隔離14日出嚟,我個淫底女友俾人食咗、我個身份仲要俾人取代咗《奪臉述異記》

1001 回覆
453 Like 41 Dislike
2020-07-31 18:48:06
你仲有我(各位巴絲快啲推爆佢)
2020-07-31 19:31:54
好睇 今晚仲有冇?
2020-07-31 19:36:59
仆街早咗入嚟
live 咗
2020-07-31 20:19:06
加速
2020-07-31 20:21:01
Fun
2020-07-31 20:39:49
仆街咁快live左
2020-07-31 20:50:47
無計可施之下,我買完外賣,去一間平平地嘅酒店。今晚喺度先訓一晚,聽朝訓醒再算。

「唔好意思呀,」酒店 Receptionist 禮貌地講,「先生,你呢張卡碌唔到。或者有無其他卡可以碌到?」

結果我身上所有卡都彈 Error,我只好攞晒身上剩低嘅港紙畀佢。

半年前離港,本嚟打算返嗰陣直接返屋企訓覺,唞幾日先落街禁機攞錢。

點會諗到會發生呢啲事,仲要所有 Credit Card 都碌唔到。

第二日起身,已經過晒 Check Out 時間,打落去 Reception,佢話一係賠返 Late Check Out 錢,一係住多晚,我嘆口氣揀咗後者。

既然有時間,我決定整理一下依家個狀況先。

我係喺今年 1 月中出發去台灣,當時我個身體正正常常。

直到 3 月左右,我開始覺得自己啲眼耳口鼻有啲唔同,即係話,身體變化係由 3 月起。

由於變化緩慢、每日只有微小變化,所以對於日日照鏡嘅我嚟講,唔太察覺有咩唔妥。

到 7 月,我個樣連身體完全變成張文軒,證件同部份身上嘅物品亦唔知幾時換成張文軒,令我可以順利入境返嚟香港。

可兒係唯一一個,喺呢半年內日日對住我既人。

佢唔察覺有問題,我諗原因或者同我一樣,又或者正如佢講,佢以為我黑左又肥左啫。

問題係,佢已經接受左我「黑左又肥左」既張文軒樣,當張文軒冒充我半年前既樣出現時,可兒唔察覺既咩?
2020-07-31 21:12:19
我搖搖頭,如果我係張文軒,可以作個大話黎呃可兒,例如話呢半年可兒都只係隔住個 Mon 黎望我,見返真人當然有唔同之類。

可兒份人咁單純又無乜腦,人講乜就信乜,俾張文軒講兩句就氹到,完全唔出奇。

我係 7 月 17 日抵港,即日俾人送去隔離屋。

當時我嘅 Sim Card 已經俾人停左、whatsapp 唔到可兒同屋企人去通知我抵港,隔離期間有借電話打俾佢哋,不過佢哋唔聽電話(屋企人通常唔接陌生電話)。

呢十四日期間,可以話完全與世隔絕,一嚟我無背晒所有朋友嘅電話,二嚟即使打到去都係飛去留言。

而張文軒就係趁我唔喺度嘅呢十四日,變成我個樣去接近可兒、屋企人甚至我所有生活圈子!

我唔知佢點做到,總之佢嘅講法應該係,話自己一落機唔使隔離,可以即刻就返屋企,而睇情況暫時無人睇得出佢假扮緊我。

十四日後,即係今日7月30日,當我以張文軒嘅身體出現,可兒同屋企人自然唔知我先係陳又廷。

唉,其實都好正常,如果唔係親身經歷,邊個會信?

我拎部電話開相簿睇,想睇睇半年嚟我個樣點改變。

可恨嘅係,我好少影自己個樣,絕大部份都係風景相。

之前如果唔係可兒捉我影相,我幾乎唔太有自己嘅相。

我即刻自拍一張,Send 俾喺台灣識嘅朋友,再懶係打招呼咁問:「Hi,我回香港了,還記得我嗎?」,然後等佢哋覆。

尤其係喺 1 至 4 月識嘅人,當時我個樣應該更似陳又廷,對於依家完全變成張文軒嘅我,理應會答唔認得我。

我將身上所有嘢倒晒出嚟,逐樣睇下有無蛛絲馬跡,大部份都無變樣,正正常常。

最後搵出有幾樣嘢可能幫到我:
1. 電話
2. Macbook
3. 張文軒嘅身份證同BNO
4. 未知用喺邊度嘅鎖匙
2020-07-31 21:13:45
我先打開 Macbook。Whatsapp 同 Line 嗰啲話 Password 錯咗 Login 唔到,但 Facebook 同 Email 維持 Login 狀態,睇返帳戶依然係陳又廷嘅嘢,令我安心唔少。

咁起碼除咗貓仔,又多一樣證據去證明我無痴線、並唔係我自己癲咗搞亂身份,而係我塊面甚至成副身體真係俾人換咗、陳又廷呢個身份俾人偷咗。

然後我再開電話,都仲係無訊號。我打開相簿睇,入面所有嘢都仲係我所熟悉嘅。

有呢半年嚟喺台灣影嘅相、十四日隔離嗰陣嘅些少相(本嚟影低想第日畀可兒睇返)、喺半年前即離港前嘅所有相。

手指愈往上面錄,愈多可兒以前逼我影嘅二人自拍相。我知道自己依家個苦澀樣其實係帶笑。

相簿入面幾乎可以話有晒我呢幾年嘅經歷,雖然唔係下下有影相以致回憶會中斷,但都可以拼拼埋埋記返起呢幾年嘅生活。

睇住香港變得愈嚟愈醜陋,睇住喺社運期間去過嘅地方……

當中,亦夾雜住可兒食梳乎理 Pancake 嗰陣嘅幸福樣、因為我無著佢親手織嘅冷衫而嬲到西晒面、仲有佢喺海邊叫我幫佢拍片然後無啦啦對住個海大嗌⋯⋯

呢啲一切一切我都記得好清楚。

我好記得當時我係有少少厭惡,覺得佢好蠢、好港女同好麻煩,但依家再回憶多次,其實如果當時唔係有佢喺身邊,我一定更加厭世同唔開心。

只可惜,我依家先察覺。
只可惜,佢依家已經喺另一個男人嘅懷抱入面。

⋯⋯唔係,嚴格嚟講,可兒係俾180cm男,即係張文軒呃咗!

因為張文軒個樣變成陳又廷咁樣,所以可兒先會唔察覺,以為佢先係陳又廷!

嚴格嚟講,可兒無俾綠帽我戴!

諗到呢度,我已經執好晒隨身物品,出發去可兒屋企樓下等佢。

我要 Show 俾佢知我唔係癲佬,我真係有晒同佢一齊過嘅證據!

如若全世界一天一點變壞
猶幸還有你一貫爛漫姿態
而你赤裸裸脫俗如像小孩
想笑就笑要嗌就嗌
2020-07-31 21:16:24
好快你會發現追唔切我出文速度
2020-07-31 22:19:24
live男主角好慘
2020-07-31 23:46:37
得個幾百字
你想要幾多人追
寫多幾張先啦
主線都未入
淨係鋪排緊個故事背景係咁㗎啦
2020-07-31 23:50:35
LM
2020-08-01 00:14:23
橘絲係咪寫聖地牙哥鬼屋既變態作者?
2020-08-01 00:27:54
嚴格嚟講,可兒無俾綠帽我戴!

補完波波S1過嚟唔知綠茶記唔記得我
2020-08-01 01:05:53
感動,西水巴多啲黎追live
2020-08-01 01:06:05
出左了
2020-08-01 01:06:51
風箏絲,我哋又見面喇
2020-08-01 01:07:05
幫緊你,幫緊你
2020-08-01 01:07:37
Sure
2020-08-01 01:08:09
當然
2020-08-01 01:09:31
即刻出新一篇等你嚟live
2020-08-01 01:10:09
佢唔算慘喇,不知幾幸福
2020-08-01 01:10:59
其實係七千幾字
Turbo寫緊
2020-08-01 01:17:57
新讀者番名
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台潮流台上班台財經台房屋台飲食台旅遊台學術台校園台汽車台音樂台創意台硬件台攝影台玩具台寵物台軟件台活動台電訊台直播台站務台成人台黑 洞