(龔水) ＜若躲不過燁緣＞

唔係呀 係今日出嘅下星期供水，係我講唔清楚
定係絲今晚嘅預告都有靈感到

下個禮拜龔生應該避唔到食暗黑料理
今晚預告太cls 我寫唔出

第七十二章 <妒忌惹的禍>

經過若水的悉心照料，還有那情意綿長的吻作為療藥，龔燁很快便回復龍精虎猛，隔天便如常回公司繼續博殺。

一早回到辦公室，龔燁發現鐵面陳正在他房外來回踱步，臉色沉肅，心事重重似的。他便走過去問：

「咦，鐵面陳？搵我？」

「係啊龔生，你琴日冇番工？」

「係啊，請左病假。有急事搵我？」

他舉目四顧，放輕聲線道︰「呢到人雜，我地入房先傾。」

龔燁怔了怔說：「好。」

一進龔燁房間，鐵面陳便將房門上鎖，並拉下百葉簾，小心翼翼的檢查，確保沒有一條縫隙能讓人從房外窺探到房內情況。

龔燁見他舉動有異，便問：「咁緊張咁嘅，究竟咩事？」

鐵面陳徐徐坐下，聲線沉穩的向他彙報：「之前你叫我查艷麗熱巴嘅事，有左結果。」

龔燁一聽，心也提了起來，「查到係邊個換走啲乾花？」

「我地翻查過商場閉路電視，係事發之前，有一個形跡可疑嘅清潔女工，推住架車入過去化妝間。不過，由於化妝間入面嘅閉路電視影唔哂全景，咁啱擺花個位係死角位，所以影唔到實質證據指證係佢做。」

他不禁疑惑，「咁點解你地咁肯定係佢做？」

「因為呢個清潔女工係合約形式請番黎。事發冇幾耐，佢張合約就啱啱到期，離左職。憑我曾經任職飛虎隊，經驗話比我聽，呢件事唔會係咁巧合。所以，我暗地裡派左保安部嘅同事連日監視，終於比我查到啲野。」

他更加焦急地追問：「咁到底查到啲咩？」

鐵面陳臉色一黯，有口難言似的，思量一會才接話︰「我希望你有心理準備，呢件事係牽涉到公司女高層。」

他從制服外套的內袋中掏出一個公文袋，遞給龔燁。

龔燁接過，打開，取出一疊相片。一直翻著，映入眼裡的都是那熟悉的臉孔，令他呆在當場。

鐵面陳續解釋︰「呢個清潔女工去搵左Macy幾次，啲相影到佢地拉拉扯扯，我地懷疑佢係想問Macy攞多啲掩口費。呢件事事關重大，我唔敢輕舉妄動，所以都係交番比你處理。」

他連忙將相片收起，將公文袋的細繩繞上，臉色微僵道︰「好，我明白。」

鐵面陳再叮囑︰「咁希望龔生你會公正嚴明咁處理，比個交代朱生。」

「一定。」

「咁我出番去先。如果有咩想我再深入咁查，隨時搵我。」

「好。」

鐵面陳離開後，龔燁思前想後，突感到一股寒意，一寸一寸的，從後背爬了上來。他認識了超過十載的Macy, 那個有著玲瓏外表，待人溫婉體貼，面面俱圓的女人，竟然藏著一顆蛇蠍的心，在背後暗放毒箭，想加害於若水。而且這絕不是一般惡作劇，而是一個足以讓她丟掉工作，讓公司面臨被追溯賠償的陰險計謀。

難道這一切真是嫉妒惹的禍？Macy 勢要將與他有可能發展的女人都斬草除根？女人心真是深似汪洋大海，內裡蘊藏的心機，他完全無法揣摩。

他陷入沉思，在想下一步應當如何是好。念在昔日情份，他狠不下心腸親自向朱生揭發事件始作俑者就是Macy。但倘若他選擇包庇她，一向大公無私的鐵面陳絕不會就此罷休，屆時，事情只會更一發不可收拾。

冷靜了一會，理清好思緒，他在想，若水始終是這宗事件的受害者，也許應該先讓她得知事情真相，再作打算。

午膳時間，龔燁邀約了若水到一間位於公司附近窄巷，環境靜謐，人跡罕至的咖啡廳。他找了個偏僻的角落位置坐下。

慢慢划動著杯中的咖啡，若水笑問︰「而家我地都揚左啦，點解仲要搵間咁僻嘅cafe食飯？」

龔燁吸了一口氣，神色凝重的看著她，「今日我要同你講啲嘢，不過你要應承我，呢到大庭廣眾，無論你幾嬲都好，都唔好太激動，好無？」

若水感莫名其妙，「咩事啊？你個樣咁嘅？」

他怔了數秒，徐徐道：「之前艷麗熱巴嘅事，鐵面陳查到啲眉目。」

若水睜大眼，不由俯身向前，「真係？到底係邊個做架？」

「你睇下呢疊相，就會知。」

龔燁將公文袋遞給若水。若水取出照片，逐張逐張翻閱，那反應與龔燁初看時同出一轍。

「係Macy 做嘅？」她倏地睜大滾圓的雙眼，神情驚詫。

「其實CCTV影唔到實質證據。不過鐵面陳查到，相入面嗰個清潔工人曾經偷偷地入過化妝間，而且佢張合約之後就咁啱完左。鐵面陳覺得有可疑，一直查落去，就影到佢地曾經私底下見面幾次。」

聽完他的描述，若水嘗試拼湊出事實，「即係話，成件事係Macy 指使個清潔工人做嘅？」

他躊躇片刻，答︰「好大機會係。」

「佢咩事啊？咁大整蠱？我得罪佢啲咩啊？佢要咁黎玩我？我差啲連份工都冇埋啊！」若水瞬間火冒三丈，聲線驟然變得如洪鐘般響亮。

「殊，都話叫你唔好咁激動咯，呢件事得我、你同埋鐵面陳知架咋。」

若水仍然壓不住怒火，「咁佢真係好大整蠱呀嘛，點解要咁黎冼我？」

龔燁推敲道：「我諗佢sense到我中意嘅係你，所以想趕你走。」

「唔係呀嘛，咁都唔駛玩到咁大架。咁你打算點？」

他托著腮，展出一臉為難的愁容，「我都唔知，鐵面陳想我渣正黎做，同朱生交代清楚。」

若水一聽到事情可能要鬧到朱生那頭，又不由得心軟，「不過咁大件事，如果你直接向朱生告狀，佢以後係PR界真係唔駛立足架啦。」

「係啊。所以我諗，係咪唔應該去得太盡。」

「不過諗深一層，如果當初唔係佢去上海求Vincent嘅話，單生意都未必掹得番。佢都叫做幫左你，如果你趕盡殺絕，會唔會迫到佢發癲架？」若水在想，假如一個女人願意為了她心愛的男人不顧一切，奮不顧身，最後換來的卻是男人在背後捅上一刀以作回報，那種痛，應該是撕心裂肺的痛，痛得足以將她迫瘋。

「我都唔知。我而家先發覺，原來我識左佢咁多年，都係唔知佢個心係到諗緊咩。」

若水舒了口氣，道：「我諗我明佢點解要咁做。」

「你明？」

「我中學個陣，曾經都好中意一個男仔叫洗碗強。我個陣都試過出啲陰招，阻止其他女仔送情信比佢。」

龔燁抬了抬眉，不解地看她，「乜你地啲女人個個都咁陰濕嘅？」

「喂情敵喎，緊係想盡辦法鏟走架啦。」她說得理所當然。

「咁兩單野點同啊，你個啲就話小學雞整估下，佢個啲真係會搞到你連份工都冇埋架。」

「有咩唔同，都係因為兩個字，妒忌姐。」

龔燁見她說得如此雲淡風輕，也覺意外，「佢咁害你法，你唔嬲佢咩？」

「嬲啊，好嬲添。但係而家我又無穿無爛，而且都得到左佢最想得到嘅嘢啦，我先係大贏家，唔係咩？」

見到她如此落落大方，他眼睛驟亮看著她笑道：「乜熊若水原來係咁大方架，以前真係唔覺喎。」

「唔係大唔大方嘅問題…我只係覺得，如果由你黎揭發佢，佢一定會傷上加傷，癲起上黎，真係唔知會做啲咩。」

「但係我始終都要比個交代鐵面陳。」

「我都知你難做…」

「其實單嘢你先係受害者，不如交比你黎決定應該點做？」

她思索片刻，道︰「咁就要諗下有冇一個兩全其美嘅方法。」

（待續）

P.S. 回歸後第一篇好長，大家enjoy樓主抖左一星期，叉好電，學Stanley 話齋，更精彩嘅故事而家先開始

推左先 但唔捨得睇住

好正由又得睇洗頭水絲既故
絲打真係寫到好到肉，水水個啲口硬心軟既性格完全出晒黎
強烈建議洗頭水絲去做編劇

多謝但係我淨係識寫我中意嘅感情線架咋

咁啱準備訓教就見到洗頭水絲更文
好正！

好開心呀
我每日都有入黎睇一次
辛苦你喇洗頭水絲

推推推

洗頭水絲歡迎回歸

有更新文章了，很緊張水水會點處理，期待下一章！

終於等到你回歸啦！
睇到好肉緊，唔知水水會點做呢

洗頭水絲返嚟啦

推

辛苦哂

追緊，留個名支持先

有更新了

琴晚喺ig睇#龔水發現有新係幾咁興奮宜家嚟補返個留言推推po 樓主依舊高質

有新文 正呀喂

第七十三章 <東窗事發>

夕陽斜沉 ，綴在天邊。天空猶如一幅畫布，被浸染成火紅色。

龔燁約了Macy 上公司天台見面。基於前男友的尷尬身份，他其實也不願當這個醜人。但既然當初是他委托鐵面陳查個水落石出，了結這件事情的責任，始終落在他身上。

他雙臂倚在矮牆上，目光放得很遠，一瞬間陷入沉思。

此時，背後傳來不徐不疾的腳步聲，將他飛到遠方的思緒收回來。他別轉身，便看見Macy朝他步近。

Macy 以為自從上次龔燁絕情的甩開她後，他絕對不會主動聯絡她了，他倆的情份也到此為止。今天他的邀約，的確令她本已淪為一堆死灰的心再次復燃起來。

她走到他面前，淡漠地問︰「你叫我上黎做咩？」

龔燁聲線幽沉，「叫你上黎，係有啲事想問清楚你。」

「乜我地之間，仲有野可以講咩？」她嘴角扯起一抹苦笑。

他表情凝重，掏出一個公文袋，慢慢解開細繩。Macy 看著他的舉動，一種莫名的不詳預感湧了上來，心也愈墜愈沉。

他取出照片，一張一張攤開於她面前問道︰「艷麗熱巴啲乾花係你叫呢個清潔工人換嘅？」

Macy 一瞥那堆照片，每一張都清楚拍下她與那清潔工人拉拉扯扯的場面，神情也騰地緊繃起來。東窗已經事發，她深知再砌詞掩飾也是徒然。

她抬眸直視著他，答得乾脆：「你心入面都有答案，點解仲要問我？」

他雙目流露出淡淡的憂傷，「因為我想親口聽你講，話唔係你做嘅。」

她咽了咽，語氣篤定地道：「咁我而家同你講，係，係我做嘅。」

見她毫無猶豫，一口承認，原先在他心中僅餘的一絲奢望都被一下子禠奪去。他擰起眉頭，目光摻點痛心地問︰「點解要咁做？」

她沉默片刻，淡淡拋出一句，「因為我知你心入面嘅係Mary Hung，我唔想佢再係你身邊。」

她說得淡然，像仍然不覺得自己的做法有問題。眼前的女人，那個由中學至大學生涯都陪伴在他身邊的女人，這瞬間卻像蒙了一層霧，令他捉摸不透。

「點解你會變成咁，出埋哂呢啲陰招？你知唔知如果唔係我拖住朱生，叫佢比多啲時間我查，Mary 真係可能會比人拎黎祭旗架！」他不由提高聲調質問她。

她冷笑一聲，「冇左份工有幾咁閒，佢有你都夠啦。」

「Macy 你唔好再鑽牛角尖啦好冇？我同你分開，絕對係我地兩個之間嘅問題，唔關佢事。」

「你仲係開口埋口都提住佢。咁你而家想點？想篤我出黎？」他處處維護若水，聽在她耳中卻如針刺。

「我唔係咁嘅意思。但係我始終都要比個交代朱生。」

「已經隔左個幾月，你先攞呢啲相黎同我對質，即係CCTV根本都影唔到啲咩啦。你有必要公開啲相趕盡殺絕咩？」

「鐵面陳份人咁大公無私，如果我唔渣正黎做，佢最終都會攞疊相向朱生告狀，如果佢繼續查落去，到時後果只會更不堪設想。」

「咁我都情願係佢講出黎，都好過係你親手推我去死啊。」她淚光盈然向他喊著。

「如果佢爆左單野出黎，你以後係PR界個朵就會臭哂，好難再立足架啦。」

她憋著眼淚問：「咁你想點？」

他靜默了一會，露出一副欲語還休的表情，再徐徐開口，

「唯一嘅方法，就係你喺鐵面陳向朱生揭發之前，你自己辭職當係承擔責任。我知商心小棧有個海外人才舉薦計劃，我同個邊HR好熟，我可以推薦你，以你嘅學歷經驗，要轉過去應該冇難度。鐵面陳個邊我會幫你說服佢，希望佢滿意我呢個處理手法。」

龔燁為她設想周到，但整段話中，Macy 好像只選擇性的聽見「辭職」二字，他竟然要自己辭職，她整個人絕望得如墮冰窘，痛心地問︰「你係咪真係咁唔想見到我，覺得我阻住你地？」

見她依然偏執不悟，龔燁已無力再與她爭論。他以一種已經近乎哀求的語氣對她說：「Macy 啊，你分私分明啲啦好冇？我只係想幫你補鑊，唔想你前途一下子玩完咋。」

「我唔會辭職，你中意就去搵朱生告狀，我都唔差在比你插多一刀。」他以往的決絕，一早已將她千刀萬剮。現在他再幹些甚麼，對她也沒甚分別。

她別轉身，快步走著，一顆顆斗大的淚珠，淌過她的臉頰。她伸手想拂去，但那流著的眼淚，卻是永無休止，沒完沒了。

彈珠臺保安部

游手好閒的王朝在保安部監視著閉路電視畫面，悶得快要盹著。他一見鐵面陳回來，便打開話匣子問：「喂鐵面陳，你同朱生講左Macy 件事未？」

鐵面陳徐徐在他身邊坐下，「我同龔生講左，交左疊相比佢，會交比佢處理。」

王朝一愣，「下，你叫佢處理，唔驚佢徇私咩？」

鐵面陳一臉疑惑，「佢點解會徇私？」

「乜你冇睇秘密網架咩？」

鐵面陳露出不感興趣的神情，「你知我不嬲對呢啲八卦嘢冇興趣。」

「之前一早有人係秘密網爆料，話公關部同市場部高層曾經係舊相好，個個都知係講緊龔燁同Macy啦，你唔係唔知呀嘛？」

他目光一怔，「下，真係？」

「唉，佢地之前關係咁親密，龔燁分明係會包庇佢啦。」

王朝的煽風點火，令他不禁生出疑慮，他卻迫著自己相信龔燁的人格，「龔生應該唔會咁做掛。」

王朝再問：「咁你同左佢講呢單野幾耐啊？」

「都一個禮拜有多。」

「咁朱生有冇啲咩行動啊？」

「又好似冇。」

王朝斬釘截鐵地道：「咁佢擺明係會將啲相毀屍滅跡啦。咪住先，啲相你有冇留底？」

「咁緊係有啦。」

「咁你快啲去搵朱生講啦，陣間佢問起我地查成點，以為我地保安部失職，乜都查唔到，咁就大獲啦。」

鐵面陳沉思了會，點頭稱好。

（待續）

等睇大龍鳳
覺得水水會出黎幫Macy

下回自有分解

阿龔已經算好好人，幫埋macy有臉子咁離開仲唔識做
等睇佢被鐵面陳踢爆

係啊 仁至義盡啦諗哂後路

好耐無留名
多謝洗頭水絲繼續出文 慰藉我地嘅心靈