Jonathan同Paul嚟到Ivan屋企已經成四點,安頓好,吹吓水,我同佢兩個就行出去超級市場買嘢,諗住煮餐飯畀屋主食,答謝佢嘅招待。
揀緊貨
喺超市度,我哋三個傾起各自嘅旅程,Jonathan係要踩去東方最盡頭嘅澳洲,希望做到環遊世界,而Paul就只係環歐,路程短得多。
因為佢哋都去過捷克,又知道我將會上去,佢哋就叮囑我嗰度嘅山都幾難踩,要有心理準備,不過知我踩過西藏,亦覺得我應付到。
當時我都係咁諗,認為佢哋未見過大蛇屙尿,但好可惜,滿招損,我估唔到我會喺嗰度發生一啲事。
講起雪下踩車,我以為自己喺土耳其同保加利亞嘅經歷已經夠癲,點知Paul仲痴線,佢試過喺波蘭零下廿五度踩過,當晚仲要搭營,佢都仲要戇鳩鳩生勾勾企喺我眼前,傻撚咗。
十九歲咋,所以話唔好用年紀去judge人,係夠堅持嘅,點都堅持到。
最後只係Jonathan一個煮,右邊係Ivan
返到屋企,因為我同Paul都係地獄廚神,唯有將煮嘢食嘅重任交畀Jonathan。幾個男人圍埋吹水,就肯定係講女人,席間Ivan問起我哋喺旅程中有冇咩艷遇,睇嚟呢條撚屌恃住自己靚仔大隻,都諗住踩車食女㗎喇。
首先係Jonathan講,佢話佢第一日出發,從London踩到港口城市Dover,嗰度Couchsurfing嘅host已經撩佢扑嘢,只不過Jon仔食唔落先冇上,而後來佢嘅旅程都好平淡,所以暫時係零;法國代表Paul無負佢嘅血統,短短兩個月已經食咗四條女,其中一個仲要係Model,但最仆街嗰一次係,佢平時會敲門叫當地人收留佢,或者畀佢喺屋隔離搭營,而佢就喺比利時畀個老豆收留完,當晚就食撚咗人哋個女。
咁當然,女唔出水唔插得牛肺西……
呢條戇鳩仔恥笑緊我
至於香港代表,我成功為港爭光,連送上門嘅肥西都冇呀!屌你老母!
講開向當地人叩門,原來Paul呢個旅程係為醫院嘅小朋友籌款,條件係佢唔可以住酒店等等要畀錢嘅住宿,只可以搵當地人收留或者搭營,就連Couchsurfing或者Warmshowers等等預先搵定嘅都唔得,所以今次Jonathan捉咗佢嚟,其實係犯規,但三個踩緊嘅人聚首機會難得,佢又少年心性,就偷雞一次。
而Paul為咗令佢嘅籌款行動更受關注,幫到更加多嘅人,佢出發前就整咗個網頁,剪咗段宣傳片,仲成功吸引法國一間電視台訪問佢,R到保險公司等等嘅sponsorship,有錢之餘,佢試過成架單車被偷都claim得返買部新!
個撚樣仲要都係踩surly!
幾撚多宣傳品
有幾多錢?唔多,五千歐啫!夠我踩兩次囉,而人哋係環歐。所以個撚樣都特別豪,使剩啲捷克紙,順手就塞咗畀我,計落都有十幾歐。
呢晚係我近期笑得最開心嘅一晚,因為班人太濕鳩,我太鍾意。
Jonathan同Paul嘅近況點?Jonathan好耐之前已經到咗澳洲,依家好似仲喺嗰度,應該唔諗住就咁完,佢晨早已經超越咗我;Paul都早已完成旅程,往後又食咗幾條女,特登講我聽笑鳩我。