隔離14日出嚟,我個淫底女友俾人食咗、我個身份仲要俾人取代咗《奪臉述異記》

1001 回覆
455 Like 41 Dislike
2020-08-08 06:22:16
第二日啦bo
2020-08-08 07:47:34
樓主
第二日了
等你出文
2020-08-08 08:49:52
新入嚟lm
2020-08-08 10:13:30
gogogo
2020-08-08 12:30:35
見大家催文,今日一早出左先

————————————

張文軒喺 1 月中某朝早獨自一人喺大埔行山,行行下暈左,直到夜晚喺醫院醒返,個樣同身體已經唔同晒,變成肥仔。

之後過程大概同我差唔多,肥仔去搵張文軒身邊所有人,唔同既係佢冷靜過我好多,無話自己係張文軒,只係扮陌生人搭訕傾計,試下對方認唔認到自己。

「結果無人認到你啦?」我飲左啖可樂,竟然有種幸災樂禍既感覺。

佢黯然聳肩,「全世界無人認到我。」

「凱婷⋯⋯Rose呢?佢應該可以一眼認出你架喎。」我問。前幾日凱婷先好有自信咁講過。

「無,應該話,我唯獨係唔敢出現喺佢眼前。」

「點解呀?第一時間唔係搵佢先咩?」

「我變到咁既樣,即使佢相信我,我無信心佢肯接受我⋯⋯我承受唔到俾佢飛既打擊⋯⋯」講住呢句話,佢都仲係食緊漢堡包。

「與其俾佢見到咁醜陋既我,倒不如留個美好回憶,等佢每次回憶我地種種往事係張文軒個樣。」

佢又無啦啦停低手腳,清清喉嚨:「『我知道我長得醜,被扔石頭無所謂,但讓你害怕讓我覺得很難過。』*」
(*出自《鐘樓奇俠》)

我照直講:「或者凱婷個接受程度比你想像中高。」

佢聽得出我意有所指,睜大雙眼問我:「Rose 應該以為你係張文軒,唔知你係陳又廷呀嘛? 」

佢真係以為我靜靜雞唔出聲,搶晒佢啲野、食埋佢條女。

我暫停一下佢,講晒我所有經歷俾佢聽先。

連凱婷大言不慚,話就算張文軒成個外型變晒第二個人,只要出現喺自己眼前,都可以一眼認出佢——呢啲對答我都講晒出黎。

「Oh My!」聽到呢點,佢突然大力揸實個包,眼望上方柔情蜜意咁話:「『玫瑰即使改了名字,香味仍然如舊』*,我就知道佢一定認得出我。」
(*出自《羅密歐與朱麗葉》)

乜料呀,凱婷無講錯,呢條友又真係好有「個人特色」。
2020-08-08 12:30:58
不過呢,以前佢用張文軒個靚仔樣(仲要好有錢)黎吟詩,喺女仔眼中佢應該係幾吸引幾有型既。

弊就弊在,佢依家係阿圖個肥仔樣,嘴邊仲要有啲茄汁、手上係個俾佢差啲揸爛既包,成個反差好滑稽。

「樣子如何、日子如何」永遠係真理,凱婷呀凱婷,你係咪真係認到佢出黎架?

而且張文軒講得無錯,你可能會即飛佢。

我打斷張文軒吟詩,「當所有人都認唔出你之後點?你繼續講埋落去先。」

佢又再拎起薯條食,仲要自己個份食晒,毫不客氣咁開始攻佔我既薯條範圍。

張文軒話肥仔叫阿圖。阿圖今年二十四歲,如果張文軒係人生勝利組,咁阿圖可以話係人生慘敗組。

比起我,阿圖生活得更慘。

佢同屋企人分開住,自己一個住唐樓,做餐廳侍應,身邊好似無咩朋友,更唔好話女朋友。

「咁樣反而幾方便,我唔使夾硬扮阿圖去融入佢生活圈子,只要轉左份工就得喇。」張文軒笑笑口講,嘴裡全部都係薯條。

到底我地買左幾多份薯條,點解佢食極都有?

張文軒流露落寞既神色:「我完全唔知點解無啦啦個樣變成肥仔。

一開始好唔慣,你應該都身同感受,不過我難以接受既程度可能會高你少少。

我稍微研究過變返自己既方法,不過都失敗左。」

佢話:「然後我漸漸適應左阿圖既生活。

講真,除左我既世界無左 Rose 以外,其他樣樣野我都好滿意。

阿圖既日子過得幾自由自在,無乜壓力。

其實我已經無必要變返做張文軒喇。」

「咩話?!」我成個人僵直左。

佢係咪講笑呀?
2020-08-08 13:18:02
支持
2020-08-08 15:15:27
live左
2020-08-08 15:57:01
通常見多幾次就盡量記住
2020-08-08 16:43:40
新讀者爬哂文

呀圖食緊你條女😂
2020-08-08 17:22:40
支持 新讀者留名
不過真係好好奇點解啊圖可以扮陳又廷扮得咁似
連同凱婷嘅對話都知一清二楚
2020-08-08 17:55:52
呢個絕對係近年喺連登睇過最好睇嘅古
2020-08-08 19:16:43
就黎變搞笑故
2020-08-08 19:45:09
p 牌仔甩p 第一個正評同留言俾你ge!
2020-08-08 19:49:31
lived

P牌仔扮推先
2020-08-08 20:15:14
一個文青靚仔係點樣忍受變成一個肥仔毒撚
2020-08-08 21:44:11
有黑熊會唔會有埋白熊
2020-08-08 23:34:27
我急急問:「你覺得阿圖既身份反而好過張文軒?講緊係高富帥既張文軒喎!」

佢聳聳肩,「『當事情唔盡人意既時候,唯有學懂去擁抱佢』。」

「屌,唔好再吟詩!認真啲!」

「唔係詩黎架,我隨口講咋,哈哈。」佢似乎真係幾開朗,笑聲好難聽,「做阿圖好開心,想食乜就食乜,又唔使隔日去做 Gym。」

我想起張文軒屋企人煮既野同醫院健康餐無乜分別,難怪佢食呢啲垃圾食物食得零舍滋味。

我好奇一問:「阿圖本身係咁肥,定你變成佢之後增左磅呀?」

「其實我已經瘦左架喇,嘻。」佢笑得好真誠。

大佬,如果佢無心變返自己,咁我等於少一個同盟。

唔係唔係,張文軒作為當事人,應該唔止同盟咁簡單。

佢唔肯既話,可能會搞到我都變唔返陳又廷!

「屌,唔好再『嘻』呀!認真啲!」我 Feel 到我又緊張到流晒汗。張文軒呢副身體新陳化謝太好。

「我成為阿圖之後,間唔中有去張文軒同 Rose 屋企附近行下。前幾日見到你出現,真係嚇左我一大跳!於是我有調查下你,果然我無估錯,你係陳又廷。」

「所謂既調查,你一定係跟蹤我既時候,發現我同時都跟蹤可兒啦。」
2020-08-08 23:36:02
「原來果個大波妹、呃Sorry,果位動人既女士叫做可兒。」佢坐直身,正色講,「總之,我以為你同 Rose 一齊左,今日出現係全心想祝福你地,我本來唔打算同你傾咁耐。」

我聽出重點,串佢:「唔係祝福,你係黎警告我唔好玩凱婷。依家知我地無一齊到,實鬆口氣啦?」

老實講,就算我做左肥仔、擁有唔到女朋友,我都唔可以好似佢咁大方,我一定恨不得殺死個奸夫!

佢低頭喃喃講:「就算唔係同我一齊,只要佢幸福就夠。」

「喂!」我俾佢搞到燥燥地,「你決定左退出張文軒既人生,徹底成為阿圖?」

趁佢支支吾吾,我推開面前啲野食,再次整理下條時間線:


目前已知既係,大家變樣既時間長短唔同,我用左半年慢慢變,張文軒就一日。

畫完張圖,再對比先前凱婷畫嘅,我初步假設阿圖就係謎樣人。

阿圖想搶我嘅身份,於是將我變成張文軒,再將張文軒變做阿圖自己個樣、代替自己。

至於點解唔直接將阿圖自己同我對調,呢樣我要搞清楚。

「對於阿圖既事,你掌握幾多?」我問,「阿圖有無變成第二個黎搵你?」
2020-08-08 23:38:05
「佢無搵過我。」張文軒搖搖頭,「身邊亦無乜邊個可以列為緊密接觸者,我所知道嘅事,係由行山暈倒後喺醫院醒返,去阿圖屋企用佢電腦先知。」

阿圖屋企好亂好多雜物,不過無乜線索,而好彩既係,佢電腦無用密碼鎖住,睇返最近上網 History,佢似乎 Search 緊自殺方法。

「自殺?」我有啲驚訝,「而唔係改變身體結構?」

「事後我體驗過佢嘅生活,我覺得係自殺都唔出奇。」

唔⋯⋯咁又同我所諗有少少唔同,除非⋯⋯我對張文軒講出以下總結。

目前我諗到兩個可能性,兩個都係假設阿圖係成件事嘅關鍵人物,亦即謎樣人、所有事因為佢而起:

【第一,阿圖係真·自殺】

佢諗住一了百無,無諗過要咩搶身份呀之類。

但由於佢嘅死形成一股力量,又或者類似咩上天爺俾多次機會佢活過,即係啲小說電影老梗,於是幫佢用我嘅身份復活。

肥仔阿圖死過番生,個身材變成陳又廷咁高高瘦瘦,身邊仲多個又靚又肉地嘅女朋友,梗係爽死啦!!!

「又廷你冷靜啲先!」張文軒禁住我隻手,「你慢慢講落去。」

【第二,阿圖只係利用自殺】

佢唔知邊度做啲古靈精怪嘢,利用自己嘅死去祭神,召喚某股力量幫佢搶人身份、重生。

「無論係邊個方法,我地拿拿臨過去搵阿圖先,佢實有辦法俾返個身體我!」我企喺身。

張文軒禁住我,嘟囔道:「其實唔一定要搵阿圖,我⋯⋯我諗我有辦法。」
2020-08-09 00:01:38
加速
2020-08-09 01:04:28
我唔會放過佢
2020-08-09 01:05:25
係,好恐怖
2020-08-09 01:08:11
呢個絕對係呢排令我最感動嘅留言
2020-08-09 01:20:47
大埋肚啦啊圖用盡咁多年睇av既經驗去凌虐條女
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台潮流台上班台財經台房屋台飲食台旅遊台學術台校園台汽車台音樂台創意台硬件台攝影台玩具台寵物台軟件台活動台電訊台直播台站務台成人台黑 洞