有無巴絲打鐘意玩Paradox喲戰略game？(4)

單機唔洗咁複雜，大細國都係出2級戰防砲加支援營乜都穿，之後靠空優+CAS炸走冇金盾既裝甲師
如果你本身玩裝甲師只要你唔係用輕坦應該冇問題

聯機的話係第二個玩法

今次同大家講下HOI 4既科研
科研既重要大家都知，但大家亦要知道咩時候揀咩黎研究先得

要留意既係依家最新1.9版本改左小小科技樹
第一個係新增左裝甲車，正常你唔會用得到，但係用黎做偵察支援營好勁既野黎
第二個係1.9既加密/解密移左去間諜系統，而1.8同以前版本係放喺電子科技(研究加速)果邊，所以要留意返版本

另外有一樣野要留意，由於原版AI太廢，所以好多野你唔精通係冇所謂的，但如果要提升自己能力去打PVP的話，有D野識左會好好多


一、步兵

好多野好似好重要但其實唔係必須，例如步兵槍

咩名唔重要，咩國家都唔重要，因為每個國家同一個年份既同一款裝備，性能數值全部都一樣的
大家都知越後期既科技越勁，依度1、2、3級槍就咁比較可以知每級防禦差6、軟攻差3 etc
但大家可以留意埋左上角既資源要求同右下角既cost，同樣都係變高

喺HOI4黎講，我教過大家一種概念：填線用5步，主攻用40寬
之所以以5步填線係為左用最低既成本拖住敵人既步伐，再而比主力師回防/用空軍炸走人，所以連剷都可以唔洗用，用最低成本海量出填線就得
同時要留意每級槍既生產成本變高，即係每間工廠生產到既槍械會變少
槍依家野一個人有5把槍會比5個人得1把槍好，正因為高級槍唔係必須，研究時可以將佢既優先順序壓低

基本上亦可以話開局時既槍一般而言用8-10間軍工，整到end game都唔會搞佢

其他下面既科技唔太重要，值得講既係摩步同機步
基本上可以話單機用唔著機步，你玩裝甲師就用摩步混坦克加師團組織度
同時相信除左美、德、蘇三國之外都唔夠工廠玩機步


二、支援營

支援營最主要係你要研究左先至用到，所以相對於升級，解鎖支援營會更重要
加咩支援營睇國情睇玩法不能一概而論，例如行爛地會加後勤、人力太少既國家會加戰地醫院etc


三、坦克

唔好用輕坦同36年重坦，裝甲師既最低限度係39年中坦 (早戰例外)
如果你喺單機用12步5炮1重防空的話，36年重坦勉強可用，但一過39年就一定要換41年重坦版本，因為差太遠

裝甲師(或者之後講到既飛機)要點出、幾時出係睇national focus或者event有冇比bonus你，例如德國

大拿拿兩個國策可以拎bonus，識玩的話41年打巴巴羅薩已經可以用43年中坦輾平蘇聯

不過要組建一隊完整既裝甲師約莫都要幾十間以上軍工整一段時間先至整到一個師，唔係研究完就得


四、炮兵

防空炮係喺冇制空既地方先會用，單機唔會理
野戰炮係步兵主力師既軟攻來源，大量用炮兵師的話就要提早研究
火箭炮只有1.9版本既優勢火力doctrine用得著，唔係行優火唔洗理
戰防炮用黎反坦，單機一般唔會用(除非係窮鬼國家玩唔起裝甲師而敵國又會用坦克)


五、陸軍doctrine

太複雜唔想講
玩裝甲師行機動作戰；早戰又冇能力換學說行決戰計劃；冇人力/聯機專出填線行人海右線拎5%人力(行左線不如行優火)
其他一律行優勢火力

六、海軍

打單機永遠記得出40年船+改下船已經可以打殘AI，44年唔洗出
玩軸心國的話可以試下40年SS+通氣管上打主力艦下殺運輸艦，輕鬆海獅英國
OP到聯機局一定被禁

下面果堆乜損管乜水雷全部都係玩具唔一定要研究，但留意有一行登陸科技經常被遺忘但極之重要

1級登陸科技最多只能有10個師同時登陸，準備時間70日
而2級登陸科技+40師上限、準備時間-50%，唔洗等到天方地老，又可以發動更大規模既登陸戰


七、海軍doctrine
單機唔洗理，因為AI太廢
打聯機可能會take某幾個doctrine，都係果句睇國情睇玩法

八、空軍

空軍你只得2.5樣野要留意：輕型戰機、近接機(CAS)、偵察機(1.9新增)
另一樣野要留意既係36年飛機全部都係廢鐵，除非你剩係想拎buff就會照整36年CAS，或者單機玩德國要夾硬整36年戰機

本身諗住好詳細咁講但發現篇幅太長都係算了
總之你玩耐左會發現基於研究、生產成本，會發現剩係整輕型戰機同CAS就可以做晒所有野
除非你係玩聯機基於某種考慮就會整某樣野
偵察機主要用黎偷窺敵人既陸軍同機場位置，真係要幫海軍偵察搵船的話係用400~1000架戰機巡海

btw重申多一次，戰略轟炸機係一種單機用唔著，聯機可以炸到軸心國翻唔到身既野黎
用40年/44年戰略轟炸機可以邊炸工廠令你整唔到野，同時殺晒你戰機既玩具黎，唔信可以自己用console試下


九、空軍doctrine

1.9改過
如果要空優就行戰略轟炸右右，如果剩係想拎CAS buff行戰場支援
如果玩1.8以前版本，拎空優就行聯合行動


十、電子

1.8版本電子連埋加密/解密科技，所以會行到底
1.9之後視乎情況可能研究完38年既電子計算器就算，除非你玩到43/44年否則直接研究多一款軍備會更好
至於雷達科技唔係必須，有強大既空軍就有強大既偵察力，但無線電因為影響增援機率，所以一定要研究


十一、工業

可以好複雜咁講，但懶人包係中間既集中/分散工業最重要
揀集中/分散工業既原則係睇你會唔會出現多次換代生產軍備既情況，例如你玩大國會不斷整新坦克/飛機/大炮，美德蘇英etc你舉得出既大國都會用分散工業
只有會長期keep住生產39年以前既軍備，或者38/39年起直接整新式軍備既國家先會揀集中工業，例如羅馬尼亞等小國

值得一提既係，假如你玩既國家有工業技術bonus既national focus，就可以喺39年出41年既4級工業
德國

英國

記住bonus用黎超前研究有最大效用，因為你可以早人1年至幾年時間就量產新式軍備，例如意大利38年開始用40年戰機，人地39年研究得黎得果幾十架新飛機自然唔夠你幾百幾千架黎砌


好多野都可以詳細講但算了，有興趣自己研究下
下期講埋HOI4 小技巧就完教學

HOI4 我習慣出44年船炫耀

SS裝雷達啦 唔裝通氣管

通氣管最OP

原來呢度咁多人鍾意CK EU
高興高興

anarchist spain 屈機到癲，打portgual會自動annex想點

雷達索敵好啲 唔開去近岸驚咩比人搵到

站在打AI用乜都打得贏既角度，用乜都冇所謂啦

Imperator: Rome 雅典戰記 #19


打贏咗Phrygia之後，我即刻同馬其頓解除咗盟約，喺個Truce完咗之後就搵埋班盟友一齊圍毆佢。

可能係因為馬其頓同時有兩場仗要打嘅關係，我哋好輕鬆就搞掂咗佢。

跟住我仲唔小心做咗個地域大國添。

我哋嘅士兵已經說服Chalkis同Eretria嘅城市再次接受我哋嘅統治。隨著中優卑亞回歸雅典，呢座島嶼嘅其餘部分遲早都會好似喺第一次提洛同盟嘅黃金時代時那樣，會習慣於我哋嘅統治。
去到呢一刻，時間只係淨返十年左右。

有冇人可以貼條link畀我，我想攞佢嗰啲免費禮物呀
https://www.crusaderkings.com/
https://www.crusaderkings.com/?ref=3d79bf580c82
其實之前已經問過一次但係無人理我

你要refer friends先有喎

有冇人想同我做朋友？

咩叫AT?

anti-tank，即係反坦克炮。

應該要人地用你條referral code開ac先得

有冇人有解CK2嘅monarch's journey
https://ck2.paradoxwikis.com/Interesting_characters_guide#Monarch.27s_Journey

發覺越黎越容易

sub 左

我要link呀

唔係跟你條ref link sub 左就得咩?

好似係喎

戰略轟炸機單機用唔著係咪因為ai太廢?

因為你冇盟友送油比你
因為你炸緊將來自己拎到既工廠

明白了，要做到以戰養戰,但咁炸法好爽