容我張狂，由香港踩單車去英國幫曼聯洗廁所 ( 拾貳 )

1001 回覆

201 Like 8 Dislike

第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁第 23 頁第 24 頁第 25 頁第 26 頁第 27 頁第 28 頁第 29 頁第 30 頁第 31 頁第 32 頁第 33 頁第 34 頁第 35 頁第 36 頁第 37 頁第 38 頁第 39 頁第 40 頁第 41 頁

迷失丹尼爾 2017-04-11 00:22:59

今日去考數學個間學校個早會老師分享你嘅事蹟

邊位巴打自己出嚟認咗佢，荼毒青少年

賭神3.3 2017-04-11 00:54:09

今日去考數學個間學校個早會老師分享你嘅事蹟

邊位巴打自己出嚟認咗佢，荼毒青少年

咪你囉

每日都要飲酒 2017-04-11 00:56:46

Ching有否放上紙言

新讀者表示live

迷失丹尼爾 2017-04-11 01:17:53

喺hostel入面，我識咗一個瞓喺我上格床嘅英國人妻，叫Larna。

Larna大約三十歲，知道佢喺英國嚟之後，我都想收吓風當地英國嘅生活係點。而佢知道我嘅旅程之後，亦對我產生興趣，就約咗第二晚食飯，即係食巴西燒烤做lunch嘅嗰晚。

Larna係一個美術導師，喺London附近做，佢非常鍾意去旅行。我問佢點解同樣做相關行業嘅老公唔一齊，佢好直接咁講：「因為佢搵錢唔夠我多。」外國幾好，數目分明。不過作為男人，聽到佢咁講，我都替佢老公心噏。

仲記得嗰晚有個似乎係長駐呢間hostel嘅美國阿叔叫David，睇佢講嘢都應該係隊草隊得太多，不斷煩住我哋，最後神推鬼㧬，條友又搬咗去隔離房。

然後講起紋身，Larna身上都有幾個，佢想show佢肚臍對落個紋身畀我睇時，當時佢係瞓喺上格床，咁我聽到佢咁講自然就企咗起身睇，佢抬高個屎忽，拉低條褲，點知對手用力得滯，畀我睇埋啲毛。

係幾香艷嘅，不過好撚尷尬。

Wence帶我去嘅一間古老酒店

Larna就冇乜嘢，鬼婆嘛，點會介意？

好似幾正咁

第二晚，同家姐食完嘢，鳩行吓我就返hostel等Larna去食晚飯。嘩唔知發生乜撚嘢事，我行乜嘢運，尋日啲人搬走之後，有成六條女搬咗入嚟，一間八人房，除咗我一條仔，計埋Larna有成七條女，Oh我嘅寶貝！

Larna

Larna係食齋嘅，然後搵咗餐日本嘢食拉麵，屌，食完好似冇食過嘢咁。都係咁啦，天南地北咩都講一餐，講吓我，又聽吓佢講同佢老公啲嘢，講吓講吓佢帶咗我去間用漫畫做主題嘅bar飲嘢，咦？有啲暗示喎……

但作為一個毒撚，我絕對係堅守原則，唔會行差踏錯。Larna仲喺樹挑逗我，望住毒到喺得幾度嘅街頭着拖鞋嘅我，讚嘆：「嘩，你好強壯呀！」雖然係毒，但事實上又真係凍到對腳板冇晒感覺嘅。

冇，返到hostel更加唔會有嘢，阿David哥又走入嚟撩Larna吹水，然後Larna又捉咗我出去睇地標Dancing House嚟避開David嘅糾纏。