(穿越、娛圈、政治)回到1998奮進篇(23)

多謝各位一直支持,這是連登的第23個POST
奮進篇第一季進入倒數階段
今天香港局勢動盪,政府仍然裝睡,逆權運動依舊持續著,不少被捕人士受到司法不公對待、執法者的濫捕濫告,我能力不足、勇氣不夠,有發夢,但沒有本事做義士.

相比起其他因為自由而失去自由的香港人,我幸運得多,平常返工放工,假日就隨大隊發夢,有時間可以做自己喜歡的事.

之前發夢時遇見兩三個年青人,有些對將來很惶恐與絕望,有些還有過輕生的念頭,其實我想講你唔係一個人,仲有好多人同緊你一齊捱,老土啲講句一日唔死,一日都會有機會,依家未輸,只係未贏咋!

我想講我寫這故事,並不像一般的校園愛情故,而且第二部曲是講述主角投身社會,儘管有人討厭政治,政治亦會無處不在,它亦會融入你我的生活裡

小弟FACEBOOK專頁:https://www.facebook.com/vc907907?ref=hl

對上一個POST
https://lihkg.com/thread/1382508/page/1

紙言大概、可能、或者一星期一更:
https://www.shikoto.com/article/103774/%28%E6%A0%A1%E5%9C%92%E3%80%81%E7%A9%BF%E8%B6%8A%E3%80%81%E5%A5%87%E5%B9%BB%29%E4%BB%8A%E5%B9%B4%E6%88%91%E4%B8%89%E5%8D%81%E4%B8%89%E6%AD%B2%2C%E5%9B%9E%E5%88%B0%E4%BA%861998%E5%B9%B4-%E4%B8%89%E9%83%A8%E6%9B%B2%E4%B9%8B%E9%9D%92%E8%94%A5%E7%B7%A8%28%E6%9B%B4%E6%96%B0%E8%87%B3Chapter%E3%80%80%EF%BC%939%29.html

喜歡小弟的創作手法，可以看另一個以完成的作品
(純愛、洋蔥、懸疑)她從A片走出來(舊名:我女友竟是田中美佐)(更新至結局):

https://www.shikoto.com/article/104614/%28%E7%B4%94%E6%84%9B%E3%80%81%E6%B4%8B%E8%94%A5%E3%80%81%E6%87%B8%E7%96%91%29%E5%A5%B9%E5%BE%9EA%E7%89%87%E8%B5%B0%E5%87%BA%E4%BE%86%28%E8%88%8A%E5%90%8D%3A%E6%88%91%E5%A5%B3%E5%8F%8B%E7%AB%9F%E6%98%AF%E7%94%B0%E4%B8%AD%E7%BE%8E%E4%BD%90%29%28%E6%9B%B4%E6%96%B0%E8%87%B3%E7%B5%90%E5%B1%80%29.html

石梨家

成皇志：
(示意圖

故事主角，因墜進了倫敦金騙局，走上天台跳樓自殺，當他著地一刻回到了１９９８年，回到過去後，性格劇變，由之前的懦弱怕事變得自信、大膽、有主見，有多個別名：大鳩志、城隍廟、小志、老成的稱呼。

成家興：主角之弟，１９９８年時，是一名小六學生，喜愛打機

成人豪：

示意圖
主角之父，果仁幫的過氣大佬，因貌似張耀揚，被稱為耀揚或高佬豪，以前是拳手，武技高強，但現在無業，因主角目睹他打主角的母親，所以兩人關係並不融洽。

青雲：成人豪手下，寄居在主角的家，在酒樓當侍應。

肥佬陞：成人豪手下，寄居在主角的家，睡覺時鼾聲好似打雷，在馬欖當馬伕，欠了主角的人情，多次相助主角。

其他家人：
母親：與成人豪分開後，搬到了油麻地的天台屋居住，好像已經有第二段感情。

阿婆：客家人，廚藝非凡，能操流利的廣東話、福建話、普通話、潮洲話、閩南話。

阿公：偶像為蔣中正、杜月笙，九七前，每逢雙十節會把青天白日滿地紅旗掛在窗外，加入了親國民黨的組織棉總，曾做出以個人之力力挫四名左仔的記錄，年青時，拒絕了當時港督葛量洪招攬。



其他人物：
顧琛琛：在中一時，與主角同一班，與管佳莉及布正麗友好，與布正麗及湯仲謀陷入三角關係，失蹤了一段時間。

顧晉榮：阿興的小學同學，與阿興感情要好，為人醒目，經歷了拳佬事件，開始崇拜主角，很擔心離家已久的姐姐顧琛琛。

游大輝：

示意圖
主角的小學同學，又名瀨屎輝，在原來的時空因小事不相往來，主角回到１９９８，主動和解，暗戀宛琳珊。

金碧韻：蛇果日報的女記者，對成皇志的事蹟很好奇。



吳林紫娣

４Ｄ班

女同學

管佳莉：

示意圖
主角的初戀情人，吳林紫娣的校花之一，學業成績優秀，為人好勝，在２０１６年時已婚，育有一名女兒，主角回到１９９８，他們剛分手兩三個月，主角一直對她念念不忘，主角曾經誤會他的人格，後來證實誤會一場。

曾倩萍：管佳莉的最好朋友，黎早強說她像白老鼠，陳依官的暗戀對象。

宛琳珊：

示意圖
吳林紫娣校花榜第二名，貌似佐佐木希，是一名上進、渴望脫貧的女孩，在２０１６時，介入賭王兒子的婚姻，曾與陸泳祥相戀。
香骨珊珊、俏臉凝雪、眉如遠山秋黛、眸如盈盈秋水，在窗外陽光映照下，白色的校裙輕紗搖曳，那雙比輕紗更滑嫩的修長美腿，呈現出白玉色的光暈，那種林黛玉式的病態美很惹人憐愛。

成敏研：吳林紫娣第一女運動員，年紀比主角要大上兩三年，暗戀主角，在２０１６時，是一名女警，育有兩子一女。

盛衣貝：學校羽毛球隊成員，與楊鳳瑤友好，曾與郭左杰相戀。

黎早強：


畢業後深潛不見蹤影，花名黎早洩，鋤ＤＥＥ會鐵腳之一，與主角在中三時已認識，有獨特審美眼光，為人口沒遮攔，大半班４Ｄ班同學的花名，亦出自他口。

陳依官：

示意圖
與同學及老師保持良好關係，學業成績優秀，但不修邊幅，暗戀曾倩萍，被黎早強稱為衣官禽獸。

陸泳祥：

示意圖
2016年時，當上PTU，身在建制保護中，痛恨一切與保王派為敵的反對力量，暗戀楊鳳瑤，其後又與宛琳珊相戀，學校足球的隊員，體能優秀，但學業成績極差，被黎早強稱為陸泳犬。

林海原：

示意圖
體形矮小，與陸泳祥友好，家中小康，住私樓，有鋪頭，學杖足球隊成員之一，球技了得，成績平平，被黎早強稱為林海狗，暗戀布正麗。

新po留名

***本故事如有雷同,實屬不幸***

Chapter ２７ 再戰樂壇

阿鼻道三部曲被譽為港產片的最後高峰，隨後的港產片雖然不乏佳作，可是已經江河日下，這套電影其後把版權賣給荷里活製作，亦能在奧斯卡勇奪包括最佳影片、最佳導演的四個大獎。

網上對這套電影的評論分析文章不知凡幾，當年我亦很沉醉這套電影，看了不少關於這電影的文章，所以對這套電影有挺透徹的理解。

我以一個影迷的角度去述說這套電影，果然這套享負盛名的電影鉅著，吸引了他們的注意力，說來好笑，其實這套電影是出自他們的手筆。

我們四人邊吃聊，畫哥三人亦不斷對我口述的阿鼻道故事加以自己的看法，畫哥擔演過數以百計的電影和劇集，以演員的角度去表達自己的意見，道：「嗯，我好鍾意阿明嗰個角色，佢想做好人，但係受到黑白兩道嘅逼迫，一方面又驚畀其他警察發現佢係黑社會派過嚟嘅臥底；另方一面又驚森哥發現佢想叛變，嗰種焦慮感令到個角色好立體。」

我剛才述說這套電影時，儘管已經說得挺詳細，但只是口述，並不能完全覆蓋整套電影每一個細節，畫哥從我的說話已經完全拿捏到阿明這個角色的心路歷程，那份敏銳真的殊不簡單。

劉導演道：「阿明同阿仁天台最後嗰場戲，阿明上到天台四圍望，個鏡頭唔直接影住佢，而係影住另一幢大廈嘅玻璃外牆，玻璃外牆反映住阿明嘅身影，佢不斷四圍望想搵阿阿仁出嚟，突然一把鎗指住阿明條腰，揸鎗嘅人就係阿仁。」

劉導演聽完我轉述的劇情，便已經勾勒出一個很有電影感的橋段，只是聽他口述便已經很有畫面，劉導演從事攝影出身，他的鏡頭運用相當有功架，只是數個鏡頭的交錯運用，便能營造出緊湊的氣氛。

麥導演道：「阿畫，阿志依個故事掂啊！拍出嚟一定成為金像獎大贏家啊！」

畫哥拍了拍我的肩膀道：「阿志，你嚟緊會好忙，幫我寫好阿鼻道個劇本佢，有咩問題就搵麥導演，佢係依方面嘅專家。」

我聞言先是愕然，片晌才喜道：「係嘅！畫哥。」

劉導演道：「我心目中已經有初步嘅人選喇！阿畫你當然就做阿明啦！阿仁嘅角色我想搵少偉、生抽就做王ＳＩＲ、至跩就做森哥，年青版嘅阿明同阿仁，我諗住搵啲新演員。」

畫哥道：「就搵阿志啦！」

我訝異道：「吓！要我做畫哥你嘅後生版。」

畫哥道：「咩啊！好失禮你啊？」

我苦笑道：「緊係唔係啦！畫哥，係我驚失禮你咋！」

劉導演道：「其實阿明嘅年青版，我心目中有位人選，我覺得阿志做阿仁嘅年青版更加適合，佢對眼同少偉好似，同樣有對憂鬱嘅眼睛。」

劉導演的說話讓我愣住了，要我取代原本的費殊文去當少偉的年青版。

＊＊＊

席散，畫哥說要送我回家，並且還有事情要與我商討。

在車上，畫哥道：「阿志，估唔到你除咗識音樂，仲識編劇，你嗰個阿鼻道嘅臥底故事喺幾時諗到架？你咁嘅年紀就諗到個咁精彩嘅故事，真係好有才華喎！」

畫哥的讚賞讓我汗顏，我的才華是由最近十多年的影樂精髓去成就出來的，作的歌、編的劇豈能不好？

心想歸心想，可是我嘴巴卻是謙遜一番，道：「個故事我好早之前諗到，不過唔知好唔好，得到畫哥同兩位導演嘅認同，我真係好開心啊！」

畫哥道：「阿志，你儘快寫好個劇本佢，我就同阿劉、阿麥去籌備套戲，同埋我想你寫一首有意思、符合套戲嘅主題曲。」

畫哥勤力如牛的工作態度在行內一直是出了名的，據說他曾經為了工作，有三個月沒有回家睡覺的記錄。

我道：「畫哥，其實我一早諗好首歌架啦！」

畫哥喜道：「咁快，你哼嚟聽下。」

「生命太短 明日無限遠 始終都不比永遠這樣遠
不理會世上長路太多 終點太少 木馬也要去繼續轉圈…」

我唱畢後，畫哥不斷地點道：「好，依首歌嘅歌詞填得好好，同個故事好夾。」

「畫哥，如果少偉應承咗參演依套戲，我覺得你地合唱就最好，依首歌係講述你地依對臥底嘅故事。」

「嗯，你嘅建議非常好。」畫哥道：「阿志，其實你咁有才華，有無為自己打算下，始終做臨時演員有啲浪費。」

畫哥的說話說中我的心事，我苦笑道：「依層我都無方向，有野就做啦！」

「你之前做過歌星，突然要你做臨時演員，你甘心咩？以你咁嘅才華，點解唔去其他唱片公司敲門啊？」

「我有試過架！但係都無回音。」

畫哥道：「如果你想繼續喺樂壇發展，我可以幫你架！」

我愕然道：「畫哥，你講真架？」

畫哥反問道：「依啲野有乜好講笑呢？」

「但係…我原本係細蔣生嘅旗下藝人，你唔驚得罪細蔣生咩？」

畫哥哈哈一笑，道：「我諗你搵嗰啲唱片公司，都係同你有相同嘅諗法。你地實在太唔清楚蔣生佢地兩兄弟喇！佢同你和平解約，就代表你地一場賓主關係完咗，唔係代表成為敵人。我同佢地識咗二十年，之前我生意上有啲糾紛，都係佢地幫我解決，更何況你同天誅公有一重關係，係啲人太過捕風捉影啫。你依家只需要考慮你想唔想再係樂壇重新出發？」

我默然一會，然後瞧向畫哥，堅定地點頭，道：「畫哥，我想啊！我真係好想再次企喺台上唱歌啊！」

畫哥拍了拍我的肩膀，道：「好，嚟緊你會有排忙啊！會忙到連瞓覺嘅時間都未必有。」

畫哥並不是要簽我成為他旗下的歌手，而是出錢投資給我製作唱片，並用他的唱片公司給我發行唱片，好處是自由度較大，壞處是很多事情都需要自己去負責，好像宣傳及負責把歌曲派台的工作。

幸好的是畫哥向其他相熟的電台ＤＪ知會了一聲，要多播一些我的歌曲；又讓他的音樂團體向我提供支援，我才沒有那麼徬徨，不過饒是如此，應付電影拍攝、撰寫劇本、籌備唱片的工作，已經足夠我忙了，真的應驗了畫哥的說話——忙得連睡覺的時間也沒有。不過我認為現在的充實生活，比起之前的日子過得有意義得到多，至少我真的朝著我想走的方向前進。

關於籌備新唱片一事，我向暉洋請教，他說由於我在娛樂圈失蹤了一段時間（其實我一直在娛樂圈當臨時演員），新人在第一年出道是要不停在媒體裡曝光，我經過了一段空窗期，在這競爭那麼大的樂壇裡，恐怕有不少人已經把我這樂壇新人遺忘，所以他建議我以新曲加精選的形式去推出第二張大碟。

我苦笑道：「但係我之前嗰隻係ＥＰ嚟，得幾隻歌咋！」

「咁就將所有舊嘅歌加入新嘅唱片入面啦！」

第二張唱片是不容有失的，我決定選四首新歌曲，上一隻唱片我選了很多柏豪的歌，派台成績也相當不錯，但這次我並不想再選對方的歌曲，今次我選歌的條件依舊是我能夠駕馭和受歡迎的歌曲作為前題。

我選了一首鄭倫的你聽得到、無賴、啟示錄，選完這三首歌之後，我覺得這隻碟全都是慢歌，應該要加入一首快歌，這樣會更加多元化，於是我決定加入一首熱血的歌曲黃金入球。

這一首是日本的改篇歌，我記得原本那首日文歌的歌名，於是找人替我搜查一下，發現這首歌並未在日本發行，於是我便把這首歌加入大碟內。

呂世伯知道我再戰樂壇，繼續大力去贊助我，讓我得以有資本去作宣傳，可是我對宣傳一事並沒有任何經驗，於是我唯有向營銷的高手文光義請教。

文光義只是簡單地說了幾句：「有效嘅宣傳，不外乎鋪天蓋地俾人知道你嘅存在，夠錢就狂賣廣告同。無錢你就做一啲野去吸引傳媒報導你，你有本事就同某個明星或者名人傳下誹聞，又或者好似你上次元朗黑夜咁，好多報紙同雜誌將你放上去封面到。」

這個時代網上行銷並不流行，有效的宣傳渠道是紙媒、電視和電台，我並沒有資源像林昌奴大灑金錢在電視、紙媒上宣傳自己的大碟，文光義戲言要我來多次元朗黑夜的大事件，就算我願意拿自己的性命去賭博，也不知怎樣去籌劃這類事情。

除了籌劃唱片的事宜，我亦忙於寫阿鼻道的劇本，雖然我已經觀賞了這部電影很多次，然而要動筆去寫劇本，就是另一回事，幸好有麥導演和他的好拍擋阿John去指點我，於是我以每天三千字的速度去撰寫這個劇本。

劉導演審視我的劇本，他翻了幾翻，突然問道：「阿志，你覺得傻強依個角色，由邊個去演好啊？」

這角色歷史已經有答案，於是我說出那個演員的名字。

劉導演沉默了一會，才道：「嗯，佢啊！依個角色我反而覺得另一位演員去演更加好，一係你同我聯絡下阿責，叫佢嚟試下境先。」

劉導演心中的傻強居然另有人選？我不知他心儀的演員是誰？但我個人挺喜歡陶民責這位演員。陶民責就是因為這個角色開始得到觀眾的廣泛認識，因而走上個人的演藝高峰，如果劉導演另覓別人去飾演傻強，說不定對陶民責的今後的個人事業有很大影響。

這個時期的陶民責除了在兩奶台拍攝電視劇集、客串一些電影外，亦會在電台主持節目，他相約我在電台的canteen見面。

畫哥之前向我分享他的經驗，他說他自己一定會有記事簿在身，好讓他可以一有頭緒便把一些點子記下。我在等候陶民責的時候，沒有浪費時間，在canteen奮筆疾書，撰寫阿鼻道的劇本。

我全情投入在撰寫劇本當中，不知過了多久，倏地一把聲音響起，道：「你係咪成先生啊？」

我抬起頭來，發現陶民責站在我面前，我連忙站起，伸出手道：「你好啊！陶生，叫我阿志得架喇！」

陶民責伸出手與我相握，笑道：「咁公平啲啦！我叫你阿志，你好似其他人一樣叫我阿責得架喇！」

「好啊！阿責，其實今次我嚟搵你嘅目的係有個電影角色好適合你嘅。」

阿責問道：「唔，係一個點嘅電影角色嚟？」

我開始述說阿鼻道這套電影，又講述傻強在這套電影的角色。

我道：「雖然傻強係依部電影佔嘅比重唔多，但係佢嘅角色好鮮明，佢跳脫嘅性格，我覺得由你去演就係最合適架喇！」

阿責拍打著桌子笑道：「個句『做緊一樣嘢但又好唔專心咁望住我哋嘅就係差人』，真係好撚到啊！我真係喺現實生活遇到啲咁嘅事。」

我見阿責很滿意這個電影角色，便道：「阿責，你幾時方便，劉導演想搵你試鏡。」

阿責訝道：「試鏡？你唔係覺得我適合依個角色，先嚟搵我做咩？」

「其實咁嘅，我寫依個劇本嗰陣，心目中就係你做傻強，但係導演有其他心水，所以想你去試下鏡。」

「吓！乜原來你係編劇嚟架？好少編劇咁後生喎！」

「哦！係啊！本身我拍緊畫哥同妹姐部電影，有次同畫哥食宵夜講開我有個咁嘅故事，佢覺得個故事幾好，就叫我同麥導演寫個劇本俾佢。」

「嗯，雖然我幾鍾意傻強依個角色，但係我唔係咁鍾意試鏡。況且我都有幾套電影要拍。」

阿責的回應出乎我意料，可是我想深一層這回應又乎合他的個性，據傳他之前與很多人鬧翻，其實他那種直腸直肚的人，都是把心底的感受說出來，不喜歡他的人，覺得他口沒遮攔，喜歡他的人覺得他是真性情，然而在這個圈子裡，傳媒最喜歡把藝人的一言一行放大，好讓一些小事發酵成大事，炒作誰人與誰人不和，那便可以吸引觀眾的注意。

阿責知道他自己並非導演的首選，自然感到不快，既然知道原因，便容易說服他。

我道：「阿責，我唔知劉導演點諗啦！正如我所講你係我心目中嘅第一人選，我好有信心當劉導演見到你試鏡嗰陣，你就會成為佢嘅首演。我寫依個劇本嗰陣，個腦好自然咁諗邊個演員做邊個角色，好似少偉做阿仁、畫哥做阿明、生抽做黃ＳＩＲ咁，而你陶民責就係傻強。」

「又少偉、又畫哥，聽你咁講依套戲好大卡士下喎。」

我續道：「唔係我賣花讚花香啊！我敢講依套戲，打後廿年都無同類型嘅港產片超越到，而且仲會衝出國際，成為經典。每個成功演員都會有一個電影、電視嘅角色，成為佢演藝生涯嘅起爆點，好似畫哥嘅神雕大俠、少偉嘅學警偉杰咁啦！我覺得傻強依個角色會促進你嘅事業更上一層樓。」

阿責聞言笑咪咪地道：「點啊！你個靚仔，家陣你係編劇定sales啊？把口浪過油，不如轉行啦！」

我笑道：「咁你真係應承嚟試鏡喇！」

「緊係啦！你講到傻強會帶挈我風山水起，我出賣屎忽都要劉導演俾傻強我做啦！」阿責又道：「喂！講真你條友全名叫咩名啫？硬係覺得你有啲面善。」

「我叫成皇志。」

阿責詫異道：「你就係成皇志？」

看來我真的越來越出名了，連明星也知道我是誰。

我苦笑道：「睇嚟經過元朗件事之後，多咗好多人識我，希望依個唔係我嘅起爆點啦！」

「我知道你個名唔係因為元朗單野，而係之前你打嗰個北佬，條北佬係西環辦你都敢打，雖則我想咗好耐，但無你咁夠GUTS，真係畀個服你。」阿責豎起拇指道。

我與官幹爭執一事，蔣天殺打人情要傳媒不要報導，想不到陶民責居然知道，他的消息真的挺靈通。

我苦笑道：「嗰次我係因為救朋友，而且之後我都付出咗沉重嘅代價。」

阿責道：「嗯，我知你之前係歌手嚟，我做電台ＤＪ嗰陣都有播你嘅歌，有傳你俾公司雪藏。」

我為難道：「依層…做依一行，有時有啲野唔係咁方便講，況且依家我都有機會再次出碟。」

這宗事件因為涉及到的人較為敏感，我與陶民責只是初相識，所以我並不想多談。

「咦！真係？咁快就搵到新唱片公司幫你出碟？我真心覺得以新人嚟講，你啲歌ＯＫ架？起碼好過今屆九成新人，我同依個台啲ＤＪ都幾熟，叫佢地播多啲你嘅歌，你幾時有歌派台啊？」

我聞言喜道：「我今個星期有新歌派台架喇！多謝你先。」

「應該嘅！我隨時靠你個角色彈起，我要你射住射住架！」

我笑道：「唔好玩我啦！陶生。」

想不到居然這麼快便與陶民責混熟，這時候他在電台工作，說不定他真的可以為我提高歌曲的播放率。

阿責又道：「你知唔知點解我咁憎嗰個北佬啊？」

「嗯，佢斷咗你衣食？」

阿責搖頭，道：「阿志，你有無夢中情人？即係唔係要溝嗰陣，係當咗某個明星係你嘅幻想對象。」

我道：「你嘅意思係官幹上咗某個明星？」

陶民責的話讓我產生好奇，究竟誰是他的幻想對象，而官幹搞上的明星又是何人？

阿責瞧著我，道：「睇你嘅表情係咪好想知道係邊個呢？」

我點了點頭，阿責靠過來，耳語道：「條仆街擒咗海芙蓉啊！係著小鳳仙妝好好睇嗰個海芙蓉啊！個官幹成隻豬咁，居然畀佢執咗海芙蓉一劑，你話我慶唔慶？」

阿責此言一出，我著實嚇了一跳，問道：「你講嗰個喺咪拍大鬧摩天輪嗰個海芙蓉？」

「唔係佢，仲邊有第二個海芙蓉啊？」

我在娛樂圈工作過一段時間，深知人言可畏的道理，一段無中生有的緋聞隨時可以毀掉一個人的人生。

「依單野你聽邊個講啊架？放風俾你嗰個人信唔信得過？」

阿責瞪大雙眼道：「咩邊個講啊？我喺酒店食buffet，親眼見住佢地一齊上房架！海芙蓉仲著埋小鳳仙裝，成兩個鐘頭先落返嚟，海芙蓉髮尾仲要濕嘅，你唔好同我講佢喺上面學完瑜伽，所以要沖涼洗頭。」

陶民責並不像說謊，他亦沒有必要在此事上向我說謊，只是我難以想像到海芙蓉居然與官幹搭上，官幹是有老婆的，而且他有萬妞王的稱號，他們怎也不像是正常男女發展的關係？可是我想深一層，娛樂圈裡有不少女星會為了利益，與一些有家室的富豪發展不倫關係，只是恰巧這個女星是我認識而已。

阿責繼續抱怨道：「你明唔明我嘅感受？心目中嘅女神居然俾隻賤肉橫生嘅豬壓喺床上面抽插，當堂幻想破滅，我真係想同個北佬交換，可以砌著住小鳳仙裝嘅海芙蓉，命短幾年都制啦！」

我都很明白陶民責的心情，穿起小鳳仙裝的海芙蓉真的很惹人垂涎，而與她交手的竟是一個又老又肥又醜的男人。

與對方再談了一會，陶民責便要趕著回二奶台進行拍攝的工作。

我離開電台時，在門口碰見了宛琳珊。

「咦！宛琳珊，你今日嚟電台做咩啊？」

宛琳珊喜孜孜道：「我轉咗去dream music，今日有第一首歌派台啊！上嚟做宣傳。」

「吓！乜原來妳轉咗去dream music到啊？」

宛琳珊道：「係啊！雖然話係兩間唱片公司，但係都係同一個老細，你解約後，dream music無晒歌手，於是蔣學勤就係beauty song揀人，佢覺得我合適，問我有無興趣出唱片，咁做歌星一向係我夢想，緊係應承啦！之前我拒絕咗dream music，估唔到最後輾轉都係做咗dream music旗下嘅歌手。」

離開dream music後，除了文光義外，我再沒有與dream music的人聯絡，所以並不知道dream music的情況。

「哦！原來係咁，咁妳會幾時出碟啊？係咪會角逐今年嘅新人獎？」

「會啊！隻ＣＤ籌備緊，如無意外十月推出。」宛琳珊問道：「係呢？成皇志，你嚟電台做咩啊？」

我把來電台與陶民責見面的事對宛琳珊說，宛琳珊道：「原來你依家跟畫哥搵食，唔單止幫佢寫劇本，佢仲打本俾你出第二隻ＣＤ，真係令人羨慕，點解你成日都遇到啲好事架？」

「依家妳都出ＣＤ啦！駛乜羨慕我啫？」

「成皇志，聽你講嗰套阿鼻道係大製作，又少偉、又畫哥，不如你安排個角色俾我啦！」

「吓！我幫人寫劇本，妳當我係監制，可以話事咩？如果我話到事，就唔駛嚟叫陶民責試鏡啦！」

「你問都未問就拒絕我，你有得演青年少偉，就幫口問下我可唔以做青年少偉嘅女朋友囉！話晒大家一場同學，係咪咁都托手踭先？」

我以調戲的語氣道：「戲入面做我女朋友？妳唔怕同我傳緋聞咩？」

「怕咩啫？傳之嘛！又唔會係真嘅！依啲免費宣傳，多啲人識，都唔錯喔！」

宛琳珊的話讓我想起海芙蓉的事，於是我問道：「係呢？宛琳珊，妳同芙蓉姐行得咁埋，有無聽過芙蓉姐嘅緋聞啊？」

宛琳珊一臉戒備地道：「你講邊單先？」

我向四周掃視了一眼，才輕聲道：「同官幹嗰單。」

宛琳珊神色慌張，打量了四周一眼，道：「依單野你喺邊到聽返嚟架？」

我把陶民責親眼瞧見海芙蓉與官幹上房的事告知宛琳珊。

宛琳珊頹然道：「依單野有狗仔影到相，都畀官幹夾硬撳落嚟，估唔到最後都俾人發現。」

「吓！咁陶民責講嘅野即係真嘅？」

「你細聲啲啦！」宛琳珊發現四周沒有人，才道：「芙蓉姐都唔想架！佢之前套戲因為官幹一句怪力亂神，所以喺上面上唔到啊！影響咗好多人啊！佢喺被迫架！依單野你真係唔好同人講，芙蓉姐受咗好大嘅委屈。」

我點頭道：「依層當然啦！」

與成皇志道別後，宛琳珊憶起海芙蓉對她的說話：「喺依一行做，就係咁身不由己。妳想紅就要放低妳嘅底線，付出相應嘅代價，咁多女仔投身依一行，妳唔想賣，其他人願意賣，老細就捧肯賣嗰一個，現實就係咁殘酷架喇。珊珊，或者有一日妳都會出賣妳自己，妳都係諗清楚先好唔好繼續喺依一行發展啦！」

Chapter ２８ 廣告

八月中，在麥導演與阿John的協助下，我終於把阿鼻道的故事寫好，並且把主題曲完成，劉導演在試鏡後，亦覺得阿責是最適合擔演傻強的演員，他還讚賞我有眼光，其實我只是說出本來的人選。

畫哥對我的表現很滿意，讚道：「阿志，你做野都幾快手，依兩個月又要拍戲，又要籌備唱片、又要寫劇本，後生仔真係唔同啲，精力旺盛啲。」

這兩個月，我夙興夜寐，平均每晚只睡四小時，終於完成了手頭上的工作。

畫哥、妹姐那套歌舞片剛剛煞科，畫哥便著手籌備阿鼻道的拍攝，演員的班底大致落實，角色名單星光熠熠，我大著膽子向畫哥推薦宛琳珊當青年阿仁的女朋友一角。

畫哥聞言，道：「宛琳珊？係咩人嚟架？」

「佢係今年嘅樂壇女新人，眼大大，幾靚女架！我見畫哥你成日提攜後輩，想向畫哥推薦一下。」

畫哥拍了我一下，笑罵道：「個女仔好靚架？你個衰仔係咪諗住假公濟私，乘機抽水啊？」

我苦笑道：「畫哥，嗰個女仔係我中學同學，我見佢個樣幾有星味，所以多口問一句啫！」

畫哥嗯了一聲，道：「講笑啫，唔駛咁大反應。不過咁啊！阿志，喺娛圈你有返咁上下人氣同人脈，真係會有好多女仔投懷送抱，依層你要小心啊！」

「係嘅！畫哥，咁個角色…」

畫哥笑道：「依啲小問題啫！我信得過你眼光，我都想睇下靚女，你同阿劉講番聲得架喇！」

我向劉導演推薦由宛琳珊來擔當青年版阿仁的女友一角，劉導演很爽快便答應，他道：「阿志，個角色第一集得一個鏡頭，第二集會多返少少戲，但係都係閒角嚟。」

我道：「劉導演，依套戲咁多星，有得露下樣，都已經好好啦！要強求戲份，真係太唔識諗喇！」

劉導演點了點頭道：「阿志，之前你同我講過你諗咗阿鼻道前傳同續集嘅故事，你得閒就開始寫啦。」

我訝道：「咁快？一般唔係要等套戲上映，睇票房好唔好，先再決定開續集咩？」

劉導演道：「劇本你有份寫嘅，咁你對套戲有無信心吖？」

我點頭道：「有咁強勁嘅台前幕後，我緊係有信心啦！」

阿鼻道在另一個時空取得這麼多輝煌的成就，成為港產片的高峰，在這個時空，條件相同下，應該會複製出多一次的輝煌。

推，從一開故，追

新一年春巴加油

有文

收到

多謝

加油呀

畫哥每句對白都好自然咁用劉華腔喺個心讀出黎

新讀者岩岩live
聽日去誠品睇下有冇兩本實體書買黎支持下
推啊

正評

推

有新文，推
另外請問春巴之前講同人合作嘅抗爭漫畫可以邊度睇？

會唔會蝴蝶效應隊冧埋無間道票房

新年快樂