有無巴絲打鐘意玩Paradox喲戰略game？(4)

Senatus Populusque Romanus (SPQR) 元老院與羅馬人民 ＃11

1010年, 安德洛尼卡皇帝已收復了羅馬帝國最鼎盛時期的大部份領土, 包括帝國的核心, 亞平寧半島.

三年後, 即公元1013年, 安德洛尼卡皇帝正式宣佈羅馬帝國復興, 自號"奧古斯都".


安德洛尼卡在復興帝國後, 想到了西羅馬帝國的滅亡, 他害怕自己建立的帝國在將來也會面臨同樣的命運. 經過深思熟慮後, 他認為羅馬帝國是在定立基督教為國教後才開始衰敗, 而羅馬帝國最鼎盛的時代則信奉多神教. 因此, 為了羅馬帝國的國祚長傳, 帝國必須重新信奉諸神.


安德洛尼卡命人傳訊至整個帝國, 要求所有臣屬追隨"奧古斯都", 重新信奉諸神


皇帝為傳播諸神信仰推行了宗教改革, 令諸神信仰更適合時代的需要.


他又在諸神的聖地, 重建神廟.


然而, 有大量守舊的基督教貴族激烈反對安德洛尼卡皇帝將諸神信仰重定為國教. 1013年6月, 大批貴族在日耳曼王帶領下起兵造反, 誓要殺死叛教者安德洛尼卡, 他們的兵力竟達十萬之眾.

Senatus Populusque Romanus (SPQR) 元老院與羅馬人民 ＃12

1013年9月, 正當戰火在整個羅馬帝國蔓延時, "奧古斯都", 羅馬帝國皇帝安德洛尼卡為了徹底摧毀基督教勢力, 下令燒燬羅馬城所有基督教堂.


大半座羅馬城付之一炬. 城中民居亦受到烈火牽連, 憤怒的羅馬民眾開始襲擊軍隊. 這場民變令羅馬帝國的內戰更添變數.


1014年8月3日, 羅馬帝國內戰打得最激烈之際, 一顆彗星劃過天際, 祭司對此大感不安, 認為這是大凶之兆, 戰況可能對正佔優勢的皇帝大為不利.

安德洛尼卡皇帝, 同時作為諸神的大祭司, 運用他過人的智慧, 重新解讀彗星出現的意義, 能言善辯的他說服了祭司們, 成功安撫了民心.

不出所一料, 安德洛尼卡是受諸神眷顧的皇帝. 彗星出現後一個月, 兩場大戰分別在新舊首都, 羅馬和君士坦丁堡城郊同時上演, 帝國軍在戰神阿瑞斯帶領下盡佔上風, 基督教貴族的軍隊節節敗退, 安德洛尼卡皇帝勝利在望.


1014年10月, "奧古斯都", 羅馬帝國皇帝安德洛尼卡徹底粉碎了基督教貴族的叛亂, 正式將諸神信仰重新確立為羅馬帝國國教.


戰後, 安德洛尼卡推行了一系列政策, 以保持帝國安定.
為了應對異教的威脅, 安德洛尼卡成立了神聖組織, 諸神追隨者.


他又組建了奧林匹克勇士團, 用作為帝國訓練戰士.


他更利用國庫資金贊助文化活動, 恢復古羅馬文化.

Senatus Populusque Romanus (SPQR) 元老院與羅馬人民 ＃13

安德洛尼卡皇帝晚年的統治大致安定, 諸神在帝國內受廣泛崇拜, 許多民眾又重拾了羅馬文化.

他先在1021年擊敗了兒童十字軍.


1027年, 他又以大聖戰征服了西法蘭克王國.


1040年, 安德洛尼卡皇帝去世, 皇子尤非米奧斯(Euphemios)繼位


尤非米奧斯從先帝手中繼承了穩健的帝國, 雖然黑死病在1047年和1064年先後兩次再度爆發.



但兩次疾病大流行都無損帝國的統治, 尤非米奧斯在1064年甚至將帝國版圖擴展至印度, 這個連先祖亞歷山大大帝都尚未征服的國度.


1073年, 羅馬帝國在"大祭酒", "奧古斯都", 羅馬帝國皇帝尤非米奧斯治下, 收復了圖拉真大帝時期, 羅馬帝國極盛的全部疆土, 再度開展羅馬和平的盛世.


完

好睇

支持
ck2 戰記好睇

今星期冇計，星期六我唔得

Imperator: Rome 雅典戰記 #16


隨著阿提卡嘅基礎設施同城鎮恢復到往日嘅輝煌，我哋嘅人民嘅幸福感同生產力達到咗有史以嚟嘅巔峰。我哋重聽講，而家被認為係雅典同阿提卡嘅第二個黃金時代，而家人民想知我們幾時開始重建我哋嘅古老同盟。

雅典戰記嘅第二章《重建阿提拉》終於喺第十篇完結，好多謝咁多位有追巴絲打，令我唔係毫無意義咁寫畀自己睇，同埋我都要為不斷晒你哋兩秒又兩秒嘅時間嚟碌過每篇戰記向冇追戰記嘅你哋道個歉，同埋多謝你哋嘅包容同忍耐。
題外話：其實我一早已經寫好晒第二章嘅每篇戰記，不過我唔係每日都有時間打I:R同寫戰記，希望唔會有太多人怪我每次更都得咁少。
最後，第三章係有關重建提洛同盟嘅故事，敬請期待。

最後最後，希望大家可以畀啲意見我去改善水準。

nice

有追開巴打戰記，搞到我想開始打imperator

買左咁耐都未打過

HOI4 聯機戰記 #02 血戰英法聯軍

開場白首先感謝剛過去既星期日願意參與第三次MP既巴打們，冇大家參與今次冇可能成事
今場由於主打係比德國覆桌法國，所以開初非常幸運地都搵到兩位巴打一位做意大利，一位做英國，而喺稍後時間又有一位巴打參與，最終變成德國+意大利 vs 英國+法國


世事發展一如劇本，早期既野唔多提了
因為德國player喺現實冇解碼技術，不知同盟方面部署，依邊講下軸心國既方略

德國player喺上山修行之後功力有所提升，今次稍為改變戰略：撤底放棄非洲戰場
正如之前所講，一個正常既HOI4 MP最少要有7個人，喺我地人數太少既情況下軸心國可以做既野會大幅縮窄，而且發展空間亦會相應減少，例如冇羅馬尼亞送油比你，所以你要用工廠買油而少左民工整軍工etc
反正今場目標只係攻陷法國，非洲不毛之地由得佢就算

另外德國指示意大利只需要出兩樣野：40年飛機同5步填線 (其實39年之後重可以玩埋44年戰機，不過今次用唔著)
由於冇需要打北非，所以海軍可以收返起守內海唔比同盟登陸就算，而意大利因為有國策比兩次戰機bonus，又有幾場戰爭練經驗，如果識玩的話早期黎講空軍既數量同質素會係英國空軍之上
偉哉Paradox專出幻想遊戲

而德國自己方面，喺修行過後學多左幾樣野：
1. 先將基建升滿再起工廠
2. 將貿易法改做自由貿易


第一點好簡單，基建等級同建設速度成正比例，喺高建設格既地方修滿基建再起工廠的話，無論係開局整民工定係之後補軍工，最終一定會比你直接整工廠好
不過點拿捏整民工軍工去到幾時，就要睇下咩國家咩國情，不能一概而論
大體而言整民工整到38年唔會錯既，蘇聯遲參戰所以整到39年左右

至於自由貿易，佢比既buff簡單暴力，更高既建設速度比你滾雪球、更大既科研buff直接等於拎多1~2個電子科技
喺1.8版本因為電子科技同加密/解密掛勾所以一定要研究，而1.9因為將解密分左去間諜系統，咁你可能只需要研究完電機工程再出無線電已經夠，情願將一個slot留比其他更重要既科技

不過主菜其實係——將更多既資源送比盟友
自由貿易係將80%資源轉做出口，等於自己都少左資源整軍備，不過38年前大致上唔會缺資源，就算你36年轉自由貿易，38年擴軍先換返擴大出口/限制出口都唔算壞事，雖則你要比多150政治點 (PP)，可能要請少個顧問咁解

由於PVP入面講求分工，意大利要整飛機需要鋁同橡膠，咁就由匈牙利同德國買鋁，再由德國起煉油廠提供橡膠比意大利
反之，德國要出裝甲師需要鉻，主要來源地會係南斯拉夫、希臘、土耳其依三個國家，所以意大利就需要喺德國開始量產坦克果時將南斯拉夫+希臘吞併，值由德國向意大利購入資源，將大量民工送比意大利起軍工，再而量產飛機

講返世事發展
西班牙內戰因為冇蘇聯player，所以變左德國同意大利既練兵場，冇咩可以講
時間好快去到38年，意大利喺有德國撐腰既情況下向南斯拉夫宣戰，並且德國主動要求參戰

南斯拉夫係德國最重要既資源要地，因為想盡快比意大利獲得馬其頓先至決定親自出馬，不過一般而言等意大利自己打會好小小，因為彈少個傀儡國出黎


而正當德國同意大利快樂地喺巴爾幹半島動兵之際，世界情勢風起雲湧——英國突然向荷蘭同伊朗宣戰

(伊朗果張圖因為太突然所以冇影低)
突如其來既宣戰令德國大感錯愕，一度暫停遊戲問英國player發生咩事，不過最終考慮到規則上其實真係冇限制同盟國陣營擴張，而且冇理由只比軸心國打南斯拉夫而唔比同盟國陣營打仗，所以最終沒事兒繼續遊戲


德國依個時候研判局勢，英國打伊朗應該明顯衝住石油資源而來，打荷蘭依步9成係為左喺低地阻止德國前進

以前喺荷蘭戰記同大家提過荷蘭既地型，格羅寧根方面基本上無險可守，但係後面有兩條河流，基本上打果幾格都當係跨河攻擊，進攻方既debuff極重，如果冇充足準備會隨時炒車打唔入
但係對於上山修行過既德國黎講，德國已經有攻破荷蘭防線既理論，只差在未實行過而唔知實際會係點，留待之後再講

無論點，德國完全冇介入既空間，可以做既當然放眼返喺協助意大利攻破希臘一事
不過依個時候意大利player好醒目咁留意到AI 羅馬尼亞為希臘提供獨立保障，如果打希臘的話將會同羅馬尼亞一齊打，對於德國而言此事當然妙極
只要將羅馬尼亞變成傀儡國，德國就可以用1工廠換取80滴石油，唔洗怕開戰之後冇油用或者要用大量工廠買油

時辰到，快D將你地既資源交出黎

值得一提既係，德國方面依個時候剛剛先開始生產裝甲師，所以前線部隊清一色係5步填線，只能靠空軍慢慢磨死AI，幸好德國人力唔太缺，亦累積左大量槍械，唔怕同你磨，順手重可以賺exp研究陸軍doctrine

開戰後大概用左一個月以上先至磨穿馬其頓既希臘軍隊防線，再用多個幾月時間先至將希臘擊敗

由於5步進攻乏力，節損約15萬人力之後先至結束希臘戰事，唔用20、40寬師又冇帶炮既代價就係咁

依張圖有兩樣野可以睇，第一5步師根本冇進攻能力，只能用黎填線防守
第二可以留意左上角既空軍統計，藉由CAS支援，對敵人造成可觀既組織度同兵力傷害，反正羅馬尼亞冇空軍，只要有時間有空優又夠CAS的話逐格逐格推平你都得

可能你問點解唔整，一來德國player懶，覺得用5步都打得贏既國家冇需要改編制，二來根本冇拉榴彈炮產線，談何用炮

最終隔多幾個星期後完成第一個裝甲師，就喺羅馬尼亞既南部平地切入去，填下顏色就完成戰爭目標

喺德國傀儡羅馬尼亞之後，軸心國已經拎到最後一塊併圖，剩底既只有德國player既最終目標：將軍隊送到巴黎擊敗法國

開戰前形勢：

馬其諾防線方面，大量軍隊互相對峙，而且英國方面喺梅斯放置左一隊滿編既軍隊準備主動出擊
值得留意既係德國冇點齊格菲防線national focus所以全線都冇要塞，雖然德國player已經提早叫意大利幫手塞填線，但都埋下左之後差D炒車既伏線


低地方面，由於英國已經提早吞併左荷蘭，所以依邊演變成德英兩國直接交鋒既場地
好明顯地英國並唔打算守平原地帶，而將主力收喺河流區域，因此德國照樣佈置裝甲師等待時機直取鹿特丹


39年9月，德國正式向波蘭宣戰以取回合法領地但澤，正當德國既裝甲師喺東線橫衝直撞既時候，發現法國軍隊主動走出馬其諮防線向德國發動進攻

依個時候德國player先至發現一個好嚴重既問題：冇叫意大利參戰
由於意大利冇參戰，所以戰鬥入面法國軍隊可以完全無視意大利駐軍，剩係打幾個5步，由於齊格菲防線一個要塞都冇，差小小就比法國偷襲成功，將工廠集中地既控制權奪去
幸好既係裝甲師及時趕上、空軍緊急升空、意大利即時參戰，先至化解左今次危機

有空優、有填線、森林地帶，簡簡單單5步已經可以化解來自非40寬師既攻勢 (留意防守果邊軟防可達400，進攻方破唔到防的話就會被CAS慢慢炸走)

39年12月，德國已經控制波蘭全土，將全軍調往西線後準備由低地進入法國境內

依個時候德國先至發現原來英國player特登唔參戰，好在德國作為法西斯國家，喺戰時只需要用10日就可以造完宣稱開英國波


經過多年心血組成既德國裝甲師，即使跨河進攻仍然維持高軟攻，再加上金盾同空優，一步一步將駐守低地既英國軍隊推走
德國之所以可以跨河進攻，靠既就係出色既將領

只要有相關技能，你就可以用指揮點數開技能拎buff，依位元帥可以用特殊技能「臨時橋樑」，將跨河debuff降低

要注意既係只要元帥同將領都有技能的話，你係可以直接拎兩次臨時橋樑buff，不過因為今次冇特登練將，所以就用本身有就技既元帥黎打

而同盟國既另一個重要據點鹿特丹亦已經完成要塞化等待德國既裝甲師

7級要塞基本上可以擋走一般進攻，可惜既係德國有另一員猛將曼斯坦因

開技之後可以極速將要塞打爛，無論你1級定10級通通無效化，所以要塞對德國黎講係冇意義的

另外唔好忘記既係空優

由於德國喺38年開始由意大利買入約40間民工份量既資源整坦克，意大利h得以喺38~39年大量建設軍工，再整左4千架飛機比德國搶空優

HOI4入面要留意一點，制空權分綠、黃、紅3款，CAS只會喺黃~綠制空權生效，只要德國一日重有空優，同盟國既CAS就冇辦法經由空軍炸德國裝甲師既組織度而擊退德軍，只能夠用陸軍硬磨
但係有金盾既裝甲師本身就扣少50%組織度，一般步兵師唔會係對手

用左一個半月時間，德國成功將英法聯軍擊敗，進駐荷蘭地區
然後下個目標當然係比利時，再到目的地：法國巴黎


喺完成進攻計劃後，40年1月底德國向比利時宣戰，最終之戰打響!

汲取左上個世界線教訓既德國，今次終於學識唔再平推，改而利用地型將比利時軍隊分割成3部分

搶左荷蘭之後，德國可以由海岸線直接切入布魯塞爾兩側既平原地帶，先將一部分軍隊困喺布魯塞爾入面；另外一支軍隊乘勢再向前推到河流(默茲河)，就可以同河對岸既德國軍隊匯合，再將第二批駐守邊境軍隊困喺森林地帶
至於東面阿登森林地帶既比利時軍隊，依個因為遊戲機制果邊冇VP，只要德國將布魯塞爾攻陷，比利時投降之後所有軍隊會自動蒸發，若然英法兩國喺比利時被宣戰後趕唔切的話，阿登森林將會成係真空地帶任德國軍隊推進
何況唔好忘記法國同比利時邊境有大量平原，德國大可乘勢直接殺入法國

平原地帶就算有堡壘，裝甲師開技直接拆走就大步走入法國境內
以前我地講過破防4倍傷，極高軟攻既裝甲師係可以幾個鐘既戰鬥已經將對面打到殘晒

攻入法國之後，第一步先喺鄧寇克圍殲少量英法軍隊

然後一步一步往西推，將巴黎包圍

本來德國既盤算係直接殺入巴黎，可惜既係英法兩國已經提早駐防，而裝甲師喺城市既戰鬥表現比較差，所以只能再跨多條河包圍首都，再用大量填線師同CAS慢慢磨組織度，先至順利攻破

由3月初開始進攻巴黎，一直到3月底先至攻破，一來係5步真係進攻乏力，二來英法聯軍展現強大既抵抗力所致

雖然德國裝甲師無人能擋，兼且同盟方面完全冇空優，但係德國player喺過程中絕不輕鬆，因為法國係player關係，唔似得打AI咁打完巴黎再拎多幾個VP就完成，而要正正常常咁打80%VP，一路上德國軍隊要過森林、要過河流，每一次都要花九牛二虎之力先至可以突破成功，例如法國中部就有好幾條河流可以守，南部重有森林地帶，要推唔係咁易

就喺戰事已經進入收束階段，法國player因為多次斷線兼且時間已晚，交由AI掌控法國之後，德國同意大利終於搶夠VP，喺40年4月中迫使法國投降


戰爭結束，德國player成功覆桌法國


今場MP每一位參加者都展現唔錯既實力
英國既主力師駐守森林同河流地區，令德國難以輕取法國；
法國偷襲齊格菲防線差小小令德國炒車，並且展現防衛決心拖住德國步伐；
意大利既填線師多次協助德國填補戰場空隙，令德國避免多次被包餃子既危機，同時令德國可以更放心集中控制裝甲師突破戰場重要位置

所以今次既MVP係——你地大家


多謝各位參與今次MP，我們下次有機會再戰

- 聯機戰記 #02 完 -

勁, 咁快打到成篇戰記出黎

勁, 咁快打到成篇戰記出黎

打慣左知邊D位重點好快就寫到
btw上文因為我係德國player所以好詳細咁講德國果邊既故事，如果其他巴打有興趣的話大可自己寫自己既故事



預告：下次MP改玩法，全部人必須要玩幻想線

Imperator: Rome 雅典戰記 #17

做完上一個任務之後，我發現時間已經去到476年，即係話如果我要完成Pentecontaetia嘅achievement，就要喺唔夠廿四年之內從三個大國之中征服晒先走所需嘅十笪地。時間已經無多，我唯一嘅選擇就係盡快開始重建提洛同盟。（大家覺得我趕唔趕得切做個achievement？）

喺雅典嘅黃金時代，我哋控制著愛琴海，並且係提洛同盟嘅霸主，將財富從海嘅一邊帶到另一邊。喺同盟瓦解之後，曾經嘅成員之間嘅關係逐漸惡化，最終被底比斯或者馬其頓嘅暴君征服。
而家係時候收拾過去嘅殘局，恢復提洛同盟昔日嘅輝煌喇。喺呢個同盟入面，每個城邦都係自由嘅，而強大民主嘅雅典將會是佢哋嘅領袖。

喺我們嘅執政官Stratokles Stratoklid結束充滿激情嘅演講之後，公民大會幾乎一邊倒咁投票支持恢復我哋古時嘅邊界。毫無疑問，就算奪回曾經屬於我哋嘅嘢將會係一項艱鉅嘅任務，人民都會支持我哋喺東面同北面嘅行動。

AI海戰咁陰濕既
打第一波沉哂佢d航母，自己d主力low armour 諗住番港口，AI吹雞吹左50+ CL+DD出黎執雞，完全走唔甩，搞到主力全滅

今次黎同大家講下HOI 4既基本教學

以前HOI2、Stellaris都有一步一步咁講隻game既機制，唯獨HOI 4係分開一篇一篇去講，有D位可能就忽略左冇講
如果你打單機的話，好多野其實亂咁黎都打得勝，但某D位如果你識的話，樣樣野都會事半功倍


一、法律

依個畫面大家都識，但好多野都可以鑽研下
首先係徵兵法

你出到幾多隊兵同你既人力有關，人力受好多野影響例如core/non core etc，一般而言除非好似蘇聯/中國果種人力用極都有既國家，否則一律都係上到5%既廣泛徵兵，訓練時間+10%其實一D影響都冇，再上因為有減工廠產出debuff，唔到特殊情況唔會用
不過真係打到唔夠人的話，take小小debuff都好過冇人力打仗

咁你話如果要整40寬主力師出黎會用更多時間，咁其實有方法可以避開既
下一篇小技巧再教

之後係貿易法

貿易法同你手上有幾多資源整軍備有關，例如你開封閉經濟，你core入面有100個鋼，咁你就有足100個鋼去整軍備
如果你用既係自由貿易，入市資源80%，咁你就得返20個鋼可以整軍備

大家都知買人資源要用1個民工，而你出口幾多資源同你有幾多個民工係睇有幾多人同你買野，冇人買你出口1000個鋼都係0收入
聽落去冇資源整軍備要特登同人買好似有壞無益，但你有越多資源出口，其實有越高既產出、建設、科研buff

咁到底要用咩貿易法好? 只能講睇你目標同國情
喺PVP黎講全部人一律都開自由貿易，因為你同盟友買資源會令盟友得益，你買我十間民工我買你十間民工，大家工廠總數冇變，但全部BUFF就會食晒
或者話德國同意大利買大量資源整坦克，等於令意大利有工業力去整軍工再整飛機，幫返德國拎制空權
或者話你國土本身乜資源都冇，0既80%同0既0%都係0，咁你當然會開自由貿易拎buff
甚至有一種玩法係大家齊齊買多餘既資源，將工廠轉移比某個國家養大佢


但係喺單機黎講，因為你自己要一腳踢做晒所有野(陸地要直接打、又要拎制空/制海權)，同AI買資源等於射落海，依個時候你可能會考慮將資源要地比晒傀儡國，再用1間工廠換80個資源
(記住non core既地你實際得到既資源數量會比較少，所以成立有該地core既傀儡國會非常著數)
咁所以去到單機其實唔理貿易法係冇所謂的，反而有時你出口太多資源整唔到軍備重慘


之後係最重要既經濟法

以前我不下數次講過民生經濟喺HOI 4係懲罰玩家既狀態

一個國家既實力同佢用到幾多間工廠有關，民生經濟影響既係兩樣野，一係民生需求，二係工廠成本
工廠成本好簡單，成本高整得慢，你越早整越多工廠，滾雪球就滾得越大
去到部分動員既時候會冇左工廠成本提高既debuff，所以玩任何國家都係越早轉部分動員/戰時經濟越好 (全面動員會扣3%人力，睇情況開)

另一個最重要既係民生需求

有好多野會影響民生需求，例如event etc
計算公式係工廠總數*民生需求=被扣除既民生工廠
例如你有100間工廠，25間民工、50間軍工、25個造船廠
25%民生需求的話即係你要扣走25間民工，等於冇民工可以用黎整野/買野
所以民生需求越低你就有越多民工可以用，結論都係民生經濟係垃圾，盡快轉部分動員/戰時經濟


二、顧問
每一個國家有唔同既顧問，有D好似德國咁好多勁人
有D好似意大利咁要乜冇乜

詳細唔多講，都係果句睇玩法同國情，再睇咩時機揀邊一個
一般而言38年前爆民工會揀加民工建設速度既顧問，38年後爆軍工就揀加軍工速度，要轉法西斯就揀法西斯顧問etc
最值得留意既係好多國家都有個+15%政治力(PP)既顧問，諗唔到揀乜+時間允許的話，揀左先係一定會回本的

三、企業/理論家
一樣唔同國家有唔同野揀，大體而言會+15%研究速度，飛機坦克戰艦會有額外加成

依度有小小巧妙野可以留意
1. 研究速度係扣研究成本，唔係中途加速
例如本身研究100日，揀左公司+15%研究速度，咁所須時間就由100日變85日，就算你已經研究左50日，剩餘時間就會係100*(1-15%)-50=35日，而唔係其他奇奇怪怪既答案

2. 有冇加成係睇研究完成時有冇揀公司，唔係開始時決定
例如你揀飛機公司加戰機既靈活性，直至完成前只要換用緊果間公司就會有果款buff，開始前同研究完成前1日先加係冇分別的
咁所以你喜歡的話，戰機同CAS各自都有對應既BUFF完全係可行既事，只要你夠PP換公司就得

至於理論家會順手加埋海/陸/空軍exp或者其他奇奇怪怪既野，自己睇情況用


四、參謀
每個國家有唔同玩法，而者話乜國家有乜玩法，都係睇參諜有乜選擇
舉個例以前講過既羅馬尼亞

一個參謀就令羅馬尼亞既特種兵硬生生多15%攻防

有樣野要留意既係依D加成要睇清楚，好多野同「兵牌」對應的
兵牌以前講過，當師團既某樣野去到某個百分比之後，依個師到底by default屬於乜野

你可以改icon，但改完之後唔會改變佢屬於步兵/裝甲/騎兵/特種師

如果加成係屬於「步兵」的話，「步兵兵牌」既師有加成
假如加成屬於「騎兵」的話，「騎兵兵牌」既師有加成
但好玩既地方係「騎兵兵牌」同時會拎到「步兵」既加成
咁所以你玩荷蘭的話，你可以用騎兵師拎足兩個參諜buff

而比較簡單既例子係「特種兵」都係步兵，所以可以拎到「步兵」既加成
例如英國同美國都有相關既參謀，識玩的話可以就同我以前既羅馬尼亞戰記一樣，用特種兵硬生生比人多20~25%攻防數值
(點樣突破特種兵上限，一樣之後再講多次)


下一集同大家講下科技

支持，好有心for我d新手

Btw,如果對方有10級堡壘，應該點打？ 有一鋪等到40年中先打比荷盧，但發覺佢已經有10級堡壘，先睇飛機揸爛啲堡壘先？再搵坦克師衝？

上面聯機戰記有講過用曼斯坦因，學完技之後再用指揮點數開技
另外比荷盧唔會有10級堡壘，你一定係打緊馬其諾防線
行比利時唔會有堡壘

我記得睇到荷蘭邊境個堡壘level（個圖案地上堡壘10/10，唔知有無錯）有成10級，當堂嚇死

另一個最重要既係民生需求

有好多野會影響民生需求，例如event etc
計算公式係工廠總數*民生需求=被扣除既民生工廠
例如你有100間工廠，25間民工、50間軍工、25個造船廠
25%民生需求的話即係你要扣走25間民工，等於冇民工可以用黎整野/買野
所以民生需求越低你就有越多民工可以用，結論都係民生經濟係垃圾，盡快轉部分動員/戰時經濟

要留意返dockyard喺呢個case唔算factory，即係話淨係會攞75嘅25%畀民生用。

係要塞10級sor

記錯sir

Imperator: Rome 雅典戰記 #18


當我做完任務攞到claimant之後，我即刻同我兩個盟友一齊攻打Phrygia。

最後我打咗半個Euboea返嚟。

反坦最好係咪應該用坦？小國先用AT？