隔離14日出嚟,我個淫底女友俾人食咗、我個身份仲要俾人取代咗《奪臉述異記》

1001 回覆
468 Like 41 Dislike
2020-08-11 22:52:04
周國賢
寫多幾篇啦樓主!
2020-08-11 23:58:35
可以從末日喪屍類睇起先,完全兒童適宜
2020-08-12 00:37:42
新讀者留明

好耐之前睇嗰個日本迪士尼嚇到唔敢訓
2020-08-12 01:08:34
好感動
2020-08-12 01:12:45
感你老母呀quote文狗
2020-08-12 01:36:37
唔小心睇緊千祈唔好亂番大陸玩
偽巴fb d相
2020-08-12 02:03:47
偽娘
2020-08-12 02:07:50
追連載緊嘅故仔真係好慘,好想快啲睇到結尾
話說主角好後知後覺,一直冇回應可兒嘅心意,應該好傷可兒心
2020-08-12 03:03:56
想問下依家進度去到邊
2020-08-12 06:26:09
2020-08-12 09:51:06
等故等得好辛苦, 又想儲埋一次過睇盡興D
但係又好想快D知個劇情發展
2020-08-12 10:23:49
Agger 真係好矛盾
2020-08-12 13:33:21
講緊奈良夢幻樂園?果個已經算唔太血腥喇
2020-08-12 17:20:07
唔係好慣用呢副身體
2020-08-12 17:21:21
大家鍾意我一篇分兩part, 朝早po一次、夜晚一次,定group晒一次過夜晚po?
2020-08-12 19:23:17
兩篇分兩次,朝早一篇、夜晚一篇
2020-08-12 20:03:52
呢個提議好
2020-08-12 21:48:06
「唔得!」我抹抹眼淚企起身,「張文軒你煮個面俾我食,食完我去搵可兒!」

「咁突然?」佢嚇一嚇,「我地啱啱先食完野咋喎,你咁快又肚餓?」

「食飽啲先有氣力去同阿圖鬥過架嘛!」

喺我食公仔面果陣,張文軒上連登睇講故台。

佢話上面啲故好高質,尤其果個咩咩綠茶寫果啲。

我講:「睇睇下,你真係唔太適合做老師。無論係乜鬼作家,或者餐廳侍應都好似更啱你。」

佢無奈望住我搖頭,「理想還理想,現實歸現實。依家仲要俾肺炎搞一搞又唔封關,餐廳逼我放多左無薪假,搵食艱難呀又廷。」

我又點會唔知,只係呢排過緊張文軒既有錢生活,無諗過佢會講「搵食艱難」呢句話。

似乎明白我諗緊乜,佢解釋:「你睇張文軒表面可能會好羨慕,但你過一排會體會到,我既生活其實同監獄無乜分別。我阿爸仲話過幾年我要接手間藥廠。」

「做老細咁正?!」

咁佢真係名乎其實既霸道總裁喎!

佢語唏噓:「唔係你諗得咁輕鬆,人人都有難處。

接手藥廠之後,我既私人時間更少,而且係承受緊幾百個員工既生計,萬一我做錯某個決定,分分鐘搞到裁員。

簡單黎講,我既下半生已經俾另一個人決定好晒。」

唔⋯⋯聽落去係有好有唔好既,我呢啲窮撚本身都有大把野煩,如果唔係用緊張文軒既身份,又真係唔會諗得咁仔細。

我由衷講:「我開始明白點解你想繼續做阿圖,而唔係張文軒喇。」

「『真正的美源自內心而非外表*』,」佢摸摸自己塊圓潤既面,「聽完你講,或者無論我個樣變成點,Rose 都接受到。問題係我覺得我俾唔到幸福佢。」
(*出自《美女與野獸》)
2020-08-12 21:49:00
佢話:「如果係一個老師或者藥廠老細,都可以令佢生活無憂。但我依家一個侍應住喺一個二百幾呎既唐樓⋯⋯」佢一臉落寞,「唔通叫佢陪我捱咩?」

哦,原來呢個先係佢一直唔搵凱婷既原因。

我直話直說:「你可能做有錢人做到離晒地,唔通喺香港做侍應就唔可以結婚咩?」

對於佢同凱婷之間,我唔方便講太多,而且我自身都難保。

呢啲嬌柔造作既顧慮由得佢自己慢慢諗通。

我提醒佢:「重點係我要做返陳又廷、你要做返張文軒。依家要諗既係點樣幫我搶返個身體返黎!」

講到呢度,我食完個面準備出發。

我喺開放式廚房邊洗碗邊講:「喂你屋企個冷氣開到咁大好似唔使錢咁,較返細啲啦。」

「下,已經廿五度喇喎。」

「話時話,」我拎出屬於張文軒果抽鎖匙,一共有三條:大門、大閘、細金色鎖匙,「呢條金色鎖匙仔係開咩架?我搵晒你全間屋都無對應到既鎖頭。」

佢慌張搶走,「呢條你用唔著,俾我。」

「有古怪!究竟咩黎架?!」

「唔好問咁多啦。」佢退返大門同大閘匙俾我,「你係咪去搵可兒呀?諗住點做。」

講起呢樣,我有個完美既計劃。

我邪邪一笑,「既然暫時變唔返陳又廷,你又咁放心俾副身體我用,我打算用張文軒既身份去追可兒!」

點知佢無乜特別反應,「好呀。」

「咁順攤?」

「我本黎就無諗過有人用張文軒既身體再次出現。如果你肯去追可兒、唔纏住 Rose,反而可以令 Rose 更易放低我地既往事。」

又提凱婷。

我搖搖頭,「總之呢,無論用陳又廷抑或張文軒個樣,當務之急係喺阿圖手上搶返可兒先,我忍受唔到阿圖再搞我既可兒!」

時間夜晚六點正,我企喺可兒樓下接佢放工。

奇怪既係,今日阿圖唔喺度。

最近我依然間唔時黎偷望可兒,發現阿圖都無接佢收工出街,唔通佢地散左?
2020-08-12 21:51:41
我聳聳肩,應該係夜晚禁堂食所以索性夜晚唔拍拖啫。

可兒喺五分鐘後出現。

今日佢一樣紮左丸子頭,著短袖白色鬆身連身裙、黑色短襪同斜揹袋。

呢條裙佢淨係著過一次,我都認得呢條裙,因為佢第一次著果陣,俾我笑過似大肚婆著果啲孕婦裙。

依家佢咁樣襯又幾好睇,加埋厚底白波鞋令佢成個人拉高左咁。

「Hi,可兒。」

佢一臉恐慌,「又係你?你又想點呀?!」

「無無無,我黎送野俾你咋。」

我遞上一紮鮮花同名貴包包,呢兩樣野係張文軒教我去買。

由於當年我同可兒之所以一齊係好自然而然既事,我幾乎唔使點追佢,所以要諗點追佢,我真係一籌莫展。

呢個時候,自翊愛情軍師既張文軒好豪爽叫我用佢既錢去買野。

我以前無乜送過咁貴重既野俾可兒,我諗佢都會鍾意。

點知佢推開我啲見面禮,「我唔要呀!」

我睇得出佢化左淡妝,但比以往素顏睇起黎反而憔悴左少少。

佢急急走開,我追上前,「可兒,你唔好驚住,我唔係要講先前果啲野。」

佢無回頭繼續行。
2020-08-12 22:17:33
喺我食公仔面果陣,張文軒上連登睇講故台。

佢話上面啲故好高質,尤其果個咩咩綠茶寫果啲。


有品味
2020-08-12 22:52:59
2020-08-12 22:53:50
見到你咁辛苦,今日特登出多少少
2020-08-12 22:54:23
突破盲腸
2020-08-13 00:01:19
寫到去陳又廷佢









我唔會中計㗎
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞