(live)首次踏足歐洲大陸，廢青歐遊六國40日

上滑雪台個電梯唔係直上， 係好似過山車咁有條軌， 搭緊個時就喺度諗， 當啲滑雪選手見到自己 離地面越嚟越遠， 離個枱越嚟越近， 究竟會係興奮定係緊張呢？




好似之前亂咁碌ig見到啲類似呢度嘅極限運動，滑落去凌空嗰幾秒真係精彩

北歐人英文勁好，cheeseburger 實聽得明～
我都係用Oslo pass，好似都唔平，所以要搏命去博物館填返條數。(其實我都係想講嗰個95蚊嘅機動遊戲)

原來遊客雖然唔可以滑落去(廢話)， 但可以試下好似吊威也咁樣落去， 可惜今日落雨唔開， 睇下價錢先，hkd 700左右，冇嘢了.....

之後嚟到一個城堡，又過百nok真係嚇死人，買飛 之後會送一個講解器， 掛住喺條頸度， 初初見唔到有耳機口，on99大大聲一路行一路播


有個講解器真係唔同啲， 雖然戴住耳機真係好似考listening 咁，但的確有助了解



冇咩好講，直接上圖







遲多兩秒就真係坐咗上去， 好彩好彩， 展品尼

之後去到維京人博物館， 最主要都係架船， 架船外面仲有好多花紋(近睇先見到)， 普通一個航海工具都要搞咁多花臣， 已經反映當年有幾勁






再去到前進號博物館， 紀念挪威史上對極地嘅探索， 又係有隻船，可以入去裏面參觀

白色嗰度就係諾貝爾和平獎紀念館， 紅色嗰度就係諾貝爾和平獎頒發嘅地方， 今日去住紀念館先


講番起， 呢度又令我諗返起香港我記得之前有篇外國文章講過， 香港人值得攞一個和平獎


今日就嚟到頒發嘅地方， 百味雜陳，睇住好多前人對和平作出嘅努力同貢獻， 就會諗返嚟香港， 走上街頭嘅每一個人， 即使紀念館冇寫， 我哋都會記得 200萬人上街嗰一日......希望聽日大罷工成功

先驅劉曉波， 以和平方式對抗共產黨， 歷史始終會還佢一個公道， 即使佢冇辦法出席和平獎頒獎禮， 依家佢個名依然同咁多偉人並列

所謂自由， 就係我有權利將呢張明信片寄出去， 寄去世界上任何一個地方， 唔會受到任何阻攔同審查

真係貴到心情都冇咗一半

呢一世人如果如果有機會再踏足呢片土地， 應該係有足夠經濟能力自給自足嗰陣

係呀 ，所以你見我今日去唔少博物館

蜘蛛仔表示....




m字頭便利店買，49nok，ok啦





搭通宵火車去bergen

終於到bergen車站， 一出火車就已經覺得凍， 唔係講笑





首先去民宿放低行李， 我今次book最cheap嗰啲 hostel， 估唔到環境又幾好





學wi-fi巴話齋， 去超市揾下三文魚子醬， 我仲以為係黑色半透明樽睇落好靚嗰啲， 原來係牙膏裝好似IKEA嗰種， 我諗得太美好了

買pass就係嗰種任去任搭嘅感覺






經過魚市場， 未諗住去住， 只係咁啱經過

老實講， 我聞到類似大阪黑門巿場嘅氣息 希望唔會中伏




依加尤里肯山ulriken， 準備登頂待續

自推

魚子醬好食？？

上面果個係印度飯?

？

第1張食物係唔係印度飯黎

我都唔知

琴日香港又發生好多嘢， 大家都冇心情，所以琴日都暫時停止咗update， 而家補返(雖然本身冇乜人)


上到ulriken尤里肯山， 我呢啲懶人就梗係選擇搭纜車來回， 直接登頂，但其實我見到好多人都係直接一步一步行上嚟，仲咩咗勁多裝備


呢道應該係成個bergen最高， 可能係影相唔靚( 當然更大機會係我 影相太廢)， 本身都冇咩宏偉高樓大廈，所以其實望地面就冇咩太特別， 但反而係咁樣，好似更加令人想像到呢片地方原本嘅樣貌


加上個國旗隨風飄揚， 真係會令人聯想到一種民族自豪感，「呢片咁靚嘅土地屬於我嘅國家！插支旗係山頂先」咁嘅感覺

其實山上嗰䌫車站唔係去到最盡， 仲有好長嘅路可以再上， 因為樓主唔想行咁耐回頭路返去纜車站， 所以只係行咗一個鐘左右， 其實條路都崎嶇， 要小心慢慢行， 但呢種比較接近自然少後期加工嘅感覺都唔錯




唔夠膽摸驚比人咬，但真係幾得意， 日日企喺懸崖邊食天然草， 係咩感受呢

行前少少見到一個好似與世隔絕嘅湖， 隔離仲有個屋仔， 好夢幻， 心目中想像北歐嘅天然景色差唔多都係咁， 仲有人玩飛行傘， 好葡萄！






唔知咩意思嘅一堆石



落山了， 雖然門票交通幾貴但係值得去

有人