(live)首次踏足歐洲大陸，廢青歐遊六國40日

辛苦就點都有，但又唔係全程慳嘅，



我算半窮遊la， 我住宿絕大部分都係獨立房share廁所嗰款，貴過青年旅社唔少

成日見到好嘢冇得食就真，睇我之前遊記就知我鐘意食嘢，但當地特色嘢食都會食嘅，例如葡撻波特酒燒雞嗰啲


唔好睇我咁，其實微波爐丁個pizza同其他嘢食係好頹，但其實我都覺得ok，感覺新鮮都味道ok，可能因為我第一次出歐洲，西式嘅翻丁食物我都感興趣，係香港就杯面多，丁下pizza 西式湯之類就未試過除咗慳，另一原因係我其實感興趣


仲有！其實我都問過幾次，冇人推介有咩好食！點食好西！

係喎quote返先留意到，點解唔上
我都係淨係買咗park呀樓主
palace係建築物入面先要咋
park可以上去睇架

agree
番到香港會洗得豪左
貴少少都捨得食

自己好彩學過廚識煮下野食，唔係真係死緊

終於到挪威， 但到咗先發現我哋去到最僻嗰個機場， 去市中心嘅巴士成兩個鐘先一班

我反而覺得呢邊如果你會煮飯 其實可以好平
一包意粉1€
一大盒雞肉 先3€
但分量夠食4餐
呢個價位 香港做唔到
但出街食 普遍都要10€起跳 就真係貴既

終於確實感受到物價嘅恐怖

ps nok匯率同hkd 差唔多




同以往幾個地方比，呢到好明顯現代化唔少，似係現代化版的歐洲， 周圍啲樓比較新同現代， 但同時又唔會好高同好密




幾得意， 真心feel到佢哋係對自己份工唔反感
(咁武斷話佢哋鍾意自己份工好似太誇張)

想返去即刻食餐貴嘅.....

的確我都聽朋友講過，可惜唔識同埋懶洗碗

24小時pass到手





呢度地鐵都係 幾特別， 現代化得嚟又有啲舊式

hea住hea住市中心周圍行下， 呢一帶雖然有啲保留咗舊式嘅建築， 但整體上周圍都係比較新比較現代， 成個市容嘅設計都係比較好現代化， 可以話比較似香港， 你之前葡萄牙市中心嗰邊，就明顯係沿用舊時嘅風格， 成個範圍嘅建設都係比較舊式， 兩者都各有好壞啦



呢邊周圍行下真係幾舒服， 天氣適中，馬路好闊所以行得好舒服，唔驚撞到人， 樓同樓之間又會留一定距離， 唔似香港咁逼到有一種密不透風、局促嘅感覺，下圖就係國會， 外牆係所謂嘅象牙色， 的確幾靚






買咗支碎冰條一路行一路食， 由於天氣涼爽又唔會易溶， 咁樣亂咁行真係幾正 不愧為快樂指數高嘅北歐， 但講起快樂指數， 最令我唔快樂嘅都係.....物價...

奧斯陸食嘢貴到仆街，上次喺火車站食咗間YO! Sushi，叫咗個垃圾面，成為>100HKD。個面食咗三四啖就冇，真係搵人笨。

係超市見到，試下傳聞中嘅挪威三文魚， 係幾唔錯， 最主要係佢個醃料同香港食嗰啲好唔同， 舊魚本身都ok，之後再食多幾次先

因為樓主on9.....

當時見到上去好多人排隊， 以為前面就係check你有冇買plalce嘅檢票口

早晨，琴晚洗完衫後，懶醒將啲衫掛露台，諗住吹下風快啲乾，結果凌晨落咗場大雨


吹乾啲衫中， 又可以唔使出去

嚟到滑雪聖地，holmenkollen



呢個時候梗係冇雪滑，主要係嚟睇滑雪台



呢一種滑雪䌫車，好想試下可惜冇開

模擬體驗滑雪嘅機動遊戲， 入到去有啲失望因為雖然係第一人稱，但只係2d， 唔夠感受到係滑雪台飛落嚟嗰陣凌空嘅感覺，盛惠95nok




開始入博物館同埋滑雪台頂部



museum 冇乜特別， 只是展示喺極地生活嘅動物模型， 同埋一啲以前至近代嘅滑雪設備，主角始終都係滑雪台

日日超市

我認得呀因為佢叫sushi 令我想留意下呢度日本嘢點樣


你喺挪威嗰陣點樣生存呀

喺挪威只可以去M記食cheeseburger，當年廿蚊個，真係“超值”，應該都冇乜加價。超市嘅三文魚子都算抵食，搽麵包食一流。
Btw, 巴打咁捨得俾錢入景點。

嗰度食嘢貴到仆街，根本慳唔到。一係就食M記(都要100HKD)，一係就食啲香港”好貴”但係嗰度相對”平”嘅嘢，好似三文魚、青口呢啲來自北海嘅海鮮。因為冇運費，所以都比香港平，但係每餐都要>$150hkd。

我仲記得係Oslo坐火車去睇Fjord1日團，1個人total洗咗<$2500hkd。

啲咁嘅地方乜嘢都費事再去，性價比低。

咁就梗係因為我買咗pass 個oslo pass 都係底嘅， 包好多景點入場費，但頭先個機動遊戲冇優惠


cheeseburger 我都見到， 但撳機撳極都撳唔到出嚟，毒L 想撳機算， 睇嚟都係要櫃檯嗌

三文魚子marked