(live)首次踏足歐洲大陸，廢青歐遊六國40日

樓豬一離開oslo就即刻發生槍擊案

好彩面巴離開左oslo

樓主啲影相技巧真係幫推

最後嚟咗一個我都唔知咩館， 純粹係因為見到pass包埋又咁啱經過 但係畀到我驚喜


有個聽筒然後又好多種語言簡， 然後唔同國籍嘅人就可以聽自己嘅語言， 同時又可以坐喺同一個屏幕下欣賞， 完美解決咗語言不通嘅問題


呢個芬蘭堡， 以前芬蘭仲喺瑞典嘅地頭， 但之後擋俄國嘅侵略而起呢個堡， 有7百幾支炮，當時比人話係不可能攻破，但芬蘭堡主人浠底投降，搞到芬蘭被佔領百幾年

又到毫冇營養嘅快閃遊



唔記得名嘅教堂， 見到已經閂咗門，只好打張卡，揚長而去



slience church ，外型設計非常新穎，成個木箱咁， 但裏面都係好傳統嘅教堂擺設，一排長櫈嘅種， 因為唔畀影相唔比傾計影唔到裏面，入到去坐底，真係完全靜曬，幾乎冇任何雜音， 就好似嗰種你通宵做嘢做到凌晨，全屋訓曬，只係聽到自己嘅鍵盤聲或筆聲，望出街外又冇一架車，望向對面大廈得幾個單位有開燈，嗰種感覺(又亂咁比喻)


免費入場

bye helsinki ，今日開始義工團， 依加去某個好僻嘅小鎮做義工，僻到google search 小鎮嗰名幾乎冇結果，每日好似要做6 hour嘢


呢個快閃義工團係芬蘭當地機構搞，專邀請唔同國家嘅人嚟幫手，但冇得直接去報名，要透過自己國家嘅義工團體報名(睇你國家嘅義工團同佢有冇合作關係)



而我就係透過香港某個中介義工團體，透過佢報呢個團，所以呢全部人都來自唔同國家，而且互不相識

？

google完 無差別清真寺殺人？

入咗wts group，有啲玩ocamp嘅預感，好似得我係亞洲人


係時候諗下點介紹香港同香港近況，咁大單嘢都唔知點講，另外第一次同一班鬼佬玩7日，大毒L開始驚驚地，祝我好運

今日好似有女示威者比槍爆眼

今日真係cls

日本妹畫緊富士山，介紹比班細路(之後要去小學幫手)





一次同班鬼仔鬼妹一齊煮飯仔

仲放催淚彈入地鐵.....我咁啱葵芳落車都中招，香港再唔安全了

暫時都唔會嘅，我9月仲要返學，屋企人朋友都係到，唔會咁易放棄香港嘅，但如果之後情況更嚴峻再決定

係咪有咩唔滿意

其實好多次我影得比較匆忙，當然我技巧都係好廢， 啱啱開始學玩相機

樓下努力介紹香港
不過主力介紹返香港background 就夠
最近d新聞太深 好難明
我地自己都要時間消化


https://youtu.be/MOpoMURo8pM 轉發:
連登巴打絲打製作了水準極高的英文短片向外國人介紹香港反送中示威和香港自由自治遭到中共侵犯。
請各位看後廣傳，俾like，谷起收視率，要破百萬。只要有高收視，youtube會將它置頂，放個好位。很多外國人會看到，是文宣的重大勝利，推動支持香港人奪回香港，迫使中共履行中英聯合聲明承諾。

屋主比食材畀我哋煮，比地方訓，冇床單冇被要訓睡袋，但起碼有床褥，相對我地要幫佢除草同摘蘋果

呢度冇wi-fi， 數據唔夠睇唔到片， 記者會都睇唔到




工具



開始做廉價勞工， 但其實作為都市人，咁樣回歸下自然感覺都唔錯， 一路產一路覺得原來自己都有啲價值

thx，其實好多人香港喺邊都唔知， 都幾難搞下唔知點開口 突然講呢啲


好彩屋主可能年紀大見識廣， 而且都有睇新聞知咩事， 但佢以為近排嘅活動係香港爭取獨立， 我同佢解釋返逃犯條例， 政府嘅不作為同警察過分暴力， 最後show條片畀佢睇， 慳返唔少口水， 亦避免我啲爛英文講多錯多

去老人院食晏， 雖然簡單但仲好食，特別舊三文魚

唔識煮嘢只好負責洗嘢



產完草，屋主帶我地去佢度假屋玩下，對住個湖，好誇張


cls咁嘆， 望住個湖食下生果bbq下，周圍冇遊客冇人，包曬場，佢仲話大部分芬蘭人都有個度假屋，葡萄死香港人， 快樂指數咁高唔係冇原因

去玩下艇仔，2人一組，第一次楂住支槳，本來感覺唔錯嘅.......






順住個海浪去到對面岸， 先發覺自己逆流返唔到去 係咁喺度轉方向， 最後轉得太大力， 成架船以不可挽回的速度向左傾啪一聲成架船反咗 ， 翻艇前嗰幾秒真係諗住冇了冇了冇了， 好彩都叫識游水，叫做可以自保， 同船嗰條友都唔識游水仲慘， 好彩都叫可以扶住翻咗架船


但最慘嘅係遊咗一陣終於以為掂到地下， 原來下面全部都係沼澤， 一踩落去真係幾乎上唔返嚟嗰隻， 好彩有架船借一借力先甩難， 最後重要 一邊拖住個艇一邊游上岸， 仲要唔見一隻拖鞋得返左腳，最狼狽真係今次


可憐的樓主抱頭痛哭

各位早，香港加油