(live)首次踏足歐洲大陸，廢青歐遊六國40日

哇你個Rösti好抵呀
同點解small都可以咁大嘅？

留意如果好似我咁唔跟預定時間，就要排黃牌，跟預定時間就綠牌






終於由轉車站真正上少女峰了(其實我仲係掌握唔到少女峰英文究竟點讀， 好難發音)




上山途中，有個中途站比你睇下景同適應高山反應， 得五分鐘， 真係完全快閃打卡， 雖然隔住玻璃，但係所有人都係第一下見到呢個景
(上到山頂周圍都睇到， 但依家係第一次)，好多人都嘩一聲









呢幅圖簡單易明， 睇下自己想去邊度， 然後到時跟住個數字揾就得

有兩張圖好似死咗，補返

終於落車，首先見到嘅就係百幾年前提議起呢條鐵路嘅人








買車飛嗰陣比嘅一本資料冊，呢本嘢扮係本passport，仲可以去最後一頁用印及個入境證明，幾得意






如果有睇過小弟之前鹿兒島遊記而且仲記得，呢本嘢犹係嗰到買，專儲各種遊行景點嘅印章， 今日終於派上用場， 梗係即刻及個

原來叫Rösti

的確係，一開始仲以為佢聽做big

佢張紙寫明Rösti, 雖然串錯字
佢問你big or small咋嘛

巴打你張相影得好靚

禮已送

繼續追行程，雖然實際上我已經返到香港， 但遊記仲差兩日， 放心絕不爛尾 今次少女峰真係好多事發生



首先去到一個冰雕館，呢到除咗欄杆都係冰造，地下真係有啲滑，要小心慢慢行



原來咁多年嚟你比人凍咗係到




top！ 見到張牌真係好爽， 我真係企喺最高點呀

傳說中嘅觀景台， 之前睇ming仔啲片搞到非常想嚟(圖自google)




上到觀景台，費話唔多講直接上圖，靚到唔知係景定係畫，個口呼住煙(凍呀)一邊企住係呢個景，好有feel，一時好多感覺都唔知點講，只可以話企係歐洲之巔望住其他山峰，好似所有嘢都係我腳下，咩都值返曬

因為樓主唔識up片， 所以cap圖出嚟 完全係照抄ming仔影觀景台個手法， 佢影嗰陣話 唔知自己係咪幅畫度， 佢條片我就已經睇咗幾年， 今日我終於企喺同一個地方， 只可以話不能同意更多

好想俾個正評你但仲係P牌俾唔到
你D相全部都好靚
上次我屋企人黎瑞士我地都有上少女峰
不過落緊雪，咩都睇唔到
但係我好明白你個種覺得自己喺幅畫度既感覺
我日日都係咁覺得

另外我好好奇
其實大家係咪都以為少女峰係全歐洲最高既山峰....?

原來仲一片地區可以出去行，呢次大好多，唔駛比人限住冇乜行，睇返地圖原來係到可以行45分鐘去下一個點，來回咪要成個半鐘，我得對普通波鞋成日滑，行唔到咁遠，所以周圍行下算，有一大片雪隨便行，點行都係一望無際同仲有路







行行下原來有個位可以玩雪上活動，滑雪嗰個好似冇得玩，咁就玩3號玩下索道啦，補返first玩唔到嘅遺憾







但呢個時候出大事了，當我打開銀包諗住比$玩索道，張credit card竟然唔見咗！！今翅仆街了！！！！即係好緊張咁原路返回，不斷不斷之前去過嘅每一個地方，又衝咗去information center嗰度問，都係一無所獲



禍不單行，由於我急步不斷行嚟行去，仲越行越快，而且好緊張心跳加速，開始出現高原反應


仲要一開始以為係因為太緊張冇乜care，搞到越嚟越唔舒服，好似啱啱跑完步咁喘氣、頭暈同好眼訓，差啲想開口問其他途人幫手，最慘最慘係開始暈嗰時一個企唔穩，跌咗電話個mon裂咗！shit！！！！



即刻坐係路邊抖下，整理返心情，上網block咗張卡，慢慢狀態開始好返，然後不斷安慰自己冇卡仲可以攞用剩嘅歐羅唱成瑞士法朗，唔會有事，電話未過保養期應該可以救返，調整心情繼續！

巴打好慘

執返好心情，去返玩雪上活動個櫃檯講，我唔見咗張卡，又冇瑞士錢，可唔可以比歐羅，最多1對1(歐羅更值錢)，櫃檯好好人用對講機通知在場其他職員留意下張卡，又比我用歐羅仲計匯率比




就係咁，啱啱高原反應好返嘅樓主，玩命挑戰索道！！！ 企喺台上面影嘅最後一張， 幾秒後就衝落去了

(諗番起都cls )







好彩玩完呢啲刺激嘢，高原反應都冇翻發 如果再嚟多次真係可能要即刻落山


雖然滑嘅過程唔長，但係呢個境下玩真係大加分，而且氣氛好好，好多完全唔識人納喊助威係到歡呼，仲有最後落地嗰時係剷住雪咁滑出去，下圖都明顯見到我滑出黎條軌道

可能因為突然發生咁多事，個人癲癲地，竟然飲呢個排水口嘅水



諗返起呢度好明顯唔係飲用水，排出嚟啲水都唔知邊到嚟， 邊有可能真係啲咩雪山礦泉水，冇眼睇，飲落去超級凍，咩味就飲唔到







好了，多災多難嘅少女峰之旅正式結束，其實落山周圍都幾靚，但我心裡只係諗住張卡，返到Lleine scheidegg轉車站揾炒薯仔嗰到睇下有冇，都係冇


睇返自己影啲相， 真係幾靚， 靚得好夢幻， 雪山有雪山嘅靚， 一片綠都有自己嘅靚， 一睇完雪山就即刻可以睇到藍天綠地， 真係好誇張









好彩好彩原來我漏咗係grindelwald 售票處，因為趕住寄存行李，張卡係讀卡機都未攞就走咗.... ( 因為其實係去歐洲之前， 基本上都好少用信用卡畀錢)

我特登拖到而家先po， 雖然未必有人睇，香港人831見！

推

面巴帶旗上山

thx 返工加油

琴日好攰依家update埋佢

sorry開學呢幾日太多嘢搞
保證絕不爛尾 ( 差最後一日都要拖)