True Wireless 真無線耳機討論 (35)

呢度係咪唔講得Aviot 隻te bd21f ? 我見出面特登有個post講呢隻。
我想問下有冇人試過，純講音質，同Falcon, mtw 比，邊隻靚聲d? 定差唔多，要睇每個人取態、自己鍾意咩？

點會唔講得，我地headset都講埋
不過未試過呢隻就真我都想知

呢隻又係評價兩極

想問有冇人用ath ckr7tw?
打機睇片有冇delay?
通話質素係點?

玩左一日隻Falcon
同小米9連有bug
會分別連兩隻，攪到出唔到立體聲，又無得揀藍牙編碼

返而用mix2s，其他有aptx的手機就無問題

仲較eq?
本身個Airpod Pro嘅fr就好平衡好正喎
雖然都係用垃圾圈 但都算聽得入耳
重點係佢支mic嘅降噪算法真係得 入地鐵傾電話第一次無比對面吊7 雖然佢都係話會好嘈

Airpods pro平衡好正…
你試下falcon就知咩叫平衡好正
Airpods pro 突出中音 高音欠奉 mid bass都太多，令佢低音量多質少。單元調音質素比上代其實冇進步幾多，係隔音好左咪好聽啲啲。
音質黎講以二千蚊價位係偏差架啦。
買佢通話，連接穩定方便啫。

其實多數新tws都冇乜delay架啦。至少唔會明顯到影響到睇片。打一般2Dgame都冇乜問題，PUBG, 第五人格嗰啲就對對都會delay。

自己睇開左降噪後嘅fr graph啦 唔解釋 我覺得你係聽慣v型先會話佢中音突
2000蚊dllm同咩耳機比都一定輸嫁啦
佢嘅功能性上係完全贏哂（就算用android都一樣） 聽音上面又可以接受 唔會令人覺得係垃圾聲 體驗上我未試過有更好嘅tws 真係要聽歌要音質自然係用正常耳機啦

今日去百記試玩Falcon，音質係唔錯，但一試講電話對方話背景聲仲大聲過我聽得好辛苦，拎返對Airpods Pro出嚟試打多次，同樣音量對方話清好多，即刻退燒走人慳返$1380。。。

sor，唔止同2000蚊比輸，係同唔少平過佢一截嘅TWS比都輸
佢相比好多bass focused嘅耳機係平衡。佢調音都個aim for 平衡。但佢粒單元唔掂。分析力根本做唔到。
iPhone上功能性係贏。Android都贏就咪撚吹啦果膠android連接又唔係快，電量又短，個降噪耳壓又大。Sony nfc一拍連得快過airpods好多啦。
實係唔會令人覺得垃圾聲啦，陣係呢到都唔止我覺得airpods垃圾聲啦
入到耳就得，你標準低到咁冇野好講啦。聽歌講享受架嘛。邊個話tws唔可以追音質。我用開ak380 加JH layla，都覺得falcon，mtw係唔差。一句話要音質就用有線，咁唔洗進步啦on99

你多講電話就冇計啦，iphone黎講通話功能性體驗都airpods第一。

AirPods pro , Sony wf 1000xm3同MW07 plus 配iphone嘅話邊隻會好d

睇你注重啲咩

我就係android手機夾ipad用緊 down番個app就齊番哂係ios嘅功能 定你唔識用？ 唔係淨係連接 講緊call quality 降噪 通透功能成個整體體驗 dllm連接你一日連幾次？ 完全同日常正常體驗無關
我第二句就話佢垃圾單元啦 要追解析追音質 本身就唔應該用tws tws可以聽落調音正常就好夠 山靈隻mtw我都有（動鐵版） 正常用得tws嘅聽音環境 唔會聽得出有咩音質優勢
要音質就用有線係現實情況 未來進步還未來進步 現實上就係 而家tws就係唔會音質好 再加上用得tws嘅聽音環境 好似係街係車係地鐵 比你再靚單元8動鐵都無9用 反而好似sony apply咁專心整下降噪仲實際
（btw有用Sony 1000x, 真心sony調音都比多平衡

你聽唔出音質分別你木耳啫，你接受到咪ok收聲囉。音質留返比我地聽得出嘅人討論嘛。山靈mtw大陸淘寶野都攞出尼講，dllm冇用過高級耳機就收皮啦。行街搭鐵八單元就冇用？點可以咁on9。首先音質同單元多少係冇直接掛勾，淘寶好多一千蚊嘅八單元耳機都唔會夠Campfire一個五單好聽。多數高級耳機隔音從來冇問題，好過你airpods sony 啲tws嘅降噪添啦。追返上面有關ANC嘅po先啦。我由westone 1用到八單元cm耳機，再上到12單JH Layla，全部都成日出街搭車用，都照享受到個質素分別。你呢段野po得出尼，大家都可以確認你木耳

音樂依D野好主觀...
有D 低音勁到一舊舊成萬蚊都好多人鐘意
有D 高音到刺耳到忍受唔到成萬蚊亦都好多人鐘意

早兩年買INEAR PP8 就試左好多款差唔多價位
都係覺得INEAR PP8 做得最好 完美隔音 聲音又平均
如果鐘意聲音平均 FALCON 真係依家首選
鐘意低音咪 MTW, MW07...
鐘意人聲咪 SONY...
要講電話唔洗諗咩好唔好聲 AirPods
(AVIOT , klipsch 因網上見QC差, 未試過...)

想買左below $1000既true wireless for 電腦用 打下機聽下歌同fd傾計 請問有咩推薦 最好高中低音平衡D 當然唔平衡都無所謂

買左Falcon 用iPhone
聽開人聲多 唔鍾意太重base
Falcom人聲前 音樂後 唔似MTW抄埋一碟
用Qualcomm Chips連接冇問題 繁忙時間搭鐵冇斷 連住Wi-Fi都冇事
戴得入不過唔會唔舒服 習慣下就OK
用Comply TrueGrip Pro 隔音非常好 基本上播緊歌聽唔到其他聲
個人黎講完勝MTW
缺點可能係冇Transparent Mode 除左戴翻會煩
同實體制會有一下硬耳
要講電話就揀返AirPod 啦

電腦打機用TWS唔多掂除非你玩新線上遊戲地地帶嗰啲如果唔係3D game多數delay比較明顯。

點解tws 唔可以係屋企/寧靜環境既地方用
點解tws 就唔可以討論音質?
唔係話你錯, 但每樣產品落係唔同人手上都有唔同既用法. 你可以話係注重整體體驗, 無問題. 但好似我咁純粹連PLAYER 聽歌既根本唔需要咩通透功能, Call quality. 我需要既只係較好既音質同埋連接性.
淨係今次換左Falcon未煲我已經覺得好過我舊個隻jabra elite sport. 唔理降躁好, 定係物理隔音好, 隔到音自然會聽得出唔同耳機既調音同質素.

唔記得講, Falcon 用家按制時用食指涉中間空位再按實體鍵就無咁不適

想請教下咩情況下要按佢?