有無巴絲打鐘意玩Paradox喲戰略game？(4)

Vic 2原來有特價，有無邊個dlc要買

ck2 開defensive pact無意思 當你真係多threat到100% 你已經多兵到可以極速打到100%warscore

ck2 wc玩過一次不了 後期慢到癲

你今個post完唔完到，跨post好難追

ck2 cb係咩就真係只可攞咩 去到後期基本上得番holywar cb可以用要一個一個duchy 咁攞

買晒啦 又唔貴

ck2嘅wc 後期無可能自己打晒佢 一定係靠啲vassal打
後期你啲direct vassal基本上全部都係king tier 如果唔係會over limit 但佢地啲兵力同領土會係emperor 你只要控制到佢地就得 我玩開所有king vassal都係同自己家族
你首都如果係歐洲又夠prestige可以攞到alexander bloodline 咁你就可以用invasion cb 可以攞埋無claim嘅地方
不斷溝女生仔 將啲女matrilineal嫁俾啲king vassal 佢地就可以用invasion cb 但只有同自己同dynasty嘅vassal先肯matrilineal

其實我一早知ck2開defensive pact九成九wc唔到，純粹見有人想睇eu4 wc所以搵啲嘢講下笑。（話晒我玩咗成千幾個鐘ck2）

不過之前試過769 circinn開局hea玩玩到最後羅馬皇帝4xxx realm size（全圖大概6000）加中國皇帝。不過都已經係一段時間之前可能會記錯某啲細節。

ck2我唔會再玩wc係因為慢 但eu4我唔想玩wc係因為悶 雖然我只係試過nomad wc

就快完

後期通常靠vassal打地，如果攞到Alexander個bloodline可以封一大堆dynasty members幫你一個個kingdom咁打。

唔知點解eu4中意roleplay，加上強迫症搞到永遠都唔勁

Imperator: Rome 雅典戰記 #33


我哋已經解決咗好多喺理事會同公民大會之間出現嘅問題，消弭咗諸多兩者間嘅分歧，重令到通過法律嘅進程更加順利。而家我哋可以好似同梭倫以前做嘅一樣，開始作出我哋需要嘅改變嚟改善我哋嘅國家。

我哋嘅執政官Attalos Helioklid喺將佢嘅私人關係同影響力帶入佢統治者嘅工作嘅時候，展現咗驚人嘅天賦。有好多次，喺我們最唔可能發生嘅時候，有好多就算之前表達過對佢嘅諗法嘅反對嘅政治家都支持佢，即係話Attalos就係一個魅力非凡嘅優秀講者。

sor, 其實我大約年半冇玩ck2, 唔知原來bloodline咁勁 對上次玩係北非更新前既一個patch,用左charlemagne來catholic 1 faith, french 1 culture, (冇defensive pact, 反正唔影響achievement), 但做到都只係因為個start op

vassal既話後期我都只係set冇internal war 然後比佢鳩打算, 冇話特別micro 佢, 因為micro focus 去左culture conversion到.

新意大利戰記 #01 (ver 1.9)

由於之前有巴打講跟住我寫既意大利戰記結果都係打唔贏，所以今次重新寫過一份

Paradox既game有一樣野要留意，就係每一次更新都會大改遊戲機制，好多以前work既方法去到新版本會唔work，例如喺目前最新既1.9版本nerf左SS令玩家唔可以單玩潛艇就神擋殺神、抵抗系統消耗大量人力令你無法急速擴張etc
咁去到1.9，到底意大利要點玩
而上山修行完既我又會點樣將所有野效率最大化
請繼續留意收睇


今次為左多小小野玩，特登開Ironman模式順手解下成就
不過只要你手動backup savefile，間接都可以做到load save既效果，係煩小小咁解

1.9基本setting冇咩點變，唯獨係有小小地方改左
例如你終於可以放大縮細national focus tree，一口氣睇晒所有野

意大利既national focus維持比較簡單既結構，基本野都係內政、軍備、擴張etc
不過問題係，到底乜野national focus最重要



答案係依個

所有法西斯國家入面，意大利擁有最優良既空軍，原因係你可以喺第二個national focus已經拎輕戰鬥機既研究bonus
(題外話，national focus入面最冇用既就係果D幻想線或者政治線，用途絕對比唔上拎多幾間民工/軍工/科技bonus(工業類、坦克類、飛機類)既國策)

以前喺科技解說入面我提過，陸軍入面最重要既唔係槍而係39炮同39中坦、41重坦，至於空軍最重要既係40年CAS同輕型FT，重要到一個位係你一拎bonus就算要研究500日以上都會照研究，只要你一比較36年同39/40年裝備既性能就會知道兩者差左差唔多個double，而你研究完出黎重要做生產，所以越早研究完會越好
正常而言，意大利夾硬研究飛機的話可以喺38年就生產40年FT，之後再整1000架出黎的話基本上拎硬空優，再配合CAS的話可以平推地球上任何一個國家

另外意大利重有兩個優秀國策


一個可以幫你出埋40年CAS，另一個再比多次FT研究bonus，又可以42年出44年戰機，根本唔洗怕冇空優

至於陸軍方面雖然冇德國咁勁，但假以時日一樣可以有強大既裝甲師

入軸之後可以簽研究協定，直接拎兩個裝甲師科技，你大可預先研究完36年重坦，直接再衝41、43年重坦科技，會比你拎黎研究39、41年中坦行前多一個generation，而裝甲同穿深黎講，41年重坦既數值會比43年中坦重高，除非你想體驗用3個月就打贏蘇聯或者工廠唔夠多，否則直接用重坦最方便快捷
(留意1架重坦既生產成本等於2架中坦，而一個40寬既裝甲師一般要400~500架坦克，你冇返60間軍工整坦克的話其實冇辦法整足夠數量既重坦師，而且打AI只要用41年中坦已經乜都打得贏，所以冇咩所謂既)


之但係開局時既意大利要乜冇乜，要用重坦師談何容易?

得廿間民工，扣完民生需求得11個可以用，連軍工都只係得19間
要玩裝甲師最少都40間軍工整坦克啦
咁所以玩意大利要勁，唯一一個方法就係早戰

經national focus拎南斯拉夫既宣稱(CB)，就可以用較低既政治力(PP)同較短既時間宣戰
之但係1.9既南斯拉夫有一樣非常低能既setting

原先1.8版本以前都冇，但係1.9版本喺開局時法國直接保南斯拉夫，只要你一宣戰就等於同法國開戰，提早打世界大戰


HOI 4黎講早戰係最簡單既玩法，由於36、37年既AI既工業力低，磨兩磨好快會唔夠槍導致戰力低下，所以提早打世界大戰對意大利黎講反而係好事

開局時都係基本野，由於我地預期會同法國早戰，所以唔係整民工整到38年，而直開局直接爆軍工

軍備產線方面要留意一點，開局時所有舊生產線係直接享有滿效率既生產力，所以與其開局整新生產線，倒不如預先整多D某一款野，等有新工廠/新科技時先至再調工廠整其他野

一般建議開局時直接拉8~10間軍工整到end game，咁做的話你絕對唔會唔夠槍用
至於飛機由於意大利一開始冇36年戰機，所以拉8間工廠預先整CAS，再去用1間民工買8個橡膠返黎，之後等完成研究先至整戰機

因為我地第二個national focus已經要拎戰機bonus，如果唔開局就研究36年戰機的話，會令bonus跌左落去36年戰機，記得留意

意大利開局除左基本野要做之外，唔好忘記我地同緊埃塞俄比亞打緊仗


依樣野真係全世界所有國家恨都恨唔黎，由於陸軍、海軍、空軍exp最大來源係戰鬥，只要你有心直接將陸軍同空軍exp洗到500都冇問題，咁你就可以有足夠exp去改40寬步兵師、改滿性能既空軍出黎打人

但係相對於exp，更重要既其實係你可以喺冇人阻止你既情況下練將軍技能

喺聯機戰記入面，我提過德國絕對唔怕要塞線，因為只需要開技能就可以極速將要塞打爛，唔洗食debuff
或者話就算係跨河攻擊，都可以開臨時橋樑降debuff，所以有技能絕對比冇技能好

要練技能的話有幾樣基本野要知道
1. 已擁有任何將軍特性的話，會減慢其他特性獲得exp既速度
2. 每種特性都有獲得exp既條件，例如「組織專家」既條件係劃前線再戰鬥、步兵指揮官要求編成內80%以上既師係步兵師etc
3. 有其他將領參與同一場戰鬥的話exp會被分薄
4. 元帥會吸走25%經驗

第一點既意思係，如果將軍已經練左，或者本身已經有某一種特性的話，會拖慢練其他技既速度，所以搵一個身家清白乜都冇既人係最佳選擇，例如德國既曼斯坦因等人、蘇聯既朱可夫全部都係廢將，偉哉P社專出幻想遊戲

至於第二點，要睇邊個技能有咩條件的話好簡單

基本上寫到明，例如工事專家要你跨河打人或者打要塞

而奇兵既條件係包圍敵人，亦即係要由3個方向或以上進攻
(被3方面攻擊的話一樣可以拎exp)
順便要留意既係開臨時橋樑既技能有小小特別

練完「奇兵」特性之後可以揀依個技，條件係要有任何一個地型特性，即係右邊果D，一般喺某個地位長期戰鬥就會練到

結合第一、二點，效率最高既方法係練到差小小exp就拎到特性果時令佢唔會再拎到果個特性既exp就得，例如你要練「戰車專家」(條件：40%以上既師團係裝甲師)同其他技能，練到經驗值去到699/700，即係差1exp就拎到特性果時將所有裝甲師轉做步兵師/調比其他將軍指揮，咁佢就唔會再拎到「戰車專家」既exp，就可以繼續高速練其他技能

簡單以上圖舉個例子，依個將軍total指揮30個師，入面有12個師係裝甲師剛剛好40%，但係練「戰車專家」既條件係>40%要裝甲師，咁做係拎唔到exp的，所以你可能需要加多一個裝甲師，或者拎走一個步兵師就得

順帶一提，亦因為技能只要求編成入面>40%既師既兵牌係裝甲師，所以就算你果堆裝甲師唔夠裝、唔係用裝甲師戰鬥都一樣可以拎到exp，就咁轉換編成就搞惦

意大利要練既將軍total兩個

Giovanni Messe同Sebastiano Visconti Prasca兩個都係身家清白，但係後者練完之後會升做元帥，原因係佢天生有另一個背景

元帥專用技能「不屈的後衛」可以加10%防，不限兵種、不分進攻/防禦時都硬生生比對手高10%防，神技

基本野都搞惦之後就慢慢練將，其間第一個科技「電機工程學」完成之後，可以用之前教大家既小技巧儲槽，加快飛機研究速度

30日之後將飛機轉去第一格slot，快30日完成飛機研究，行完national focus「空軍改革」之後直接研究40年飛機


至於儲完150PP之後，當然即刻轉戰時經濟減民生需求，拎多幾間民工整工廠

與此同時第一個將軍已經練完

以意大利黎講，依個將軍我地total會點3個技能：「鬼點子大師」拎臨時橋樑技能、「步兵作戰專家」拎10%步兵師攻擊buff
至於第3個技能，你要將佢練到第6級先至可以點，到時候先至再揀最後一個技能「戰車指揮官」拎10%裝甲師防禦buff，直接做埋裝甲師指揮官

至於第3個national focus，我會揀發展工業拎多4間民工


...等陣，乜唔係要行完上面果個「戰爭補給線」先至可以點依個國策? 點解行完空軍改革就可以揀?
原因係依隻game有種種原因，部份國策符合某D條件之後就可以跳過

略過條件係某兩個地方既主權不屬於意大利

依兩個地方其實可以解放為傀儡國，只要將佢地轉做puppet就符合條件

(可以人手略過，或者等一日時間就會自動跳過)
咁做的話你就可以節省70日時間唔洗行一個垃圾國策，直接拎多4間民工，加快擴張

而去到7月，另一個將軍亦大功告成

手動將佢升做元帥之後，最多可以揀4個特性(等級唔夠的話只能點3個)
前3個會揀：「後勤魔術師」減補給消耗，咁你用大量40寬師都比較唔會缺補給、「不屈的後衛」加10%防，第3個可以預先揀定「戰車指揮官」
至於第4個特性基本上大部分都係雞肋可以唔理

同月，西班牙內戰爆發，不過意大利仍然未打完眼前既戰爭，不理也罷
陸軍doctrine亦喺依個時候換線行機動作戰

1.9版本既陸軍doctrine改左唔少，會玩裝甲師的話可以揀機動作戰加坦克既組織度，配合DLC新增既裝甲車偵察營會非常OP

7月月底，練完將既意大利已經唔需要埃塞俄比亞練兵場，決定將其首都攻陷，結束戰師以準備下一場戰爭


喺議和入面，一般建議非core既地方一律轉做有core既傀儡國

大家都明白有core的話先會拎盡該province上面既資源同工廠，而你喺議和入面直接set做傀儡國的話，該等傀儡國既等級會比你吞併之後再解放出黎再低一級

食張圖可以見到意屬東非(埃塞俄比亞)既等級係總督轄區，再低一級的話會變左墳墓，亦即係被宗主國吞併
而下面兩個為左跳國策而解放既傀儡國，等級屬於「保護國」，再低一級先至變成依家既意屬東非果個level
傀儡國會根據佢地既level，對於宗主國而言有唔同既好處

以被吞併前夕既傀儡國同高一級既傀儡國而言，分別係：
人力：90% vs 70%
上繳民工：25%
上繳軍工：65% vs 0%

亦即係話，只要將傀儡國壓到最低level，你就會收到該傀儡國既軍工總數既65%
另一方面，成立傀儡國既另一個優點係一般國家national focus tree非常非常優秀

中間果行既工業線，可以無條件拎大量民工同軍工
咁可能你會覺得一個傀儡國得果幾間工廠冇咩野，咁但係如果你有50個、80個傀儡國的話，每個傀儡國都比幾間工廠你的話就fat fat了



意大利用左足足7個月先將非洲弱國埃塞俄比亞擊敗，世人以為堂堂歐洲列強之一既意大利連非洲人都差D打唔贏，但世人唔知道既係意大利故意喺依場戰爭拖慢步伐以獲取各種軍事經驗，更培訓出兩員猛將，成為日後意大利對外戰爭既大功臣

到底意大利黎緊會點為世界帶黎翻地覆地既變化?
欲知後事如何，且聽下回分解

HOI4玩緊德國
點解做完DANZIG唔俾我宣波蘭

等event波蘭拒絕

佢拒絕左, 等左兩個月

load返你行完但澤national focus果時既save再睇睇
正常佢拒絕完之後就可以手動宣戰

可能我等左陣 佢幫我取消左
唯有自己手動justify

Imperator: Rome 雅典戰記 #32


就好似克里斯提尼喺過去所做咁樣，我哋已經解決咗近嚟困擾大會嘅諸多問題。寡頭同有錢嘅精英唔會再有能力過度影響我們嘅選舉同決策。

喺我們重返舊制嘅過程之中，我哋糾正咗我哋嘅嘅制度同埋好多歷史污點。野心勃勃嘅蠻族國王唔會再影響到我哋嘅內政。

Imperator: Rome 雅典戰記 #33


我哋已經解決咗好多喺理事會同公民大會之間出現嘅問題，消弭咗諸多兩者間嘅分歧，重令到通過法律嘅進程更加順利。而家我哋可以好似同梭倫以前做嘅一樣，開始作出我哋需要嘅改變嚟改善我哋嘅國家。

我哋嘅執政官Attalos Helioklid喺將佢嘅私人關係同影響力帶入佢統治者嘅工作嘅時候，展現咗驚人嘅天賦。有好多次，喺我們最唔可能發生嘅時候，有好多就算之前表達過對佢嘅諗法嘅反對嘅政治家都支持佢，由此可見Attalos確實係一個魅力非凡嘅優秀講者。

Imperator: Rome 雅典戰記 #34


為咗慶祝我哋喺恢復民主方面所取得嘅巨大進步，我哋舉行咗一場全國性嘅大型慶典。我哋嘅人民將會牢牢記住，呢個係提洛同盟嘅新民主制黃金時代嘅開端，而Attalos就係另一個克里斯提尼。

慶祝活動已經結束咗，喺時候返返去我哋手頭上嘅嗰啲更加重要嘅嘢度。要記住，民主唔係最終嘅目標，佢只係開始，而且係我哋必須積極維護嘅嘢。

Imperator: Rome 雅典戰記 #35


最近，我哋見到，領導階層嘅精英變到非常善於清除佢哋唔想關心嘅社會元素，有時係通過直接流放，但係更加多嘅係通過審判。尤其係Attalos，佢通過政治陰謀清除對手嘅行為已經廣為人知。

最後我完成咗成個任務，恢復返雅典共和制，而伴隨著任務嘅終結嘅就係雅典戰記嘅主線劇情，跟住我會當係外傳咁交代之後發生嘅事同埋寫下心得，再會。