喺hostel入面,我識咗一個瞓喺我上格床嘅英國人妻,叫Larna。
Larna大約三十歲,知道佢喺英國嚟之後,我都想收吓風當地英國嘅生活係點。而佢知道我嘅旅程之後,亦對我產生興趣,就約咗第二晚食飯,即係食巴西燒烤做lunch嘅嗰晚。
Larna係一個美術導師,喺London附近做,佢非常鍾意去旅行。我問佢點解同樣做相關行業嘅老公唔一齊,佢好直接咁講:「因為佢搵錢唔夠我多。」外國幾好,數目分明。不過作為男人,聽到佢咁講,我都替佢老公心噏。
仲記得嗰晚有個似乎係長駐呢間hostel嘅美國阿叔叫David,睇佢講嘢都應該係隊草隊得太多,不斷煩住我哋,最後神推鬼㧬,條友又搬咗去隔離房。
然後講起紋身,Larna身上都有幾個,佢想show佢肚臍對落個紋身畀我睇時,當時佢係瞓喺上格床,咁我聽到佢咁講自然就企咗起身睇,佢抬高個屎忽,拉低條褲,點知對手用力得滯,畀我睇埋啲毛。
係幾香艷嘅,不過好撚尷尬。
Wence帶我去嘅一間古老酒店
Larna就冇乜嘢,鬼婆嘛,點會介意?
好似幾正咁
第二晚,同家姐食完嘢,鳩行吓我就返hostel等Larna去食晚飯。嘩唔知發生乜撚嘢事,我行乜嘢運,尋日啲人搬走之後,有成六條女搬咗入嚟,一間八人房,除咗我一條仔,計埋Larna有成七條女,Oh我嘅寶貝!
Larna
Larna係食齋嘅,然後搵咗餐日本嘢食拉麵,屌,食完好似冇食過嘢咁。都係咁啦,天南地北咩都講一餐,講吓我,又聽吓佢講同佢老公啲嘢,講吓講吓佢帶咗我去間用漫畫做主題嘅bar飲嘢,咦?有啲暗示喎……
但作為一個毒撚,我絕對係堅守原則,唔會行差踏錯。Larna仲喺樹挑逗我,望住毒到喺得幾度嘅街頭着拖鞋嘅我,讚嘆:「嘩,你好強壯呀!」雖然係毒,但事實上又真係凍到對腳板冇晒感覺嘅。
冇,返到hostel更加唔會有嘢,阿David哥又走入嚟撩Larna吹水,然後Larna又捉咗我出去睇地標Dancing House嚟避開David嘅糾纏。
成棟《吶喊》咁嘅建築物囉
然後,真係冇事發生,我又唔敢講如果進取啲會唔會有啲甜頭,你知啦,毒撚最忌有自信,容乜易全部嘢都係我FF出嚟?
之後去到London,我同Larna有出過嚟食咗餐飯,佢老公都喺度,但食完餐飯都冇乜聯絡嚕。
我知你哋諗乜,夫之目前犯吖嘛……