隔離14日出嚟，我個淫底女友俾人食咗、我個身份仲要俾人取代咗《奪臉述異記》

係呀文記巴打

新故留名

「又廷！」可兒衝上前，但佢扶起嘅並唔係我，而係180cm男。

「無事無事。」180cm男企起身。

我個腦好亂，依家即係點？

因為我隔離咗十四日，所以可兒搵咗另一個同我一樣高嘅男人做替代品？

然後仲夾硬叫佢做又廷(我個名)，而呢個男人又肯制？

唔係喎⋯⋯準確啲講，180cm男個樣似係半年前嘅我，下巴尖削啲、白淨啲。

咪住先咪住先，會唔會係我搞錯咗呀？

我即刻攞部電話出嚟，開自拍望下自己個樣⋯⋯

屌！唔怪得可兒唔認得我喇！屌！

我再次回想啱啱去台灣第二個月嗰陣，同可兒 Cyber Sex 完講嘅一句：「我個樣好似有少少唔同咗咁。」

原來變面唔係深田恭子，而係我！

我喺180cm男戴口罩前再望佢一眼，又再對比自拍鏡頭上面嘅自己，我幾乎認唔出我自己！

點可能㗎？！

先前喺台灣我每朝起身都有照鏡 Gel 頭，唔通係因為日日望住自己，所以即使有緩慢嘅變化都唔覺？

依家有180cm男做對比，就明顯有唔同？！

咪住，如果我個樣喺半年內變咗，咁按道理我應該出唔到境亦入唔到境㗎，因為護照、身份證上面個樣 Suppose 係同我真人唔同，關員唔會俾我出入境先啱㗎！

諗到呢度，我唔理咁多，即刻攞銀包同護照套出嚟睇。

下！點會咁㗎？！

上面張相同依家嘅我自己一模一樣，所以先可以輕鬆過關！

換句話講，我條屋企鎖匙，甚至我個樣，喺唔知幾時俾人換走咗！！

望住我張身份證，更驚訝嘅陸續有嚟……

上面寫住嘅人名叫「張文軒」而唔係我個名「陳又廷」，連個出生日期同身份證號碼都完全唔同！

即係話，根本我成個身份都俾人搶走咗！

LM

綠茶巴轉風格 好睇

G持green t c

live未

live 咗

新故留名啦喂

歡迎新讀者

有無興趣先？

無知巴打
鄰居故竟然無嚇走你

無啊 幾好睇添

係呀心巴
岩唔岩口味

終於見到月田貓，呢個故都...

係懸疑故ar gchi

食人地個淫底女友
BTW 你寫嘅非血腥故好似仲恐怖啲

LM

綠茶絲終於出新故 LM

謝巴好耐無見

希望可以試下唔同風格之餘，你地會覺得幾好睇

暮雪巴打live未