隔離14日出嚟,我個淫底女友俾人食咗、我個身份仲要俾人取代咗《奪臉述異記》

1001 回覆
455 Like 41 Dislike
2020-08-14 12:20:15
live
2020-08-14 12:20:21
Live
2020-08-14 12:20:39
Live!!!!
2020-08-14 12:21:50


quote文狗死全家
2020-08-14 12:34:46
Sorry囉 好聲好氣講唔得嘅 你估個個都好似你咁叻咩
2020-08-14 12:40:29
OK 講都廢撚事

已封鎖會員 西班牙扁桃
2020-08-14 12:46:26
關叻唔叻咩事 唔怪得quote文仲咁多聲氣
2020-08-14 12:47:04
依家啲新會然真係
2020-08-14 12:52:35
Live,好好睇綠茶巴都好靚靚!支持
2020-08-14 12:54:48
lm
2020-08-14 12:54:50
即係有啲感受想reply落嗰段嘢到都仲情有可原
次次見到quote一大段嘢但係留無意義comment真係即block屌都廢事
2020-08-14 12:59:42
第一次見quote文狗話返人轉頭做柒事預咗俾人屌啦咁撚玻璃心學人上連登躝返去你老母個西度啦
2020-08-14 13:02:55
Live
2020-08-14 14:01:38
Live
2020-08-14 14:02:26
Live
2020-08-14 14:05:03
Live
2020-08-14 14:26:31
樓豬Take care
2020-08-14 14:31:22
live好撚正
2020-08-14 15:41:29
我問出口既卻係另一回事:「咁係咪應該叫你做法法法師呢?」

阿司徒師傅個名係法法,但佢外形係典型麻甩中年阿叔,黑黑實實、Polo恤短褲咁,叫法法真係有少少反差萌。

「喂,尊重啲!」張文軒用手肘撞我。

司徒師傅調住頭,來回打量我同張文軒。佢個樣望望下係幾和善,眼大鼻闊、下唇厚、隻耳珠長又厚,真係成尊佛咁呀大佬!

佢伸手推開張文軒果一千蚊,「你地走呀,唔收你地錢,走走走。」

唔,姓親司徒既係咪都係鍾意叫人地走既呢?

張文軒鍥而不捨,「司徒師傅,我地好有誠意架,你幫幫我地啦!」

「咪先!」我打斷佢兩個,「司徒師傅你金盆洗手之後,做左的士佬?」

佢無奈答:「無計啦,搵食艱難、搵食艱難。」

我默默心諗,如果真係咁有料到就唔使轉行啦。

「司徒師傅你開個價,我地多多都俾!」張文軒把聲愈黎愈煩。

「我交更喇,你地落車啦!」

依家先晏就三點,不過我望望周圍,司徒師傅將架車泊喺停車場,似乎又真係似打算落車喎。

「今次死梗架師傅,你一定要幫我地呀!點算呀!」張文軒激動到郁身郁勢,架車都俾佢郁到好似有啲搖晃。

司徒師傅冷靜停車熄匙,仲走落車開我地車門:「落車呀。」

於是我地只好落車,佢鎖好車之後走人。

張文軒好似發左癲咁一路追住佢,「你起碼收返車錢先啦,唔使找,你一定要幫我地呀!」

「張文軒你冷靜少少,」我拉住佢,「佢唔肯幫我地咪搵第二個囉,唔使咁激動。」

「我有話過唔幫你地咩?」行喺前面既司徒師傅突然企定,狐惑問我地。

張文軒雙眼發光,「你肯接我地呢單 Case?」

司徒師傅點點頭,「幫緊你、幫緊你。」

我最擔心並唔係佢唔肯幫我地,而係驚好似羅蘭師範事件咁白白無左五千蚊。

我直接問:「你收幾錢先?」
2020-08-14 15:42:39
司徒師傅亦係爽快人,二話不說舉起手掌,豎起五隻手指。

「五、又收五千蚊?!」我驚愕問。

佢故作神祕搖搖頭。

「唔係五萬蚊呀嘛!張文軒我地走!」

「錯!」司徒師傅笑笑口,「係『不成功、不收費』。依家唔會收你地任何錢。」

呃⋯⋯我發覺佢唔止個五官似佛陀,連個收費都好似佛陀咁慈祥。

有別於羅蘭師傅,司徒師傅個「神壇」設喺自己屋企,佢叫我地落車就係要帶我地上樓。

即係話,頭先揸車佢聽到張文軒話要搵自己,又聽到目的地係坑口,其實已經估到張文軒係想去佢屋企,所以佢無問張文軒詳情地址,自自然泊架車喺屋企樓下。

我細細聲問張文軒:「一開始你話去坑口,果陣你已經知司徒師傅住喺度?」

我地喺某座公屋走廊上,司徒師傅帶頭行去緊佢屋企。

「無錯,我上網搵到佢有揸八折的士,而且風評唔錯,好易就搵到佢電話號碼。諗住 Call 車扮偶遇,如果貿貿然衝去叫佢接 Case,佢一定唔肯。」

司徒師傅似乎幾有工作運,做風水師傅果陣又有聲譽,轉做的士司機又係。

「睇黎你呢個『扮有緣人』計劃幾 Work。」

入到司徒師傅屋企,意外地好一般百姓,唔似羅蘭師傅咁又黑又掛滿佛牌乜乜乜,佢屋企同普通屋邨單位無異。

司徒師傅要我地詳細再講多次事件經過,唔同於喺的士嘅描述,佢要我地要講埋諗法同感想,所以我連當時啲回憶片段都有話俾佢聽。

奇怪既係,過程中佢著眼於唔相關既事上,而且好多都係早於我出發去台灣之前既事,對於張文軒都係咁,簡直係問晒我地兩個既人生歷程咁。

提到最初我之所以肯定自己無痴線、無靈魂出竅,我指出:「因為我隻貓仲認得我,所以我肯定副身體都係同一副,只係唔同左樣。」

「貓仔⋯⋯」司徒師傅若有所思,「叫咩名?」

唔好話我知貓仔先係關鍵貓物呀,「橘子。」

「開啲相嚟睇睇。」

我隻貓係橘色貓,圓到成個波咁都幾得意,我影左好多相。

張文軒問:「師傅,隻貓係咪有靈力?請指點迷津。」

口講到好誠懇,但佢食緊人地包薯片,邊食邊問。

「非也非也。」司徒師傅放大個貓頭睇,「只係覺得佢肥嘟嘟好趣緻。」

我究竟喺度做乜?!

一個掛住食,一個愛貓萌大叔⋯⋯

之後我地差唔多講左兩個鐘頭,到左五點先講完。

「我諗我大概明白係咩事喇。」司徒師傅長嘆一聲。

「咪就係阿圖個仆街化為厲鬼,搞到我地兩個乜都無晒囉!」我嬲嬲地,「司徒師傅你拿拿臨幫我收左佢!」

我想補一句「唔使問米請阿圖前世上黎喇,事件起因我已經清楚晒」,不過好似有啲唔尊重就無講到。

「唔⋯⋯」司徒師傅來回踱步,「唔係唔係,我諗你地怪錯人,阿圖應該唔係罪魁禍首。成件事起因⋯⋯」

「係你,你先係罪魁禍首!」司徒師傅企定喺度,食指指住既人⋯⋯

係我!
2020-08-14 15:45:52
「不過,你地帶我去一轉阿圖屋企,我要睇睇先可以確定。」

「唔係嘛師傅,你係咪搞錯左啲野呀?」我都企左起身。

「唔⋯⋯應該無錯,好似係。」

「喂你肯定少少得唔得!」我話:「我、張文軒同阿圖三個人,損失最多果個係我喎!

阿圖食左我條女呢下唔在講啦;張文軒做左阿圖之後肥左又靚左;

唯獨係我,我乜都無晒但我唔想咁喎!」

「又廷你唔好激動先。」張文軒禁住我,「唔好激嬲司徒師傅呀。」

司徒師傅反而 EQ 幾高,佢話:「我地行啦!」

最後我地上左司徒師傅架車,去到阿圖屋企。

我反而關心點解佢明明話要交更,但又可以繼續揸的士。

佢拎個羅庚出黎行黎行去、逐一研究阿圖既舊物,然後佢話:「好,我明白了!」

「點呢?」張文軒成個人訓喺梳化上面食雪糕,睇黎佢今日既運動量已經到達頂峰。

司徒師傅用胳肋底夾住個羅庚,然後用電話 Search 左幾張圖,叫我地睇。

為左遷就好似用盡畢生力氣既張文軒,我同司徒師傅坐喺地板、張文軒維持 Hea 喺梳化上面,三個人將部電話傳黎傳去。

手機一拎上手,個 Mon 有一個和風白色面具。

係一個好猙獰既人樣,唔係,應該係類似一張惡靈既臉先啱。



惡靈頭頂有一對長長尖尖既角、眼眶皺成八字形睇起好哀傷怪異、嘴角向上揚起唔自然既角度、露出上下各一對大大獠牙。

呢隻惡靈個樣好熟口面,喺啲神神化化既日劇成日出現,講唔出隻野係咩黎同咩名。

「『般若』——喺日本,大家會咁樣稱呼呢種鬼。」司徒師傅搵多幾張相俾我地睇,有畫、有紋身圖,「佢源自於人類既妒忌心同怨念。

當呢種惡念漸漸強大,強大到產生自我意識既時候,亦係呢股力量成型既時候。

怨念成型後叫『生靈』。『生靈』能夠脫離人類肉身出黎作惡。

喺呢個階段,人類既肉身仲在生、仲有理性。

當呢股怨念愈黎愈不受控、愈黎愈強大,強到人類完全俾怨恨佔據所有心智、無晒理性果陣,人類就徹底化為『鬼』,亦即『般若』。

你地有無睇過《源氏物語》?」
2020-08-14 15:54:09
唔知點解,一個著 Polo 恤同短褲既的士佬講呢番話,好似無乜說服力咁。

我即刻 Google 一下「般若」,發現佢又無講錯。

聽到司徒師傅提起日本文學,張文軒即刻滴左幾滴雪糕落心口,興致勃勃話:「當然有啦,《源氏物語》簡直係日本古典文學既巔峰巨作!故事係講——」

司徒師傅擺擺手打斷佢,「『般若』呢個詞本身係一個佛教術語,而喺日本就因《源氏物語》而被形容為我頭先所講既鬼。

佢大多數出自女性肉身,不過亦有試過有男人出現呢啲情況。」

佢雙眼望住我講:「所以你地個情況並唔係俾厲鬼纏身,而係『般若』作惡先啱。」

頭先佢話我先係事件起源,我問:「你唔係想講,我生左隻『生靈』出黎,而呢隻野個樣同我一模一樣,即係正正依家喺可兒身邊果個陳又廷呀嘛?」

「無錯,就係咁。」

「下?!」我同張文軒同時問。

我話:「唔會咁離奇呀嘛!我見到果位陳又廷,有晒實體同有影子架喎,點會係一絲怨念呀?」

司徒師傅淡定解釋:「呢一縷怨念已經強大到化形,塑造出一副肉身。」

唔係呀嘛,一直以黎我同張文軒都以為係真阿圖搞事,點知原來佢都係無辜?

真正既謎樣人,係我既生靈?!

我問:「乜唔係阿圖自殺完做厲鬼,搶左我個身份咩?」

「無咁容易。自殺只係『逃脫』一個問題,而唔係『解脫』。」司徒師傅話:「阿圖並唔會因為自殺而獲得重生機會、好好生活落去。

我推測,阿圖既下場比你地兩個更慘,佢大概已經重投輪迴,來生要繼續報今世因、償還今世債。

總之,阿圖已經結束今生,無可能再化成肉身去影響到你地兩個。」

咩因因果果、咩輪迴,呢啲野都非常虛幻,我暫且唔同佢討論。

張文軒問出我心中疑問:「司徒師傅,就算俾你講啱,呢件事主因唔係阿圖。咁點解你咁確定係陳又廷既『生靈』作怪,而唔係我既呢?」

司徒師傅理所當然答:「最主要多出黎既肉身係陳又廷而唔係你。以下,係我推算事件既經過⋯⋯」

————————————
再多50個正評繼續加更
大家嘅留言正評係我加速嘅動力

講故台寫故睇故都係你尋我開心、我尋你興奮啫,
提提大家唔好 quote 文,一齊舒舒服服睇埋陳又廷嘅下場
2020-08-14 16:00:44
Live
幫緊你
估唔到朝早有文
般若令我諗起lol Yone 嘅lore
2020-08-14 16:27:39
好撚好睇
2020-08-14 16:33:26
正皮是我給的
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台潮流台上班台財經台房屋台飲食台旅遊台學術台校園台汽車台音樂台創意台硬件台攝影台玩具台寵物台軟件台活動台電訊台直播台站務台成人台黑 洞