隔離14日出嚟,我個淫底女友俾人食咗、我個身份仲要俾人取代咗《奪臉述異記》

1001 回覆
468 Like 41 Dislike
2020-08-13 18:59:08
2020-08-13 19:33:06
2020-08-13 19:44:58
發覺綠茶寫情感位都係咁正
2020-08-13 21:51:48
原來副身體係你,我仲諗緊邊個咁唔好彩
2020-08-13 21:52:46
我已經寫晒首次終部曲㗎喇

可唔可以講下最鍾意邊個故?
2020-08-14 00:01:37
買左你咪知
2020-08-14 00:01:58
噓噓噓
2020-08-14 00:02:16
點解呢?
2020-08-14 01:13:28
Feel 到開始入戲肉,正
2020-08-14 01:22:50
諗起 "我叫浩然呀"
2020-08-14 04:28:19
好睇 感情線好有代入感,而且有肉地既淫底女友真係好有想像空間

2020-08-14 08:43:09
第一次寫
2020-08-14 10:49:36
你出多D比我頂癮, 我就話你知啦

留名等睇張文軒個BODY溝咗可兒, 然後係得米個刻交換返...
真正返自己身體嘅陳又延就睇住張文軒食可兒
2020-08-14 11:20:34
故事劇情進入大直路既同時,我住果幢大廈亦中咗招⋯⋯
今次真係到我要隔離十四日了⋯⋯
點都好,嚟緊可以出好多文,大家準備好未?

——————————

對於阿圖入院既原因,過來人既我唔使諗好耐都知,絕對唔係因為工作關係,而係佢吃不消。

雖然用緊我副身體,但對一個本身多年無女朋友既阿圖黎講,個天忽然送個淫底女朋友可兒俾佢,而可兒又半年無掂過我,實會日 Chur 夜 Chur⋯⋯

「呀!」諗到呢度我又嬲到怒叫。

「專心啲。」凱婷講。

今晚凱婷又再上黎食飯,飯後喺我間房匯報進度果陣,佢有個提議。

佢話:「呢位師傅已經金盆洗手左幾年,所以唔係個個 Case 都肯接,真係要有緣人佢先肯幫。」

咩金盆洗手,咩有緣人,呢個人相當有嫌疑。

聽落去好似啲性交轉運騙案既開始。

前幾日經歷左羅蘭師傅既問米事件之後,我有同凱婷提過。

講真,我完全係當成笑話咁講,不過佢就好認真咁聽晒,唔知係因為我一開始有講「香港仲有法科師傅肯接我地 Case」,定係「羅蘭師傅係張文軒搵返黎」。

我諗左陣,每次只要一提到「張文軒話」,凱婷都會無條件相信。

我再想起可兒,又諗返張文軒講過既野。

其實可兒本身未必係咁,只係因為對住我先會咁單純、無晒戒心⋯⋯

佢⋯⋯其實佢都係無條件咁相信我⋯⋯

「喂,有無聽我講野?」凱婷問。

係喇,總之凱婷聽完羅蘭師傅事件後,佢好似斷定左事因就係怨魂作祟咁,呢幾日係咁搵唔同既師傅。

直到今晚,佢真係搵到呢個咩「金盆洗手師傅」。

喺迷信方面,佢同張文軒又真係好夾。

唔係,應該話:喺任何方面,佢同張文軒真係好夾。

我攤喺床度,開手機 Game 打,一邊問凱婷:「你喺邊度搵到呢個師傅㗎?唔好話我知又係剪報呀。」

「咩呀,梗係唔係啦。」佢坐喺電腦枱前面,開咗條片出嚟,「我聽網台講鬼故提起佢㗎,就係呢條。」

節目主持人係位光頭黑實男人,皺晒眉聽緊聽眾 Phone In 講鬼故。

故事主人翁 A 小姐有日喺街見到同自己一模一樣嘅人,自始身體愈來愈多毛病。

條片係幾年前拍嘅,當時金盆洗手師傅未金盆洗手。

佢告誡 A 小姐有厲鬼纏身,如果唔超渡隻鬼,A 小姐嘅陽壽會俾隻鬼吸晒。

講到呢度,凱婷停咗條片。

「最後點呢?」我收起電話,凝視凱婷。

A 小姐講嗰位「同自己一模一樣嘅人」,應該就係厲鬼。

同我個情況唔同,不過有參考價值。

「然後就沒然後。」佢極不負責任咁冷冷答。

「喂,係咪玩嘢呀?」

「『下,無㗎拿?睇完㗎拿?』——A 小姐講到最緊張嗰陣,主持人講咗呢句就 Cut 咗喇。我無俾錢Join 會費計劃,無得聽落去。」
2020-08-14 11:21:19
為咗證明自己無睇錯,凱婷禁個播放制,條片確實俾人斬斷左。

我完全黑人問號。

張文軒迷信,憑張爛鬼可疑剪報,就衝上去搵羅蘭師傅;

凱婷都係迷信,就咁聽啲無頭無尾嘅片段,就話要搵金盆洗手師傅。

嘖嘖嘖,你兩個簡直一絕。

我不以為意,繼續打機。

兩日後一個平靜下午,我收到張文軒電話,佢把聲好焦急:「喂陳又廷!你喺唔喺屋企?」

呢個電話打破咗下午嘅平靜。

「喺呀,咩事?」我又無返工,梗係盡量留喺屋企啦。

「我搵到金盆洗手師傅喺邊喇,我哋一齊去見佢!」

作為稱職既中間人,我同凱婷嘅對話自然都會匯報返俾張文軒聽,所以佢知金盆洗水師傅呢個人,只係我無諗過張文軒會搵到佢。

「下,又嚟?唔啦唔啦。」

「我去緊你屋企喇,十分鐘後樓下等!」

「我唔得閒呀,我要餵魚呀——」

「陣間見啦,Bye。」講完佢收左線。

勤快嘅唔止菲傭 Maria,仲有張文軒。

十分鐘後,佢搭的士黎到,仲叫埋我上車。

當然係有我俾錢佢先咁豪氣。Well,其實係使緊佢錢先啱。

一上車,張文軒就吩咐司機:「師傅,去坑口丫唔該你。」

司機係個五十歲左右既麻甩佬,佢應:「收到收到。」

我問張文軒:「使唔使咁急呀⋯⋯你今日唔使返工咩?」

同佢一齊坐喺後座,啲空間好似俾佢霸晒咁。

「我請咗假呀,咁難得搵到呢位師傅,梗係第一時間會一會先啦!」

咩金盆洗手,一聽就知又係神棍啦。

我默默承諾自己,萬一等陣金盆洗手師傅又索價五千,就算係張文軒既錢,我都要企硬唔俾。

我敷洐問:「果位師傅點稱呼呀?今次又玩問米定點?」

張文軒用佢對細眼瞪一瞪我,「等陣你叫人地做司徒師傅,客氣啲呀下!」

咩話?
2020-08-14 11:21:54
「嘿。」我忍唔住噗哧笑左聲,「『出事架嘛』果位司徒師傅?」

張文軒明顯聽唔明,無出聲。

我 Feel 到的士入面突然靜下來既尷尬,由於空間細,呢種尷尬特別顯得焗促。

如果可兒喺度一定識笑住應我「頭先唔同你地講,係驚嚇親你地」,只可惜坐喺我隔離係呢個淨係吟詩既文青肥仔。

法科師傅叫得做司徒師傅,佢既可疑意味更加濃烈。

隔左陣,張文軒提議:「不如由你負責同司徒師傅講我地既事啦?你依家講一次出黎聽聽先。」

「咩料呀,又唔係去見工,使乜咁緊張。」

「我上網查左喇,司徒師傅好堅架,喺佢未金盆洗手之前,佢收過好多妖架!」

「唔唔。」我手痕拎部電話出黎碌 IG 睇大波妹。

「之前 Rose 咪搵到條片講 A 小姐既,我俾左錢做付費會員聽埋下半 Part,隻厲鬼原來係 A 小姐喺泰國間廟仔惹返黎。

事緣係厲鬼本身留喺間廟入面陰魂不散,有日 A 小姐黎到亂講野就得罪左佢。

司徒師傅抽絲剝繭查到隻厲鬼係俾人害死,雖然捉唔到兇手,不過司徒師傅掘到副骨出黎,將佢交還俾厲鬼屋企人。

最後好好安葬同超渡,厲鬼得以重投六道輪迴,咁就解決左件事喇!

你話司徒師傅係咪好有心先,親身去埋泰國幫人、化解危機,幫到 A 小姐,又幫到厲鬼。」

我好奇問:「成個過程一定俾拍攝隊影晒出黎啦?司徒師傅有無講『你地係都唔聽話,遲早出事』?」

究竟張文軒搵呢位司徒師傅,係咪就係電視上面果位司徒師傅呢?

張文軒依然聽唔明我講乜,逕自講:「有時做法科師傅就好似查案咁,要有心幫人同埋落力追查,先可以搵出事件起因。

妖魔作祟唔可以淨係睇表面,就去篤定一定係妖魔既錯。

好似呢單 Case 咁, A 小姐之所以俾鬼搞,都係佢自己衰多口;而厲鬼之所以化為厲鬼,亦因為含冤而死。

事出必有因,司徒師傅既聲譽咁好,主要唔係睇收妖數量,而係每次佢付出真心去做。佢唔係就咁收妖咁簡單,而係搵出背後根源,再去逐一解決。」

我放低手機上心善人美既雞排妹,不禁讚嘆:「睇黎你今次真係有做足 Research 先去架喎。」

先唔講呢位咩司徒師傅係咪真係有料到,張文軒既誠意確係可嘉。

於是乎,我乖乖地預演,對張文軒從頭講一次我由隔離十四日後出返黎所遇到既所有事。
2020-08-14 11:22:58
途中張文軒加插意見,補充返我講錯或者遺漏。

喺我啱啱好講完果陣,似乎亦到左目的地,司機停車:「到喇。」

我抬頭望一望,係坑口某屋村。

我準備俾錢果刻,張文軒一手搶左兩張五百紙,恭敬遞俾司機:「相信你都聽到晒啦,司徒師傅。」

下、下?!

我望去車頭張的士證,上面寫住司機名:司徒法法。

我當場嗌出聲:「下??????!」

原來我搭左架降魔的 3.0?!

事後令我更驚訝既係,呢位司徒師傅竟然唔係神棍!

Btw,佢並唔係電視上果位司徒師傅。

——————————

追得切 Live 講聲,多人就繼續
2020-08-14 11:27:37
好多文呀好正呀
不過又live 了
可唔可以繼續
呢個速度好爽
2020-08-14 11:28:40
Lm
2020-08-14 11:33:28
Live
2020-08-14 11:49:34
Live
2020-08-14 11:59:13
好多文
2020-08-14 12:01:08
LIVE咗啦.. 係咪可以繼續
呢個速度非常好呀
2020-08-14 12:18:12
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞