上年既今日， 我選擇左租樓，冇買到

我當時買樓都無諗到咁深入😅
我淨係知自己要結婚 同將會生小朋友，計啱數就入咗。
如果唔買樓 筆錢既回報的確可能會更高，租仲抵過買。
不過係我自己唔想每2年煩一次續租，又可能要係咁搬之類，太多不確定性。
每人個定位同處境都唔同，呢啲真係好depends個人。

你講後面個d好岩啊，我認同，但唔會係無所謂囉
升左，可以再按，再做其他操作
跌左就係跌左
唔會因為你自住而無蝕，一定係買貴左，供貴左

住屋需求同置業需求 都分唔到。。。點討論

佢唔廢嘅 但都唔係神 佢係識點樣唔蝕錢咁解 管理大筆錢真係最信得過 但回報率就一般般 佢管理下嘅基金過去十年回報追唔上道指升幅

唔係個個人睇野嘅角度都同你一樣

我可以再極端 d
其實你餐餐食杯麵可以慳到更多錢去投資

買貴左咪貴左囉，遲早升返突，歷史為鑑。

你又如何保證最低位先買樓？

我係唔明點解d人會覺得跌左無所謂
係跌左 佢都無辦法，控制唔到，唔好講到無事發生咁啦
同d人高位買左5仔，蝕到仆街一路蟹住，之後話反正有息收無所謂一樣，自己呃自己

你咁計無得計，好多基金經理賺錢多好多，但係短命，一個浪打埋黎隨時之前賺既錢輸突。巴菲特係個long term investment ICON

因為層樓係我屋企嚟囉

到我要賣嘅時候佢先係產品

唔通我日日 mon 住樓市 ?

跌咪跌 我又唔諗住賣

我係指 超過/追到道指升幅嘅大型基金好多 對比下佢回報率唔算高 果d基金都唔會唔安全 都係投資正常大型股 同指數掛鈎 所以唔好當巴菲特神咁拜
10年回報率我覺得已經好忠實反映long term investment嘅能力

5仔蝕到仆街係投資，你有額外既錢想搵更多既錢，可以話唔係必需開支。屋係一個必需品，無論租同買都係要俾成本，咁你租屋當唔當蝕左？

樓主好勁 一年賺1000% return
不過我覺得你一開始計幾條數果度表達得有d問題，因為T0你只可以二揀一或weighting 去做你講既investment。無得你話樓唔升你就take lower risk investment, 樓升你就take higher risk， 咁樣計如果你take 100% lower risk 樓又升到2000萬你就會輸。當然我知道你係簡單分享
反而想跟樓主學投資

咁根本唔關買樓事
唔開心個重點係被人迫

租屋係幫業主賺錢 等業主有收租回報
我代業主多謝你地租樓住~

好多人買咗樓唔洗成日搬黎搬去唔洗日日mon住樓市煩幾時買樓
其實仲開心咗
不過跌個陣都係睇你咩心態啦

其實樓主講黎講去都係驚股市升賺少咗 驚樓價跌蝕錢
樓想買、有剛需、買得起就去馬啦
冇乜野好討論

不如你講下你租咗邊個屋苑

過多兩年再入嚟睇吓結果點
因為兩年後如果你嗰陣時買咗嘅話就放得
再睇吓個成交價
就知自己贏定輸

大部份人用自住無得輸去睇樓市
但如果用機會成本角度出發 再加埋環境因素
依個moment 買樓成本真係好大

不過樓主可以諗多樣, 買完樓可以都可以幫手diversify 到你個portfolio, 而依個都係我唯一覺得依家可以入市既原因

其實有一大舊錢比如幾百萬真係買唔同產品好過買樓 如果唔係自住 樓靈活性太低有咩事實走唔到

我本身個例子係唔完美，我冇計到樓升值可以加按
亦都冇計到冇買樓都可以借p loan

但起碼我個假設唔係偏幫租客
我話層樓升到2000萬(因為我用左過樓價年圴年升幅4.85%去計）
加上租金我都加到50000， 仲俾埋你按揭唔加息
但永遠，要挑剔既人只會講我假設10%回報。
咁仲點討論落去？

呢句錯得好緊要。
租屋唔係幫業主賺錢
係幫業主還按揭
但如果你層樓價值跌左，出租既回報率連按揭利率都追唔到，你就會蝕錢

好多人講，30年後層樓係你。
但你要記住，本身冇用黎買樓嗰筆錢，30年後可以夠full pay 層樓有突

所有野都係投資，無論自住也好。