(live)首次踏足歐洲大陸，廢青歐遊六國40日

入場券到手，終於可以喺門口排隊，如各位所見，等咗20分鐘，條隊先入咗一半，好熱

obligado嘅詞源係拉丁文嘅obligatus, 同日文發音相似純粹係巧合

終於入到哈利波特與書嘅世界




有兩層，上層影落去， 其實靚就真係靚， 只係可惜太多人行步路都難





樓主英文廢， 不嬲都好少睇英文書， 一年前睇完星球大戰系列，就冇再掂過， 今次係環境渲染之下買咗一本， 希望可以開啟新一個英文系列 (封面勁靚)

受教

呢邊咁大隻野都可以随便係街邊出現，仲要完全唔驚人好想捉住摸摸






行過條路易一世大橋，嚟到加亞新城河畔，呢到出名多釀酒廠，河畔周圍都好熱鬧好多小攤檔，cheers 之類嘅字不絕於耳

嚟到呢間小有名氣嘅酒廠，但可惜英文tour要一個鐘後， 只好放棄，要趕飛機




之後行下行下，見到一間僻啲，喺內街嘅酒廠，佢個tour 都要成個鐘後， 但係就係咁話可以試下酒， 最後試咗杯十年嘅葡萄酒，個杯5分1左右，係幾好飲
窮L少飲酒唔識形容，佢比一般酒甜，但甜得好自然好易入口，真係同落糖有好大分別


間嘢係內街，睇落冇乜客， 所以係咁sell我買酒，又係咁話只要買酒， 我嗰杯試酒就唔使錢(杯嘢5歐)，枱頭支酒就係我試嗰杯，成支就25歐， 講真其實幾抵， 如果唔係驚攞住支玻璃周圍行，同埋過境麻煩， 應該都會買支， 如果香港都有就好了

等陣波蘭轉機， 去挪威奧斯陸， 凌晨到波蘭然後朝早去奧斯陸，第一次挑戰訓機場


我愛葡萄牙， 呢個地方感覺比我幾好， 之前一直對葡萄牙有種嚮往， 對我嚟講係一個特別嘅地方，今次終於第一次去到，再見了

留名
特別想睇去到北歐

多謝支持


香港時間今晚我就到挪威， 到時真係睇我晚晚頹食或者煮啲垃圾

我係英國巴打
英國一樣多垃圾食物

原來清喺西班牙做嘢intern 點過去架

就咁睇葡萄牙可能比西班牙平少少， 但出去食都係偏貴， 同國家嘅發達程度唔相乎， 只可以話歐洲呢邊約定俗成係咁貴


唉……而家開始有啲掛住香港餐廳物價， 普普通通食過碟頭飯都係40幾， 頹啲食個燒味飯或者譚仔仲抵之前見識少 (直情冇出過亞洲)， 而家先識珍惜

讀緊書？
成日聽人講英國食物垃圾， 其實我只係留咗兩日， 除咗其中一餐豪啲食龍蝦包22鎊， 其他都係普通食，唔係好感受到，有幾垃圾？

其實係食黎食去都係果啲
好似比較常見嘅fish and chips咁
佢地好多唔同種類嘅薯仔製成品
同埋佢地啲肉有時唔醃原汁原味咁會好怪

唔夠喉， 去另一間出名嘅釀酒廠再飲多杯！呢杯好似係櫻桃酒， 我唔係太清楚， 味道都係唔錯




路易一世大橋有痴線佬嗌one europe for jump

嚟到波蘭機場， 等四個鐘就飛， 依加凌晨三點， 睇嚟都係唔使瞓



便利店買咗個疑似熱狗嘅嘢，計埋大約20 hkd




出去機場望下， 周圍一片荒涼， 真係得個停車場同一大堆街燈， 行個圈吸多幾啖空氣就算

好似連馬介休、豬扒包都冇食

馬介休食咗3次， 但得一次影咗上嚟， 之前喺澳門已經鍾意食


豬扒包就真係冇， 我以為唔係出名

umm 睇到我好辛苦 食又冇得食 參觀又怕入場貴 住又住到咁 我覺得歐洲唔可以窮遊 亞洲個d就冇所謂

葡萄牙真係好有澳門feel (其實應該係澳門好有葡萄牙feel)

去到挪威啲嘢貴到痴線，睇黎都唔駛出街食鳥

個個人唔同嘅。。。我去旅行真係為左睇下新地方週圍行下，食同住唔太介意～不過我都明唔係個個人都好似我咁。
亞洲反而無所謂喔？

禁好天都唔上😭😭😭

可能我覺得東南亞地方就算食窮d都冇所謂因爲消費唔貴 日本個d食平都可以好好食 但歐洲真係好參差 平野真係可以比pat屎你 想食正常d都20-30歐一個course

消費唔貴唔係應該食貴啲～？
日本啲口味又真係比較貼近我地，不過其實都唔平吖，西葡消費認真平過日本