有無巴絲打鐘意玩Paradox喲戰略game？(4)

聯機戰記 #01 失敗的德國擴張

今局分為兩日進行，第一日由36年開到39年7月，第二日繼續前面既save直至end game

喺今次世界線入面，德國player決定提早於36年與奧地利合併，盡早拎埋奧地利所擁有既工廠


西班牙內戰方面，由於1.9版本下葡萄牙會派出義勇軍參戰，加上共產西班牙方面本身就較少軍隊，亳不意外地由佛朗哥獲勝


39年8月，比正常單機遲小小既時間，德國向波蘭索取但澤遭拒，WWII正式開始

開戰前德國既如意算盤係咁：北非方面依靠意大利事先加強基建，以擴大當地既補給上限，然後以精銳裝甲師向東平推

事實證明剛開戰時既準備冇錯，以強大火力支援下既軸心國有能力一步一步推向埃及，可惜既係意大利始終無法對抗英國皇家海軍，斷左海上補給及後北非軍隊完全無法維持組織度同戰鬥力，德國開戰時最重要既戰力就咁被全滅

4隊裝甲師既損失連帶落黎既係德國喺歐洲戰場既失利

當德國成功擊敗荷蘭，進一步推往比利時境內時，英國player同法國AI既軍隊已經早一步完成該區防禦，德國雖然只能喺依邊以2個裝甲師配以步炮主力師嘗試向法國方面推進，可惜既係喺數量不足加以當區森林地帶，德國完全無法向前推進任何一格

3月，完全增防既同開國陣營同冇能力進一步擴張既德國，只能好似第一次世界大戰咁喺邊境挖壕溝對峙，德國由於喺北非方面損失大半裝甲師，已經冇機會打贏法國

已經預視西面擴張失敗既軸心國陣營，依個時候唯有將眼光放喺南面
由於意大利player既意願，意大利未有喺39年開戰前將南斯拉夫及希臘據為己有，為左意大利能夠拎多D工廠，德國只好喺依個時候將西線既主力師南調，協助意大利擴張


英國player眼見機不可失，就喺德國主力深入南斯拉夫境內時，喺西線發動總攻，試圖為荷蘭復國

依次既反攻喺初期令德國卒不及防，由於開初德國既主力師完全外調加上地型問題，德國被推返萊茵河既東岸
而就喺戰線幾乎崩潰之際，由南斯拉夫緊急回防既主力師終於趕到，並且協同新訓練出黎既裝甲師策動反擊，先至成功將戰線重新穩定於萊茵河東西兩岸繼續對峙


而喺東方，蘇聯主動向土耳其宣戰，將佢既工廠同資源據為己有，同時亦令德國喺同蘇聯開戰之後，唯一可以大量進口資源以生產坦克既可能性都失去埋

眼見局勢以此嚴峻，德國player主動下判斷：將匈牙利踢出軸心國!

根據約定，1941年7月德國必須向蘇聯宣戰，由於德國西線既失敗，東線根本無力進攻，甚至連能否防守都成問題，到時候匈牙利同羅馬尼亞將成為東線既最大缺口
所以德國先拒絕羅馬尼亞加入，再將匈牙利踢出軸心國，就可以將東線戰場局限喺波蘭境內

由於判斷東線無險可守，德國主動退守大河，以華沙為界線提早修築要塞線，同時請求意大利將所有人力用於生產防守師協防，阻擋蘇聯攻勢

就喺德國撕毀互不侵犯條約之際，西線既英國突然發動登陸作戰，並且奪去漢堡既控制權

依個其實係德國player早已預想，但係操作錯誤既問題

打登陸戰既正確方法係你必須有能力搶下港口先得，因此只要你能夠堅守港口，所有喺非港口上左岸既軍隊全部都會成為犧牲品，一來佢地冇補給，二來冇地方可以走，直接被包餃子圍殲
但德國player唔記得左既係喺漢堡留兵守，令到工廠被短暫奪去

眼見本國陷入危機，德國player緊急由西線抽調軍隊回防，並且緊急部署訓練緊既裝甲師加入戰線，首先穩住港口，再而將被孤立既英國軍隊全殲，順利解決難題

而依個時候一個突發消息亦似乎令同盟國一時無法反應：西班牙AI自行加入軸心國，並且搶走左直布羅陀

可惜既係軸心國陣營早喺39年北非爭奪戰中落敗，同時亦估唔到西班牙會參戰，就係咁西班牙就慢慢被英國player同其後參戰既美國擊敗，而軸心國方面亦因為陸/海路都無法支援，只能眼白白睇住兄弟國滅亡


41年年底，德國西線英國player同美國AI不斷嘗試反攻德國，可惜既係大幅增員既德國同大河加持之下，同盟國陣營同軸心國陣營皆無法向前推進
而至於東線德蘇戰場，德國曾經一度由華沙南部向匈牙利方面突襲，一度撕破蘇聯防線，眼見即將可以包蘇聯餃子既德國依個時候忘記左一樣最最最最重要既野：冇晒油
喺同英國、美國、蘇聯開戰後既德國，只能靠本國既煉油廠、羅馬尼亞既石油以生產燃油，量小加上player冇留意之下燃油見底，裝甲師冇晒補給就推唔到戰線，而蘇聯player亦成功利用依個機會增援、反推，戰線再重回起點



就喺依局即將變成殘局之際，同盟國陣營策動最後既反攻：西線英國向意大利登陸，東線蘇聯手動向匈牙利宣戰!

意大利方面由於北非戰場既失敗，意大利player已經一早喺所有港口駐軍，可惜既係仍然冇辦法抵擋同盟國既攻擊，而被英國成功搶走港口作補給線

當然德國方面唔會坐視不理，暗中將西線既所有裝甲師南調，加上英國player犯左兩個錯誤：第一冇空優，第二一次過放太多兵力上陸，造成補給嚴重不足問題，喺英國向前推進之前德國同意大利已經成功佈防，再一次重演漢堡登陸戰既慘劇

而東線方面蘇聯亦慢慢深入匈牙利境內

喺圖既左面你其實已經見到德國已經準備好放棄整個匈牙利及巴爾幹半島既準備，提早喺山區駐防及修築要塞，即使蘇聯向該區進攻，亦只會類似波蘭同西線一樣互相爭持，邊個都推唔到對方一格

就係咁世界歷史又再一次重演第一次世界大戰既戰況：互相打唔贏對方，但洗濕左個頭又打唔到落去，雖然同盟國方面仍有最終兵器--核武可以使用，但整得黎都已經係1944/1945年既事，只會無意義地拖長遊戲時間
德國player此時提出投降協定，理由係當德國喺39年無法奪取法國，依局已經係軸心國既失敗 ，亦就係咁第一場聯機局結束，以殘局而非決定性戰果終結


作為本post既主理者、聯機局既主辦者、HOST，必須在此感謝各位巴打抽出寶貴既復活節假期時間，參與左一次又一次失敗既聯機嘗試，最終終於穩定地完成一局遊戲，達成最開初既目標
希望黎緊重會有機會各位巴打齊齊開心咁玩

德國player事後檢討
1. 忘記考慮地中海制海權問題，而請求意大利喺早期提升北非既基建，一無法擴軍，第二冇制海權，煙花幾好都冇用
2. 已知無制海權斷補給時未有即時由北非抽身，導致裝甲師被英國全滅，連帶影響西線戰況
3. 過份自信，將生產重點放於1941年同蘇聯決戰，而導致連39年西線亦無法最基本地打贏法國，奪走法國裝備及工廠以資己用
4. 應該鼓勵意大利提早於38年吞併巴爾幹半島，將工業實力提升一倍


我係個失敗既德國玩家

打到後面真係笑咗 變WWI都唔知要打多幾耐

wow, 有online 戰役report#

英國唔夠工業力+人力，都要睇蘇聯
我諗頂到45/46就唔會頂到，不過無謂玩多一日

btw


1.9可以玩合作政府 one click令法國投降，不過因為太唔史實兼太OP，所以我限制左自己唔准咁玩

第一場聯機局已經順利完結，以下提出數點希望討論

1. game speed問題
因為host先可以轉game speed，會容易造成host果個會根據自身考慮而切換遊戲速度，所以提出以下改善方案：
-36年4速，西班牙內戰時全程3速，直至戰爭完結
-如果中/日有玩家，則全速3速 (比照戰爭時期照開3速規定)

第二改善方案
-西班牙內戰頭半年~一年4速，37年1月或7月改為3速
理由係1.9版本西班牙內戰，一開始province有debuff-90%攻，打到2046

2. BAM人手整要塞線，國策附送者不在此限
隔大河整5~10級要塞的話一般player唔會打得贏，令防守方過於有利
--可以連帶討論既係德國國策會送法國治海要塞，而參考其他人既MP rules禁止左德國玩家揀依個national focus，否則的話英國必定上唔到岸，而美國亦都比較難打

3. 法國協防問題
參考其他聯機規則，基本上都禁止玩家以陸軍協防比荷盧及法國
實際打落，如果德國並非以足夠數量既裝甲師打，英國可以輕鬆守住
甚至如果改用40寬+插滿戰防炮，估計德國裝甲師亦冇辦法穿越比利時國境
無法擊敗法國既德國，係絕無可能擊敗蘇聯+美國，註定敗局
因此希望將來聯機局加以考慮此陣營平衡問題

4. 史實玩法問題
連帶上面果條問題討論，若然唔跟史實玩，好多關於game balance既野就無效作廢(例如法國/英國轉法西斯/共產、君主復辟etc)，甚至乎所有player禁止預設陣營玩到好似EU4咁
可以話玩史實的話就要傾更多既聯機規則，而非史實玩法相當自由，相關規定可大幅放寬
HOI既玩法其實比較受限，因為民主國家無法自由宣稱其他國家，一係要等緊張度夠高之後受動地開戰，一係就要轉法西斯/共產，而相對地本身係法西斯/共產既國家就比較自由，可能英/法既玩家要根據自己需要轉政體


希望充份討論過後先至開下一局MP，避免問題衍生

禁止協防法國好似怪怪地？禁完姐係德國一定打得贏法國變完全體，咁美國就一定要由玩家控制，唔係英蘇就冇可能夠打

btw好似有啲rules會限制同盟國同埋共產係39年前擴張 增加番軸心國優勢

另外洗唔洗禁止coups同boost party popularity

所以出面開局一般5個人，兼且幾乎變德蘇大戰
都係果句有人協防法國，德國吞唔到法國=提早完場，因為西線不平，冇能力擋蘇聯必定會輸，隔離羅馬尼亞、匈牙利、意大利亦無能為力，何況同盟國有海軍同空軍優勢，如果打完全體的話，咁就蘇聯都有得玩而唔係劃線平推收割完場
我自己搵到既幾份rules似乎都有限制
聽日再研究

我淨係識tdebug xp 500 winwars annex

Imperator: Rome 雅典戰記 #8

由於我獨立咗之後即刻被側邊兩個小國打，雖然我打得贏佢哋，但係好死唔死嗰條Thrace都想嚟分一杯羹，所以我開咗個新save。我喺第二次用咗90日衝完個任務，今次嗰堆diadochi重未開波，應該唔會有有人趁火打劫（喇啩）。（我未玩夠1000個鐘都重算係新手嚟，請多多包涵）

附上目前形勢。

已請教玩慣MP既朋友
其他國家可否聯防法國端乎德國同意大利兩個人識唔識玩
否則兩者是但一個做唔到一般PVP強度既同盟國對手的話好難贏

致想玩HOI 4 MP既巴打
我要上山修行，下星期有機會我想覆桌

Imperator: Rome 雅典戰記 #9

話說雅典需要Megara嚟做任務，但係座城喺Phrygia嘅手中，即係話我哋要同Phrygia開戰嚟征服嗰座城。
因為Phrygia之後會同馬其頓開展，所以我就同馬其頓結咗盟，之後亦都順利將座城攻咗落嚟，最好彩嘅係喺馬其頓同Phrygia嘅和約中攞到座城，要知道我作為非war leader，喺和約中冇話事權，馬其頓大可以乜都唔畀我，咁我就前功盡廢。
不過，嘅然我已經擁有咗座城，我就終於可以完成任務。

我們已經完成咗偉大復興嘅第一步，成個阿提卡都再次回歸於我們嘅統治。係呢啲艱難嘅日子入面，呢片區域嘅好多鄉鎮、城市同村莊都希望得到我哋嘅指引。

上山修行？

我想開場eu4 multiplayer
唔知有冇白老鼠呢？

英國戰記 ch. 2

上回提到 (#301)，德國向英國提出呑併捷克被拒隨即宣戰，英軍於一輪激戰後成功打殘德國並保住捷克

但正當英國打算了結德國時，蘇聯突然向同盟國宣戰令整個形勢有變


蘇聯宣戰既原因係因爲一個國家，波蘭。


波蘭係東歐最歷史悠久既國家之一，依個國家既人對羅馬基督有著虔誠信仰。佢地被滅國接近一百年後於1919年複國，係30年代尾再遭到滅國既危機。依個時候英國當然會幫助東歐既民族對抗極權



1940年中，英國派到莫斯科既間碟發現蘇共打算入侵波蘭東部。但英軍主力正於德國境内與軸心國軍隊決戰令蘇波邊境真空。好在非洲戰線已經完結，英國可以抽調43個印度師防禦波蘭對抗超過200個蘇聯師



打開地圖一望波蘭東部無險可守，只有平地同樹林。因此英國決定已華沙東面既布格河作為第一防線，維斯瓦河作為第二防線。



一開戰波蘭軍立即被超過200個蘇聯師加上超過4000架蘇聯戰機打爆，而英國既布格河防線係缺乏空優下都慢慢守唔住


最後英國只好將原本留黎守東亞同英倫海峽既戰機都調去東歐，慢慢係華沙上空取得空優，加上利用河流地勢防守，終於係華沙外面穩守戰線。

頂住蘇聯後，英國點樣繼續消滅軸心國就下回分解

HOI 4 史實局 MP rules稍為修改

聯機規則：
1. 盡可能使用穩定的連線設備(good networking with lan cable)

2. 禁止生產及使用戰略轟炸機

3.禁止任何國家派任何志願軍參與西班牙內戰以外之戰爭

4. 德國要經國策宣波蘭/低地國/蘇聯，39年7月可以宣波蘭，41年6月起德、蘇可以互相宣戰(史實時間)

5. 禁止提早引爆世界大戰
5.1 禁止玩家手動新增獨立保障
5.2 軸心國不得利用任何漏洞提早(早於39年7月)與法國開戰
5.3 英國、法國必須同意德國軍事化萊茵蘭與吞併蘇台德區之決議

6. 禁止經國策以外之宣稱及宣戰，德國宣波蘭後解禁

7. 蘇聯必須同意與德國之坦克研究及瓜分波蘭協定 (德國行完國策後彈event)


對於game balance冇改動過規定，單純係寫清楚歷史局既player點揀event

hoi4 約炮
- 分享自 LIHKG 討論區
https://lih.kg/fmQPqS

Discord
https://discord.gg/HqJBZ7C
(MP時溝通用)

參加聯機前要清cache，教學請睇約炮post

我自己請教過其他人HOI 4既聯機要點玩
基本上遊戲人數少於6~7個都會係唔完整既遊戲，一般建議8人以上
例如軸心國唔識玩的話，39年就好似我咁吞唔到法國 (原來好正常)
又例如軸心國識玩，冇美國一定打唔到D day救唔到蘇聯
所以人數好重要

理論上完整又似競技既MP
德國+意大利+匈牙利+羅馬尼亞 vs 英國+蘇聯+美國
之後再補例如日本、加拿大、南非、印度等國


其次係遊戲版本問題，1.9加左抵抗機制之後軸心國難玩左 (吞併後獲得既資源變少)，人數太少，軸心國冇羅馬尼亞player的話冇辦法經由吞併羅馬尼亞足夠獲取石油，導致軸心國天生弱勢

依點有三個解決方法，
一係齊齊裝mod玩
二係將game version倒退落1.8玩
三係大家一齊玩


所以有機會下星期再約大家玩

夠人玩既話做印度都好喎 專出填線師就夠做