隔離14日出嚟,我個淫底女友俾人食咗、我個身份仲要俾人取代咗《奪臉述異記》

1001 回覆
455 Like 41 Dislike
2020-08-09 01:30:25
又要追故
2020-08-09 02:16:50
陳又廷目前破處人數: 3
2020-08-09 02:59:10
一次過睇到live lm等新文
2020-08-09 04:49:47
新讀者live 題材有趣
仲以為會同Rose大戰一輪添
2020-08-09 07:44:26
書展買左絲打個三本書
睇左鬼屋
好撚核突
2020-08-09 07:49:34
呢個故都幾有意思
諗下如果自己好似主角咁
另一半會唔會認得你
同埋除左物件同回憶 有咩可以証明自己係自己
到底另一半你鍾意你外表定係你內在
如果重新開始追過另一半又會唔會成功
2020-08-09 10:08:43
早安,再多50個正評會繼續加更
唔好畀佢停
————————

「屌,唔早講!」我又坐返低。

呢個時候,我開始見識到張文軒既優柔寡斷,唔怪得佢可以忍到七個月都唔去搵凱婷。

「頭先我咪講過,我試過攞返自己身體既,雖然失敗左⋯⋯」

「講啦!點做呀?!」

「我其實乜都試過晒,咩科技野、咩摺千紙鶴,仲有咩曬狗血大法,統統都無用。最後俾我搵到一位法科師傅,佢唔止解釋到點解我會變身,仲有辦法搞返掂。

佢話我應該係俾人「奪舍」。

所謂奪舍法,係有啲似借屍還魂,通常做法係將一個靈魂放入啱啱出世既嬰兒身體入面,變相搶左佢個肉身重生。

我既情況當然唔一樣,但就類似呢個概念。」

聽完張文軒呢番話,令我第一次認同呢件事同啲神神化化野可能有關。

始終遇到換面、換身體呢啲事,唔係我痴左線,就真係有妖力作祟。

我嬲嬲地:「原來有個法科師傅可以救我地,咁仲唔快快手搵佢!行啦!」
2020-08-09 10:09:56
「佢死左喇。」

「下?!」我當下呆左。

「法科師傅同我等到月圓之夜作法。

作法完畢後,佢神色好凝重,無點講啲乜,淨係叫我返屋企等一排先,我仲以為自己喺下個月圓之夜就可以真正做返張文軒。

點知⋯⋯隔幾日就收到佢老婆通知我,話法科師傅有急病過左身⋯⋯」

「唔係咁邪呀嘛?咁啱咋呀?」

「聽佢老婆口吻就真係純粹係有急病啫。不過,我事後有搵其他師傅,佢地都唔肯接我呢單生意,話果位靈體既怨念太大,法科師傅法力唔夠所以俾佢殺死左!」

咩料呀,又月圓之夜、又惡靈殺人,我覺得無去到咁誇張啦。

我試探問:「其實會唔會有更科學既方法呢?咩作法咩法力唔夠,成件事聽落去好迷。」

張文軒大力放低佢杯早已飲晒既奶昔,「你個身份俾生得同你一模一樣既人搶晒、你本身個樣又變晒做第二個,呢件事本黎就好迷啦!」

「我諗⋯⋯」我猶豫好唔好講落去:「可能因為前幾日有場太陽風,導致磁層發生顫抖,從而令我身體產生不可抗力既轉變。」

我呢番偉論即時令張文軒打開個口、接唔到話。

未幾,佢愕然問我:「你知唔知自己講緊乜呀?」
2020-08-09 10:12:40
「我嘗試用科學角度去分析件事。先黎個大膽既假設,繼而用實證去支持呢個立論。」

「如果太陽風勁到可以改變人體,咁唔會成個地球入面淨係改左我地幾個囉。」佢雙眼充滿藐視,「就算係太陽風再強,都只係造成北極光、南極光之類,同人體結構改變係無任何關係。」

頂,我只係隨口講兩句,竟然俾佢一輪嘴否定。

睇佢都係扮識野架啦,我串佢:「唔好亂咁講喎,我 Google 下先。」

「唔使喇,我大學讀物理學系架。」

「咩話?你唔係喺中學教文學、中文果啲咩?」

佢不解問:「邊個同你講我文科出身架?我教理科架。」

「頂!咁你滿口詩文、書櫃擺滿詩句書同小說係咩玩法呀?」

佢尷尬搔搔頭,「由細到大,我夢想都係想做一個暢銷小說作家。只係為左滿足屋企人既期望,我先讀理科啫。」

我依家先真正體會到凱婷所講,話張文軒好有個人特色呢一點。

佢呢個人真係充滿矛盾,表面係理科老師,但又成個詩人咁;讀書同做野都同理科相關,偏偏又好迷信;變成肥仔一臉認真唸詩,但表現出黎唔係文青而係搞笑。

佢再講:「我連個英文名 William 都係跟我偶像改架。」

「而我不知道陳偉霆是誰?」我問。我記得的士陳英文名好似係 William。

「唔係呀,」佢雙眼充滿憧憬,「係 William Shakespeare。話說佢寫既《第十二夜》同我地有種類似既感覺。故事係講——」

「得!講返正題先。」我舉起手掌,打斷佢話:「咁阿理科老師,請問世界上有無一套技術,或者一種藥,可以慢慢改變人類面部輪廓同身體外觀呢?」

「好可惜係無嘅,就算做手術都好難做到咁似。」佢怔一怔,「你係咪睇得戲多,理性少少 OK?」

喂,啱啱邊個話自己搵法師喺月圓之夜作法呀!理性少少 OK?

我嘆口氣,講:「我地一傾就傾左咁耐,今晚凱婷上黎食飯,我差唔多要返去喇。」

時間都六、七點喇。

一聽到凱婷,張文軒個表情話俾我知佢覺得不是味兒。

於是我提議:「不如你同凱婷見一見啦,我覺得佢唔係淨係睇樣既人,而且佢比你想像中更加鍾意你。」

醒起佢唸果句詩,我笑笑口話:「而且你啲『香味』依然如舊呀。」

————————————————
大家點睇
想唔想睇肥仔張文軒去搵凱婷?
2020-08-09 10:14:42
除咗唔壞嘅凱婷,文青肥仔張文軒又係一經典
2020-08-09 10:15:20
咦係喎,同你同一族類喎
2020-08-09 10:46:07
支持搵凱婷
2020-08-09 10:47:01
有冇得唔小心寫埋我個名落故仔
2020-08-09 11:28:06
支持
2020-08-09 11:51:41
食撚咗凱婷先啦,死肥仔見乜春
2020-08-09 12:14:21
新讀者
11點起身睇到依家
肥仔圖》陳又延〉張文軒???
2020-08-09 13:38:57
岩呀 未必個個都有張文軒咁突出既個人特色
2020-08-09 13:52:43
唔好見凱婷, 比主角食左佢
2020-08-09 14:29:28
點解之前未睇過我既故,會有勇氣一口氣買晒三本
btw,多謝
2020-08-09 14:35:41
無錯,淒慘事、輕鬆講

唔好睇呢個搞搞笑笑,其實其中一樣要探討嘅,正正就係何謂「我」
正常香港人並唔係個個都好似張文軒同凱婷咁痴痴線線,但每個人始終都有佢嘅個人特色,我相信總有辦法展現到自己。

一如男主角咁,其實佢都有個人特色
2020-08-09 15:38:59
究竟呢個阿圖去左邊
好緊張
2020-08-09 15:47:51
幾得意
都幾好睇
2020-08-09 17:26:17
好好睇啊
2020-08-09 19:14:11
佢肯唔肯俾又廷食呢?
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台潮流台上班台財經台房屋台飲食台旅遊台學術台校園台汽車台音樂台創意台硬件台攝影台玩具台寵物台軟件台活動台電訊台直播台站務台成人台黑 洞