容我張狂，由香港踩單車去英國幫曼聯洗廁所 ( 拾貳 )

樓主姓王?

唔係

朝聖
寫既時候突然記起你有黎過

我自己都唔記得自己寫過乜

又追番了
仲記得一開始係香港有條友問你踩去邊
你話踩去英國，佢仲當你痴線

有冇文

放假呀咁得閑打招呼

有冇文

晏少少

放假呀咁得閑打招呼

忙裡偷閒咋

放假呀咁得閑打招呼

忙裡偷閒咋

蛇王就蛇王啦講得咁好聽

係Manchester 等緊你出文

係Manchester 等緊你出文

都掛住呢個地方

圍牆舊址


另一個世界

喺Berlin除咗Moritz，其實都有另一個Warmshowers host想見我，又係遲咗覆我，所以淨係食咗個飯。佢係來自匈牙利嘅Laszlo，依家喺一間單車舖度打工。

Berlin係一個非常國際化嘅地方，之前講過，呢度嘅物價喺德國嚟講唔高，作為首都仲可以話係十分之低，加上德國係一個發展、福利完善嘅國家，所以吸引咗歐洲其他國家嘅人過嚟工作，喺呢個情況下，Berlin就係一個好選擇。


中學生喺博物館睇住自己國家被鞭屍

講返Laszlo，佢冇乜特別技能，淨係鍾意單車，都選擇咗離鄉別井嚟到德國搵份單車舖嘅工，老實講，前途唔算特別好，但佢計落都係比起佢留喺匈牙利好，雖然我唔認同，但既然佢咁諗得，一定有佢嘅道理同原因。呢一晚，佢同一個意大利嚟嘅單車舖同事喺佢屋企同我食咗餐飯，傾吓我嘅旅程，講吓佢嘅過去咁。


左同事，右Laszlo

見到佢兩個，我相信喺西歐真係有唔少人並非土生土長，只係由其他國家嚟搵餐晏仔，我不禁諗，世界越嚟越細，全球一體化，究竟係好事定壞事？德國人咁大愛就話接受其他國家嘅人嚟啫，法國呢？英國呢（當事未脫歐）？睇返香港，見住落後國家嘅人嚟用我哋嘅資源我哋都唔開心啦。

不過我哋畀人煙king撳住拎，又唔同計法嘅。


Topography of Terror


置身於猶太人紀念碑群中



又講返Moritz。佢話一直好想試吓去中國餐館試吓啲真係local先會點嘅餸，難得識到我呢個香港人，當然佢就捉我去啦！於是第二晚就同咗佢同Anna去一間佢話喺Berlin好出名嘅中餐館。


其實Anna個樣都幾唔戰鬥民族

一如所料，狗也不屌。帶唔到Moritz試吓啲正嘢，我都有啲內疚，唯有約定佢嚟香港時再帶佢食，而最近佢update我，佢要踩了，過多幾個月應該會嚟香港，到時喺page畀大家睇吓，如果我個page仲喺度的話。


屎忽痕要飲珍珠奶茶，三歐幾，痛到仆街


但呢度啲珍珠奶茶舖有得坐，仲有漫畫睇，幾得意

第二三晚，Moritz個flatmate返咗嚟，我搬咗去佢有梳化嘅廚房瞓，由得佢flatmate聞吓我殘留於佢枕頭嘅口水味同埋感受被竇嘅袋底泥，然後Moritz再帶咗我去嚟到德國不得不做嘅嘢──去酒吧飲酒，食咗隻Anna畀嘅復活兔，作為歡送我嘅party。

好耐冇留名
德國大愛個到唔係咁認同
其實係政府大愛 其他人唔係

你接捉到外國人多過真正德國人

推下先