容我張狂，由香港踩單車去英國幫曼聯洗廁所 ( 拾貳 )

為左由你第一個post追起，我down返高登個app
睇哂就del app!

畀面畀面

終於都hd畢業
最後都係無書讀
接受唔到咁就要出黎做成世野
希望可以學你咁遠走一趟
諗下自己究竟想點

終於都hd畢業
最後都係無書讀
接受唔到咁就要出黎做成世野
希望可以學你咁遠走一趟
諗下自己究竟想點

年紀仲輕，路好長，只要覺得有用，咪去囉

為左由你第一個post追起，我down返高登個app
睇哂就del app!

畀面畀面

睇左陣好想識你真人
好好睇同埋好鐘意你啲心路歷程 好有感染力
我睇到都好凳你開心感動

為左由你第一個post追起，我down返高登個app
睇哂就del app!

畀面畀面

睇左陣好想識你真人
好好睇同埋好鐘意你啲心路歷程 好有感染力
我睇到都好凳你開心感動

留返啲神秘感會好啲
情人如若很好奇

Chandenie同Juank等人喺印度時嘅合照

第二日，Chan老豆揸車嚟接我同佢出去一個叫Delft嘅城市。Chan爸係一個教車師父，唔知點解唔係同佢哋幾母女一齊住，但見佢同Chan媽又好恩愛㗎喎！而唔同Chan媽嘅係，Chan爸英文好好多，甚至比Chandenie還要好。


一座靠頂樓風車轉動畀動能嘅工作室


好多一家大細嚟參觀



Delft可以話係荷蘭皇室嘅御用陵墓，市中心一座開放畀公眾參觀嘅舊教堂地底就葬有唔少皇室人員，亦有唔少重要人物會喺呢座教堂結婚，甚至曾經有個皇帝喺度畀人槍殺。參觀時，腳踩住教堂嘅地磚，突然有種諗法：無論你生前幾巴閉，係皇親國戚又好，濕鳩如我都可以將你踩在腳下，你佔有嘅地方不過六尺乘兩尺，咁係咩身份，又有乜咁重要？


有攤位




教堂

教堂有冇新舊，新嘅仲可以行三百幾級樓梯上去頂睇吓Delft嘅全景。幽默嘅Chan爸耍手擰頭，話自己老喇，膝頭一定頂唔順，就由得我同Chandenie兩個上去。




行到叔叔不行了


Delft


Chandenie同佢老豆


回家途中見有風車屋特登兜入去帶我睇

四月份對荷蘭人嚟講十分重要，因為月尾就係佢哋嘅Queen’s Day，到時全荷蘭人都會着到一身代表荷蘭嘅荷蘭橙，去慶祝呢個代表佢哋擁護嘅皇室嘅節日。Chandenie好想我繼續留喺度，過呢個咁熱鬧嘅節日，但實在要等太耐，我都係婉拒咗。


我都有一件

Chandenie十分鍾情印度文化，我諗都唔完全關佢係有印度血統事，見佢家姐嗰啲都冇佢咁誇張，而其實佢老豆唔係咁贊成佢去印度。不過話時話，佢哋屋企仲保留好多印度傳統，例如會慶祝印度節日，屋企亦佈置得好東方，完全睇唔出係一個歐洲嘅屋企。

Chandenie尤其鍾意印度Henna，係用一啲草藥汁液畫喺身上，圖案亦非常有特色，類似臨時紋身。作為佢好朋友，我當然做咗佢其中一個練習對象。


好認真


紋咗張地氈上手



Chandenie喺印度時同我唔係特別close，但呢兩日住喺佢屋企，拉近咗我哋之間嘅距離，佢扮到大人咁想帶我周圍去，事實上佢細我幾年，好多時都係有蝦碌嘢發生，其實幾sweet。最難得嘅係，見到佢我就諗起之前喺印度時嘅日子，時間過得唔耐，但又不得不承認我經歷咗太多，直頭要用「恍如隔世」嚟形容。

唔知去到英國見到Juank會點呢？係喎唔記得講，個撚樣之後去咗英國。我急不及待想玩玩了。

而同Chandenie講拜拜時，我就要進入我旅程中倒數第三個國家──比利時，同時我嘅不安日益加劇。



媽媽同家姐

撚屌丹

成兩年仲未post完

丹爺真係好勁。
lm支持

追咗咁耐，真係唔想咁快完。
明知始終都會完。

好羨慕你

屌幾日都唔記得入黎

結果呢個post應該都係完唔到

結果呢個post應該都係完唔到

大家唔好推住

結果呢個post應該都係完唔到

大家唔好推住

開過新咪得囉

咪係，怕咩姐

結果呢個post應該都係完唔到

大家唔好推住

ok

結果呢個post應該都係完唔到

大家唔好推住

開過新咪得囉

得返一個禮拜就到英國喇

結果呢個post應該都係完唔到

大家唔好推住

開過新咪得囉

得返一個禮拜就到英國喇

作長d推到1001

追左成個禮拜
特登開個帳號留名

開多個post啦

Chandenie一家極力挽留我留多幾日，但我一嚟怕唔好意思，二嚟之後喺比利時同法國都約好晒host，唔想麻煩人哋就我，只好忍痛拒絕。不過畀佢哋留一留，我要接近中午先走到，但講緊由Zoetermeer去比利時首都Brussels要成一百七十幾公里，唔知哪兒來的自信，我竟然一啲都唔擔心。



跟住咪出事囉。


單車之國名不虛傳

比利時同荷蘭有條好出名嘅邊界，成日上網睇到張圖，就話間café踩住條邊界，咁當然我冇特登去搵呢個位，亦冇咁啱畀我撞正佢，但想講嘅係，荷比邊界又同之前嗰啲唔同，之前邊界都叫喺啲偏僻啲嘅地方，我經過嗰度係踩踩吓無啦啦喺個鎮度有個牌話我喺比利時囉，完。


比較想知住呢度嘅人填地址係點填


反而喺西歐成日見到有人養馬

而最令我知道自己喺比利時嘅係，呢度嘅單車徑明顯比荷蘭遜色，比較上冇咁完善，就算同樣係單車徑，路面質地有時都麻麻哋好踩。咁其實都可以理解做最令我知道自己離開咗荷蘭嘅……


明顯地有比較


Chandenie畀我路上補充體力

要喺短時間內趕咁長嘅路，托賴冇乜風同埋都係平路，我竟然喺六點鐘就踩剩四十公里，睇嚟要喺天黑前到係mission possible。但太過忘形，喺馬路上錯過咗駁上單車徑嘅路口，情急之下，我做咗樣好蠢嘅嘢──我戇鳩到想直接剷上個石膊上行人路去返單車徑。

然後響過爆炸嘅「卜」一聲，前呔爆撚咗。

嗱嗱聲補完，瞬間又漏氣，當堂棟撚咗喺度，深深明白咩叫「欲速則不達」，睇嚟我今日係到唔到Brussels。

正當我想截車想搵人車我去最近嘅單車舖補給，最多之後返嚟原地再開始時，大馬路對面有個男人行出嚟，嗌過嚟問：「有咩幫到你呀？」


David

佢叫David，睇樣我估三十歲四十，但佢兩個仔睇落都係細我幾年，可能鬼仔早熟啩。咁啱David係一個單車發燒友，就係喺屋入面望到我呢條單車友需要幫忙先衝出嚟，咁一定好撚firm啦，佢就私人醒咗條新嘅內呔畀我，仲落手落腳幫我換埋。


仲要唔使問我都畀埋可樂我！搭埋比利時窩夫

幾時都話，係單車友最明白我。

David仲特登叫佢個仔拎部iPad出嚟，show畀我睇應該點樣去Brussels最好。喺佢提點之下，縱然爆呔花咗我粒幾鐘，但我都能夠喺天黑齊前進入Brussels範圍，有街燈照耀我孤單嘅身影。

呢粒幾鐘都冇浪費到嘅，起碼畀我知道原來比利時人咁好人，咁helpful。




單車徑只係喺馬路邊上劃線分出嚟


麻麻哋好踩㗎咋

Host住嘅地方要先穿過市中心，即係偏向西邊，而Brussels係一個有山嘅城市，要穿過市中心，就要翻山。咁當然啦，個城市跨越山嘅話，個山高極有限嘅，之不過喺一日嘅最後先嚟上斜會冇乜開心囉。


攰

幾經辛苦上晒兩公里，搵到host Riccardo講嘅古宅屋企門口，吖屌十鳩幾個門鐘，冇一個係佢個名嘅。走過對面中東人開嘅士多想借電話打畀佢，呢個時候……