可能你覺得喺香港實行唔到，不過我都會人多時除低背囊而唔撞親人；呢個日日做嘅動作，暫時我就無咩難度喇。或者你會話咁多人點樣除背囊，但係其實係可以喺月台，或者喺往月台嘅通道預先除低背囊——就以灣仔站為例，雖然月台會好多人，但係往月台嘅通道往往仲有空間，可以除吓背囊綁吓鞋帶、又如北角站，由將軍澳綫月台行去港島綫月台嘅位置，一樣大把空間，同樣情況都適用於金鐘站。再以尖沙咀站為例，月台中間位置一般都有唔少空間，落咗扶手電梯之後除，應該係不成問題。
望返90年代，嗰陣月台助理仲要學似日本咁推人入車，拎住個大聲公喝人，呢啲日子一早已經步入歷史，車廂嘅擠逼情況其實已經大為改善，甚至可以話係乘客根本唔嘗試善用空間，否則金鐘乘客應該可以等少兩班車至係。呢樣亦都反映咗，現時車廂並不擠逼，只係乘客往往唔識得顧己及人啫。
最後，港鐵嘅廣告只係呼籲，並不構成任何法定指示，乘客即使不遵從亦不違反港鐵附例；相反，攜帶過大行李，則受屬附例一部分嘅《運載行李條件》規管，乘客係可以致電車站控制室舉報任何違反港鐵附例、對乘客構成滋擾嘅行為嘅。
除永遠唔係問題
點樣帶返先係
我估係一pack沙甸魚入面幾十個人一齊“咩”背囊都幾壯觀
而且你叫人除就有責任整架
屌你唔係個個鍾意D袋擺地下
喺新加坡、日本、英國等地都有同樣呼籲，尤其倫敦東京唔少車站更加擠逼狹窄，但又唔見當地人遇上問題
你確定無問題
東京有架
新加坡個個媽媽聲
