(live)首次踏足歐洲大陸，廢青歐遊六國40日

行完梵蒂岡， 食個雪糕回下氣， 最重要係消暑

張相識影喎 好好味咁

呢度特別多同米迦勒有關嘅雕像， 我冇記錯佢應該係天使長之類( 即係天使嘅大佬)， 可能因為咁先叫聖天使堡




其中令我印象最深刻就係呢個天使露台， 撞正日落， 又可以見到羅馬周圍， 個天使就俯瞰住成個羅馬，幾有feel



可以睇下官網點形容呢度，人地啲文筆就係好
(sor殘體)

今晚又去到意大利女仔推介嘅餐廳， 一去到見到 坐滿曬local， 就知係正嘢啦







呢個係我食過最好食嘅pizza之一， 個餅底比較薄，係會軟落嚟嗰種， 面頭啲醬料同埋配料真係世界級， 佢個餅底係真係放入火爐 ( 我睇住但冇影相)， 配料都係好簡單， 番茄醬底 ，然後芝士、 肉碎同埋蘑菇



我本身唔係特別鍾意食蘑菇， 但呢個pizza嘅蘑菇味真係超級正， 完美融合成個pizza到 啲肉碎係偏肥肉， 大粒有咬口又有肉味， 芝士亦都係一流 第一次自己食完成塊pizza都覺得唔夠喉



btw， 我朋友懶得睇menu， 慳錢直接嗌咗最平嘅pizza， 結果上到嚟真係得個餅底， 連番茄醬都冇 一路望住我食一路慢慢歎啦





埋單，唔錯唔錯

開心share

名: L'Archetto
地址:Via Germanico, 105, 00195 Roma RM, 義大利

絲打你咁留意其他女嘅

(瘋狂補進度中) 終於講到今朝， 首先朝早就去出名嘅金杯咖啡，飲杯咖啡提下神， 上次試咗 另一間出名咖啡店嘅cappuccino，今次試下latte ， 味道就ok啦唔係話好驚艷， 唔錯咁， 但實在太細杯..... 冰沙就不了， 冰沙太少又貴





佢呢幅圖特別出名，打個卡先， 灑咖啡豆係幾搞笑嘅

今日終於嚟到羅馬競技場， 一去到，隊尾都見唔到， 奉勸大家絕對要預早book， 烈日當空排唔知幾多個鐘真係會死





我係買最普通嘅嗰種， 羅馬競技場1樓同2樓， 地下室同3樓只係跟tour先可以入去， 所以為位置極為有限， 我book嗰陣個期已經去到11月， 3樓同地下室都冇緣了


二樓影全景圖






原來而家個地面唔係幾百年前嗰個地面， 之前用呢隻揪個地面已經拆咗， 呢個係後建嘢



我買咗video guide ， 佢都係畀一部解像低嘅嘢你， 播住啲頹廢紀錄片 但都算講咗幾多嘢， 有七段video，包括建築特色 、歷史背景、格鬥規矩、考古專家意見等等， 一路聽一路行係ok嘅， 但今日實在太熱， 真係見到頭昏腦脹， 所以video guide 都係得過且過睇完就算， 冇消化過， 好冇營養咁兜咗幾個圈就走咗， 典型打卡港豬


最後附上打卡必備全景圖， 成座嘢的確好有歷史氣息， 真不愧為地標， 可以想像到當年嘅強大， 成座嘢都好有氣勢

我認我係垃圾港豬， 本來已經熱到頂唔順， 本身 羅馬競技場係聯票包埋另外兩個點， 頭昏腦脹行到去羅馬議事廣場， 真係完全經過望兩眼算， 毫無營養， 咩都唔知

依家隨便up幾張相上嚟算

特登up張咁blur既相

呢啲嘢就梗係自私....... 睇啦

仲有5日就要返香港了唔驚唔覺已經玩咗咁耐，差唔多一個月了，第一次離開咁耐，感覺太複雜，每日探索新事物體驗不一樣生活，覺得開心興奮好有義意，同時又有啲厭倦..... 成夜晚11點仲搭緊唔熟悉嘅車返去酒店， 諗返起香港嘅話，應該攤咗喺張床度....



差唔多係時候買手信係街坊 朱古力大家都鍾意， 意大利又出名，就買啲返去， 唔少朱古力成個cd盒咁

今晚又去到另一間意大利女仔推介嘅餐廳，感覺都係比較local，正





呢個應該係幾傳統嘅前菜， 好簡單放啲番茄碎上嗰包， 然後包唔知搽咗咩醬， 同蕃茄好夾





黑松露意大利麵，滿足了





之後去到瑞士， 睇怕都係晚超市見，最後一餐了

今晚將去到interlaken 留一晚，有冇任何推介！

去到瑞士記得要食芝士火鍋呀

終於等到你黎瑞士啦！
依兩日天氣好好，玩得開心D

暫時應該會揀去布里恩茲湖or 圖恩湖 周圍行下， 再睇下搭唔搭船， 仲有冇咩好做

係意大利叫tim 嘅網絡供應商買咗張卡， 買嗰陣明明講明話成個歐洲都用得， 依家又用唔到， 上唔到網會死，交通都 查唔到

附近好多好靚嘅地方可以去行山
我岩岩今日嘅附近行完
依家攰死

聽過好多難食嘅傳說 隨緣啦，如果經過見到，而且價錢能夠接受就試下

終於到達interlaken ost， 由羅馬搭咗好多個鐘車





車站隔離就有條河， 連住個湖， 圍住個湖行下，係景點之一， 個河水真係痴線， 籃到好似染上去咁樣

sorry 上網卡呢排冇乜信號， 等陣補番， 琴日interlaken 最後咩都冇去， 圍住 條河hea下


今日嚟到grindelwald ， 上咗first

食完夜晚已經七點幾， 算啦都係唔追景點， hea下仲舒服

我住呢度其實環境唔算好， 又細又迫又貴， 但勝在佢喺河邊， 河隔離仲放咗好多張枱櫈， 食完飯之後喺度坐咗個幾鐘， 由天光望到天黑， 連相都冇影張sor


坐喺一個陌生嘅地方自己坐幾個鐘， 開始懷念返當初獨遊嘅日子， 唔係話而家同朋友玩唔好， 各有長處啦， 但自己嗰種感覺真係冇可取替， 冇咗嗰種避世嘅感覺， 之前喺連登睇有人講過一句話，我非常同意， 同朋友去旅行就係同佢嘅回憶， 自己去旅行就係同城市嘅回憶

漢堡包皮當早餐


只要每月一個正皮， 就可以拯救一個瑞士嘅細路， 為樓主及樓主的朋友購買最基本的食物及食水，只要伸出援手， 哪怕只係一個正皮、一個留言、 一個腦魔公仔， 都足以扭轉佢嘅命運， 請即send訊息去23382338 ， 每月捐出一個正皮

on9 樓主唔見咗張eurail pass， 去到車站先發現唔見咗， 即刻跑返去琴日住間民宿揾， 張琴晚住間房反轉一次都搵唔到， 正當認命之際坐低抖下， 先發現..... 原來袋咗喺褲袋



行程延誤咗個幾鐘， 有驚無險嚟到grindelwald ， 搭火車去緊個陣已經feel到好靚， 睇之前啲連登遊記個個都話grindelwald 好過interlaken ， 一落到車，只可以話不能同意更多， 佢畀好多座好靚嘅山包圍住， 而且呢度真係周圍都係草地， 係鮮綠色、茂盛、 而且整齊嘅草地





落車之後， 梗係去民宿放低啲嘢， 打開google map， 行去都係1.7公里， 係有巴士搭 但40分鐘後先有一班， 而且我都唔知點買飛 行咪行囉！


咁就出事了 呢度啲路真係斜到痴線， 孭住大背囊加拖喼真係會死， 醒返起之前連登 遊記有人講過， 呢度啲路超級斜， 而家先醒番你太遲了，1.7公里 行咗半個鐘以上


呢度個景係唔錯嘅， 但最可惜我間房個露台係對住一個山坡