屁屁蛋攻擊
2020-07-06 15:37:10
我推開房門,見到嘅卻係Venus嘅roommate,
我話我係嚟搵Venus嘅,佢卻同我講:
「噢,佢今朝好早就返咗屋企啦,佢都係wts同我講我先知。所以你今日應該見佢唔到㗎啦。」
哈哈,原來佢已經避我避到走埋堂。
佢斷絕哂一切我可以搵到佢嘅方法,明顯地,佢唔想同我有咩關係,
既然佢唔想我搵到佢,咁我又何必強人所難呢。
但自從呢一日之後,
Venus正式從我嘅世界消失,佢冇再係我面前出現過,係宿舍我都冇再撞過佢。
Reu佢唔會出現,組group佢都冇再出過聲。
雖然佢ig, wts冇block我,但我都再冇理由同勇氣去搵佢。
-
我有同班兄弟呻過,但佢地個個都同我講,
「屌過咪算囉!仲冇手尾跟,不知幾撚正!」
「有得屌好過手仔都冇得拖,你比人好彩㗎啦,起碼你屌過佢先啦。」
「算啦,冇唱衰你算係咁啦。不過下次叫埋。」
「女咋嘛,你仲有另一個組女咪幾撚正。」
佢地唔明,佢地唔撚明。
我成日都會回想起個一日,
如果我個日冇屌佢,結局係咪會唔同呢?
我無數次後悔個晚嘅衝動,如果我再正人君子啲,會唔會佢就做咗我女朋友呢?
我依家就好似辛辛苦苦種一朵花,由播種、施肥、淋水,慢慢咁照顧佢,結果佢開咗短短一晚就枯死咗。
我並唔係想要呢種短暫嘅快樂,
我想要嘅係小王子嘅紅玫瑰,小王子同玫瑰花係對方嘅唯一,佢地依偎係星球嘅某一個角落,深愛住對方咁生活。
冇錯,Venus佢唔係特別靚,身材特別好,但對我而言佢係獨一無二嘅。
花園裏有5000朵紅玫瑰,但我手中嘅一朵就勝過你地。
因為呢朵玫瑰係由我澆灌、
因為我傾聽過她嘅哀怨,見過佢嘅光彩,甚至有時聆聽佢嘅沉默。
因為佢係我心中那唯一嘅玫瑰。
我寧願個個晚上,佢冇盛開,即使只係一朵花蕾,我都可以靜靜陪係佢身邊,照顧住佢。
但時間唔會回溯,枯死嘅花朵都唔會復活。
而我只可以抱住枯黑乾癟嘅屍體,悔恨不已。
-
儘管我好在意,我並無再表現出嚟,就如同往常一日生活
只係每日嘅晚上,我係訓前多咗個習慣,就係㩒入佢ig,睇佢有冇出post出story,
因為呢個已經係我唯一可以得知佢消息同生活嘅途徑。
我對佢有一份執念,源於曾經很近,但依家卻遙不可及嘅距離。
「叮──」
我望一望手機,原來係Venus出咗post(冇錯,我較咗通知),
「兜兜轉轉,依然是你,愛你啊B」
一張佢男朋友同佢嘅合照印入眼簾,
配上甜蜜嘅caption,係人地眼中大概會係令人羨慕嘅一對。
我卻似係被一道雷劈中一樣,定住咗,
點解!點解佢又要一頭中落個仆街到。
我唔一定要佢留係我身邊,但至少唔想佢再俾個仆街傷害。
然而我望住呢個結局,卻只有無力。