容我張狂，由香港踩單車去英國幫曼聯洗廁所 ( 拾貳 )

1001 回覆

201 Like 8 Dislike

第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁第 23 頁第 24 頁第 25 頁第 26 頁第 27 頁第 28 頁第 29 頁第 30 頁第 31 頁第 32 頁第 33 頁第 34 頁第 35 頁第 36 頁第 37 頁第 38 頁第 39 頁第 40 頁第 41 頁

迷失丹尼爾 2017-03-16 23:33:09

新工非常忙，大致上之後都係每日一篇，希望各位撚屌多多見諒

而好消息係，我諗啦，諗啫，應該呢個post可以講到去英國嘅

http://www.facebook.com/danielthewanderer

正所謂「百貨應百客」，如果你想睇啲我睇返都覺得自己長氣嘅文的話，詳細版嘅blog啱你。Blog暫時冇乜update，完咗連登就會嚟料，link如下：

http://danielthewanderer.com

而我個旅程依家連載到：

香港－＞廣東－＞廣西－＞貴州－＞雲南－＞西藏－＞尼泊爾－＞印度－＞巴基斯坦－＞伊朗－＞土耳其－＞保加利亞－＞塞爾維亞－＞匈牙利－＞斯洛伐克－＞奧地利－＞捷克－＞德國－＞荷蘭－＞比利時－＞法國－＞英國

最後就係，記得正評同留言，等多啲人入黎中伏

事不宜遲，我說我答應帶你直上公路，去！英！國！

迷失丹尼爾 2017-03-16 23:43:30

身處於匈牙利，同我嘅旅程終點英國可以話相距不遠，如果我唔按既定路線，兜上北邊嘅捷克同德國等地，而係直屌黃蓉咁直搗黃龍穿過奧地利入法國去英國，其實只係十幾廿日嘅路程。

但正正係嚟到呢個位，令我更加唔想前功盡廢，為咗快啲完，而唔去我一開始就想去嘅地方。

好難諗，學胡師父話齋，畀啲掙扎。

先前講過，我猶豫緊出發，因為我惰性再次BBQ跳起yeah出動，其實正確啲嚟講，係我呢種無謂但必定會出現嘅掙扎。

坐喺家姐呢間百年古宅嘅大廳入面，家姐聽完我講心事，佢嘅反應冇好似我預期咁純粹鼓勵我，又或者叫我想點就點，佢竟然係反應好大咁叫我一定要逼自己去，原因並唔係為咗我自己，而係因為所有追緊我blog同Facebook嘅讀者。

原來，家姐剛剛嚟到匈牙利嘅時候，就係我啱啱出發嗰陣，當時佢人生路不熟，喺任何方面都諸事不順，過得非常辛苦，每晚問自己究竟放棄晒一切過嚟做乜。機緣巧合之下，佢睇到有朋友share咗我啲嘢，因為時差關係，佢每朝起身就睇到夜晚出嘅blog。

百年歷史café

喺嗰段時間，我每一次克服路上遇到嘅難關，都成為佢繼續支撐自己落去嘅動力。

家姐話，我係每一個睇我嘅人去面對日常生活難題嘅勇氣，係去解決、克服呢啲難題嘅基石。

我係佢哋嘅榜樣。

賣藝

而我一直只係諗自己，並冇諗過原來我對一啲素未謀面嘅人有任何重要性。某程度上，我低估咗我自己。

同時間，我高估咗我自己。我以為靠住自己，我就可以撐落去，但其實如果冇你哋嘅支持，我發現唔到自己嘅重要性，可能我已經冇晒力量。

係你哋每一個好似孫悟空要出元氣彈咁需要地球人畀力量佢咁支持住我。

我諗我發夢都估唔到，當日我喺千里之外支持住家姐，到呢一日，佢坐咗喺我面前點醒我返轉頭。

緣份。

賭神3.3 2017-03-16 23:44:20

以為你失蹤買定西瓜添