容我張狂，由香港踩單車去英國幫曼聯洗廁所 ( 拾貳 )

幫推

真係人都唔見埋

擲個西瓜落海。。。

擲個西瓜落海。。。

睇來呢次要擲東瓜啦

擲個西瓜落海。。。

睇來呢次要擲東瓜啦

don't 瓜plz

呢排好多後生跳樓好担心

丹佛 何時現身

丹爺加油！會再追落去

Hi all I'm back

喺Dresden留多咗晚，主要係爆盡之後真係需要休息吓，洗吓衫，又可以遊覽吓呢個城市咁。

據Dirk所講，Dresden本身就好似第二個Prague咁，周圍都係超級靚嘩嘩聲嘅建築，可惜呢個世界有個人叫希特拉，喺第二次世界大戰嘅時候，大部分建築都畀盟軍炸毀，就算重建，直至今日，都只限於市中心嗰丁屎咁多。


Dirk踩單車帶我遊覽


一個小小嘅文化區



Dirk帶住我周圍踩，先係上山去到一個纜車站，然後又落返去嗰條令我又愛又恨嘅Elbe河，但電話唔記得叉電，影唔到相，sor晒。

Dirk並唔係Dresden土生土長嘅人，但佢由大學時期已經喺度讀書，到依家都成四張嘢，基本上Dresden佔據佢人生超過一半，所以講起呢段歷史，佢一樣非常痛心疾首，因為呢度根本已經等於佢屋企。

都係嗰句啦，是戰爭到最後傷痛是兒童，我向世界呼叫！


得意BB


叉完電再自己出去影吓相





聽Dirk講，佢同佢老婆啱啱先喺丹麥註冊完返嚟，如果我早一日嚟佢都接待唔到我。佢見我面帶疑問，就解釋：「Eunji係韓國人，相信你都知道。我同佢喺Warmshowers認識，佢未有德國居留權，所以我哋需要去丹麥註冊。」

原來Eunji曾經都係一個單車旅行者，住過喺Dirk度，雙方一見鍾情，Dirk仲癲到飛去韓國叫Eunji接受佢，仲說服埋Eunji屋企人畀佢跟嚟德國。

仆街吖，點解冇啲歐洲少婦咁對我嘅？





Eunji話，以佢哋韓國嘅文化，嫁嚟歐洲其實衝擊好大，而且屋企人一開始根本接受唔到，花咗佢哋好多時間心機先能夠喺返埋一齊，而最緊要嘅，係Dirk畀到佢信心。

啱嘅，如果一段關係冇信心，幾咁激情，幾咁愛，都係唔可能長久。



Dirk可以話係我喺歐洲遇過書卷氣最重嘅人，所以同佢傾偈好舒服，會覺得成件事十分有營養。佢話，喺德國，佢哋根本唔需要買樓，佢到依家四十幾，都係租緊樓，事關到佢退休，佢交埋交埋嘅稅就發揮作用，政府係唔會需要佢哋擔心住屋問題，平租又好，津貼又好，總之唔會瞓街。

情況唔同嘅，人哋交咁多稅，又咁大愛，你見收咁多難民就知啦。



然後，我去到我成個歐洲最鍾意嘅Berlin。

丹佛

各位久等，最近屋企有啲事，自己又有啲嘢煩，所以遲咗上嚟，希望見諒

各位久等，最近屋企有啲事，自己又有啲嘢煩，所以遲咗上嚟，希望見諒

各位久等，最近屋企有啲事，自己又有啲嘢煩，所以遲咗上嚟，希望見諒

慢慢唔急既
得閒上來報下平安

各位久等，最近屋企有啲事，自己又有啲嘢煩，所以遲咗上嚟，希望見諒

慢慢唔急既
得閒上來報下平安

喺香港有咩平安要報

各位久等，最近屋企有啲事，自己又有啲嘢煩，所以遲咗上嚟，希望見諒

慢慢唔急既
得閒上來報下平安

喺香港有咩平安要報

因為要死的話，何時何地都可以