屁屁蛋攻擊
2020-08-05 03:09:40
「B豬你好叻啊,我超級舒服~!多謝你」
阿怡原本面有難色咁清理緊口中嘅白濁,
一聽到我咁講,佢隨即甜笑起來,
「你舒服就好,條片教嘅真係有用…」
阿怡後半句講得好細聲,不過我都聽到,捉到重點,咁就當然要整蠱下佢啦。
「哦!你琴晚睇咩片咁曳,你係咪自己曳曳!?」
我作狀地取笑阿怡,佢即刻好緊張咁擰曬頭否定,
「我冇啊!」
「曳啦你!做咩學壞咗?」
「我想你舒服。」佢講呢句嘅時候,抬高咗頭,認真地望實咗我。
我個心一下就軟咗,
一個男人最大嘅幸福唔係搵到一個幫佢含撚嘅女人,
而係搵到一個主動去學,由唔識學到識,就係為咗令你舒服嘅女人。
我緊緊地攬實佢,再一次向佢道謝,
「多謝你。」
今次唔係為講而講,而係由衷地想多謝阿怡嘅付出。
「傻B豬~」佢摸摸我個頭,指尖插入頭髮間,輕輕為我按摩頭皮。
我就咁樣係佢嘅頸窩,感受佢嘅吐息,
阿怡呢種溫婉如水嘅女子,連呼吸都係不急不躁,
係佢身邊就會有一種被治療嘅感覺。
但正正係咁,卻缺少咗刺激感,我一直都相信,阿怡會係一個好老婆。
如果你問我願唔願意同呢個女仔細水長流,
我會話,我願意,但唔係依家。
我依家先20頭,仲有大把世界未試過,
如果要我呢一刻就封自己盤,我真係唔捨得。
我成日都覺得自己太早遇到阿怡,如果到要結婚嘅時候,
先遇到一個咁適合做人老婆嘅女仔就好。
但我又會諗個陣時嘅阿怡,俾人玩殘曬,我又會唔會鍾意呢?
個陣時嘅我,又玩夠未呢?
好似點樣都冇一個最好最令我滿意嘅時機,因為男人,總係貪心既。
我地會想要一個身材好、有技巧又淫底嘅處女老婆,
但當我地未確認自己係咪真係會娶呢個女仔嘅時候又迫不及待咁拎咗人隻豬,
到頭來又怪個女仔唔識保護自己。
就正如我依家想要阿怡呢個乖巧又愛我嘅女仔,
但同時我又厭棄佢有時太乖,唔識玩,冇刺激感。
以往我點解會同Mavis曖昧就係貪剎那間嘅新鮮,
我清楚陪咗係我身邊我兩年幾嘅呢個人先係我真正要愛錫嘅人,
所以我唔介意為阿怡付出,接佢放工,花時間陪佢,
我愛佢,但對唔住,我更愛我自己。
即使我可以待佢好,卻唔可以待佢專情,
因為有一啲我想要嘅嘢,係佢身上得唔到,
係刺激、係情趣、亦都係新鮮感。
我唔想屈就我自己,唔想往後呢60年就咁樣過去,
所以我要向外尋歡,去尋找一啲呢段感情所缺失既,
咁樣我先唔會厭倦呢段感情,咁樣我同佢先可以長久。
阿怡嘅手依然係到一下一下平穩地輕撫我個頭,
「係呢~不如你下次帶我試下err…smoke啊?」
「好啊…咩話?!」原本我心不在焉,只係隨便和應咗阿怡,
當我load到佢講咩嘅時候,我激動到離開咗佢嘅懷抱。
原以為佢只係隨口一句試探我,
但當我凝視住佢嘅時候,我就知道佢係認真既。
佢嘅眼神好堅定,直直地回望返我,
「係我帶俾你嘅壓力,我陪你一齊去承受,我同你一齊去舒解,你有我。」
佢望住我嘅瞳孔,卻好似穿透我嘅肉體,直接同我靈魂對話,
我成個人一顫,眼中突然泛起一層霧,我唔知點樣去形容,
但個一瞬間,我發現有啲嘢,我可能可以試下去放棄。
-