屁屁蛋攻擊
2020-07-23 23:49:11
今日又係一個無聊嘅平日,
上完天地堂之後我就同我嘅homie縮係宿舍房到隊草。
大學生嘅日子就係咁空閑,每一日做嘅嘢就係尋找快樂,
而smoke完之後嘅快樂好簡單,
聽歌會特別好聽,好似跳咗入個旋律世界;
人會特別容易笑,就算係無聊嘢都可以笑到停唔到;
食嘢都會特別好食,味蕾好似敏感咗,每一樣普通嘢都特別好食,就連平時嘅營多都好似五星級美食咁,令人食極都唔停。
我唔係smoke咗好耐,最近先開始發現smoke完食嘢原來係咁正。
所以我呢排都會準備定好多嘢食,一邊播歌,再一邊同啲homie一齊食。
而今日又係一個大食會。
「叮-」我望一望手機,阿怡wts我。
「阿B我放飯啦,今日好攰啊!😟😟」
我冇㩒入去覆佢,繼續食我手上面嘅雞脾。
Homie阿葉見到我瞟咗眼手機又冇覆就問:
「阿嫂啊?我以為你地個次之後就會分手,估唔到仲咁癡纏喎。」
「收嗲啦,有排都未分手。」
「喂係喎屌,你同個大波妹點?」
「有咩點,冇再搵佢好耐啦。」
「嘩佢身材咁正,咁摟屌,你捨得㗎啦?」
「屌你!都話未屌過又唔撚信。」
阿葉見我燥燥地就冇再講落去,但呢幾句就足以令我諗起個個女仔。
佢叫Mavis,係我之前返part-time嘅女同事。
佢大波又主動,絕對係一件性感尤物,
但我真係冇屌過佢,我只係享受同佢嘅感情交流。
唉,諗到呢到,我拎起部手機,
「B豬錫返啦😘,你今日lunch食咩啊?」
每一次諗返起Mavis,我都會覺得對唔住阿怡而對佢好,
好似咁樣做就可以彌補到做錯過事。
或者大導演葉念琛真係講得岩,
內疚感係維持一段感情最好嘅方法。
「今日同同事去食韓國嘢,好好食啊😋!下次同你嚟食💕」
阿怡秒回咗我。
呢個就係佢對我嘅用心,一見到我覆佢就秒回我,
其實我係佢心入面真係好重要。
「好啊!我同朋友傾偈先,等等再覆你啦😘」
我同佢唔一樣,佢唔係我嘅全世界,
我唔會為咗覆佢拋低我依家嘅快樂。
而我可以做嘅,就係同佢交代一聲我做緊咩,等佢安心一啲。
我知道自從個件事之後,即使佢冇表達出嚟,
佢內心都一定係有疙瘩,會不安會冇安全感,
呢一啲交代對我而言只係微微一句,
但佢就會安心好多。
佢向來就係咁,有咩都唔出聲,一切都收埋收埋,
阿怡唔係港女,佢係好內向嘅女仔。
從來唔會發脾氣,將一切嘅委屈收埋收埋,
然後獨自一個人唔開心。
起初我都覺得佢唔發脾氣好好,
但我越嚟越發現佢呢種方式帶俾我好多負面情緒。
佢會冇啦啦自己係到喊,問佢咩事又唔出聲,
每一次我都會唔識去處理。
我亦都慢慢由憐惜變到唔耐煩,由唔識處理變到唔想處理。
但前排,自從個件事之後,就有好轉。
佢開始會同我訴苦,儘管好多時候我都仲係唔知佢嘅負面情緒要點處理。
但起碼我有咗個方向知道有啲咩會令佢唔開心。
而我都因為個件事嘅內疚感而對阿怡多咗耐性同關心,
我地嘅感情似乎往緊一個好嘅方向發展。
屁屁蛋攻擊
2020-07-26 00:51:07
「喂!呢個好撚好食!」
阿葉嘅呼叫拉回我嘅思緒,佢遞咗包叮叮蝦餃俾我,示意我快啲試。
我食咗一粒,蝦餃皮軟糯適中,咬開後係爽口嘅蝦餡,蝦嘅鮮味噴發出嚟,再加埋少少嘅汁水,
簡直係人間美食。
我顧唔上燙口,將幾粒蝦餃塞入口中。
「喂屌你!食撚哂,bad trip。」
阿葉伸手去搶我手中剩低嘅一粒蝦餃,
我唔俾,我地就開始推推撞撞,打打鬧鬧,
最後一齊傻笑。
Smoke完之後嘅快樂,真係好簡單。
-
到我再次張開眼,成間房黑到透,
我望一望手機,已經8點幾。
桌上面仲有我地晏就食剩嘅包裝,
睇嚟我地玩完我太攰就直接訓咗。
手機上面有幾則訊息,分別係阿葉同埋阿怡。
「din tgt?」
「ok」
我覆咗阿葉之後先㩒入同阿怡嘅對話框。
「阿B你傾完未啊?😗」
「我好攰,又掛住你啦😢」
「今日終於可以早啲放工返屋企食飯啦!好開心🥳🥳」
阿怡佢冇咩朋友,佢嘅世界可以話差唔多只係得我,
所以佢一切嘅生活大小事都只係可以分享俾我知。
「咁開心啊B豬🥰」
我send出去嘅wts,只係2秒就藍剔咗,
阿怡即刻online,typing…
佢呢種回覆速度的確會令人感受到被重視,
我都知佢一直等緊我覆佢,想我陪佢傾下偈,
但對於我嚟講,我寧願佢覆得慢啲。
因為我感受到壓力,而且我想逃避,
所以我冇等佢打完,就咗offline。
其實我並冇放低手機,我係到睇緊ig。
「係啊,超開心🥳🥳阿媽今日仲煲咗靚湯😋😋」
阿怡嘅訊息係上面彈咗出嚟。
Auntie…講起佢媽媽我仲有啲心驚。
「err你媽媽有冇講起我啲咩?」
打完呢句我又del咗,冇send出去。
「咩靚湯啊?😘」
我轉咗覆呢句。
之後我就放低手機,換件衫出去同阿葉食dinner。
只係每當提起auntie我就有啲心神不寧,
所以成餐飯都食得冇咩心機。
「嘩你做咩咁嘅樣,真係bad trip啊你?」阿葉問我。
「唉,唔係啊。你記唔記得Mavis件事?」
「哦~個大波妹啊嘛?記得。」
「我有冇同你講過件事點爆煲㗎?」
「咁又冇喎。」
-
是咁的,我同Mavis係part-time同事嚟,
因為舖頭唔算好多人,嚟嚟去去都係得我地幾個同事,
而我地成班人都成日會放工一齊smoke一齊玩,所以就好快熟。
其實來來去去幾次我都知Mavis對我有啲嘢,
佢成日都會wts私chat我,我地之間講嘢又有啲flirty,
Smoke咗之後佢又會摸下我塊面,坐下大脾咁。
我好享受呢種曖昧嘅感覺,可能真係拍咗2年幾拖,
我同阿怡中間已經冇哂激情,
難得有得體會下呢種刺激感,我就樂此不疲。
嗰一排就差唔多晚晚放工都同佢smoke,
但我都好堅守界線,我好清楚自己只係貪玩,
並唔係真係鍾意Mavis,所以我重來冇俾任何身份承諾佢,
亦都冇同佢有太over嘅身體接觸,至少我地冇kiss過。
我只係對住Mavis有新鮮感,同佢一齊玩有樂趣,
佢會同我一齊隊草一齊high一齊玩,
呢一啲係阿怡俾唔到我既。
但我永遠都會記住阿怡先係我女朋友,
邊啲拎嚟玩,邊啲拎嚟認真我分得清清楚楚。