(live)首次踏足歐洲大陸，廢青歐遊六國40日

再澄清多次， 呢張係人哋嘅， 概念圖 我影唔到咁樣呀

不幸中的大幸la， 而家睇緊保險，睇下包唔包整電話claim 保險好煩

正式嚟到zurich蘇黎世，最後一日了聽日就正式結束是次旅程

一落到車， 終於感覺返到去大城市





嚟個無聊嘅room tour，間房就滿意嘅，成層都係佢，所以整咗十幾個wifi，自己揀最近最強嘅wifi，咁樣幾好唔似好多酒店一層得一兩個wifi，基本上住走廊尾就死梗

但廚房咩用具都冇，廁所就好大陣異味，而且地面排水奇差，幾時入去都有灘水，好污糟

國立博物館，10chf，zurich pass免費，講起zurich pass一日都係27chf，呢到搭程輕軌都要4.4chf，幾抵玩





入到去，第一個館係一套日本動畫， 應該係喺呢度取景，一開始 ，諗真啲我好似對呢套嘢有啲印象，遙遠嘅記憶中我可能細個睇過







佢個導航apps好好用，好似google map街境咁帶你行，然後show你身邊嘅展品，再講解，如果你跟住佢行，就可以好智能咁即刻講解身邊嘅野

飄零燕
瑞士
主題曲好出名
“迷途迷途孤燕”

我就係聽到佢個主題曲， 先覺得好似有啲印象 細個唔知邊度聽過

部卡通真係有返咁上下年紀

唔好意思，繼續講埋最後一日之旅， 近幾日 都好忙， 又有學業 又要上街， 依家正式補返， 繼續講埋瑞士國立博物館之旅


呢件係三四百年前瑞士人嘅傳統服飾，咁浮誇呀，而且ip都唔駛check就知一定係for男人著








新教舊教之爭，果然成個歐洲歷史都因為宗教而搞出好多戰爭， 呢啲力都係比較有歐洲特色， 唔似中國咁樣奉行大一統， 至高無上嘅皇權已經包埋宗教在內






呢條友，成功幫瑞士聯盟脱離神聖羅馬帝國， 瑞士聯邦之間平起平坐，亦形成民主皺型




呢張圖就勁串，中間個女人無疑代表瑞士，而身旁班觀音兵就代表其他國家

當時瑞士顧佣兵好打得，所以爭相拉壟刷鞋，希望可以幫自己打嬴仗

由於瑞士聯邦制， 為咗平衡聯邦之間， 就開始搞全民投票，決定一啲聯邦法律， 呢個亦都係瑞士民主進程里碑




唔識欣賞，有啲似鋼鍊嘅真理之門





瑞士嘅鐘錶產業， 原來好多年前已經開始發展， 靠住口碑慢慢成為而家





瑞士雖然係中立國， 但都唔代表與世無爭咩都唔理， 呢張圖係瑞士中立國身份，代表美國去同古巴嘅阿頭傾數

但張相影到好鬼好笑 咁正式嘅會談， 變咗普通兩個街邊呀叔講嘢， 我腦海中幻想咗一個情景，好似瑞士sell緊保險， 然後古巴睬你都有眉， 阿叔我擔住支煙慢慢聽你廢噏

之後有一個幾特別嘅位， 呢度係講瑞士20世紀以來進行過嘅大型公投， 類似英國脫歐公投咁樣， 搞咗成好似二百幾次

佢有一個好大嘅螢幕， 大約30秒轉一次， 顯示不同嘅大型或有爭議性嘅法案， 再配以相關嘅poster， 支持方同反對方各一張poster， 下面仲有一個位顯示支持同反對嘅百分比


我企咗喺度十幾分鐘， 雖然絕大部分睇唔明只可以靠poster估， 唯二睇得明嘅好似係輸唔輸出傭兵同埋毒品犯法，但真係不得不感嘆瑞士嘅民主化程度真係好高， 真心佩服








第一眼睇到幅畫， 就知係同女權相關 基本上就係講述之前有三分之二嘅男性反對女性有投票權， 然後瑞士嘅女性作出各種努力去攞返屬於自己嘅權利




呢一件紅大衣， 就係當時女權運動嘅象徵

行完博物館出去買啲嘢食， 再吹奏多次博物館嗰導賞做得幾好， 差唔多係我成程歐洲之旅之中導賞最得最好嘅， 而且導賞仲唔使加錢



諗住去burger king買個set食， 見到個價錢，我都係乖乖地躝返出去......





經過間壽司又去望下， 仆你個街22CHF， 啲壽司睇落又唔係特別正， 樓主再次敗走， 唉真係好過份， 普通喺條街上面行， 竟然 乜都食唔起






呢個撻我已經見到幾次， 估計應該係啲特色食物，見呢間舖賣5.5 CHF， 價錢都ok就買嚿嚟食lunch

初初呢我仲以為上面係一大堆芝士同埋辣肉腸， 喺pizza嘅邪惡版， 一擺落口就味覺大衝擊， 原來呢個係甜品嚟 啲黃色係蛋撻咁樣但甜好多， 以上面嗰啲原來係篤穿咗嘅蕃茄， 個皮係最好食嘅

我嗰次呢個車都冇得玩， 買飛上山嗰陣就話要等五十分鐘， 上到first嗰陣就話已經 sold out

食完嘢周圍行下， 沿住條河周圍hea， 條河真係好清， 而且仲係喺呢種發達程度嘅城市見到， 咁發達嘅地方仲可以控製到冇污染


啲人都好chill， 除咗對鞋就咁坐喺岸邊， 呢度好多鵝，佢哋仲唔驚人， 下圖就見到， 有隻鵝就喺人格嚟游水， 人又唔會去搞佢，鵝又唔驚人， 好似真係做到和平共存





仲有一個位擺咗啲欄桿， 應該係畀啲鵝可以上岸hea下， 啲鵝毛越睇越鬆軟，好想一手揸落去





有個阿叔係到整泡泡

金杯咖啡一定係飲espresso

利申買左兩包咖啡粉返黎

btw 係歐洲成日見到鵝/鴨係街行

唔係太識分， 我都見唔少但應該係海鷗之類 全白色嘅天鵝就第一次見( 但佢哋最多都係海邊沿岸行下，唔會入市區

又update未爛尾

跟住走咗去坐船，zurich card包咗， 呢啲唔係觀光嗰啲船， 普通的交通運輸工具， 周圍都好多本地人， 因為條河就喺隔離， 而且穿梭好多地方，坐船分分鐘仲快過搭車






架船好矮， 你坐喺船嗰陣， 望出去就好似同海平面咁差唔多高， 有少少似遊緊水嗰陣望嘅角度， 幾有趣， 以河望去城市嘅角度遊覽地方都好正， 但必須一提雖然佢有做通風， 但都係幾焗下

而家咁樣， 好似都已經冇咗歐洲旅行嗰種開心， 但為免爛尾， 最尾少少就依家打埋啦

最尾一日嘅最後一個點， 嚟到妙齡絲推介嘅 Frau Gerald's Garten， 呢度估計完先係一個雜貨倉， 活化之後變咗而家咁樣， 咁啱又到放工時間( 其實都只係六點，但對佢哋嚟講應該算係一早放曬工) ， 氣氛係幾好嘅







望住呢個餐牌， 又係時候用google翻譯




亂咁買咗一支酒， 主角係塊燒芝士， 多方查證之後我相信芝士火鍋應該係大伏， 一場嚟到又唔會唔食芝士，所以嗌咗



外面燒到有啲脆口， 再加啲好夾嘅燒汁，裏面有拉絲效果，唔錯唔錯

哇終於睇到你依篇啦
仲以為你最後冇去tim

連巴打你都就嚟打完篇遊記
我個篇都仲未完