容我張狂，由香港踩單車去英國幫曼聯洗廁所 ( 拾貳 )

好耐冇留名
德國大愛個到唔係咁認同
其實係政府大愛 其他人唔係

咁梗係

你接捉到外國人多過真正德國人

Berlin係

樓主姓王?

唔係

professor daniel wong?

離開Berlin之後，我踩到去一個叫Kleinow嘅小鎮，同樣地經Warmshowers搵咗個host（基本上之後我淨係試過用兩次Couchsurfing，其餘時間都係Warmshowers，連營都唔使搭，可見呢方面西歐係發展得幾好）。


喺德國買Adidas應該幾平

Host叫Paul，就咁睇樣佢應該四十幾五十歲，但佢嘅伴侶卻係一個睇落都起碼六十嘅日本婆婆Mihoko。我仲記得，當我到達佢哋屋企嘅時候，務農嘅Paul仲未返嚟，我記錯佢個名做Peter，Mihoko聽到一頭霧水，尷尬死。


咁發達極都係要整路嘅


日落西山燈光普照麻木了

Paul同Mihoko住嘅雖然係小鎮街上一個門牌，但一轉入去，佢哋嗰度係呈一個瞓低嘅U型，由三間屋加一個柴房圍住一塊空地，客人住嘅就係其中一間屋，當日只有我一個客人，順理成章我獨霸咗成間廳、睡房、廚房同超靚沖涼房嘅屋。

以後我又多個稱號，一方諸侯，名副其實可以叫自己做丹爺。


Paul屋企嘅空地


小弟蝸居，入嚟坐吖


有多張床，女user優先


係幾舒適嘅

Paul返嚟之後，Mihoko都已經準備好晚飯，令我意外嘅係，日本婆婆煮嘅係一手傳統嘅德國菜！傾落先知，原來Mihoko嚟咗德國已經廿幾年，不過佢英文麻麻哋，我就冇深入咁問佢嚟做乜，又怕唔禮貌，冇問到佢哋點樣走埋一齊。


Paul同Mihoko，一盤腸！一盤薯仔！又灌鳩我！

Paul曾經都係一個單車旅行者，廿幾年前已經踩過去土耳其，認真係單車旅行嘅先驅。當佢知道呢個世界已經發達到可以有network將世界各地嘅單車旅行者連埋一齊，佢二話不說就登記做host，希望透過我哋呢班在路上嘅人認識吓現今嘅單車旅行發展到咩地步。

聽住Paul豪邁嘅笑聲，我不禁有啲dum春，因為佢同我講，佢兩個女本身嚟咗探佢，仲非常想見吓我，但我就喺Berlin唔捨得走，延遲咗一日先出發，佢兩個女就喺今朝離開！

吖！話唔埋本身佢兩個女就係瞓我隔離㗎喇！偉大嘅日耳曼民族呀！


準備三文治

雖然Mihoko已經嚟咗德國廿幾年，但佢並冇捨棄到佢哋大和女性嘅傳統美德，佢一樣照顧到頭家妥妥當當，仲好似一個慈祥嘅外婆咁，特登準備定啲三文治畀我帶上路食，等我可以好似佢孫仔去旅行野餐咁。

諗落我老母都冇咁神心。

有人對自己好

兩個mix啊 mola mola

毒撚的宿命，我明的

兩個mix啊 mola mola

應該係前妻生嘅

做host係咪可以講明只招待單車旅行客？

做host係咪可以講明只招待單車旅行客？

Warmshowers用家只有單車旅行者

丹爺FF少一陣

留名追到live

丹爺FF少一陣

You eat shit

同Paul兩公婆食個早餐，影張合照，我就開始新一日嘅旅程，向住擁有雲達華治但唔關漢堡包事嘅Hamburg進發。

然而，我並冇直接去Hamburg，反而喺佢之前大約五十公里嘅小鎮Barum停低，因為嗰度都有個host接收咗我，嗰度又企旅遊城市Luneburg，就決定停一停，畀自己見多啲地道德國人，體驗吓風土人情。


喺Elbe河旁邊一塊斜坡瞓低野餐


呢條路好多人踩單車郊遊，但啲路一啲都唔好踩




Bitter，真係苦行僧

接收我嘅係一對將近退休年齡嘅夫婦Christian同Susanne，Christian係一個鋼琴教師，Susanne則喺圖書館做嘢。佢哋住喺Barum一間有埋車庫同種滿花嘅後花園嘅house度，Susanne打開車庫畀我擺低忍者龜之後，我就去咗沖涼，佢哋仲特登準備埋新毛巾畀我，十分貼心。



點知沖沖吓有人敲門，我都心知不妙，嗱嗱聲沖完，一打開門，Oh shit，真係漏晒水出去……只怪我太吸引，花灑見到我都潮吹。

嗰吓好驚Christian同Susanne會嬲咗我，但佢哋只係笑住咁話唔緊要，Christian仲即刻拎地拖拖返乾塊地，我想幫手佢都唔畀。

佢兩個令我諗起以前讀書時去澳洲placement嘅homestay夫婦Peter同Christine，嗰陣我又係成日蝦碌做錯嘢，呢兩個公公婆婆又係只係笑一笑話冇事，最多咁啱嗰陣畀女飛，乸口乸面時畀Peter屌我要似返個男人。

唔知Peter同Christine點呢？


一個流行於德荷嘅遊戲，輪流打啲餅入窿計分，唔記得咩名


我嘅房，前身係佢哋已經搬出城做嘢嘅仔嘅房

飲住Christian自己釀嘅啤酒（佢話德國老一輩好多人都會自己釀，酒吧仲有得賣酵母！），同佢兩公婆玩呢隻game，Christian好勁，次次都唔夠佢高分，但玩完幾舖之後，Christian話：「你唔係一個咁簡單嘅人，你好專心，不過你能夠由香港踩嚟呢度，已經證明呢一點。」

當我依家打呢段文字，諗返起佢呢份讚賞，我有少少慚愧，因為我唔再係嗰個咁純粹嘅少年，我已經唔再特別。

係嘅，我承認以前嘅我係幾特別，吹咩？

呢一晚我唔止一次有錯覺以為自己返咗澳洲，同homestay嘅公公婆婆過緊一個平常嘅晚上。如果當時嘅我有咁敢講英文，唔係成日礙於禮貌先留喺廳睇電視，一切都會更加好。

不過都返唔到轉頭了。

唔知Christian同Susanne又過成點？

時隔唔知幾耐，又係連登見到丹巴個POST
終於追哂，第一個POST睇到依家，正呀

BTW 聽落巴打好似好掛住以前既自己
雖然依家落返地係多左野限制，未必樣樣野岩自己心水
但係我覺得依D係短暫，到你做到有返咁上下能力既時候
一樣做到一個特別既人，做到一D特別既事，加油

SORRY FOR 1999

好想知各國既人講唔緊要係唔係真係唔緊要

好正呀