Chandenie係我喺印度住喺Juank屋企時認識，當時知道佢係荷蘭人，只係順口講吓到咗荷蘭會搵佢，但估唔到短短幾日嘅友誼佢會咁上心，當我到咗荷蘭之後同佢講，佢即刻邀請我去佢位於Zoetermeer嘅屋企盤桓幾日。
Amsterdam嘅荷文名
火車經過會封橋，好安全
Zoetermeer喺Amsterdam西南約六十公里，喺首都留咗幾日，風向變咗，到我落去時已經十分輕鬆。當我去到Chandenie屋企門口，佢應門見到我嗰吓，簡直開心到癲咗咁，係我呢次旅程中未感受過嘅。
都係嘅，唔同Faisal，佢話晒都係純品嘅妹妹，喺遙遠的東方遼闊的邊疆到依家喺西到唔西嘅家鄉見到我生勾勾再次棟喺佢面前，我係佢都會鄧自己開心。
開心起上嚟我自己都驚呀！
Chandenie屋企門口
之後Chandenie影咗我相send畀Juank，個撚樣回覆：「佢做到喇！佢竟然冇死！」
我影緊乜撚嘢？
Chandenie屋企係蘇利南移民後代，佢哋住嗰個位亦位於蘇利南社區，即係好似唐人街同深水埗南亞區咁（笑）。咩係蘇利南呢？其實佢係一個位於南美洲嘅共和國，幾百年前當荷蘭仲係海上霸主，向世界擴張緊領土嘅時候成為荷蘭嘅殖民地。當時荷蘭主要喺東印度群島引入勞工，令印度人成為呢個後來獨立嘅國家嘅主要族群。當荷蘭撤出蘇利南後，部分蘇利南人移居到荷蘭，所以到今日你會見到迪比、古烈治同戴維斯等等嘅黑荷蘭人。
亦因為咁，Chandenie識講同蘇利南語相似嘅印度話，雖然佢話認真聽係會聽到分別。
而留咗喺Chandenie屋企兩日，都係出去其他城市玩，分別係The Hague同Delft。
陽光下嘅iPhone真係廢
其實Chandenie叫我去The Hague係因為佢想睇《狂野時速７》，而最近嘅戲院就喺嗰度。雖然話我都想睇，但為咗套戲要坐火車過去，話就話十分鐘，我呢啲懶人就冇咁大癮，主要係因為睇西史成日聽海牙軍事法庭，我先擺駕過去睇吓咩料。
海牙都真係有個細海
果然係國際地方
The Hague係一個幾商業嘅地方，講緊嘅唔係好旅遊嗰隻商業，而係成個中環咁嘅商業。市中心有嘅係Amsterdam見唔到嘅IFC級大商場，個個行路都快半拍，同之前喺Amsterdam嗰種space cake爽翻天好唔同。
睇完戲，行完The Hague，會合Chan嘅一個蘇利南朋友，去咗一間傳統蘇利南餐廳食飯，嘢食一啲印度味都冇，反而似東南亞。
Chan個朋友睇落好毒，但滿肚墨水，做嘅係城市規劃，但當時我趕住返屋企屙屎，focus咗喺閉穴收菊花度，完全冇心機聽佢講嘢……
呠！
唉，我都想搵份自己開心又生活到前途又唔差既工
家下一次過追好正
