我再次向呂世伯表示感謝,這是我的由衷說話,呂世伯一家人讓我打從心底的尊敬,由相識呂靜宜至今,我蒙受他們一家人的照料與愛護,從前的暫時不說,最近呂世伯的眼鏡公司多番向我的贊助,即將來臨的演唱會,他亦是贊助商之一,他介紹菁姐作為我的經理人,讓出道只有一年的我,可以一圓每位歌手亦盼望的紅館夢,呂世伯他們對我的恩情,我這輩子亦不會忘記。
呂世伯拍了拍我的肩膀,道:「我都多謝你啊!你幫我公司代言,依個月嘅生意額上升咗三成。」
我道:「當初我加入娛樂圈,只係一個無人識嘅茄喱啡,呂世伯你居然肯投資喺我身上,你都唔係為咗喺我身上得到啲咩回報。」
呂世伯道:「投資喺一個人身上,唔係講咩回報,我鍾意你份人,覺得你依個後生仔值得去幫助,咁我就扶一把啫!你唔需要覺得對我有啲咩虧欠,到咗你有能力嗰陣,遇到一啲你值得幫嘅人,你都會同我一樣。係呢!聽講你個演唱會一飛難求,有無預留啲靚位畀我先?」
「呂世伯,我已經預留咗最靚嘅位俾你地,你要嚟睇我演唱會啊!」
「一定到,我同呂伯母都會嚟。」呂世伯道:「係呢!成皇志,你同你爸爸點樣啊?最近有無去探佢?」
之前爸爸因為與其他囚友打架,把一名囚友打得重傷,刑期延長了一年,要待明年才可以獲釋,這件事讓我很生氣,我有向呂世伯提及這件事。
呂世伯道:「睇你都無再去探你爸爸,你唔喺入面,唔清楚你爸爸嘅狀況,或者佢有佢嘅苦衷呢?」
如果是別人說這番話,我可能嗤之以鼻,可是這說話出自呂世伯口中,我便不禁站在爸爸那方面多想一想。
從前我和爸爸的關係不佳,就算是回到這個時空,我們的關係亦沒有多大的改善,從少到大我便很渴望有一位像呂世伯這樣的父親,有本事、可靠、愛護我,不單止是呂世伯,他們一家人在我的心裡面有一種特殊的地位。