣到爆出黎咁 可能考慮下淨係拉前面

咁頭皮味呢

試下用d帶小小薄荷成份既洗頭水 / 壓抑頭油分泌既洗頭水

髮型師係咪會為咗拉客問個客拎Ig

下 拉客？ 真正髮型師 點會咁做 咁冇專業操守

巴打有冇邊隻牌子嘅gel 好介紹
用黎gel攣頭髮
自己gel完之後再用捲髮棒夾勁快直返
好耐之前去髮型屋搵師傅夾 佢都係好似我咁樣夾
但係佢整完個頭係hold到勁耐
第日瞓醒都仲好靚
啲頭髮有彈性又有光澤仲要唔笠
我自己夾係勁悍（可能我噴左spray 所以啲頭髮望落都冇乜彈性）
究竟用乜嘢gel 是最好的
定係其實用 mousse 會好d？

巴打唔覆我

其實可能係你方法用錯左姐 如果gel我想問你巴定絲

我想問下如果兩邊滴水好長剪邊種髮型好啲

巴定絲？

絲

點樣先可以頭髮唔好生得太厚 成日明明長度滿意但太厚變相一定要剪覺得好浪費錢

同埋如果漂過頭髮，之後再上過其他色，依家係偏綠既淺啡，染黑其實last到幾耐

謝樓主

係咪唔小心漏左我

厚頭髮係天生架 我諗你要keep住剪 染黑可以keep好耐 應該唔會點甩 但係之後要染返有色 可能就要再漂過

漂頭髮邊度好 想染霧面灰

我開左個tg成班巴絲一齊討論 睇下有冇興趣join埋啦
https://t.me/joinchat/AAAAAArgV_3h9gRFvEskCg