(穿越、娛圈、政治)回到1998奮進篇(23)

咪係
我以前就係住麗城
淨係3期都7座每座41層
大把盤啦
麗城3期冇盤仲有1期2期
隔離仲有灣景同韻濤居
我就唔信一定要specific買9折呢間啦

呂世伯在手術室中進行手術，呂伯母哭得雙眼紅腫，一副憂心忡忡的樣子，madam water握著呂伯母的手，陪伴在側。

在旁的Humphrey透過長途電話與呂靜宜通話：「爹地仲喺手術室入面，佢入去之前仲清醒，醫生話中流彈，無傷及重要器官，妳唔駛太擔心，有啲咩野我再打電話俾你啦！」

Humphrey與呂靜宜通話完畢，他道：「媽咪，靜宜話聽朝坐飛機返嚟。」

呂世伯的業主朋友，一臉內疚道：「阿嫂，當初如果我唔係要現金落訂，阿呂都唔會出事，我同佢咁多年老友，咁樣害咗佢，我真係好過意唔去…」

呂伯母並沒有責怪對方，反而好言安慰，道：「唔關你事，意外無人預計到，佢一向好硬淨，依一關難佢唔到嘅。」

呂伯母就是這樣一位好人，而我卻害苦了他們一家人，我感到羞愧得無地自容，如果當初我不作反抗，讓秦漢滔順利取走公文袋，那他便不會開鎗。

不，既然唐聖仁的殺警案發生後，我便應該知道秦漢滔會繼續犯下身痕銀行的持械劫案，就是因為我沒有把這件事放在心上，所以才會在這時候走進這間銀行，如果我與呂世伯多走一點路，根本就可以避免這件事發生。

明明我就是知道會發生這件事，為何還要讓自己與呂世伯走進危險裡？

這時，房侍農聯同其他警察前來，房侍農瞥了madam water一眼，然後神色凝重走過來，道：「阿志，你都係銀行劫案嘅目擊証人，我想你同我返警署落份口供。同你講聲，啲記者知道你目擊依單案，依家喺門口到等你，駛唔駛走後門？」

我搖頭道：「唔駛，我唔想佢地騷擾到呂伯母，我出去應酬下佢地啦！」

房侍農道：「我知道你心情唔好，我亦都一樣，啱啱我嗰team有個同事被殺，今年入面已經死咗兩個同事。」

我激動道：「殺死唐聖仁同啱啱打劫銀行嗰個都係秦漢滔，成九個月喇！點解你仲唔拉佢啊！你一早拉咗佢，佢啱啱就唔會有機會打劫銀行，佢頭先打死咗一個保安員，呂世伯瞓喺手術室入面，仲未知道會點啊！」

房侍農訝異道：「咩話？頭先打劫銀行嗰個喺秦漢滔？又係師父報夢俾你？」

此時，房侍農與我踏出醫院正門，記者的鎂光燈立時閃過不停。

「成皇志，聽講你頭先都喺銀行入面，仲俾匪徒用鎗指住添，當時你驚唔驚啊？」

「聽講其中一名中鎗人士係你識架喎！」

「之前睡仙報夢俾你聽發生咗９１１，今次睡仙係咪無報夢俾你，令你避唔過依個劫！」

我對記者們的提問置之不理，道：「睡仙同我講咗今次依件事喺邊個做，佢嗰名叫秦漢滔。」

記者們聞之嘩然，房侍農連忙拉著我走，其他警員護著我們離去，房侍農輕聲道：「阿志，你唔可以咁同記者講架！如果真係秦漢滔做嘅，傳媒一經廣泛報導，佢可以用依個作為理由，話係不公平審訊，終止聆訊。」

「你地啲差佬做到野，佢就唔會殺完一個又一個。」

房侍農怒道：「我有兩個夥計瞓咗落浩園啊！你估我唔想拉到佢咩？但係凡事要講證據架！」

「你扮咩野跟程序，你地栽贓嫁禍就最叻架啦！你之前都唔係咩野好警察嚟！做多次污糟野，可以救返條人命啊。」

「我認我之前係廢，但係我從來無做過依啲野，自從識咗你之後，我人生開始改變，我想認真去做依份工，我識咗一個想同佢結婚嘅女人，我唔只當你喺貴人，仲係朋友啊！」

可能我一直對警察的觀感亦不太好，加上呂世伯鎗入院讓我的心情很差，所以不禁把怒氣向對方發洩，然而聽到房侍農說出這樣情真意切的心底話，我亦不禁有些歉意。

我拍了拍房侍農，道：「你最近係咪好少同madam water見面啊！頭先見到面都唔打聲招呼，啲人以為你地散咗。」

「未拉到人，無咩心情做其他野，等夠料釘死秦漢滔先啦！madam water佢會明白架！」

我本想戲言道如果一日不能把秦漢滔入罪，他是否一日便不會和madam water去街吃飯？但是我有信心秦漢滔很快便會被抓，既然已經鎖定了兇手，定能找到蛛絲馬跡將他入罪。

唔識講 總之春巴加油 大家都係想個故好姐

舊讀者留言
好耐冇上來啦！

其實春巴可唔可以整返個人物表？
因為呢家d人物超多，好亂，特別係元朗同黑幫篇，睇得好辛苦

睇完最新呢篇
覺得出買樓呢part都係為左有個原因引發呂uncle中槍再嬲鳩公開響左秦個名呢2件事件
順便比呂靜宜飛返黎

但係用買樓作為引子真係有D差
志仔而家keep住做既野都有為將來做準備
錢都係其中一個重要既要素
明知會大跌都仲有買個單位獎勵自己呢個念頭有D唔logic

同埋話鐘意間屋都只係因為嗰區同夠大
又唔係話邊個住隔離或者回到過去之前有怨念
唔需要一定係嗰間
如果話係租樓然後去攞錢落訂會合理好多

記得你

今個post 睇返先知個人物介紹貼漏咗

上個post 都有貼

你講咗佢答應咗業主之後嘅後續

其實佢為名之後，已經提到有搬屋嘅需要
之前佢住咗段時間蔣太個單位
想一家人搬出去住
而且佢之前喺各方面賺咗錢
佢打算自住多
真係無太過計較錢
而且樓市最後都係升

大家最關注都係03年買係會最平
01租樓會著數啲
咁實際03年後整體樓價會比01年平幾多

可以參考下上面個表
01年當然買貴咗
但唔係同想像中差太遠
97後樓價相對下行

加上業主趕住移民
用九折放售

咁個價又同03年個價更加接近
03年係樓市97後嘅最低點
但01年都係下降軌
佢01年買，唔代表03年唔會買


你提到成皇志入娛樂圈係為錢
但佢目的仲有係提升地位同建立人脈

麗城花園03年沙士價160萬


麗城花園01年205萬

業主九折就185萬
如果要租兩年樓
800尺我當月租6000
兩年就廿四萬

165萬同160萬嘅比較

有圖有數據
夠釋除各位疑慮未

Sorry 計錯

係185萬減24萬

結果係161萬同160萬嘅差別

如果要租兩年樓
800尺我當月租6000
兩年就廿四萬

165萬同160萬嘅比較

有圖有數據
夠釋除各位疑慮未

你一年有20個月？

一年得12個月

依家就01年12月
沙士就03年4月

咁你 月租6000兩年24萬 係點計？

計錯

應該係144000

拎stat出黎結果論係兜到既
如果你文中有提過志仔話記得個價會唔會同租2年爭太多會好D

仲有如果佢係租既其實佢可以用嗰百幾萬再滾錢
仲要買樓筆錢其實都大
佢仲要無耐前奶過野比人雪左勁耐
如果佢真係嗰個年紀衝動我覺得還合理
但係佢係一個活左33+年既人
呢個決定係倉卒左D

anyway啦
要搵個合理性一定兜的
但係由讀者角度睇係真係怪怪地的

7093 被列入戰略物資
https://lih.kg/1882208
- 分享自 LIHKG 討論區

其實我一直話成皇志係自住
當時嘅樓價係低
當然唔同依家個價
你話依家麗城12000-13000尺
就話

當時二千零三千蚊尺
同沙士價相差唔太大
講真一個人有咁嘅預知能力
邊個會在乎買貴咗十萬八萬

你講佢用依筆錢用其他投資係另一個方法
想有個安樂窩，屋企住好啲就係佢嘅想法

就算想用錢都可以樓按
不過依一章焦點只係佢想一家人有自己嘅家樂窩

之前比人雪
所以佢都無簽其他公司
你估佢依期咁紅，無唱片公司向佢招手咩
（遲啲會講到）

而且我提供晒客觀證據出嚟
你講感覺話兜到嘅不過怪

咁我真係無野講

爸打理性討論
我就理性回應

春巴最近壓力係咪有d大
狀態不佳又好似個人嬲嬲地

btw搞到咁大單 5篇內收埋奮進篇第1季尾會唔會太趕
又要搞秦漢滔又要顧埋呂靜宜成家
定諗住件事跨季連埋去第2季

春巴工作呢排係咪好大壓力 咁燥底

依啲雙向

正常交往

你點對人
人點對你

你碌返上少少
睇下一啲人嘅熊度

我都好忍容

無可能人地態度西
你要包容人

正如你出街遇到啲咁嘅人
你都屌啦

不嬲睇開我故嘅人
知我係點

推

98年金融風暴，到01年其實當年樓市都未完全復蘇，到03年沙士，情況係雪上加霜。
大家係咪用緊97年嘅標準去回憶01年？

移民避增值稅講得通
買樓一家人都睇啱鍾意都唔易
個個星期睇 睇多幾個盤都想嘔
所以我覺得都解得通

應該係

其實睇返幅圖97下行到03

03年有淘大花園傳出20萬蚊

之後自由行、資金湧入、停建公屋、減少賣地

樓價火箭咁升

09年就已經升咗一倍

到依家麗港就同沙士比有四五倍升幅

可能佢地以為淘大跌到20萬

咁其他樓最少都跌一半啦

其實我寫成皇志置業
著眼係一家住、自住
無著眼描述投資
但係有部分讀者就著眼依點

如果我早啲貼出依啲資料，應該可以減少部分讀者嘅疑慮

大家好似好關心成皇志買貴咗貨
紛紛提供樓宇策略

我真係著眼寫嘅係秦漢滔件事

其實我依個故做咗好多資料蒐集
當然歡迎大家向我提供

好似史露比公仔、吉蒂貓人頭案依啲事件，我都從善如流加入去。

追咗我故三年嘅舊讀者應該好明我係咩人

講真寫到十幾章𠴱陣，已經大把人話爛尾、暴走，結果係點？

連登無編輯，大家可以睇返