-
我一直都相信,擁抱係最直接給予安慰嘅方式。
所以我就咁樣靜靜咁攬住佢,冇講多餘嘅嘢,
車廂入面就只剩低佢嘅抽泣聲,擁抱嘅姿勢使我睇唔到佢嘅表情,我望住車窗外嘅景色,
深夜嘅的士行駛得好快,街燈同灌木係我眼邊轉瞬即逝,好似走馬燈一樣,我根本睇唔切任何風景,但卻彷彿見到時間嘅流逝。
我留戀呢一刻體溫同觸感,因為我只有係佢醉嘅時候先有資格攬住佢,
儘管佢可能根本唔知道依家攬住佢照顧佢嘅人係邊個,但我唔介意,我只係想的士可以行得慢啲,再慢啲…
等我可以再偷多啲親近佢嘅時間。
或者係見到佢傷心嘅呢刻,我先確定,我係真係鐘意咗Venus,
係個種不忍佢受傷嘅心痛,但我嘅身份唔容許,我只係一個組爸,而佢亦有屬於佢嘅另一半,
即使我明知個個人係佢傷心嘅來源,我依然係咩都做唔到。
-
我攬住佢落車,佢嘅腳步輕浮,依然係行得左搖右擺,我只係一步步提醒佢,鼓勵佢行。
經過保安處嘅時候我同蓮姐打咗聲招呼,佢用一個「我瞭解」嘅眼神望住我,然後就放咗我入去。
依家嘅我冇精力解釋,只可以擠出一個苦笑回應佢。
幾經辛苦我終於送到Venus返房,好彩佢roommate唔係到。我將佢扶上床訓低,
呢個時候嘅佢已經喊攰咗,只係眼角仲會泛出淚水,
我用手指擦走佢眼角嘅淚,幫佢冚好被,
老實講我唔捨得走,但佢都訓咗,我都冇咩原因留係到,所以我起身,打算離開。
但Venus卻係呢個時候伸出手拉住咗我,
「唔好走。」「陪我。」
前一刻就因為冇理由留低要走,但依家Venus俾哂理由我,
儘管我唔知佢呢一句係咪同緊我講,亦唔知呢句係咪只係醉咗嘅喃語,
但就俾我卑微地,借住呢個機會,陪係佢身邊多一陣。
我順勢訓咗係佢身邊,佢卻馬上依戀咁攬住我,
我覺得呢一刻好幸福,但呢種幸福感卻夾帶住絲絲苦澀味,
就好似你明知一套劇係爛尾作,你卻依然無可自拔地繼續追落去。
我以為今晚就會咁平靜幸福地渡過,雖然我應該唔會訓得着,因為同鍾意嘅女仔咁親密咁接觸,我嘅小兄弟就如我個心一樣不受控。
近距離望住佢因醉酒而泛紅嘅臉頰,好有錫落去嘅衝動。再加上佢緊貼我嘅身軀,我嘅體溫開始升高,更多嘅血衝向我下體。
我努力控制自己嘅雙手唔好亂摸,但依然忍唔住摸向佢腰間,
要停啦,我提醒自己。
但Venus隻腳卻一下疊咗上我身到,佢嘅大脾就貼住咗我下體,
我重重吸咗一下氣,即刻郁都唔敢郁,
佢隻腳會隨住我身體呼吸起伏而微微上下郁動,
着住熱褲嘅佢大脾赤裸,我同佢之間只隔住一條單薄嘅孖煙囪同棉褲,
我感受到佢嘅體溫,甚到係大脾肉嘅質感
每一下起伏都係到挑戰緊我嘅耐力。
-
再次宣揚IG,差唔係好多就50㗎啦!
https://www.instagram.com/patpat.attacked/