隔離14日出嚟,我個淫底女友俾人食咗、我個身份仲要俾人取代咗《奪臉述異記》
橘子綠茶
1001
回覆
468 Like
41 Dislike
第 1 頁
第 2 頁
第 3 頁
第 4 頁
第 5 頁
第 6 頁
第 7 頁
第 8 頁
第 9 頁
第 10 頁
第 11 頁
第 12 頁
第 13 頁
第 14 頁
第 15 頁
第 16 頁
第 17 頁
第 18 頁
第 19 頁
第 20 頁
第 21 頁
第 22 頁
第 23 頁
第 24 頁
第 25 頁
第 26 頁
第 27 頁
第 28 頁
第 29 頁
第 30 頁
第 31 頁
第 32 頁
第 33 頁
第 34 頁
第 35 頁
第 36 頁
第 37 頁
第 38 頁
第 39 頁
第 40 頁
第 41 頁
封城未呀
2020-08-18 21:45:51
果然係要有殺人情節
瓦努阿圖達文西
2020-08-18 21:53:35
樓主寫得好好睇
橘子綠茶
2020-08-18 23:30:57
打咁多字一晚追完
橘子綠茶
2020-08-18 23:31:11
呢句正
西水東流
2020-08-19 01:53:13
好期待結局
水瀬いのり
2020-08-19 02:24:08
波野波蘿me
橘子綠茶
2020-08-19 09:02:14
之後繼續喊
橘子綠茶
2020-08-19 09:04:30
轉風格前都驚驚地,好彩大家都鍾意
我鍾意寫男性角度,大概係因為我思維模式有時似男多過女
橘子綠茶
2020-08-19 11:07:54
咁又唔好Stereotype左港男,都有女人係咁都唔奇,個個人性格唔同。
一齊睇下陳又廷點生性啦
橘子綠茶
2020-08-19 11:09:03
仲諗住打風寫快啲可以早啲出故,點知又就快落波
橘子綠茶
2020-08-19 11:10:09
開心
睇到大家都認同我係巴打
(雖然我係)
夢遊天真豬
2020-08-19 13:19:08
村上春樹人造衛星的情人我都係一晚睇哂㗎~
唔好嬲豬,原本想搵聖地牙哥鬼屋系列追埋去,但發現無哂網上版,依家係咪只可以買實體呀?如果有手機版我願意付費睇呀~
尼爾
2020-08-19 15:24:57
我要SAD ENDING, 殘殺可兒同ROSE !!!!!!!
可以姦屍
朝如青絲暮成雪
2020-08-19 15:34:26
淫底未夠淫
水瀬いのり
2020-08-19 16:13:29
要加甜ending
煲底再遇上白熊
2020-08-19 16:17:04
橘子綠茶
2020-08-19 17:40:57
司徒師傅答:「以上提及既兇手,無論係喺殺人之前,抑或殺完人被捉入精神病院後,都分別對朋友或者院友講過,人唔係佢殺,而係『另一個佢』殺,當中提及過既細節亦類似般若。
當然,如果你唔信,大可以話佢只係精神病,妄想出有『另一個佢』,又或者人格分裂。」
司徒師傅講完聳聳肩,食飽飯開始飲湯。
佢補充話:「近年黎,類似既兇殺案愈黎愈多。
我翻查過好多資料,同埋親自去過精神病院搵兇手傾計,勉強都分辨出邊啲人係真係有精神病、邊啲人係被般若纏身。
未必人人既情況都同你完全一樣,絕大部份人都無你單 Case 咁複雜。
純粹係生靈出體、肉身昏迷,當再次有返意識果陣,生靈肉身已經合一為般若去殺人。
而唔係好似你咁,會牽涉埋張文軒同阿圖入黎。
可惜既係,當人類被般若蠶食後,主意識只能間中控制到身體講幾句話,然後又再次沉寂,並且逐漸被般若蠶食到徹底消失於世上。
簡單黎講,化為般若之後已經無得救,你所講既奇跡真係只會喺電影入面發生,無可能再喚醒你意識、再搶返身體。」
我繼續夾冬菇蒸雞食,「得喇得喇,總之就要趁我失去心智之前,快快手搞掂生靈啦!」
凱婷食飽抹嘴,「司徒師傅,除左化為般若之後會點之外,你係咪都查到其他野?」
「無錯。」司徒師傅幫司徒嫂裝湯,「我已經搵到救你地既施法地點。」
我問,「你已經知道點樣幫我拎返陳又廷個樣?」
佢胸有成竹,「你地幾個係互相牽連,所以應該話,係幫你同張文軒各自拎返自己個樣。」
凱婷終於流露出丁點緊張樣,「係咪用鎮魂鐘?」
橘子綠茶
2020-08-19 17:41:57
「你地都知呢件法器?」
於是凱婷俾相佢睇,講返佢今日既發現。
睇完司徒師傅點點頭,「鎮魂鐘確實係可以幫到你。
到時我需要佈一個『鎖妖陣』,將鎮魂鐘擺喺陣眼施法。
陣眼係鎖妖陣既中心點,只有陣而無法器,呢個陣係萬萬不能成事。
要啟動鎮魂鐘需要有法力之人去敲鐘七下,鎮魂鐘一旦啟動就唔可以停止。
當佢吸收左陣內一個靈魂後,鎮魂鐘先會停止運作。」
司徒嫂見大家食完飯,開始收拾碗筷,我就繼續食埋淨低既餸菜先。
凱婷問:「之後呢?」
由於今日一次過吸收太多資訊,我開始聽到有啲眼訓。
不過凱婷仲係好精神,佢幫司徒嫂執野之餘,仲一邊聽緊司徒師傅講解。
「鎮魂鐘類似一個能量轉換器,」司徒師傅答:「能夠將生靈困住,從而打散佢既力量,令佢回復一縷怨念後將佢釋放出黎。怨念自然尋回主人、返去你既肉身度。」
我打喊路,「我唔要喇多謝。可唔可以扔走個怨念?」
「唔可以。」司徒師傅都幫手執枱,「人有七情六慾,無論你有開心同怨恨都係正常既事,一個人如果完全無晒七情六慾,佢應該可以脫離輪迴直接升天喇。
凡人只可以做既係學識平衡,唔可以俾怨恨支配自己。
如果收回怨念之後,你都繼續一味怨天怨地,恐怕會再次產生生靈。」
嗚呀,我唔制呀!
聽到廚房有洗碗聲,應該係司徒嫂洗緊碗;我就收口唔再食;凱婷將所有碗碟收好後,我地三個人坐喺茶几繼續傾。
凱婷同我排排坐喺梳化上,佢問:「好,咁我地已經知道要用咩法器喇。問題係去邊度搵到?」
「唔使上淘宝,唔使去深水埗。」司徒師傅坐喺另一張梳化上,「呢樣包喺我身上!我以前做法事有固定 Supplier,我叫佢地搵。」
哈,乜做法事都有供應商呢個角色既咩?
咁遲下會唔會出現埋「法器開發部」、「法器銷售員」同「法器維修員」架?
凱婷又再發揮中環 OL 本色,拎出佢本筆記簿 Mark 低重點。
「OK,咁師傅負責陣法同法器。」佢問:「下一樣:你啱啱係咪提過施法地點?」
佢個精明能幹樣,令我幻想佢平時番工開會果陣,一定都係氣勢如虹咁帶領住個議程。
巴膠都是on9的
2020-08-19 18:19:50
屌 手殘click咗負皮
對唔住大佬
橘子綠茶
2020-08-19 20:36:13
講咩呀你
橘子綠茶
2020-08-19 20:36:46
唔係人人玩得起
講都廢撚事
2020-08-19 20:48:49
追追下故以為有人搵我
橘子綠茶
2020-08-19 20:53:36
司徒師傅拎出一張地圖,攤喺茶几上:「總結陳又廷、張文軒同阿圖三個人既經歷同時間點,我相信你地喺一月中應該有交集過,如果唔係生靈唔會識得搵張文軒同阿圖。
你一月中出發去台灣之前,有無印象去過邊?」
師傅呢張地圖,暗示佢根本一早已經知道答案。上面寫住「大埔滘自然護理區」。
一月中、三人交集之處、大埔滘、自然護理區⋯⋯
「大埔行山!」我叫左出聲。
由於我太大聲,廚房入面洗碗洗得好勤快既司徒嫂出黎望一望:「想行山都唔好呢排去啦,乖乖地留喺室內呀後生仔!」
司徒師傅即刻答:「梗係唔會啦,我地傾緊單 Case 咋。」
我繼續講:「呢個大埔滘自然護理區,我同可兒以前去過!
一開始見到假陳又廷果陣,佢仲攞黎 Challenge 我記憶。
當日係 2018年7、8月既事,我同可兒想上去睇螢火蟲,不過後尾因為大雨就睇唔成,之後亦無再去過。我真係好後悔無再——」
凱婷無情打斷我:「得,講重點。」
司徒師傅顯然一早知道,「之後就到 2020年1月中張文軒去大埔行山失蹤,凱婷,你記唔記得當時佢去大埔邊度?」
凱婷即刻搵返佢同張文軒以前既 Whatsapp History。
當然即時打俾張文軒問係最快最直接,不過礙於嬌柔造作既文青肥仔話未準備好喺凱婷面前現身,我地避免佢兩個既接觸。
搵左陣,凱婷舉起手機:「佢出發前一晚有話我知,係去大埔滘自然教育徑。」
睇返地圖,大埔滘自然教育徑係喺大埔滘自然護理區入面。
我同凱婷即刻望向司徒師傅,佢係有啲料到喎!
司徒師傅欣然接受我地既無聲讚許,佢閉眼點點頭,「查出案發地點並唔需要用劍既,其實只要留心聽你同張文軒講過既話,夠細心就可以搵出共同之處。」
我講笑話:「唔怪得張文軒之前話捉妖就好似查案咁,讚你每次都付出真心去做啦。」
直到目前,司徒師傅俾我既感覺係佢有豐富既知識,亦有工作熱誠(無論揸的士定係做風水佬)。
但講到法力⋯⋯我有所保留,尤其佢提過自己唔夠法力去睇人類既靈光。
我再搵返以前啲 Email,「無錯無錯,就係大埔滘自然教育徑!我同可兒果陣報 One Day Tour 就係去呢度睇螢火蟲!」
司徒師傅話:「我上網查過你講果間旅行社,呢條路線依家仲有做緊,當然疫情期間除外啦。
睇螢火蟲既落車地點,正正就係喺大埔滘自然教育徑其中一個起點。大家落車經大埔滘自然教育徑上山睇螢火蟲。
我會肯定呢度就係關鍵地點,除左因為你地經過既時間點吻合,亦因為呢個大埔滘自然教育徑既起點係香港一個非常出名既地方。」
佢故作神秘頓一頓,「鬧鬼地方。」
第 1 頁
第 2 頁
第 3 頁
第 4 頁
第 5 頁
第 6 頁
第 7 頁
第 8 頁
第 9 頁
第 10 頁
第 11 頁
第 12 頁
第 13 頁
第 14 頁
第 15 頁
第 16 頁
第 17 頁
第 18 頁
第 19 頁
第 20 頁
第 21 頁
第 22 頁
第 23 頁
第 24 頁
第 25 頁
第 26 頁
第 27 頁
第 28 頁
第 29 頁
第 30 頁
第 31 頁
第 32 頁
第 33 頁
第 34 頁
第 35 頁
第 36 頁
第 37 頁
第 38 頁
第 39 頁
第 40 頁
第 41 頁
吹水台
自選台
熱 門
最 新
手機台
時事台
政事台
World
體育台
娛樂台
動漫台
Apps台
遊戲台
影視台
講故台
健康台
感情台
家庭台
潮流台
美容台
上班台
財經台
房屋台
飲食台
旅遊台
學術台
校園台
汽車台
音樂台
創意台
硬件台
電器台
攝影台
玩具台
寵物台
軟件台
活動台
電訊台
直播台
站務台
黑 洞