有無巴絲打鐘意玩Paradox喲戰略game？(4)

有冇人玩 stellaris arrrr

海陸師同山地師帶唔帶炮好？定係用中重坦？

另外，唔知做咩日本附近3個海都拎唔到制海權，明明沉哂佢d艦，我有成百艘艦又有制空，派哂去同一個海域都依然情報不足，係咪中bug

玩得137個鐘算唔算有玩過？

個人會帶個artillery support company，彌補返soft attack嘅不足。

有冇screenshot？

編制上只有10、20、40寬三種選項，因為戰寬一般係80，超出的話會中debuff
你拎黎做主力師的話即係整40寬，而加炮就加軟攻破人防

步兵師一係玩14步4炮，但冇乜力
一係用單機萬金油12步5炮1重防空

特唔特種兵唔係最重要

點解你整個隊裝甲師咁勁，有冇個板參考下？

我想問每個國家研發slot係固定？我玩民國，最盡都係3個

一般國家（包括民國）最多有五個research slot，少部分可以有六個。

唔quote廢事變金剛棒
打PVP裝甲師用重坦係基本，都係40寬
打單機唔洗咁貴用中坦就夠

研究slot睇國家有唔同，再用national focus加1-2個
你玩民國得果3個係正常

點樣整到5個？我次次都係3個

垃圾民國

Expand the Academica Sinica
Chemical Research Institute
Rural Schooling
三個focus每個可以攞到一個slot，
基本上唔被日本仔打死就可以慢慢攞到。

科研講得幾好不過最好都係自己試下，唔需要下下都要min max到盡，適當時可以roleplay下國家揀自己鍾意既戰略
我除咗玩法國挖戰壕死守馬奇諾防線外都唔會用放重防空落infantry division，正如古德里安所講，坦克係要集中使用，用裝甲包圍殲滅敵軍爽快度高好多(kd都比10 combat width靚D)

特種部隊唔建議帶裝甲兵，練得spec ops應該用喺forrest/hill/landing？
呢D 地型attrition 高好多，分分鐘係你正常戰鬥損失既10幾倍
正如日本打中國、南亞都唔會用armored battalion 一樣，除非你研究amphibious tank

重防空係利用遊戲機制拎金盾，role唔role play睇個人玩法，我只係基於如何有效率地玩隻game而寫教學
唔通我出教學教人浪漫式咁玩咩

Imperator: Rome 雅典戰記 #20

打完馬其頓之後我就開始著手於組建海軍，最終喺491年9月完成咗100隻船嘅創舉。

造船工人已經努力建造咗一支亮眼嘅海軍，我哋已經按計劃招募槳手嚟填補呢啲新船隻。喺佢哋習慣咗新工作之後，我哋就可以見到過去嗰支大名鼎鼎，
甚至可以威脅到波斯帝國嘅海軍回歸。

做完上一個任務之後終於可以搞掂埋呢個。
我哋終於重奪咗斯特律蒙河邊嘅舊殖民地，色雷斯大地上嘅重要城邦。安菲波利斯回歸之後，我哋就能夠對嗰個地區施加影響，並且開始將嗰個地區嘅其他一啲殖民地重新收入同盟。

繼業者同佢哋嘅王國為咗安納托利亞同希臘嘅霸權而爭鬥，佢哋之間展開咗一場激烈嘅海軍軍備競賽。而家大船越嚟越常見喇，如果我哋跟唔上，就只能夠任由嗰啲海軍強國擺佈。

同朋友玩,玩到中間就開始不停唔同步,好煩

最近忙小小，今日出埋HOI 4小技巧，教學就暫告一段落
所謂既小技巧其實就係透過遊戲機制取巧地做某D野，我自己睇法係有D真係漏洞，有D其實係灰色地帶，可能你會覺得係旁門左道，但總之遊戲允許你做就得
舉個例子1.7版本以前可以用漏洞行雙工業、雙學說、雙國策；1.8版本及以前可以利用計算公式走灰色地帶，用1師訓練拎多好多陸軍exp等等
到底係唔係漏洞、係咪fair我唔會討論，用與唔用由你決定，你覺得係作弊咁睇過下就算

另外以下技巧已confirm 1.9版本仍然work，但留意Paradox隨時有可能修正

一、突破特種兵上限
以前羅馬民亞戰記教過大家，今次重複一次
一個國家可以用幾多特種兵係睇佢有幾多個營，然後再乘以某個%，可以透過研究科技增加比率
由於機制上只會判定有幾多個「營」而唔理會到底有冇咁多兵力又夠唔夠裝備，所以只要創造最多既營eg. 大量25步師，就可以將特種兵限制完全無視

具體方法：
1.用exp分別整1步、25步模版 (係唔係25步唔重要，但1步一定要)
2.大量訓練1步師，直接deploy以節省時間 (訓練到20%時就可以提早部署)

3.將1步師更換為25步師

由於「營」既數量大增，不論實際上有冇士兵、有冇軍備全部都唔重要，直接提高特種兵上限

之後你就可以再將部分既師轉換成特種兵，無視數量限制

另一種方法係先整一個模版(唔包括特種兵)
將部分師group埋，再按「更換部隊編制」揀返果個模版，但係唔好按確定
然後再更換模版內容加晒特種兵先至按確定的話，同樣可以突破特種兵上限
依個操作睇片最直接
https://youtu.be/2ALRoaQffiA
(咁既方法我覺得偏向漏洞)

認真講的話，除左部分國家既參謀有特種兵buff例如英國/羅馬尼亞等，一般國家都用唔著，亦唔係唔用就會打輸，當係識多樣野


二、主力師免訓練直接變熟練度level 3
之前提過軍隊結訓出黎係level 2，戰鬥數值+-0%，如果提早depoly會變level 1 -25%，要訓練一段時間先至上到level 3 +25%戰鬥力
之但係如果你要由0整一個師出黎的話，大概要等幾個月時間，又要訓練成level 3的話，會花費唔少時間同裝備耗損
咁有一種方法，喺轉換編成既同時又唔會降熟練度

1. 先將20/25步師訓練成level 3 (依度一定要比足裝備做訓練)
2. 將上述師團編成直接更改成主力師配置，但唔比任何裝備
例子：將20步師轉換成12步5炮1重防空

3. 將主力師編成複制多一個出黎，今次將所有裝備打返剔
4. 等有齊裝備之後，先至將冇裝備既主力師更換成有裝備既師
咁就可以即刻補滿戰力，同時又唔扣熟練度

具體原理：
一般而言更換師團編成，有理冇理都會扣熟練度，但如果直接改模版，人力需求變少的話就唔會扣熟練度
(睇返上面張圖，20步人力需求2萬，12步5炮1重防空人力需求1萬5千，所以改模版時唔會扣熟練度)
另外，熟練度又會隨住裝備既補充而影響，例如你實戰果時你隊兵受重創死左一半人，重新補充一半人當然會跌熟練度啦
之但係莫名其妙一樣野係，如果你一開始就唔比裝備佢，之後再換成同樣編成而且齊裝的話，佢就會即刻補滿戰力又唔會扣熟練度

用依個方法最大既好處，係你唔需要再等極長既訓練時間先至拎到一隊level 2既主力師，亦唔洗重新等N個月訓練時間練到level 3，而係直接出一隊level 3 +25%戰鬥數值既軍隊，慳時間慳成本，係PVP必學技能之一

缺點的話因為所有過程係單向(每一次改師團編制都要比多一次exp)，改完師團之後除非你重新改一次，否則冇得增添更多主力師數量，一係你一早預多D，或者真係比多次exp改編制，反正打大仗之後唔會再缺陸軍exp

一般黎講步兵主力師因為平，唔洗特別用依個方法保留熟練度，但係裝甲師的話因為坦克本身產量少，逐小逐小新訓練出黎會影響戰事(你出得39年坦克都係38年既事，再慢慢訓練的話去到開戰都係得幾個師，唔似得改編成可以隨時齊人出擊，數量上會差好遠)


三、研究加速
HOI4同HOI2唔同，HOI2既研究係過一日就冇一日，唔研究野的話果一日時間就會浪費
而HOI 4的話為左避免你唔記得/太忙冇時間做研究，會儲存最多30日進度

咁有一個方法係預留一個研究slot乜都唔研究由得佢累積30日，再將替換成想加速研究既科技

例子：
假設依家我想加速研究電機工程學

30日後先將電機工程學替換成其他科技

再喺已經累積研究日數既slot，選擇研究電機工程學

你會見到第一日既電機工程學需要84日先研究完，30日之後理論上變成54日先完成
(下面個士巴拿由126日->97日，+-1日，代表遊戲時間前進左30日)
然後再將電機工程學放落下面果格研究slot果時， 變到得返26日就可以完成，直接加速28日
(依個同開局時既誤差有關，另外換slot會有小小影響，+-1日)

具體原理：
系統上，研究進度同兩樣野相關
一個係你放入slot之後每日加進度
另一個係保留左既研究進度，以30日為限 (亦即係上面提到HOI 4避免你唔記得/手速唔夠快，導致浪費研究日數而設既機制)
所以，只要你果款科技未曾消耗過「累積進度」的話，你就可以特登留一格slot比佢，再換科技slot食埋果30日

亦因為咁，你留兩個slot係冇意思的

將電機工程學放落第4格(同樣已累積滿30日進度)，剩餘研究日數仍然係26日，冇加減重浪費左果30日累積進度
另一個例子係如果你累積左15日之後先至研究某個科技，咁留slot一樣最多可以食多15日，放落已累積30日科研進度既slot只能加速15日，另外15日進度直接消失

優點好明顯，你每一個重要科技都可以快30日完成，例如加研究速度、提早出新式軍備etc
缺點係你隨時要記住你有一個slot留起左要N日之後換，一個唔好彩唔記得左，例如你掛住打仗唔記得研究的話，咁就有部分研究天數直接蒸發
另一樣野係你有一格jam住30日，就少左30日研究其他科技
一般而言開局果時會玩下留slot，因為冇乜野做，去到中後期忙得濟照常研發就得，加速係bonus唔係必須，而且只差30日話多唔多話少唔少，一個唔好彩長期唔記得要研究就重蝕


HOI4小技巧包括但不只限於上述3個，其他例如開戰前預先派船拎制海權，宣戰同時執行登陸作戰的話等於滿足登陸條件，軍隊會立即執行登陸戰(一般用於民國打日本、德國打英國)之類既方法就唔喺到講了

結尾重申，上述方法有D係取巧，有D係漏洞，用與唔用自行決定，過到自己果關就得

冇cap,似係史實mod迫你要出核彈玩落日

好似好正,邊到有中文化lol
不過都要等下次特價先買
P社出既GAME要買埋DLC先係完整版

正式召集巴打參與第4次MP局，大家咁想玩非史實就比大家玩幻想線對戰

規則方面維持：
1. 穩定而良好既連線
2. BAM 戰略轟炸機
3. 禁止任何國家派任何志願軍參與西班牙內戰以外之戰爭

及新增兩條
4. BAM 40年SS、通氣管
5. 所有參加者必須行幻想線
(eg. 德國必須反希特拉、法國必須令拿破崙四世重新掌權等)

時間上今次比大家投票，以最多人選擇者為舉行日期，請喺discord留icon (可選擇多於一個日期) (全部有飯break, 可延時)

Imperator: Rome 雅典戰記 #21


組建完海軍之後，我就自己一個同Phrygia宣戰（今次班盟友見Phrygia太勁唔敢join），但係因為我有制海權，所以可以佔領完愛琴海堆島之後再將其中一支軍隊運過去佢個首都，而且陸軍行得慢過海關好多，所以圍城途中冇人趕得切返去回防，最後成功係個和平協議入面攞到一堆喺愛琴海嘅島同半個塞浦路斯。

最後我淨係差色雷斯手上嘅Sestos就做到個achievement，咁啱色雷斯以為我同Phrygia打緊仗就會驚有多一個小國做的人（唔好唔記得我打贏咗馬其頓之後實力大增），就順便幫我慳番捏造宣稱嘅時間。
去到呢刻，我好肯定我可以係五年來打贏色雷斯，順便攞埋最後一塊地，我之前嘅憂慮都唔再存在。

奈何巴可唔可以講下間諜系統點玩，點樣可以分裂敵國引發內戰/改陣營