上年既今日，我選擇左租樓，冇買到

龜根尻底 · 2020-02-16T01:32:44+08:00

過左一年，想分享一個故事。希望有諗過租樓vs 買樓既可以做個參考。上年既今日，我28歲，睇中左一層500萬既單位。我問左好多人，10個有9個都叫我去買樓。佢地既邏輯係，租樓＝幫人供，30年後乜都冇。如果買既話，首期連佣金雜項120萬，月供15000。租金，當時都係15000 諗左好耐，我決定左租，考慮以下幾樣野 1）買樓係投資，租樓係消費，但買樓如果自住，其實供款一樣係消費(甚至係還債) 所以我當時諗，我買樓既oppotunity cost 係120萬首期，同管理費/維修。我有冇可能用呢筆錢放係回報更大既地方。我計左幾條數 a) 假設30年後，層樓都只係值500萬。我只需要呢120萬首期，買張30yr treasury, 再用啲國債refinance 去買BB+ 6%-7% yield 既債，基本上可以係無乜風險既情況底下，賺返層樓。（呢個case 我假設樓價冇升，所以租金都唔會升) b) 假設30年後，層樓升到2000萬, 租金30年後已經升到5萬。我如果呢30年將呢120萬首期+每個月千幾管理費+維修費，擺去每年有10%既回報，我筆錢一樣可以變成2000萬。 2) 如果買樓，30年總利息160萬，未計加息。即係30年後，層樓如果冇升值，我係蝕左錢。最後我㨂左租，一年過左，我手頭上既120萬，上年好好彩，賺到既錢夠俾租有突。我唔敢講30年後會點，但係我過去一年冇後悔，仲有閒錢去旅行，上堂。買樓唔係一定岩，每個人都有自己覺得好既選擇。但希望大家都會去思考，唔好人地話租樓係幫人供樓，就代表租樓一定係垃圾。