隔離14日出嚟,我個淫底女友俾人食咗、我個身份仲要俾人取代咗《奪臉述異記》

1001 回覆
468 Like 41 Dislike
2020-08-09 19:15:21
如果換落自己身上,確實唔識可以點證明
2020-08-09 21:31:16
呢個提議搞到佢好似聽完鬼故咁,面青口唇白,「唔係咁好既。」

「就算唔信凱婷,都俾啲信心你自己啦。」望望下細眼肥仔其實都幾可愛溫暖。

「咁今日都差唔多喇。呢餐多謝你,」佢突然企起身,「下餐你既。」

係我聽錯定佢一時口快講錯?

佢臨走前千叮萬囑:「你千祈千祈千祈唔好同 Rose 講我既事呀,提都唔好提。」

我問清楚:「即係點,凱婷唔可以知你出現過?」

「無錯,我⋯⋯我情願佢當我死左。我希望佢可以真真正正放低我,搵過個可以畀到幸福佢既真命天子。」

「咩真命天子呀,拍戲咩。」

「下?你講咩真命天子呀?」夜晚,凱婷上黎同屋企人食飯果陣問我。

我正諗緊晏就張文軒喺美式快餐店同我講果番話,可能唔覺意喃喃自語俾凱婷聽到。

「專心食飯,唔好亂講嘢。」張文軒阿爸講。佢今晚都喺屋企一齊食。

如果我本身阿爸係一般屋邨麻甩佬,咁張文軒阿爸就係完全兩個世界既人。

佢係一間藥廠既老細,工作時間好長,成日都唔喺屋企。

喺張文軒屋企借住左幾日,我開始明白點解佢會嚮往阿圖既生活。
2020-08-09 21:31:53
張文軒屋企簡單一句講就係:悶。

無論係飲食方面,定係日常溝通,佢屋企人都好克己以嚴。

佢阿媽除左頭一、兩日好關懷我之外,之後都唔多喺屋企,好似係周圍去朋友度 Social。

即係果啲典型活躍喺闊太圈子入面上流貴婦,唔係 High Tea 就係去買包包。

萬一佢中左肺炎,實會被冠名為「XX群組」,然後當佢既行蹤被公布之後,班網民實會喺「XX群組」前面加埋「戇鳩」二字。

我開始懷疑,以張文軒呢種造作既謙謙公子,再加凱婷冷冷冰冰既態度,究竟張文軒有無食過凱婷?

飯後,凱婷依慣例入張文軒間房同我「開會」——匯報呢幾日大家既調查進度。

凱婷今日著左及膝裙,由於佢腿長所以著得幾好睇,我開始明白點解可兒咁少著呢類裙。

凱婷伸直腰骨坐喺電腦枱面前,間間斷斷用筆記簿記得討論重點,果然係中環 OL 既人材。

當我提到可以喺神化角度去睇呢件事果陣,佢露出輕視既眼神。

今日我連續先俾張文軒睇小,夜晚又俾凱婷鄙視。

令我開始懷疑人生既可能唔係變臉,而係俾呢對情侶歧視。

佢橋起對腳,問我:「今日又睇左邊套無營養既韓劇呀?」

我忍住大嗌「我今日去見左你條仔呀」既衝動,反駁佢:「拿,你咁講會得罪好多人㗎!其實都有啲韓劇係高質既,例如——」

「廢話少講。」佢無情打斷我,「即管講下咩神化角度。」

嗚,俾返親切熱情既可兒我呀!

我講:「我地呢幾日睇咁多靈魂出竅、身體交換既野,有可能個方向唔啱。其實有無諗過,可能係怨魂作祟呢?」
2020-08-09 21:32:15
我醒起阿圖可能係自殺,「即係例如有條友自殺,用厲鬼既力量去改變張文軒個樣,再搶左陳又廷既英俊樣。」

我補充:「而呢條友就係你所講既謎樣人。」即係阿圖。

凱婷摸摸下巴,「呢個概念,你喺邊度睇返黎?」

哇頂,唔好問我。

我唔講得見過張文軒真身既事。

我吞吞口水,「今日晏就無野做,我重溫返《午夜凶鈴》,諗起可能係怨靈作怪。」

「你今日明明 Send Msg 嚟話《父女七日變》好好睇,仲話『結衣 BB 好正』㗎喎。」

哇頂,唔好再問我。

「結衣 BB 又真係幾正,聽晚陪我去信和買佢本寫真丫。」

「好可疑⋯⋯」凱婷交叉雙手打量我個表情。

嗚,俾返單純天真既可兒我呀!

「叩、叩。」敲門聲。

好彩喺呢個時候,我既救星出現,「Sir,Mum 叫我拎啲生果入黎俾你地食呀。」

係勤快 Maria!

仲捧住巨峰提子同愛文芒果出現添!我以前一直都係食啲無咁好味既平價生果。

我即刻話:「Maria 你黎得啱喇,我好鬼口渴。」

Maria 聽到我讚好開心,笑住話:「梗係啦 Sir,你晏就出去食炸野去左成個晏就,要食番啲生果幫助消化。」

Maria 你係咪癲左呀?做乜講咁多野!

「得喇得喇,」我接過生果盤,推佢出去,「呢度無你既事,你出返去先。」

呢句話以前係老細對我講,我都係第一次對人地講,係幾爽下。

喺閂門既同時,我背後響起比鬼故更恐怖既對白:「你係咪見過張文軒?」

唔,我諗俾凱婷嚇到面青口唇白既唔止張文軒,我自己都係。
2020-08-09 22:05:01
凱婷係處
2020-08-09 22:08:36
我估係...硬幣導致感應器嘅磁通量改變
2020-08-09 22:40:28
原來阿圖先係boss
2020-08-09 22:41:10
感謝
2020-08-09 22:45:06
有阿圖咁有冇阿努
2020-08-09 23:02:47
食埋凱婷先啦
2020-08-09 23:16:45
凱婷會唔會太聰明
2020-08-10 00:29:44
代入男主我覺得我攞返個身分都唔會繼續同女朋友一齊,居然認唔到我仲咁信條PK
2020-08-10 00:31:47
同埋樓主居然係女仔仲要咁靚女
2020-08-10 00:47:36
原來係女 J錯人了
2020-08-10 00:49:27
Hehe
2020-08-10 01:21:05
《屍語雙色瞳》live時無乜人睇,所以無乜動力再開第二部,驚到時開左又靜應應
2020-08-10 01:24:42
特登 search先知典故,想加落個故度
2020-08-10 01:25:03
可兒同凱婷二揀一
2020-08-10 01:26:18
凱婷啦 征服感
2020-08-10 01:53:03
文軒而家咪可以做自己 用阿圖個身份出小說
2020-08-10 03:11:32
凱婷
2020-08-10 03:20:34
可兒已經屌過 緊係屌埋凱婷
2020-08-10 03:35:54
好好睇
2020-08-10 09:37:28
好耐無見
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞