隔離14日出嚟，我個淫底女友俾人食咗、我個身份仲要俾人取代咗《奪臉述異記》

推

唔好講咁多啦 我要文啊

可兒...

lmlm

鍾意你個名

要文要露出 ＿ ＿

舊嘅唔去，新嘅點嚟

歡迎新讀者lm

就算露出咗都冇人想睇

又話好多文既樓主, live左喇!!

live jor

睇嚟想換身邊嗰個係你喎

今日出咗去，晏啲有文

歡迎月老巴

根本就冇嘅嘢 點樣換呀

加油啊， 我平時喺ig追故， 特登上嚟連登支持你

我要可兒

提款卡失效、身上嘅現金唔多，我買左一大袋方包就返去酒店打算做呢幾日嘅食糧。

攤上床之後，我望住空白一片嘅天花板，思索下一步應該點行。

圍繞我周圍嘅人際關係我已經試過晒，包括屋企人同可兒。

朋友就應該唔使晒心機去試，都肯定一樣唔認得我。

突然之間，我覺得自己都幾可悲。

能夠證明身份嘅嘢，只得區區一張身份證，當五官唔同左樣之後係無任何辦法證實「我就係我」。

連由細睇我長大嘅屋企人、連形影不離嘅女朋友，都完全察覺唔出蛛絲馬跡，即使面對面，佢完全搵唔到一絲熟悉感。

我有諗過同可兒講返只有我哋兩個先知嘅回憶，但最恐怖嘅係，張文軒都知道！

而且佢記得比我更加清晰，對質上嚟，只會令我繼續處於劣勢、令我更加可疑。

思前想後，唔講回憶同感覺，要搵實物或者眼見得到嘅嘢去證明嘅話，係咪得返 Whatsapp、IG 呢啲嘢？

我搖搖頭，無論感覺定係實物，暫時搵唔到有咩可以證實我身份。

突然之間，我覺得自己真係好可悲。

隔離十四日出嚟之後，我所擁有嘅一切都喺一夜之間無晒。

可兒、屋企人、屋企，甚至連銀行戶口嗰僅餘嘅四位數都拎唔到出嚟用。

唔好話去搵朋友或者舊同事求救，連搵醫生都只會俾人捉入精神病院，換句話講，全世界得返我一個。

勉強嚟講，仲有隻認得出我但困左喺屋企、又幫唔到手嘅貓仔。

醒起琴日搵可兒提過首歌，真係好諷刺⋯⋯《從不喜歡孤單一個》⋯⋯

既然陳又廷呢邊條線斷左，咁不如試下去查下張文軒咩底細？

我暫時都仲係覺得，張文軒似乎係睇中我嘅人生，所以用左唔知咩方法去改變我哋兩個身體外貌，從而對調二人身份。

佢係儲心積蓄咁去搶我擁有嘅所有嘢，再推理落去，即係話佢事前一定對我有初步認識。

我諗到頭都爆，都對「張文軒」三個字甚至我依家個樣無任何印象，我哋兩個生活好似無交集過先係㗎。

抑或，只係我唔記得左呢個人呢？

我再次拎返張文軒張身份證出嚟，佢今年同我同年，都係二十七歲，我哋會唔會係小學或者中學同學呢？

身份證上面除左有佢全名，仲有佢個英文別名 William。

我開左假社交帳戶之後，搵左好耐，終於俾我搵到佢個 Facebook 同 Instagram。

而好彩嘅係，有啲 Feed 係無較到 Private！

你無身體？深思細恐

連登呢邊靜好多，多謝你上嚟

可兒除咗扑嘢，乜都唔識

你知道得太多啦 唔想死就交文出嚟

Lived