新意大利戰記 #02
上回提要：意大利透過埃塞俄比亞練兵場練出兩位神將，準備打世界大戰
喺行國策拎南斯拉夫既CB之前，我地需要決定多一樣野
喺同南斯拉夫宣戰之後，向佢保障獨立既法國、捷克亦會同意大利進入戰爭狀態，由於三個國家都唔屬於同盟/軸心/共產/抗日/大東亞共榮圈陣營，所以無辦法透過擊敗「主要國」而將所有國家都拖入和會，要逐個逐個國家擊敗，單獨議和
喺之前既意大利戰記，我教過大家喺擊敗英國之前順手向土耳其宣戰，求其打一兩格就收隊，依個方法稱為「陣營殺」，只要你打敗主要陣營既主要國，其陣營內所有國家亦會強制投降，咁你就可以順手割地
不過上面都講左，法國未入盟之前冇陣營，就算入同盟國你都要打埋英國先至可以割地，煩到死
咁單獨打晒三個國家得唔得? 得既，但好死唔死既係意大利同捷克中間隔左個奧地利，同時打到37年年底法國會透過佢既national focus入同盟國，或者捷克亦會因為緊張度變高而加入同盟國陣營，變相要花更多時間先至可以結束一切戰事
喺開戰之後，所有新成立既傀儡國都會自動參戰，喺36/37年既環境黎講，你既軍備比較難以應付歐洲+北非戰場所需，所以建議喺同南斯拉夫開戰之前將利比亞set做傀儡國，等打晒歐洲戰場先至再調兵落去至比利比亞參戰，一方面打蘇彝士運河，兼且再向東擴打埋伊拉克，順手成立羅馬帝國既條件
儲完PP之後亦都要照得加小小陸軍能力值，再訓練多24個5步師守阿爾卑斯山防線就得(唔好加任何支援營，槍都冇時間整唔好加任何野)
37年1月準備好向南斯拉夫宣戰
早戰環境之下邊個有40寬邊個就贏，之但係真心唔夠槍唔夠炮，就咁用10步師加個支援炮要平推打贏南斯拉夫完全冇問題，之後打法國時先正式轉編成都ok
冇幾耐之後保南斯拉夫既捷克同法國都參戰
當然遠水不能救近火，用左三個月鬆小小已經打完南斯拉夫
由於意大利有決策可以成立羅馬帝國，條件係控制大部份歐洲領土+北非+中東領土，所以依邊唔成立傀儡國而係直接佔領，不過留意返1.9版本反抗系統會食你唔少人力，有需要可以問你既傀儡國肯唔肯借人力比你做鎮壓工作
意大利既manpower相對於德國黎講比較緊絀，如果佢地肯借人力的話起碼都可以整多隊填線師出黎
而依個時候既戰損統計，法國話咁快就冇左100k兵力，意大利方面只損失7千人
上面提到過，打法國要同時間競賽，法國AI約莫37年年底(10月左右)就會入盟，為左早一步割法國地、整傀儡國再抽佢人力整填線師，你必須盡早攻入巴黎
意法邊境幾乎都係山，所以我選擇由南邊既城鎮出擊，同時推多1~2個province 扣實人地唔比佢增援，兼且拎多小小補給
喺全程空優兼且法國早就磨到冇晒槍既關係，好容易就撕破防線
我地既目標係花都巴黎，所以冇需要向西進攻，反而應該向北旋轉，一方面進迫巴黎，另一方面包圍阿爾卑斯山上面既法國軍隊
由於意大利方面終於儲到足夠既炮，終於可以將部份軍隊轉為14步4炮既40寬主力師陣容
不過，要將所有步兵師轉40寬師相當唔現實，因為根本唔夠槍
咁的話其實你可以選擇合併幾個師，反過黎節省小小裝備
(本身用10步師，轉做14步的話反而會節省左6個步兵營既裝備)
首先我地將某兩個師轉會主力師配置
之後將依兩個步兵師整合成同一個師
咁你就得到一個齊裝既40寬師，補埋炮之後就可以喺早戰既環境下戰無不勝
同時亦都唔好忘記順手向奧地利做宣稱，法西斯國家喺戰時可以用極少PP同較少時間整CB，咁你就可以順手食埋奧地利，既拎成立羅馬帝國所須既領土，同時限制德國既發展
返返法國戰場，意大利以40寬師輕易撕破防線，法國潰不成軍
37年7月12日，意大利軍隊進駐巴黎，同日法國宣佈投降，就係咁法國繼普法戰爭之後再一次戰敗
到底喺法國投降既會議上意大利會點出招?
而相隔一條海峽外既英國又會點反應?
世界又將會變成點?
欲知後事如何，且聽下回分解
