有無巴絲打鐘意玩Paradox喲戰略game？(4)

無限naval bomber斷補給 之後攻Oslo

姐係係登陸作戰之前，set 定一堆 naval bomber 係附近海域就可以阻止對方派空降兵？

Oslo攻破左，但係未投降，set左個首都係大後方

Hold Oslo
Set naval invasion again 打Trondheim/Tromso

我由教皇隻兵變成皇帝，再將教皇變成我隻兵

直接殺入英倫本島，唔洗打丹麥挪威

作為新手同二戰歷史愛好者，我想跟史實先玩一次
我想問打登陸戰有咩技巧？ 同埋打登陸戰派登陸師上去係咪有數量上限？

阻英國發陸/登陸英國最好辦法係打贏battle of britain，喺English channel、North Sea 有air superiority，選Atlantic wall個focus同放堆二線部隊喺北法-挪威既port就可以，仲係擔心未夠既話可以試下放幾個裝甲師做預備隊，盟軍登陸直推返落海就得
想跟下史實玩多D花臣可以試下起heavy fighter同bomber轟炸London，炸到royal navy不足以構成威脅就可以試下登陸
想登陸唔一定要升marines登陸(德國本身research slot已經唔太夠用)，但一定要有空軍同海軍支援。登陸數量上限視乎登陸科技去到邊，德國打北歐個focus會送research bonus
至於登陸戰就最好同時登陸target port同附近既area(i.e.唔好將24個師塞哂同一堆地登陸)，就算英國有部隊防守都可以調隔離成功登陸既部隊幫拖/搶機場/擴大戰線，搶到個port就運兵過去堆冧英國

點樣突破特種兵數量限制？
小國可唔可以全傘兵？

雖然我唔想成日咁講，但睇我寫過既戰記應該會知
羅馬尼亞戰記入面有詳細操作

都係大量整1步師再切換成25步，再將其他1步師轉晒做特種兵

今日玩完最高難度，700架FT 40隻SS，40年3月上英國本土岸
生產效率太低好難整飛機同船，將就下都勉強搞惦

預告：黎緊會寫簡單版既英國戰記，之後再出多篇最高難度德國戰記

有睇呀
小國唔夠man power都得？

Imperator: Rome值唔值得入手 見佢大減價
但評價好似好差

支持，快po

組係點？ 將1步師合成一個25步師？ 跟住入邊個d逐個轉做特種兵？

重點唔係實際你有幾多現役兵，而係部署左幾多個營，夠唔夠人/裝備不重要

有無巴絲打鐘意玩P社喲戰略game？(2)
- 分享自 LIHKG 討論區
https://lih.kg/gjzfMmX

睇左先

G 持，aod 年代開始玩英國
但都覺得自己玩得唔好
想睇真高手玩🤤🤤🤤

我玩得廢，但HOI 4只要有空優有金盾用40寬，平推乜國家都打得贏，其實重易玩過HOI 2

買左玩住先
儲paradox game 要慢慢等DLC出

PayPal 最近送80 蚊coupon

見平平地買左，未得閒玩

係一開始俾人屌得甘，新update 好左好多

同埋呢隻有簡體中文

英國，或稱大英帝國，喺當初不過係歐洲既二、三流國家，15、16世紀左右既不能同一線國家葡萄牙、西班牙相比，同奧地利、法國等傳統大國更係相形目拙

圖為塞爾維亞主教座堂內哥倫布既棺木，有趣既係幫佢抬棺既4個人都係西班牙國王，足證哥倫布對西班牙，以致歐洲人既貢獻係幾咁大
歐洲人之所以強盛，同佢地喺世界建立多個殖民地掠奪資源有關，今日依度唔詳細講


不過，英國最幸運既係有一位成功帶領英格蘭走上盛強既明君——伊麗莎伯一世

無論係發放私掠執照，招安海盜以劫掠西班牙既財寶船令國庫充盈；抑或打贏西班牙無敵艦隊，奠定日後既海上霸權，都同黎近幾個世紀既海外殖民地開發有莫大關係

另一個英國最幸運既地方係本土擁有煤炭資源，就係咁英國能第一時間把握工業化既機遇，走上工業革命之路



一般常識書會教你蒸氣機係由瓦特所發明，依個講法其實可以話正確但又有商確餘地

工業革命到底係咩? 簡而言之就係將生產轉由工廠、機械化生產既過程，一切既開端就要由如何提供機器運作既動力開始
所謂既「蒸氣機」，一開始既應同用煤礦密不可分，因為挖煤礦要挖地下道，而地下又有積水，所以就要用機器抽水，先可以等工人落去挖礦，而由於煤礦本身就產煤，自然就有煤可以燒，再用黎燒水產生蒸氣推動機器運作。瓦特所做既最重要一樣野，係將「蒸氣機」既運作效率提升，兼且可以應用喺其他地方

由於本土產煤，兼且英國入面水路發達(重有後來既鐵路網)，令到英國既工業化成本比起其他國家低得多，而令英國能夠第一個走上工業革命之路

就係咁，歐洲人以強大既工業化生產力，配以海外殖民地上經營、略奪返黎既資源生產出大量成品，再往世界傾銷價廉物美既商品，賺錢賺到發過豬頭
而至於英國，因為喺世界上不同重要既航道上建立根據地成為「日不落帝國」，國力喺維多利亞時代左右達致頂峰

(圖為維多利亞女皇登基圖)

好景不常既係去到20世紀初，世界迎黎最重要既轉變：第一次世界大戰
WW I最大既影響係重創左英國既國力，戰爭所導致既巨大開支令英國欠落唔少債務，既令佢冇辦法再好似以前咁有效管轄殖民地，同時亦令美國得到一登世界最強國既機會
另一個最重要既影響係和約《凡爾賽條約》既條款嚴懲左德國，再而創造左一隻復仇鬼出現，世界亦因此再度陷入危難之中...



今次寫既係英國既戰記，因為同盟國之前曾經寫過法國，大致上玩法差唔多所以會寫得簡略小小

玩英國有好幾種方法，最大差異係39年開戰果時到底要跟史實退守，定係直接企上歐洲本土幫手，如果係前者的話，去到42年打反攻會用多D時間辛苦小小，而後者就簡單直接
為左盡量壓縮遊戲時間，今次戰記會採取39年幫法、荷、比利時防守既做法

開局永遠都係最麻煩最多野講既地方，一開始都係睇睇有咩國家buff/debuff先

比較值得講既係依兩個，一個係人力-20%，之後可以用national focus消除
另一個係國王George V，開局冇幾耐就會駕崩換上另一個會減穩定度既國王Edward VIII，之後可以再抽event等佢唔會退位etc解成就，不過依度唔詳細講了

相對於其他同盟國黎講debuff幾乎可以話冇，不過因為英國人力太少整唔到幾多個師，所以出既軍隊比較少，兼且需要由印度抽人力整5步填線師，具體點樣訓練傀儡國既軍隊，可以睇返以前我寫既民主荷蘭戰記


之後再睇睇nation focus

一眼望落去到底係咩黎
不過分開逐個逐個睇，就會明白大概玩緊咩

最左邊既係內政線同軍備線，內政果邊最重要既係開多一個研究格既national focus，但係需要稍微提高緊張度先至可以揀「影子計劃」

時間點大概係西班牙內戰爆發+德國行完反共協定之後就夠5%緊張度

另一邊既軍備線最重要既係拎加速戰機研發既national focus，咁就可以39年已經生產40年戰機打德國

都係果句戰機剩係生產輕型戰機，改滿引擎再加航程就得
不過依條線要緊張度高過10%先行得，時間點大概係37年7月日本打中國


隔離既「帝國增員計劃」同「重拾殖民政策」互相衝突，一般會揀前者黎行，下面再分東亞/殖民地/地中海相關既防守計劃，加下要塞或者人地既工廠etc，理論上完全唔行都冇所謂，但最重要既係圈起左既「鼓勵殖民地分子參與」，拎+7%研究速度



再隔離既係主動式定被動式防禦，前者大概係喺張伯倫上場之後就提出不信任動議，結束綏靖政策，但代價係-30%穩定度，雖然咁做可以盡快執行需要高緊張度先至可以行既national focus，但一般咁玩的話去到37/38年已經夠晒緊張度，完全唔洗行依條線
反而被動式防禦果邊可以拎buff提高工廠產出同加快軍事工廠建設，有用得多



最後既係成堆幻想線解成就，一般唔洗理

開局重有其他野做，例如研究/工廠etc

工廠果邊一般都係整民工整到38年轉整軍工，你喜歡的話可以加小小海軍工廠冇咩所謂，反正都係研究40年既船出黎再改小小野就可以求其都打贏AI


研究大概都係咁啦，因為英國冇辦法參與西班牙內戰，所以先研究36年重坦再研究防空型，之後放1~2個軍工長年慢慢整重AA坦克，再配12步5炮1重防空坦既編成，40寬+金盾喺39年可以神擋殺神佛擋殺佛


輕坦師同1級潛水艇係浪費產能同人力既野黎，記得cut走


生產線都係一樣，cut走晒潛水艇既生產線，其他船都係由得佢整完一隻就算，之後用晒黎整運輸艦，等到出左40年DD/CL/CA先至再整船，重有HOI 4入面既CV係廢物，直情cut走埋CV生產線都冇所謂

其他陸軍裝備就主要生產炮、槍etc，記得整戰機的話要等研究完36年輕型戰機先至整，所以你一開始唔一定要研究坦克，研究左飛機再整坦克都冇所謂
不過大前提係要盡早(38/39年初)已經研究左40年戰機，再大量生產出黎搶空優

第一個national focus揀拎民工


重有一樣野要做既係整合各地既艦隊，再將全部DD拖出海演習拎exp

練船唔係為左熟練度而係為左exp，將來用黎研究doctrine同裝備用，反正距離39年開戰重有大把時間緊係得練就練，但練太多船會好食油，所以剩係換小小油/唔用多船做演習，依方面自己拿捏

冇幾耐先帝駕崩換左個花花公子減穩定度

再過多一排就退位加返穩定度





同盟國重有一樣野可以做既係接收德國/意大利既科學家加研究速度，但要扣小小穩定度

英國因為政治力收入高、穩定度高，收晒兩國科學家都冇問題，頭150點政治力揀左加政治力收入既閣僚之後，跟住200點PP都用黎接收科學家，再儲多150點政治力揀每日+陸軍exp既將軍就得


之後再配埋national focus比既buff，研究速度飛升




重有一樣野係將經濟法切換成初步動員

HOI 4入面民用經濟完全係懲罰玩家，一般都係盡快開戰再切換到戰時經濟

冇幾耐之後張伯倫接任首相帶領英國

張伯倫玉照一張


世事平平無奇，恍如暴風雨既前夕，到底英國既將來何去何從?
且聽下回分解